مرت الايام ومشيت مدرسه
انا:سلام عليكم
سماح :عليك سلام
انا:شنجوك
سماح:بخير وانتي
انا:الحمدلله
سماح:شنجو عامر
انا:خطرها قالي نحبك
سماح:باهي انتي شن قلتي
انا:نموت فيه بس ما قلتهش له
سماح:عليش
انا:قلت نفكر خايفه نخسره ونقاعد بلاه
سماح:عليش تفكير هضا انتي قوليله لي في قلبك وهو توا يفهمك
انا:انشاءلله خير
سماح:ماتضيعش مرات فرصه جاتك تغيرلك حياتك
انا:انشاءلله

روحت للحوش
ماما:تعالي سعديني
انا:كنك
ماما:جيتنا مرام
انا:صاح باهي توا نغير ونجيك
خشيت غيرت وطلعت سعدت ماما

الكاتب:Arhima Alagory

بعد العصر باب يدق
طلعت نجري فتحت باب
مرام:حضنتني رايفت عليك
انا:حتي انا وسلمت عليا وخشت
علي:خير يا هاجر
انا:خيرات علي تفضل
علي:توا نخش ورد علي للسياره كان جايب تورته ومشروب وجو هضا
انا:خشيت بابا علي برا راه
بابا:طلع هي علي خش
علي:توا نخش يا عمي
بابا:مجد تعال خوذ من علي

عندنا في حوش
ماما:شنجوك يا مرام
انا:اكيد تمام عليوه هضا
مرام:الحمدلله
انا اذكرت لما جيت لهلي اول مره بعد زواجي وخطرت عليا الايام لي مع انور
ماما:هاجر انتي
انا:اه نعم
ماما:ساعه ندويلك
انا:نعم معاك
ماما:امشي حطي كاس امياه للرجاله وديري قهوة
انا:بشويه غير يتنفسو بس
مرام:مزال لسانك
انا:زاد 3سنتي اخره
مرام وماما: ههههههه

مشيت درت كاس امياه وقهوة وجو هضا وبعدها قعدنا نهدرز ودرنا عشاء وروحت مرام ولميت الحوش خشيت دار لقيت فوني 9مكالمات لم يرد عليها
انا:حي عليا من هضا لقيت 6عامر1سماح و2موده
رنيت ع سماح اول وحده
انا:الو
سماح:ايواه شن صار
انا:في شنو
سماح:بكرا جايه ولالٱ
انا:والله مانضني لان جتنا مرام وتوا كيف كملت الحوس نحس في روحي تعبانه
سماح:تمام سلامتك حبيبتي

وسكرت رديت ع موده
انا:دودي
موده:وينك يا حنه
انا:والله كانت عندنا مرام وكنت حايسه
موده:شنجوها
انا:الحمدلله
موده:باهي بكرا تعالي جيتني سلسبيل ونور
انا:حاضر توا نجي بس عليش
موده:انا كلمتهن مريفين ع بعضنا كنك انتي تعالي وسكتي
انا:حاضر
موده:خلاص باي
انا:باي

الكاتب:Arhima Alagory

سكرت ورنيتع عامر
عامر:حبيبتي وينك خوفتيني عليك
انا:نجكليا حبيبي
عامر:شنو
انا:حبيبي
عامر:حبيبك
انا:اها حبيبي نحبك انا
عامر:وانا نحبك يا روحي
انا:ربي مايحرمني منك
عامر:ولا منك بس وينك نرن ماتردش
انا:والله مشغوله كانت عندنا مرام
عامر:اها باهي تمام

وقعدنا نهدرز انا وعامر وكان احلي انسان عرفته في حياتي يخاف عليا ومهتم بيا وحنون بكل معايا بس هضا كل لا شفته لا هو شافني

مرت الايام وجا يوم كنت في مدرسه رن فوني لقيته عامر وكانت حصه ثانيه رديت عليه
انا:اهلين
عامر:بيك
انا:كيف حالك
وطلعت للدور ثاني في روشن طويل قعدت مصبيه ع روشن ونحكي معاه
عامر:تمام وانتي
انا:الحمدلله
شفت واحد في سياره قدام مدرسه يدفي قلبي ع قزاز سيارته انا خفت وحولت
عامر:هاجر خليك ع روشن نبي نشبع من شوفتك
انا:انت هضا
عامر:اها نبي نشوفك
انا رجعت للروشن
عامر:محلى عيونك
انا:تسلم بعدها معش شفته عامر وينك نبي نشوفك
عامر:روحت توا مره ثانيه
طبعا انا قلبي بسرعه وفرحنه بس نقول هضا شيفته ومار عليا بس وين مش متذكره

المهم روحت ومرت الايام وانا وعامر كل يوم نتعلقو ببعضنا اكثر وانا نحبه وهو كيفي وما يكمل يومي الا بيه كان ما كلمنش نحس شي نقصني نصفي ثاني كان يقولي عيونك سحروني يا هاجر حبيته بجنون وكان ومانتحمل البعد عليه

