رواية(احببته رغم تكبري?❤)
الحلقه 8 التامنه

بابا..هلا بي بنيتي
انا..??? امت روحتو
بابا.. قبل شويه وصلنا للحوش
انا.. الحمد لله ع سلامتكم كيف حالك يا جداي
جداي بارغم من انه قعدا رزينه من الجلطه بس تحاول انها تتكلم
جداي.. حالي باهي يابنيتي انتي شن حالك
انا..الحمد لله بعد اطمنتك عليك وحالك كويس
بابا.. خلو جداكم ترتاح لانها ما تبيش الدوشه
ماما.. ان شاء الله بس الناس شن نقولولهم لما يبو يشوفوها
بابا.. يشوفها من غير دوشه
ع. حنان.. ان شاء الله
طلعنا من الدار وخليناها ترتاح
ماما.. يا احمد جيبولنا فراوله لانه بنديرو عصير طبيعي وشكلاطه والحلويات وصينا وغدا يمشي حد يجيبهم
بابا.. حاضر توا نكلم مالك يمشي كوتر وسمر هيا برو معاي للحوش نضمو الشنطه وديرولي حاجه ناكلها
انا.. حاضر من عيوني كم عندي بابا انا
بابا.. ههههه انا عارف هدا كله علاش
طلعنا مع بابا ومشينا للحوش

مالك.. اوووو بوي نورت الحوش تفضل تفضل
بابا.. يزيد فضلك يا وليدي شن الشغل مشيت لشركه في غيابي
مالك.. مره مره نمشي والامور تمام
بابا.. باهي ياولدي صحيت بس من الاسبوع الجاي بي تبدا اداوم في الشغل
مالك.. ان شاء الله
سمر.. بابا تعالا لي كوثر ماتبيش تنضم معاي الشناطي
انا.. يابابا انا بننزل نديرلك غداك
مالك.. تعالي تعالي ديري لي بوي الغدي وانتي ساكته
بابا.. خيركم معاها بنتي تعالي انا وياك نديرو الغدي
انا.. ???? مقهورين من الملكه
مالك.. والله يا فرخه كان نجيك تو نوريك شن الملكه
بابا.. مادخلكش بيها هيا الملكه والسلطانه وغصب عليك
سمر نزل .. لا اني بديت نغار مش كان هيا الصغيره خلاص
بابا.. خلاص اكلكم ملوك عندي تعالو في حضني قعدنا نجرو من يوصل لي بابا الاول بس للاسف وصل مالك وبعده سمر وانا قعدت واقفه نتفرج درت درامه زعلت
مالك.. فتحلي يده خلاص تعالي يا طشه
تمت الاحضان العائليه وطلع مالك وانا دخلت للمطبخ وبابا ركب يدوش حتى يريح وسمر تنضم في الشناطي
وانا كملت وركبت السفره لي بابا
بابا.. صحيتي سلم يدك
انا.. سلمك تبي حاجه تانيه
بابا.. توا لا بس لو نبي تو انادي عليك
سمر.. بابا انا كملت
بابا.. باهي تلقي في الدولاب كيس جيبيه
انا.. شن فيه يا باباتي
بابا.. ههههه غير جيبيه
جبته وطلعلنا منه كيسين واحد ليا واحد لي سمر
فتحته لقيت فيه حديده دهب مكتوب فيها اسمي
انا.. شكرا بابا حلوا هلبا
سمر.. شكرا بابا
قلنا خلاص توا امشو لي حوش جداك ساعدوهم
انا.. تمام
دخلت للحمام(حشاكم) توضيت وطلعت صليت العصر وبدلت لبست سروال احمر جلد وبلوزه سوده لعند الركبه وشاح حرايري في اللون الاحمر والاسود شنطه حمره ولبست ساعتي وطلعت
سمر.. هيا كملتي
انا.. اهااا كملت بس نلبس سبيدرو (كويش)
سمر.. تمام حتى انا هيا
نزلنا قعمزت قدام الباب نلبس كملت ونضت طلعنا وصلنا لي حوش جداي وكان مالك واقف مع عصام قدام حوش جداي
مالك.. معاش تطلعي انتي وياها تمام
سمر.. باهي حاضر
دخلنا لقينا الحوش زحما
ماما.. تعالي وحده منكم مع البنات وحده تطلع تنضم الجنان وتكنس قدام الباب
انا.. انا نطلع لجنان
طلعت نضمت الاحديه وكنست التراب ودخلت
ماما.. كملتي
انا.. اهااا كملت فات اليوم والحوش فضي من الناس قعمزنا بجنب جداي ودخلو الاولاد قعدنا نهدرزو درنا دوشا
ع. ابتسام .. والله معاد قاعدين هني اكلكم اطلعو هدرزو برا
طلعنا للجنان نهدرزو رن هاتف شهد
شهد.. انا نستأدنكم
مهند.. اوووو حبيب القلب يتصل
مالك.. تي سكر فمك يافرخ
مهند.. ماقلنا شي احني عادي
مالك.. هيا نوض انت وياه خلي نطلعو للشارع
سمر.. مالك نبي نروح لانه غدوا عندي جامعه بنراجع شويا وبنرقد
مالك.. مافي حد في الحوش بتروحي انتي بس
انا.. اصلا حتى انا بنروح وشهد يمكن بتروح
مروه .. وين ماشيين
مالك.. بنوصلهم للحوش بيروحو
مروه.. اهااا حتى انا بنمشي معاكم بناخد شنطي مهاب شويا ويجي
مالك.. باهي بري يا كوثر نادي شهد وقولي لي امي

