رواية شهوة الحلقة 12
رواية شهوة الحلقة 12
رانيا:خشت الدار قامت الطرحه وخش وراها رمزي
رمزي:حط يديه الزوز ع خصرها …محلاك بي الڤيلو
رانيا:خلاص وصلت للي تبيه؟ارتحت؟
رمزي:مزاااال في نار داخلي قاعد مرتحتش
رانيا؛بي استغراب …كيف؟
رمزي:شاف لي السرير وضحك …هنايا بتريحيني
رانيا:شدت يديه وبعدتهم علي خصرها …طلع زوجك مني مجرد شهوه لا اكتر
رمزي:مس رقبتها…كان ع الشهوه في الف بنت نقدر نجيبها حتي بي الف دينار
رانيا:به علااااش انا فهمني ؟؟!
رمزي:نحب البنت الصاعبه تعجبني يعني توا انا بنتزوجك وكلللل منبي نكسر خشمك يلي رفعتيه عليا نجيبك لي السرير ومتقدريش تتكلمي يااااا
رانيا:شافته بغضببب وقهر
رمزي:ياحلالي …انا طالع من الدار وتيلي روحك ودلعي الجو لين نجيك
رانيا:ساكته
رمزي:متمسحيش الروج والمكياج …خليه بنمسحهولك انا?….وطلع
رانيا:معادش تشبح في شييي قدامها نهااااارت بي البكي
اسيل:هياااا امل اطلعي من الحمام الرح سااااااعه
امل:ندووووش
اسيل:وااااك
طق طق طق
اسيل:فتحت الباب …شن ادير هنايا?
معتصم:دف الباب وخش
اسيل:اطلع وين خااش
معتصم:خيرك متباعده عليا حتا لي الصاله معش تنزلي؟
اسيل:شن تقول انت علاش بنتباعد عليك
معتصم:شد اسيل من مرفقها….مديريش جو الاستعباط فاهمه انا شنو نحس وانتي شن تحسي علاش تتباعدي فهممممميني?
اسيل:نفضت يده بقوه…اول شي انا منحس بي شي وقتلك مرررتبطه ولا تاني شي معش تجي لي الدار بروحها امك واختك مش مخليتنا في حالنا بتزيدني انت
معتصم:الولد يلي واقف معاك في كافي الجامعه شن يبي
اسيل:وانت علاش تسأل وشن دخلك
معتصم:لصقها ع الحيط وجي عليهاا….مطلللللعينيش من طووووووري??شن يبي قتلك
اسيل:اول مره في حياتها تشوف معتصم هكي متكنطي…يبي شوية شيتات
معتصم:بعدي ع دين فيته تسمعي فياا
اسيل:نزلت يديه يلي كانو محاصرينها…خليني في حالي معتصم ومديرش عليا الشويتين هادم وبرا للجيش يلي تكلم فيه
معتصم:مسكها من رقبتها من خلف ولصقها ليه….خيرك متبيش تفهمي انتي
اسيل:سكرت عيونها لان كان قريب ليها هلبا …شنو بنفهم
معتصم:كيف جاي بيتكلم قاطعه صوت فتح باب الحمام
معتصم:بعد من عليها ووقف عادي
امل:اسيل طلعت و….معتصم؟
معتصم:اي جيت نطمن عليكم او ناقصكم شي
اسيل:ترعش مع بعضها…سلامتك كان حتجنا شي تو نكلمو عمي بشير
معتصم:قام حاجبه وشبحلها شبحة تهديد وطلع
رانيا:استسلمت للواقع نحيت الفيلو ودموعي موقفوش لبست روب الدخول ومسحت دموعي وقعدت مقعمزه ع السرير قداش نتمنى تصير معجزه ويجي انس ينقذني من كللل يلي قاعد يصير
رمزي:وقف ع الباب…قمر عروستي
رانيا:متكلمتش
رمزي:قعمز جنبها وبدي يتحسس في جسمها بي يديه وهيا قريب تموت من دااااخل محرووووقه بس متقدرش تمنعه رقدها ع السرير غمضت عيونها ودموعها ينزلو وهوا هجم عليها زي الكلب
بشير:اكيد …يعني تسحابيني منعرفش ان انس مشي لي تونس عشان ميحضرش الفرح؟
منى:هم وفتكينا منه
بشير:اي تو خلي نرقد ..مزال البنت الوسطيه معتصم مش عاجبني ها الايام
منى:كيف بتشوفلها صرفه هادي
بشير:زي اختها
منى:وتلقى حد ياخدها
بشير:اكيد متشغليش بالك
منى:ارتااحت ورقدت جنبه
