احببته رغم تكبري الحلقه الحاديه عشر

رواية(احببته رغم تكبري?❤)
الحلقه 11 الحاديه عشر

ماما.. لاكن انا مش موافقه بنتي قعده صغير وبعدين كيف نعطو الصغيره واخته اكبر منها مانخطبتش
مالك.. غير كيف هكي يا أمي?☹
بابا.. يامالك كوثر موافقه صح
مالك.. اي يابوي موافقه
بابا.. باهي نادي سمر وناخدو رأيها

مهاب.. اممم خيرك مسكته
مروه.. لا شي بس امت بنمشو للمصحه
مهاب.. اهاااا خايفه تخسري العناد صح
مروه.. خلاص عاد انا قلتلك لو ولد بمشو للشرق
مهاب.. اهااا حتى انا قلتلك ادا كان بنت ح نمشو لمصر
مروه.. بس عرس شهد بعد اسبوعين كيف
مهاب.. الاسبوعين هادو نمشو فيهم وبعدين انتي حامل يعني مش ح تقدري اديري شي
مروه.. تمام حاضر بس انا خاطري في بكلاوه
مهاب.. حاضر توا نجيبها معاي وانا مروح كيف تبيها
مروه.. جميع انواعها
مهاب.. هههههه حاضر تبي حاجه تانيه
مروه.. انت امت بتروح حتى نمشو
مهاب.. مع المغرب
مروه.. دير بالك ع روحك
مهاب.. حاضر

بابا.. خلاص توا ارتحتي سمر وقالت انا مانبيش لانه تبي تكمل الطب قبل
ماما.. ع خير ان شاء الله لاكن العرس بعد تطلع من الثانويه
بابا.. اكيد وبعدين الكليه تكمل عند راجلها اصلا كلية القانون في صبراته
ماما.. ان شاء الله
___________??__________

انا.. يامالك يامالك
مالك.. نعم خيرك تعيطي انتي وين
انا.. تعالى انا في المطبخ
مالك.. نعم شن تبي
انا.. اسمع لما تروح جيب معاك فراوله
مالك.. باهي هدا بس
انا.. اوووو شن صار في الموضوع
مالك.. كلمتهم وقالوو ??
انا.. قالو لا صح كنت متأكده مش ح يوافقو
مالك.. هههههه?? خيرك عصبتي هدا غير كنتي ماتبيش تتزوجي شن تغير في الموضوع
انا.. مبردك هيا قول شن صار
مالك.. مبروك عليك اهلك وافقو وانا توا طالع عصام يستنى فيا
انا.. اهاااا هوا توا برا اسمع مش تقوله طول تو يحساب قالقين مني
مالك.. عارف يا هبله وبعدين انتي من يمل منك

______?عند مروه?______

مهاب.. هيا يامروه بعد نروحو كملي ماكله
مروه.. حاضر بس والله طعمتها حلوا وانا كان خاطري فيها ?
مهاب.. باهي صحتين عليك بس خلينا نمشو خلاص الوقت
ناضت مروه وطلعو .. بعد وصلوو للمصح

الدكتوره.. تفضلي اجلسي انتي في اي شهر توا
مهاب.. الخامس يادكتوره
مروه.. ?? فنصت في مهاب
مروه.. اي في الخامس
الدكتوره.. تمام ارقدي ع سرير خلينا نطمنو ع الجنين ونعرفو شن جنس البيبي
مروه.. تمام
الدكتوره.. صحة الجنين كويسه
مهاب.. شن جنس البيبي
الدكتوره.. هدا اول بيبي ليكم
مروه.. اهااا اول بيبي
الدكتوره.. خلاص اول بيبي بنووته
مهاب.. خشي مش قلتلك يا ميمي والله بنت ?
مروه.. مهاب خلاص قدام الدكتوره
الدكتوره.. خليه فرحان اصلا اي اب يتمنا اول بيبي بنوته

في السياره
مهاب.. اممم توا شن صار ياميمي الصبح نحجز تدكره لي مصر
مروه.. حبيبي خلينا نمشو للشرق وبعدين ندخلو لي مصر بالسياره
مهاب.. اوك حتى هدا حل

_______???_________
مالك كلم عصام بعد يومين وقاله انه اهله موافقين اما انا قررت معاش نفتح هاتفي لعند اهله يجو اما مروه ومهاب مشو للشرق وبعدها لمصر واحنا كملنا تجهيزات عرس شهد وحجزت الفيلو والصاله