شهد.. نعم
محمد.. ينعم عليك حبيبي كيف حالك
شهد.. الحمد لله كيف حالك انت
محمد.. تمام كيف حال جداك توا
شهد.. كويسه وضعها متحسن هلبا
محمد.. باهي الحمدلله ريحتيني
شهد.. ههههه لالا ماتخافش وضعها تمام
محمد.. معناها خلاص العرس نهايت ا لشهر الجاي
شهد..اي حبيبي
محمد.. وأخيرا حب طفولتي بيقعد حلالي
شهد.. اممممم اي بنقعد حلالك امالا حلال من
محمد.. حلال محمد بس قوليلي انتي شن مزالك ما خديتيش
شهد.. شبه كملت بس ناقصني حاجات بسيطه
محمد.. الدفع بنخليه الاسبوع يلي قبل اسبوع العرس والتفريش الخميس
شهد.. حتى هدا راي كويس انت تبي تقرا الفاتحه
محمد.. يوم الحنه العشيه بي نقرو الفاتحه ان شاء الله
شهد.. ان شاء الله
انا.. شهد يا شهد
شهد.. دقيقه بس محمد.. نعم يا كوكو تعالي انا هنايا
انا.. هيا بنروحو للحوش
محمد.. سلميلي عليها الشيطانه هادي
شهد.. بكل بسلامتها
انا.. شن تقولو عليا
شهد.. يسلم عليك محمد وقالك يا شيطانه
انا.. طالعه لي ولد خالتي .. تي هيا انتي مالك يستني
————————–—
مروه.. ماما انا ولبنات مروحين لانه بناخد شنطي مهاب جاي
ماما.. باهي انا شويا تانيه ونروح
مروه.. تمام