اسيل:طول الليل مرقدتش ملخخخخبطه اول مره نشوف معتصم يتكلم جديات هكي بس منقدرش مستحيل نسمح لي روحي نحبك حتا شووويه مش ليه انا ولا يمكن نكون ليه اصلا
رانيا:فتحت عيوني بعد محسيت رمزي نزل من السرير عيوني كانو مضبابات منشوفش كويس لين لمحت الطرف الابيض وعليه الدم شفت جسمي كله علامات ومش لابسه شي غير اني مغطيه بي شرشاف?مقدرتش انوض من كتر ما بكيت ونهد حيلي
رمزي:طلع يمسح في شعره من الدوش شنو متبيش تنوضي ادوشي؟
رانيا:اطلع من الدار وخليني
رمزي:ضحك طالع ياحبي نوتي حاجه ناكلوها دوشي والحقيني
رانيا:استنيته لين طلع ونزلت من السرير شوي شوي خشيت تحت الدوش وانا نبكي بي حرررررقه حاسه روحي فقدت شي معش يتعوض كأنه اغتصبني مش راجلي
في تونس:-
انس:مقعمز في الديسكو …..يشرب ويشرب ويشرب ويحاول ينسى ومش قااادر كل ميسكر عيونه تجي صورت رانيا بين يديه حتى البنت يلي تفوت قدامه يتخايلها رانيا لين خلاص سكر عيونه وقعد يكسر في كل شي قدامه ويعيط بي شكل هستيري ومحدش قدر يسيطر عليه لين جوه زوز من امن الديسكو طلعوه
رانيا:دوشت وصليت وانا طووول سجودي نبكككي وندعي وقلبي محروق …كملت صلاتي ورقدت غميت وجهي
رمزي:خش لي الدار ولما شافها طلع وخلاها
معتصم:متوتر وماشي جاي لي في غرفته مش مستوعب يلي داره ويلي قاله لي اسيل ومش فاهم روحه شن يبي وعلاش مسيطره علي عقله رغم انها عراكات هيا وهيا وديمه تبين انها مش طايقاته
ثاني يوم:—
رانيا:نضت الساعه1الضهر قعدت ندور في الحوش ووجهي تاعب من كثر البكي وحمدت ربي ملقيتش رمزي
اسيل:لبست حوايجها هيا وامل وطلعو مع بعض تلاقو مع معتصم
معتصم:وين؟
اسيل:هيا امل
معتصم:دفها من كتفها….نكلم فيك وووين؟؟
امل:بنمشو لي بابا زياره اليوم
معتصم:به اركبي انتي وياها تو نحطكم
تسيل:كتر ربي غير التاكسيات الحمد الله
معتصم:متسكريش راسك اسيل
امل:هيا اسيل
اسيل:تنهد…وجت بتركب السياره
معتصم:الكبيره فيكم تركب القدام
اسيل:قلبت عيونها وركبت
امل:كانت فاهمه علي معتصم بس ساكته وتضحك
انس:السلام عليكم
منى:ولدددي ???الحمدددد الله ع السلامه
بشير:سلم عليه الحمد الله ع السلامه ليش مقلتش راهو جبتك من المطار
انس:مفيش داعي اهو وصلت ..شنو كملتو عرسكم؟
منى:اي كملنا وكانت فرحاااانه بطير رانيا ربي يهنيها
انس:ان شاء الله?بنركب نرتاح شوي
منى:به ياغالي ارتاح مابين درتلك فطور
انس:لالا منبيش بنرقد
منى:ع راحتك
رمزى:خش للحوش وشاف رانيا مقعمزه قدام التلفزيون وذااابله …شن اديري
رانيا:قدام عيونك اهو
رمزي:نوضي هي نمشو لي امي
رانيا:منبيش تاعبه
رمزي:ابتسملها:نوضي خير منقلب الدنيا عليك توا
رانيا:تنهدت وناضت تبدل…لبست عبايه ازرق كحلي مع وشاح اسود وشنطه سوداء وطلعت
رمزي:تي خيرك هكي اسود في اسود متقوليش عروس
رانيا:ليش من قالك عروس يعني؟؟نعرف العروس فرحانه بي عريسها مش هكي
رمزي:به بري غيري حوايجك بلا لوك لوك زايد
رانيا:شبحتله بي قرف ورجعت دارها
في السياره:—
اسيل:مربعه يديها وتشوف لي الروشن وانل مقعمزه بينهم
معتصم:ترا افتحي قجر السياره ومديلي البطاقه الشخصيه
اسيل:تحت القحر وقابلتها ورده حمرااا
امل:حي محلااااها الورده متع منو
اسيل:مدتله البطاقه ….اكيد لي وحده من المزيتات لي منو بتكون يعني ؟?