_____اسبوع عرس شهد _____

انا.. صباح الخيرات
الكل.. صباح النور
ماما.. هيا قعمزي افطري
انا.. لالا والله ماخاطري بعدين نفطر
مالك.. عندك الحق نايضه ادان الفجر تاكل نفس الفار وياريته طالع عليك
شهد.. امبارح ماتعشتش هدا علاش
ماما.. امبارح مدايرين دوشه وانتم تهدرزو لصبح
مالك.. يودعو في بعض الهبلات
انا.. مالك صبح خيرك
مالك.. والله تعرفي نحب نعفلقك مش عارف علاش
انا.. تحب تعفلقني صار لاكن مش ع الصبح
بابا.. خلي اختك في حالها انت من الصبح مستلمها
انا.. بابا ممكن طلب
مالك.. ههههههه ممكن هادي وراهاا مصايب
انا.. خليك ساكت دقيقه بس
بابا.. نعم شن تبي بنتي
انا.. نبي فلوس بنشري قفطان لي الكسوه والحفله وحاجات ناقصيني
بابا.. توا يابنتي كل عرس تشري لاكن حاضر نعطيك وبعدين مالك يرفعك اشري
مالك.. تي غير كيف انا بنطلع
بابا.. انا عندي شغل اليوم وانت بترفع اختك
انا.. ?? هيا انا توا بنركب نضم داري ونبدل وننزل تمام ملوكه
مالك.. والله كان متسكتيش تعرفي مزال تقولي الاسم يلي قلتيه توا تشوفي والله ماني رافعك بعدين
انا.. اسفه والله اسفه ?? يا ملوكتي ???
مالك.. تي اقلبي وجك من قدامي خير من انوضلك

ركبت بدلت ومشيت لي بابا اعطاني فلوس ونزلت
سمر .. حتى انا بنمشي
مالك.. باهي هيا بسرعه ادان الضهر بنروح بيكم
انا.. لا والله لو ماكملتش ماني مروحتها
مالك.. تي غير هيا اطلعو
طلعنا للمحلات وروحنا ادان العصر ?? وفات اليوم وجي اليوم لي بعده

يوم الاتنين ♴ الساعه 5:30

انا.. اهلين والله استاحشتك
مروه.. انا اكتر منك وين العيله
انا.. ادخلي كلهم الداخل يستنو فيك من بكري
مروه.. السلام عليكم
ماما.. ضمت مروه وقعدت تبكي
انا.. ماما هما اسبوعين بس
خ. سعاد .. خلاص فكونا عاد هدا عرس بلا بكي
ماما.. ارتاحي بنيتي اكيد تعبتي من السفر
مروه.. وين بنروح للحوش ندير فيه دوره ونشوف حوش عمي ونوتي حواجي ونجي فليل
ماما.. اهااا صح واسمعي زيدي كلمي حوش عمك هوا عزمناهم لاكن حتى انتي كلميهم
مروه.. ان شاء الله هيا سلامات توا
كلنا.. سلام

مالك.. الوو نعم
زهره.. اهلين كيف الحال
مالك.. الحمدلله شنجوك انتي
زهره.. تمام وين في بجنبك دوشه هلبا
مالك.. في الحوش ولاد عمامي لاكن بعيد عليا
زهره.. اهاااا كويس بكل
مالك.. كلماتك كوثر
زهره.. اهااا كلمتني
مالك.. باهي شن صار
زهره.. كلمت ماما وقالت نشوف بوك قبل
مالك.. اهااا تمام بس كان جيتي لازم نشوفك
زهره.. لالا يامالك خلينا بعاد ع المشاكل
مالك.. مشاكل شن يازهورتي بس قوليلي انا بنشوفك من بعيد يعني مش واقف عليك فهمتي
زهره.. يصير خير
مالك.. اسمعي كلمت امي وقالتلها بعد عرس شهد بنمشو نخطبو
زهره.. امت الاسبوع الجاي
مالك.. اهااا يوم الخميس ان شاء الله لانه يوم الاربعه بيجو اهل عصام
زهره.. اهااا كويس يلي قلتلي حتى حتى نوتو بس قولي ليش بيجو اهل عصام
مالك.. بيخطبو كوثر والله نسيت ماقلتلكش
زهره.. مش مشكله عادي بس هالطشه بتنخطب ان شاء الله ربي يكمللها ع خير
مالك.. ان شاء الله يارب حبي انا توا بنسكر تمام
زهره.. تمام رد بالك ع نفسك
مالك.. حاضر

