رواية شهوة الحلقة 8

رانيا:ركبت تاكسي هيا واسيل والزوز مش فاهمين شي وتطلقو لمركز الشرطه وطبعا وراهم معتصم

منى:من قالك عليها الفكره هيا ؟
اماني:نسمه صاحبتي…غير هيا يا ماما خلينا نتخلصو منهم انتي شفتي بعينك الحقيره هديكه شنو دارت في عيد ميلادي
منى:يصير خير تواا عندي شغل بعدين ساهل
اماني:افففف
منى:وين هما مريتش حد فيهم …منعرفش بالك فوق

رانيا:نزلت هيا واسيل للمركز ولما شافهم معتصم مقدرش يقعد في السياره ونزل معاهم يبي يفهم شنو القصه
رانيا:انا اخت امل سمير اتصلت بيا قبل شوي
الشرطي:اهااا…تفضلي ع المكتب
رانيا:شكراا…وخشو اسيل ورانيا
الشرطي:جي معاكم ولي امرها؟!
رانيا:والله وضعنا صعب شويه انا م….
طق طق طق
الشرطي:تفضل
معتصم:السلام عليكم
اسيل:بصوت واطي…شن جيبه هااااذا?
الشرطي:تفضل؟
معتصم:قعمز…انا معاهم ان شاء الله
الشرطي:انت ولد السيد بشير صح
معتصم:سلم ع الشرطي….اي مزبوط
الشرطي:تفضل تفضل شنو اقاربك هاذم
معتصم:اي ان شاء الله
اسيل:معليشي ممكن نفهمو القصه؟
الشرطي:قعمز ومسك وراق قدامه…اختكم امل اليوم في الثانويه دارت سلوك خطير
رانيا:قلبها بيطلع…شش شن في
الشرطي:مسكت بنت في الحمام وهجمت عليها ومن ضمن لقطات الضرب شدت الطالبه من شعرها وضربتها علي مراية الحمام
رانيا:??????امل؟؟!
اسيل:معناها البنت اشبح شنو دارتلها
الشرطي:انفتح راس البنت والدم صار في كل مكان وامل ولت شرسه بشكل مش طبيعي وانتشر الخوف في المدرسه لدرجة المدير مقدرش يسيطر ع الوضع لين كلم الشرطه وجينا رفعنا امل
رانيا:تبكي…امل وين توا؟
الشرطي:متخافيش قاعده في حجرت الانتضار
معتصم:به توا شن يلي نقدرو انديروه؟
الشرطي:بو البنت وامها فتحو محضر
معتصم:لو فيها كيف تحول المحضر وتطلع بي كفاله جاهز ندفع يلي تبوه
اسيل:لا صحيت خلي فلوسك عندك منبو منك شي
معتصم:مدخلكش انتي
رانيا:حضرت الشرطي اختي امل تعاني من مشاكل نفسيه ولما حد يناشبها او يدرلها مشكله تكون عنيفه اكتر من اللازم
الشرطي:اهاا لو هكي الموضوع يختلف
رانيا:اي هيا مكانش عندها مشاكل في مدرستها القديمه لان الكل فاهم وضعها ومفيش حد يقربها
الشرطي:تمام عطينا ربع ساعه وتقدرو تروحو بيها بس لازم توقع تعاهد انها معش تقرب البنت
رانيا:ان شاء الله …وطلعو من المكتب

هاني:به صارحها قلها معجب بيك عادي يعني
انس:خايف تكون تبي حد تاني بعدين كيف بنتصرف معاها خصوصا انها عايشه معاي في نفس الحوش
هاني:تي به حاول ع الاقل ولا هدرز معاها واجبد لسانها قبل
انس:مش عارف يصير خير وخلاص

 

قعمزت اسيل ورانيا ع الكراسي متع الانتضار ومصدومين بيلي سمعوه
معتصم:كله تمام ان شاء الله متخافوش
رانيا:تسلم
اسيل:وقفت ودفاته….شن يلي جابك هنااااايااااا انت
معتصم:تمالك نفسه وبصوت واطي…هدي روحك
اسيل:منيش مهديه ..جيت باش تقعد تعجب فينا بعدين بي اختي زي معجبتني الصبح بي بوي
معتصم:انا م…..
اسيل:دفاته وعيونها حممممر…اطللللع برا اطلع من حياتنا مدخلكش فيا لا انا ولا خواتي مشاكلنا تو نحلوهاااا اطلللع
معتتصم:مسك يدين اسيل الزوز ….انا وصلت هنايا ومنقدرش نخليكم اهدي بتلمي علينا الناس
اسيل:سحبت يديها منه وقعمز ع الكرسي وواطت راسها
بعد شوي جي الشرطي وجايب معاه امل وكانو حوايجها ملبزات دم مشولها يجروو اسيل ورانيا حضنوها ومعتصم واقف يشبحلهم من بعيد