معتصم:بدون ميشوفلها…جايبها ليك
اسيل:نصدمت?
امل:??
اسيل:غيرت ملامح وجها …وشن المناسبه يعني
معتصم:شفتها كيف حلوه ومعبيه شوك زيك حلوه لاكن وقحه ?
اسيل:ونبي??
امل:ونبي كان متبيهاش بناخدها
اسيل:خوذي
معتصم:شبحلها…يهون عليك؟!
اسيل:سكتت وخلت الورده عندها
رانيا:بعد ماغيرت حوايجه وطلعت هيا ورمزي قعدت ساكته طوووول الطريق لين وصلو لي حوش امالي رمزي
رانيا:خشيت نسلم عليهم وحوسة العرس قاعده شكلهم دارو عرس كبير بعدها قعمزت وحطو الغدي كانو فرحانين بيا بس انا مش بالعه حد فيه معرفتش السبب ?
اسيل:اكيد فرحانه كيف بتكون العروسه امالا?
سمير:به الحمد الله اكيد طلعت احلا عروس في الدنيا
اسيل:طلعت صورت رانيا من شنطتها وعطتها لي بوها
سمير:بكي من فرحته
امل:مسكت يده …هدي روحك بابا
سمير:تمنيت نكون معاها في يوم زي هاذا لاكن الحمد الله ع كل حال المهم فرحانه
اسيل:بتسمت وباست يد بوها
الشرطي:الزياره انتهت
اسيل:دير بالك ع روحك بابا ومتفكر في شي كلناااا بخير ره
سمير:ابتسم وحضنهم الزوز. وبعدها طلعو
اسيل:ركبت السياره ونزلو دموعها
معتصم:خيرك في حد كلمك؟
اسيل:هزت براسها بمعنى لا
معتصم:شن فيك؟
اسيل:ولا شي هيا روح بينا
معتصم:ولع السياره وطلع
رانيا:سلمت علي امالي رمزي وطلعت معاه ركبت السياره ومضااااايقه بتتفجر
رانيا:رمزي
رمزي:اخيرا نطقتي اسمي…ها عيوني
رانيا:نبي نشوف خواتي
رمزي:اااياه علينا عاد من اول يوم
رانيا:بالله عليك ماعنديش غيرهم خمسه دقايق بسسس
رمزي:بدون نيه…بببه
اسيل:نزلت من سيارة معتصم وقعمزت في الحديقه وامل خشت تغير في حوايجها
معتصم:قعمز جنبها…قاعده متبيش تقولي خيرك
اسيل:مضايقه
معتصم:من شنو؟!
اسيل:حاسه ان رانيا تزوجت وخلت عليا حمل ثقيييل لازم نوري لي بابا انا حني كويسين وامورنا تمام رغم ان الواقع بلعكككس
معتصم:ليش شنو ناقصكم؟!
اسيل:اب وام
معتصم:مسك يدها …مجرد شهور رح تفوت بسرعه ويرجعلكم
اسيل:سحبت يدها…ان شاء الله
معتصم:شاف لي يد اسيل …شكلها عجابتك الورده
اسيل:ابتسمت ….لانها ورده بس مش لانها منك
معتصم:زيدي اكدبي
اسيل:خشت للڤيلا وخلاته
انس:شن جو
معتصم:تمام الحمد الله ع السلامه امتى روحت
انس:اليوم
معتصم:قاعد منكد بسببها؟
انس:بي استغراب …من هيا
معتصم:بلا جو عاد الحوش كله يعلم انك سافرت ع خاطرها
انس:طلعت ماتستاهلش…واهو حتى انت بديت تغرق في اختها
معتصم:بي انفعاال…انااا؟؟؟؟من قالك؟
انس:عيونك فاضحاتك
معتصم:سكت
وعلي خشت رااانيا يلي كانت خاشه للڤيلا بي فرح لانها تبي تشوف خواتها بس نصدمت لما شافت انس ويبست في مكانها
معتصم:اهلين رانيا شن جو
رانيا:تت ت تمام
معتصم:من تاني يوم هكي مقدرتيش تسيبينا ?
رانيا:ابتسمت بي السيف وفي عيونها دموع
انس:الف مبروك?