عدت الايام وجا يوم لي ما كنتش متوقعته
انا:فاتح نت ونتصفح شوي شفت منشور عجبني المنشور درت تاق لعامر وعندي صديقتي تعرفني وتعرف عيلته انور

الكاتب:Arhima Alagory

خشت عليا بنت خاص
بنت:هلا هاجر
انا:اهلين
بنت:شنجوك
انا:الحمدلله وانتي
بنت:تمام نبي نسالك
انا:تفضلي
بنت:من لي درتيله تاق ع منشور
انا:هذا عامر حكيتلها قصته
بنت:عليش تكذبي يا هاجر
انا:والله ما نكذب عليش نبي نكذب
بنت:هضا اسمه عماد ويقاعد ولد خالته انور طليقك يا هاجر
انا:انصدمت شعرت بقلبي كانه موس يقطع فيه اذكرت كل حاجه مع عماد ليش دار هكي
انا:والله قالي اسمه عامر ومانعرفش ان قريب انور
بنت:المهم انا نبهتك وعرفتك اكويسه

طول رنيت ع عماد وانا نبكي
عماد:الو
انا:قولي توا انت من
عماد:كيف انا من
انا:انت عماد ولد خالته انور صاح
عماد:اها صاح
انا:حرام عليكم شن تبو مني يكفي ولد خالتك عذبني انت شن تبي مني اخره عليش درت هكي عليش خلتني نتعلق بيك
عماد:ساكت
انا:رد
عماد:هاجر لو تقولي توا اقتل روحك نقتل روحي والله نحبك وانا متعلق بيك واجد والله مانتحمل عيونك ولا دمعتهن حرام لي صار فيك انتي حرام ليش تزوجي صغيره والله مانقدر ننسى عيونك هاجر والله بنموت والله انا نحبك
انا:عليش كذبت عليا
عماد:صاح كذبت في بدايه عطيتك اسم واحد ثاني لان كنت نبي نهدرز وخلاص بس بعد عرفتك وعرفت طيبه قلبك تعلقت بيك حبيتك بجنون والله
انا:انت ما فكرتش فيا شن يقولو ناس عليا طلقت من راجلها مشيت لولد خالته رد عليا
عماد:عادي
انا:كيف عادي انت تفكر في نفسك وانا شن مصيري
عماد:مش قادر ننساك انا تعلقت بيك حولت نبعد عليك مش قادر
انا:حتي انا مش قادره ننساك بس خلاص قصتنا انتهت انساني وامسح رقمي لي بينتنا خلاص
وسكرت وانا نبكي بعد رديت قويه رديت انجرحت اخره وجرح هضا اقوى من لي قبله انور فراقه عادي لاني ماحبيتش بس عماد نموت فيه وصعب فراق انسان تحبه

الكاتب:Arhima Alagory

رد اتصل اخره
عماد:هاجر مش قادر ننساك
طبعا نحنا الاثنين نبكو
انا: عماد انت اول حب ليا ماعمرش حبيت انسان كيفك بس حبنا مستحيل يصير منه خلاص ?
وسكرت تلفوني وانابنموت من قهر لعند اليوم وانا مقهموره وما نسيتش عماد ومرايفه عليه بس لي بيني انا وعماد مستحيل يصير منه ومستحيل نرتبط معاه لان ولد خالت انور وهم عائلتين وعلقتهم اكويسه ببعضهم مستحيل قصتنا تكمل وهضا كل مش عارفه نرتاح مع امه وخواته ولا لا في نهايه نهيت علاقتي مع عماد وانا في قلبي حب كبير لعماد وبقدار جرح كبير واكبر من حب ولي يقول قصتنا تكمل عادي مش ح نوجهو مشاكل واجد وبعدين انا شفت واجد في حياتي معش نتحمل اكثر صاح صغيره بس شفت واجد انجرحت واجد وتعرف ع ناس واجد حبيتهم وحبوني في لي كرهني وضربني بسبب كنت طيبه معاهم واجد واكثر شي كسرني فرقي ع عماد لان بجد حبيته واجد وتخليو انك تكون متعلق بشخص وبعدها معش تلقاه معاك والله واعره بس الله غالب ??هذي قصتي ونبيكم تدعولي ربي يسعدني ويكتبلي حياه احلى من لي شفتها لان بجد تعبت والحاجات الحلوه ما تكملش معايا ?
**********(النهاية)**********

هذي كانت قصة المطلقه صغيره نبيكم تدعولها ربي يسعدها ويهنيها وللعلم انها تقرا في تعليقاتكم يعني لي قرا القصه نبي منك تدعيلها وشكرا لمتبعتكم ليا وللقصه واسف كان تاخرت في تنزلي القصه ولا رد ع تعليقات ولا ع خاص وانتضروني في رواية جديده تحياتي Arhima Alagory