انا.. ياشهد هيا تعالي خلاص سكري بعد يومين ماشيتله
شهد.. هيا هيا اصلا قلتله بنسكر الهاتف لعند يوم الخميس
انا.. احسن مادرتي هيا الناس برا بنبدو من اليوم سهريات
شهد.. قصدك في هلبا ناس انا نتحشم مستحيل نطلع
انا.. تي هيا بالك بلا كدب اطلعي
ع. ابتسام.. كوثر تعالي انتي ومرام مدو لي مالك العشي
انا.. هيا حاضر بس دقيقه نادي مرام

مرام.. هيا هاني جايه معاك نلبس وشاحي بس
مالك.. هيا ياكوثر بسرعه
انا..خود السفره بس انت بس شوف حد معاك
مالك.. باهي تو انادي عصام البسي وشاحك
مرام.. احم بينادي عصام
انا.. خلاص اسكتي تو يسمعنا
عصام.. احم ياكوثر
انا.. نعم تفضل
عصام.. بلا رسميات جيبي السفره ومعاش تطلعي هك تشبحيش في الاولاد كيف يدورو
انا.. ?? اهااا تمام
مرام.. هههههه ياغبارتك من يلي جايك
كملنا ومشينا جهت البنات
سمر .. هيا تعالو تعشو نستنو فيكم
انا.. لالا مانبيش والله ماخاطري
وئام.. ههههه جايها خناق العرايس بدل شهد
سمر.. اسكتي فضحتينا الناس تسمع فيك
وئام.. خلاص سكتت

ماما.. يامروه تعشيتي
مروه.. اهااا شدتنا مرة عمي قالت تعشو معانا وغدوا جايين وبيقعدو عندنا
ماما.. عارفه لما كلمتهم قلتلهم بتقعدو عندنا لانه الطريق مش كويسه
مروه.. اهااا تمام انا بنمشي نبدل وننزل مع البنات الليله بنبدو السهريات صح
ماما.. اهااا من الليله ان شاء الله

انا.. هيا يابنات جبت الدرابيك تعالو نهال.. اسمعي بعدين بنفتحو المنضومه
انا.. لالا مانقدرش انتي في عرس صرمان مش طرابلس فليل بعد الساعه 1 يروحو الناس نكسدو في داري عليهااا اوكي
نهال.. تمام هيا من بيدربك
مرام.. كوكو هاتي انا بندربك
ع. حنان.. هيا دربكو انا بنرقص
انا.. اووووو هيا ولعو الجو
قعدنا في جو التدربيك والعياط لعند الساعه 12:30 وبعدين الناس بدت تروح ضمينا ودخلنا الداخل والاولاد قالو بنرقدو في الجنان ونحن البنات فرشنا في داري اما امي وعماتي وخالاتي في الصاله

مرام.. هيا وينك ساعه
انا.. تي حصلت في مالك قالي ديريلي سفره الولاد جيعانين
سمر.. اعطيني عصير والله عطشت من العياط
شهد.. شدو حيلكم هدا اول يوم
انا.. حسني نصدمت هيا كولو بسرعه حتى انزل السفره بعدين نسكر الدار ونفتحو المنضومه
نهال.. لاكن والله اعراسكم تهبل
انا.. احسن من منضومه
نهال.. يارب انطيح في واحد صرماني
مرام.. بصوط واطي مانقصنا غير انتي توا امشي مرض
وئام.. اسكتي ريحينا منها ومن مشاكلها
نهال.. شن تقولو شاركونا الحديث
مرام.. حديث عائيلي حبيبتي

_______ ???_________
للعلم انه عندي 2 عمام عمي إبراهيم وعنده ومرته اسمها منال وعندهم ولد واحد اسمه امير وهوا مسافر يكمل في قرايته في المانيا ..وعمي الصغير اسمه حسن وخاطب بنت خالته اسمها حياة .. اما عماتي عندي 3 عمات عمتي حنان وعندها مرام2000 ومهند1991 وصقر1997.. اما عمتي إبتسام عندها وئام 2001وصفاء ومروه توأم 2006 وعمر 1998 .. اما عمتي
خديجه عندها بنت فاطمه م 89 متزوجه وعندها بنت وهيا تكمل في قرايتها في امريكيا ومراد 1992 متزوج و عنده ولد ومرته حامل

اما.. نهال هادي بنت صحابنا من طرابلس متعودين عليهم ومعرفينهم ع العيله يعني كل فتره يجو ويقعدو عندنا وكدلك نحن نمشولهم وهيا حاطه عينها ع خوي مالك بس هوا مطنشها عندها اخ واحد اسمه فراس
بوها اسمه خالد وأمها هناء

عندي 2 خالات خالتي سعاد مش متزوجه وخالتي هاجر عندها طبعا تعرفوها يلي هيا ام محمد راجل شهد قريبا ….
__________???__________

