قد إيه الغُربة صعبة

يلقى الكون جواه بَراح
كل شيء كان له مُباح
كل أوقاتي دي مِلكُه
في المسا أو في الصباح
هي دي نهاية السماح؟
لازم أندم ع اللي راح؟
وإن حُضني كان في يوم
ملجأه وفيه يرتاح؟
ليه بإيدينا بِنِمحِي
نبع حياة نَوَّر ولاح؟
رسم الأمل جوا القلوب
بُلبل يِغَني بصوت صَدَّاح
قال حافظوا دايماً
على وعدكم وعهدكم
دا الوفا طبع المِلاح

والوفا نِجيبُوا منين
عُمله نادرة من سنين
لاجل ما اسَلِم للأنين
أخدت شنطه وهِدمتين
قولت أبعدلي يومين
أو سنه أو حتى اتنين
وقبل ما ابعِد خطوتين
هزم قلبي الحنين
مقدرتش ابعِد عن
بلدي اللي فيها ضي العين
مملكتش غير دعا لربي
هو السَنَد هو المُعين.