التصفيح

التصفيح المقدمة
كولي التمرة وقولي أنا حيط والراجل خيط
أنا لامانبيش مانحبش التمر
ماما هيا حلوة انتى شطورة باش نشريلك بطاطس
انا نختطى ف خيوط ونقول انا حيط والراجل خيط سبع مرات كان عمري ستة سنين لما قالولي بنمشونلعبو
ف الحوش
انا لبنى تعالي نعلبو انا حيط والراجل خيط
فيصل(زوج ماما) شن تقولي أنتى تعالي
انا ماما رفعتنا اليوم ولعبنا لعبة انا حيط والراجل خيط وجرحوني ف رجليا
لبنى حتى انا
فيصل ياسميرة تعالي
ماما خيرك
فيصل شن يقولو بناتك وين رفعتيهم
ماما مشيت صفحتهم
فيصل شني التصفيح هدا تحسابيهم سيارات
ماما ههههه هوا نفس الشي غير انا صفحتهم بش حتى لو قربهم حد يقعدن بنات ومش حايتحول لين يتزوجو
فيصل شي لله العجب نحس فيه كذب
ماما لا هلبة ناس يديرو فيه وخاصة ناس الزمان يخافو ع بناتهم وايامات الحرب
فيصل أها ان شاء الله خير
بعد مرور 19سنة
انا لين واليوم كيف خشيت 20 اختى لبنى اكبر منى عمرها 22 وعندي خوي من أمي نادر 13سنة ماما وبابا مطلقين وماما تزوجت فيصل رغم انه سكار وحشاش بس هيا صابرة وساكتة لأنها ماتبيش تطلق مرتين وخايفة من كلام الناس
بابا من لما طلق ماما مانعرفوش عليه شي وانا كان عمري سنتين لما طلقو مانعرفش حتى شكله شن رايكم نكمل