قصيدة : خليك بعيد

وأول مهتتعب هتلاقي الكل يبان
بس بلاش تكون عشمان
في حد يسأل ويهتم
وياريت تخلي عندك دم
الإنسان بطبعه قلاب
ويوم متقرب من حد
خليك واقف ع الباب
إوعى تدخل ✋ .. ودايما إعمل لنفسك حساب
مفيش حد بيقدر
وصدقني مهما تعمل هيكونلك صفر ع الشمال
شخصياتنا كلنا واضحه
وبتتفهم والله .. مش غامضه
بس إحنا ال بنحب نتعمي ع الحقيقه .
ما الحقيقه معروفه إنها مُره
نشوف عيوبهم ف نمحيها ونغمض عيونا عليها
ونعدي كتير ليهم
ويوم منتسأل على أساميهم
نقول دول رزق وسند لينا
وفي الآخر هتكتشف إنك كنت ولا حاجه
يدوب شخصيه طيبه ف الكل بيجي عليها
أصل البعيد قريب كالعاده
والقريب سايب حقه بزياده
خليك بعيد ✋
#Dina_Saad