( احببته رغم تكبري?❤)
الحلقه 6 السادسه ♸?

انا فتحت الباب ودخلت لقيت فراشين استغربت قعدت انوض في مالك
انا.. نوض هيا علاش محوس المربوعه هكي نوض
شفت الفراش التاني في حد راقد وبعدين مالك طلع راسه
مالك.. ??? اطلعي اطلعي
انا.. هدا من كانت انت غادي ??
مالك.. تي اطلعي
طلعت ولحقني في الصاله وانا مصدومه ومن هوا المسكين يلي حصل ضربات
مالك.. انتي شن دخلك للمربوعه يافرخه شن دخلك
انا.. وانا شن يعرفني بيك انت روحت اه وما قلت بنروح غدوا
مالك.. عاجبك الولد يضحك عليك
انا.. وعلاش يضحك ان شاء الله مصح وجه
مالك.. انتي مصح وجك نازله ضرب في الولد قريب فتحتيله جنبه ??
انا.. مبردك وتضحك فوقها اصلا من هوا هدا يلي معاك
مالك.. معاي عصام وتوا بما انك نوضتينا بري ديريلنا فطور هي
انا.. لالالا والله ما خاطري
مالك.. امشي خيرلك ما تاكلي طريحه
انا.. اف باهي
مالك شبحلي ويضحك ???
انا.. في حاجه ضحك مبردك
مشيت درتلهم فطور وهما ناضو مالك ركب دوش ونزل اما عصام دخل للحمام المربوعه ودوش وكان معاه لبس وطلعو برا فطرو ع ةالطاوله وانا دخلت للمربوعه نضمتها وطلعت

مالك.. هههههه شن وضع جنابك توا
عصام ..والله ياراجل جاي بنوض نحساب روحي في الحوش لانه اسيل اختي مرات حتا هيا هكي قريب نضت نكشخ بعدين ادكرت اني في حوشكم استغربت??
مالك.. ههههههه صار باهي يلي ادكرت تي والله بعدين لما تاكل احرف من يلي خديته من الضرب ??
عصام.. عندها الحق روحنا فليل متأخرين ودخلنا زي المخانب وانت ماقلتش لي اهلك روحت ومعاي ولد
مالك.. دخلت لقيتهم راقدين اكلهم بنوضهم ينخلعو فتتهم راقدين
عصام..حصل خير هادي اختك الصغيره صح
مالك.. اهااا اصغر وحده واغلى انسانه ع قلبي❤
عصام.. ربي يحفضهالك ان شاء الله
مالك.. ان شاء الله

انا.. حي حي العار
مروه.. خيرك شن في
انا.. المسكين سلفك اعطيطه طرايح باهيات
مروه.. كيف وينه هوا
انا.. راقدين في المربوعه نحسابه مالك
سمر.. تبصري هههههههه??
انا.. وقت ضحكك انتي والله معاد نقدر نقبله وجي
شهد.. المسكين والله سخفني حصل خلعه ع الصبح هاجمه عليه زي الهبله
انا.. اف اف اسكتو خلاص
ماما..شن في تضحكو
مروه.. كوكو ضربت عصام المسكين تحسابه مالك راقد
ماما.. ومالك شن قال
انا.. قعد يضحك
ماما.. هههههه المسكين هما وين توا
انا.. درتلهم فطور مقعمزين في الجنان
ماما.. هيا بتمشو توا لي حوش جداكم ولا بعدين
انا.. بنمشي معاك
مروه.. حتى انا بنمشي لانه بنروح المغرب ومرات غدوا مش جايه
شهد.. لالا انا وسمر مش ماشيين
ماما.. هيا مروه وكوثر نوضو نمشو
انا.. هيا
طلعنا برا ولقينا عصام ومالك البرا وعصام كان يدخن ومقبل للجها التانيه
ماما.. السلام عليكم
مالك.. صباح النور
عصام حدف دخانه وناض
عصام.. وعليكم السلام كيف حالك ع فاديه
ماما.. الحمدلله كيف حالك انت
عصام.. الحمد لله بخير
ماما.. شن حال امك وخواتك ان شاء الله كويسين
عصام.. في نعمه الحمد لله
مروه.. شن ياعصام حصلت ضرب ع الصبح ??
انا طلعت وجي ولا احمر من الحشم
مالك.. ههههه هربت
عصام.. متعود وانتي عارفه اسيل لاكن اليوم جتني من اختك ?
ماما.. مجنونه البنت هادي ديما بي مشاكلها
مالك.. والله عليها جو ما عادي
ماما.. انا ماشيه لي حوش جداك تبي حاجه خواتك الداخل
مالك.. تمام
ومشينا لي حوش جداي
انا.. السلام عليكم
ع.حنان..وعليكم السلام
سلمت وقعمزت
ع.حنان.. وين امك
انا.. جايات ورايه قريب يدخلو
مرام.. هيا نكلموهم مكالمه فيديو والله استاحشت ماما
انا.. والله حتى انا استاحشت بابا وجداي
ماما ومروه دخلو وسلمو وقعمزو واتصلنا بي بابا فيديو
انا.. بابا كيف حالك
بابا.. باهي الحمد لله كيف حالك يابنيتي
انا.. بخير الحمد لله كيف حال جداي
بابا.. تسلم عليكم اهيا توا بجنبي
انا.. الحمدلله معاك مرام تبي تكلم امها
بابا.. ان شاء الله
كملنا المكالمه وقعدنا نهدرزو
انا.. مرام هيا ناخدو سيارة بابا ونطلعو شويا ومرجهو
مرام.. باهي نقول لوئام
انا.. اها قوليلها وانا نمشي نسخن السياره
طلعت للحوش سخنت السياره وركبنا
مالك.. اسمعي وين ماشيه
انا.. بنطلع انا ومرام ووئام كسدنا
مالك.. ماتبعدوش ولما نكلمك ردي
انا.. حاضر
طلعنا درنا في الجردينه ومشينه للبحر وكان في سياره مضلمه تلحق فينا
انا.. يابنات السياره من بكري وهيا ورانا
مرام.. لالا مرات نفس الطريق
انا.. اهااا ممكن
وئام.. افتحيلنا اغاني
انا.. امسكي الجهاز وافتحي انتي
وصلنا ودرست السياره ونزلنا ودرست بجنبنا السياره المضلمه لاكن ما دورناش قعمزنا ع الشط
مرام.. بنصور المنضر يجنن
انا.. خساره هاتفي في السياره
وئام.. جيبيه ونشوفو احلى صوره
انا.. تمام
مشيت نجيب في هاتفي من السياره فتحت الباب وركبت
انا.. انت شن تبي من بكري وانت ورانا
؟؟ انتي كوثر صح
انا..? انت من تعرفني
؟؟ انا فاعل خير بنقولك الرقم يلي كان يرن عليك……………..

يتبع

للكاتبه
Ŕàhmä Mq