انا.. هيا نوضو خلاص الضهر ادن بكري
شهد.. خليني نرقد مبارح مرقدتش
انا.. لا على اساس اما يلي رقدت تي نوضي عروس راك شويه تانيه وبنمشو للحمام
شهد.. اييي علينا باهي
سمر.. صباح الخير
انا.. الله يعطيك عصا ع راصك تي صبح شن توا الساعه 1:40 نوضوووووووو
نهال.. خلاص اسكتي نضنا ازعاج ع الصبح
ماما.. ان شاء الله قعدين راقدين
نهال.. اه لالا مرت عمي نايضه من بكري انا
مرام.. والله كداب نفس البنت هادي ماشفت
سمر.. المسكينه ماتحسابش مالك خطب
وئام.. والله سخفتني تتأمل ع الفاضي
مرام.. شوفو شن بندير
شهد.. غير تعالي شن بديري
مرام.. كوكو
انا.. نعم
مرام.. زهره بتجي ولا لا
انا.. ?? هههههه اي بتجي اليوم
مرام.. احلفي البنت هادي جوها عسل يا نيال مالك
نهال.. من تكون البنت هادي
وئام.. خطيبة مالك اسمها زهره علاقه من الثانويه
نهال.. ???? قصدكم مالك خطب
انا.. اهااا خطب بس مزال ماكملناش ف البنت ان شاء الله الاسبوع الجاي
نهال.. اهااا مبروك عليه ان شاء الله
انا.. الله يبارك فيك وعقبالك يارب
نهال.. اممم ان شاء الله وفي خاطرها والله لما ناخده مالك
ماما.. من بيمشي للحمام مع شهد
انا.. انا بنمشي
سمر.. حتى انا بنمشي
مرام ووئام .. حتى نحن بنمشو
انا .. نهال بتمشي معانا
نهال.. نشوف ماما قبل من بيرفعكم
انا.. في هلبا سيارات لاكن اركبي معاي انا
نهال.. اممم تمام
انا.. ماما اليوم غدانا مقطعه (رشده مبكبكه)
ماما.. اهااا اي
نهال.. ليش
انا.. هدا عاداتنا من قبل يوم الحنه نديروها

بدلنا ومشينا للحمام درنا جو وروحنا الغصر انا حنيت يدي الاتنين بحكم منتحمل الحنه العاديه وطبعا اليوم بيقرو الفاتحه بعد العصر

ماما.. لولولولولوي
انا.. مزال ماقروش الفاتحه راه
مالك.. ياأمي
ماما.. نعم
مالك.. قالك بوي توا ماشيين بنقرو الفاتحه باش توتو الرجاله بيجو هني
ماما.. باهي حاضر
بعد نص ساعه
محمد.. الووو
انا.. اهلين بالعريس كيف حالك
محمد.. تمام الحمدلله كيف حالك انت
محمد.. والله ميه ميه
انا.. اي عندك الحق تبي شهد
محمد.. اهااا ياريت والله
انا.. ياشهد تعالي عتدك مكالمه
شهد.. من
انا حطيت الهاتف في يدها ومشيت
شهد.. الوو
محمد.. نعم يامرتي وحلالي الف مبروك علينا ياروحي
شهد.. قعدة تبكي
محمد.. ليش البكي تواا
شهد.. من الفرحه والله انا اليوم اسعد انسانه في الدنيا وأخيرا حب طفولتي توا هوا راجلي
محمد.. الحمدلله والله نفسك مش قادر نوصف فرحتي اليوم لازم نشوفك
شهد.. لا اصبر هوا غدوا بس وبعده نكون عندك
محمد.. اي يا شهوده لكن والله مستاحشك
شهد.. وانا اكتر منك بس انا نبيك تستاحشني اكتر وتوا بنسكر
محمد.. باهي يا شهد والله لما ندمك عليها حرمتيني من صوتك باهي
شهد.. ههههه باي حمودي ودير بالك ع نفسك نحبك
طوطوطو

مروه.. كوكو تعالي شويه
انا..نعم شن تبي
موره.. حوش عمي جايين في الطريق باش تستقبليهم
انا.. اممم باهي من جايبهم
مروه.. ههههه عصام
انا.. ?اهااا باهي تمام
ركبت لبست وشاحي وخديت فتحت هاتفي
انا.. الوو
عصام.. ايوااا
انا.. شنجوك
عصام.. اسمع شويه بس ونكلمك
انا.. في بجنبك حد
عصام.. اهاااا
انا.. تمام
بعد شويه بعتلي مسج
عصام.. انا قريب نوصل جايب اهلي عندكم نبي نشوفك ضروري
انا.. تمام
بعد 5د عصام.. انا وصلت
انا.. تمام