رانيا:الله يبارك في عمرك
معتصم:نتلاقو هي سلامات….وطلع
انس:حلوو طالعين ع بعض
رانيا:نزلو دموعها…انس اناا نبي نشرحلك ليش درت هكي
انس:مفيش شرح وبعدين تعرفي مش انتي الغالطه وحق الله الغلط فيا انا سمحت لي روحي وحبيتك وتخايلت الف حاجه معاك ومصارحتكش تأخرت هلبا وانتي قلبك مع غيري
رانيا:انس مش هكي انا
انس:ربع يديه …كيف امالا فهميني …وشن الفايده اصلا وانتي امس دخلتك???قالها وعيونه خانته ونزلت دمعه?بس مسحها قبل حتا متوصل لي لحيته
رانيا:درت هكي لان لو……
منى:رانيا اهلين ?صباحيه مباركه
رانيا:مسحت دموعها …يبارك فيك
منى:وين رمزي خليه ينزل اهو انس قاعد
رانيا:لا مستعجليش خواتي فوق؟
منى:اي
رانيا:ركبت بسرعه وانس طلع
طق طق طق
اسيل:خشو
رانيا:السلام عليكم
اسيل:يااااقلبي كيف كنت بنتصل بيك….وحضنتها
امل:رنووووش??وحضنتها❤️❤️❤️
رانيا: قعمزت وبدت تهدرز عليهم وتسأل فيهم علي حوالهم قريب نصف ساعه ورمزي بعتلها رساله
رمزي:الوقت يلي قعدتيه مع خواتك ديري في بالك بدلعيني فيه في الحوش وكان زدتي قعدتي بيزيد الوقت
رانيا:اول مقرت الرساله حست بي قرررف
اسيل:خيرك؟!
رانيا:بننزل وقت عليه لازم نروح
امل:به ديري بالم ع روحك
رانيا:انتم ديرو بالكم ولو نقص عليكم شي كلموني
اسيل:ياعمررري بدت تتجكتر بي فلوس راجلها تو
رانيا:هههه بارده هي سلام
نزلو امل واسيل معاها لين طلعت
رانيا:روحت الحوش وبدي عاد يدحنس عليا وقالي مقابل تشوفي خواتك وبوك ترقدي معاي برضاك مش زي ليلة الدخله وهنايا زااااادت تأزمت نفسيتي هلبااااا?
بعد مرور اسبوع :-
رانيا فكرت اكتر من مره تنتحر من قرف رمزي بس تستوعذ من الشيطان
اسيل:راكبه من الدروج ناداها بشير
اسيل:نعم عمي؟
بشير:نبيك في موضوع وياريت يكون بينا
اسيل:اها اكيد شن فيه؟!
بشير:اااه يابنتي شن بنقولك والله وانا منقدرش نوقف معاك وما بي ليد حيله
اسيل:خوفتني عمي شن فيه؟!
بشير:بيجي واحد يخطبك اليوم
اسيل:لا طبعا
بشير:حتى انا قلت هكي وقلت البنت صغيره ومستحيل قاعده مكملتش قرايتها
اسيل:المعنى؟
بشير:يلي بيخطبك يا بنتي يده طااايله في الدواه وانتي عاجبتيه هلبا واو رفضتي رح يدير كاارثه لي بوك
اسيل:نصددددمت وقعدت ساكته
بشير:المشكله هيا منقدرش نوقف في وجها يده طاااايله هلبااا
اسيل:تنهدت…خليهم يجو
بشير:نصدم منها كيف وافقت طول….راهو بيجو اليوم
اسيل:اي عادي وين المشكله …بنركب نوتي روحي
بشير:قعد متفاجأ هز براسه ومشي يكلم في العريس
كيف صار بي السهوله هادي ؟الله يعلم
اسيل:ركبت بدلت حوايجها وتكمت روحها وقعدت فاتحه نت لين ادن المغرب
امل:كيييف شنو بديري
اسيل:تو نتصرف يسحابه بيفوته عليا ولد الكلب
طق طق طق
امل:تفضلي
منى:اسيل الناس يستنو لوطه?
اسيل:ناضت وساوت روحها…وانتي من وين جاك الحنان هاذا كله…توا بعدي من طريقي
منى:عديمة تربيه?
اسيل:نزلت سلمت علي اخته وهدرزت شويه وبعدين طلعت العريس اول مطلعت للڤيلا ماشيه للمربوعه جبدها معتصم من يدها
اسيل:ااااه خوفتني
معتصم:عيونه حمرررر….وربي ياسيل توافقي ورررررربي نقتلك انتي وياه
اسيل:علاش ؟مش منحقي نحب ونتزوج
معتصم:جربي ديريها بس
اسيل:طلقت يدها وخشت للمربوعه قعمزت قدام العريس وبشير طلع
منعم:انا اسمي منعم وانتي!؟
اسيل:اسمي اسيل
منعم:عاشت الاسامي صراحه حلوه اكتر ماوصفلي العم بشير
اسيل:عارفه?
منعم:طبعا شروطي انا م
اسيل:اسمعني كووويس وافتح وذانك ….يتبع