طلعنا روحنا وصلنا مالك للحوش ورجع لي يهدرز مع ولاد الشارع

مروه.. كوكو تعالي طلعيلي الشنطه لسياره صوت سيارت مهاب
انا.. باهي تمام
خديت الشنطه وطلعت فتحت بابا السياره يلي من الخلف وحطيت الشنطه
انا.. كيف حالك يا مهاب
…… مهاب حال كويس وحتا انا حالي تمام
انا.. هييي انت وين مهاب
عصام.. خيرك نخلعتي وكانك شفتي شبح
انا.. لا بس توقعت مهاب لانه جاي بيروح بي مروه
عصام .. اهاا صح بس مهاب اتصل بيه بوي قالي برا روح بيها
انا.. اهااا كويس
عصام.. يلي صار بكري معاش يتكرر لانه هوا كان قاصد انه يفوت من جنبك وضرب فيك قصدا حتى يستفزك وانتي معاش تردي حتى انتي تستفزيه
انا.. ?? والله المفروض نسجلوك في كتيب العائله حتى مالك ماقالهوليش الكلام هدا
عصام.. والله غبيه وفي حياتك ما تفهمي
انا.. وشن هوا يلي مانفهماش
عصام.. خلاص بري ادخلي تو يفوت حد في الشارع
انا.. اوكي تمام?? دخلت وطلعت مروه
انا.. سلامات بري اونه سلفك في السياره
مروه.. عارفه توا اتصل بيا مهاب قالي
انا..تمام
دخل وسكرت الباب ومشيت للبنات في الصاله
شهد.. اسمعي انتي وياها نبيكم تقيمولي عرسي ?
انا.. اي نوقف قدام الباب ونقوللهم انتي ديري هدا وانتي هداكا ?صاح
سمر.. ?? اي والله حق تي نوضي ارقدي العرس مزال عليه شهر وتتشرط من توا
انا.. اقعدي فيها انا بنرقد تصبحو ع احلام مرعبه ? وتنوضو الصبح تبكو ??
ركبت لداري بدلت لبست قفطان نوم ومشطت شعري وخليته مفتوح وخدت هاتفي ورقدت ع السرير قعدت نفكر في كلام عصام شن قصده بيه فتحت النت دخلت ع الفيس قعدت ندور في ايميله ولقيته تفرجت ع ايميله بعدين قلت نبعتله ايضافه ونسكر النت بعتله ورقدت
#الكاتبه Ŕàhmä Mq

نضت الصبح غسلت وجي وتوضيت وصليت الصبح فتحت النت لقيته موافق ع الطلب يلي بعته سكرت النت ونزلت
انا.. صباح الخير ماما
ماما.. صباح الورد بنيتي
سمر.. صباح الخير
انا/ماما..صباح الورد
هيا قعمزو الفطور واتي وين مالك
انا.. يمكن في الدوش ماما بابا وين مهناش
ماما..بوك طلع بكري مشي للشركه وقال قولي لي مالك يجيني بعد ينوض نبيه
مالك.. صباح الورد لأحلا وردات في حياتي
انا.. صباح الفل
ماما.. صباح النور قعمز افطر لانه قالك بوك تعالالي في الشغل
مالك.. اي صاح قالي امس والله نسيت كوتر فطرتي
انا.. قدامك قعدا نفطر شن تبي
مالك.. كملي واركبي حدديلي لبسي
انا.. تمام
كملنا الفطور وركبت حددتله ودخل مالك بدل وانا نزل نضم الحوش مع ماما لانه سمر ركبت تبدل بيرفعها مالك للجامعه وشهد قعدا راقده

مالك.. هيا ياسمر اخرتيني وقت
سمر.. جيت باهي جيت عياط ع الصبح
طلع مالك ومعاه سمر اما انا ضميت الحوش وركبت نضمت داري ونزلت ماما.. خلاص كملت اركبي بدلي ونوضي شهد انا بنمشي لي حوش جداك
انا.. تمام سلامتك
ركبت فتحت دار شهد ودخلت ركبت ع السرير وبديت انقز
شهد.. وراس كوكو اطلعي خليني نرقد
انا.. نوضي خلاص الضهر بيأدن وانتي قعدا راقده
شهد.. باهي خلاص نضت اطلعي
انا.. باهي نبدل ونجيك والله نلقاك راقده طاسا ميه ع راسك
طلعت مشيت لي داري طلعت سروال امريكي ازرق وبلوزه موف هادي فوق الركبه والوشاح حرايري مخربش ودخلت دوشت وطلعت لبست ودرت عطر ولبست الحديده يلي جابهالي بابا وخديت هاتفي ونزلت قعمزت في الجنان فتحت هاتفي لقيت مسجات ع الماسنجر
عصام.. صباح الخير
انا.. صباح النور
وفي خاطري شكله متع بنات وافق ع الطلب وطول بعت مسج
عصام.. شنجوك
انا.. الحمد لله شنجوك انت
عصام.. تمام ميه في الميه
انا.. ربي يدوم عليك
عصام.. وعليك
عصام ….____
انا..?? كيف

يتبع

Ŕàhmä Mq