انا.. اهلين تفضلو
ع.نجاة أم عصام .. اهلين كيف حالك
انا.. الحمد لله كيف حالكم انتم
ع.نجاة.. الحمدلله بخير مبروك ع وخيتك ومبروك عليك
انا.. تحشمت الله يبارك فيك اهلين اسيل شنجوك
اسيل تمام الحمدلله احم كوثر
انا.. نعم
اسيل.. خوي عصام برا وقالك تعالي
انا.. في حد في الجنان
اسيل.. لالا مافي حد
انا.. تمام

شهد.. يامروه وين كوثر مشت
مروه.. مشت تستقبل في عيت عمي جو
شهد.. اهاااا هههه وانا نقول البنت اختفت
مروه.. توا انا بنمشي نسلم عليهم وين ماما
شهد.. ماما في المطبخ

طلعت لقيت عصام مقعمز ويدخن
انا.. احم
عصام.. جيتي
انا.. عصام حول يلي في يدك
عصام.. تمام وحدفه شنجوك
انا.. تمام شنجوك انت
عصام.. وتسألي ع جوي صار ليش مسكره هاتفك
انا.. اممم قلت نهاش نكلنه لعند ما يتم فيا
عصام.. اهاااا صار هكي المهم شنجوك
انا.. والله تمام
عصام.. اسمعي
انا.. يييي عصام والله مانحب من يقولهالي كلمت اسمعي انا عندي اسم
عصام.. باهي شن تحبي
انا.. ?? هيا قول شن تبي تو يشوفنا حد
عصام.. باهي ياكوكتي بنقولك اللبس القصير فكينا منه في العرس تمام
انا.. كحكحكح
عصام.. ههههه خيرك
انا.. لا شي بس هوا من توا هكي
عصام.. ليش مش عاجبك
انا.. لا ليش مايعجبنيش بس انا قعده مش خطيبتك
عصام.. عارف مش خطيبتي بس حبيبتي وانا مانبيش حد يشوفك غيري فهمتي وردي بالك تطلعي مره تانيه زي المره لي فاتت لما تمدي في السفر
انا.. حاضر من عيوني في اوامر اخرا
عصام.. ربي يخليلي عيونك يلي هبلوني لالا توا مافيش حاجه اخرا بس بعدين نفكر ?
انا.. انا بندخل توا تبي حاجه
عصام.. لالا مانبي شي لاكن بالله عليك بعدين خلي هاتفك مفتوح اصبري دقيقه بس طلع جاب كيسه من سيارته ورجع امسكي ومتخليش حد يشوفك
انا.. بس شن هدا وانا كيف بندخلها
عصام.. ديري رايك كلمي اسيل تجي ادخلها
انا.. تمام
عصام.. هيا سلام توا ونفس ماوصيتك
انا.. حاضر ?

كلمت اسيل وجت دخلتها لي داري وطبعا مافضيتش حتى نفتحها

ماما.. ماشاءالله على بنيتي طالعه تهبل في البودري
انا.. تجنني ياخيتي طالعه سمحه
شهد.. جايك الدور ماتخافيش
انا.. بعد سنتين ههههه
شهد.. والله السنتين هادو يفوتو كأنهم اسبوعين
انا.. خلينا في توا هيا اطلعي لي الناس
شهد.. ماما الساعه كم بنبدو في الحنه
ماما.. بعد ادان العشاء يتعشو الناس وبعدين نبدو في الحنه
شهد.. تمام

فات الوقت وحنينا شهد ودرنا سهريا قعدنا للفجر وطبعا الاولا بابا دارلهم طرد من الحوش وقاللهم اقعدو في مربوعة عمي ابراهيم

الصبح الساعه 11:55 نضنا متكسرين من السهر
انا.. صباح الخير
خ.سعاد.. صباح النور
انا.. وين ماشيه لابسه عبايتك
خ.سعاد.. اليوم كسوه بنمشي لي خالتك هاجر
انا.. اهاااا كويس يعني غدوا بتجينا نحن
سعاد.. ان شاء الله

اسيل .. كوكو تعالي شويه
انا.. نعم
اسيل.. هاتفك وين
انا.. انا والله ماني عارفه يمكن في داري
اسيل ..ياويلك من عصام من بكري يرن عليك
انا.. ايي عليا والله نسيته
ركبت نجري في الدروج ووو……..اييييي ???

يتبع انتضروني قريبا ?