رانيا:ليش درتي هكي حرام عليك شوفي لا وين وصلتي
امل:معادش نبي مدرسه ولا شي خلاص مش قادره نتحمل كلامهم لياا
رانيا:به تعالي قعمزي وفهمينا
امل:قعمزت ع الكرسي
اسيل:شن صار
امل:حطت ورقه في شنطتي وتهمتني بي الغش مقدرتش نمسك روحي عليها
اسيل:تستاهل ياريتك قتلتيها
معتصم:معش تزرعي في راسها الافكار هيا
اسيل:شبحتله وقلبت عيونها
رانيا:خلاص انسي يلي صار نوضي نروحو ونتفاهمو في الحوش
معاد:امل
امل:???
اسيل:من هاذا؟
امل:ولد يقرا معاي
معتصم:تفضل خوي
معاذ:انا زميل امل نقرا معاها حبيت نطمن عليها
امل:وقفت انا بخير وشكرا لان وضحت للاستاذ
معاد:ابتسم ولا يهمك
امل:ابتسمت
رانيا:هيا خلونا نطلعو
معتصم:اركبو السياره
اسيل:كتر ربي غير التاكسيات
معتصم:انا هنايا وتاخذو تاكسي؟؟وين عقلك
رانيا:اسيل اكسري الشر مش ناقصين
اسيل:سكتت

وركبو الثلاثه مع معتصم

ترن ترن ترن
بشير:الو
سمير:اهلين بشير
بشير:بيك …منو معاي؟!
سمير:انا سمير هاذا من تالفون السجن
بشير:اهلين سمير شن اخبارك
سمير:الحمد الله ..نبي نطمن ع بناتي ليش محدش جاني موعد الزياره
بشير:لالا اطمن كله تمام اكيد كل وحده لاهيا في قرايتها ورانيا في خدمتها كلهم حطيتهم في قطاعات خاصه
سمير:تمام دير بالك عليهم يا بشير والزياره الجايه نبي نشوفهم
بشير :ان شاء الله
سمير:سلامات

رانيا:ليش وقفت هنايا
معتصم:انزلو الجردينه شوي ع الاقل امل تهدا ومقابل الجردينه في محل خذولها بلوزه بدل يلي لابستها
رانيا:اي يكون احسن
معتصم:هاك رانيا اشريلها يلي تبيه
رانيا:لا صحيت عندي
اسيل:اي عندنا?
معتصم:مترديهمش عليا ننزل ناخذلها انا ره
رانيا:شبحت لي اسيل واسيل تأشرلها بعيونها بنعنى متاخذيهمش
معتصم:هيااا عاد
رانيا:بتردد خذتهم ونزلو

رانيا:هي تعالي امل
اسيل:جايا معاكم
معتصم:لا انتي خليك نبيك شويه
اسيل:مفيش بينا كلام …وجت بتمشي
معتصم:شدها من يدها…خليك قتلك
رانيا:دقايق ونجيكم هيا امل

قعمز معتصم هوا واسيل في الجردينه واسيل متبيش حتى تشبحله
معتصم:اسمعي عارف الكلام يلي قلته اليوم حقير شوي
اسيل:هه حقير شويه؟تي انت كلك ع بعضك حقير بالك تسحاب روحك كان عندك شوي فلوس وسيارات وبنات مزيتات معناها خلاص انت انسان كامل وراجل ره الرجوله مش هكي
معتصم:ضحك ع جنب…خاطرك تشوفيها الرجوله كيف?
اسيل:شن قصدك هاااا
معتصم:نروحو ونوريك الرجوله في داري وهكي ..وغمزلها
اسيل:انت انت انت شنووو بزبط فهمني انت عباره علي كتله من الصياعه تمشي ع الارض مفي شي في دماغك غير الحجات هاااذي!؟؟؟
معتصم:ضحك …نبصر وانتي بكل
اسيل:بعدين انت شنو الطيبه يلي نزلت عليك فجأه
معتصم:انتي متعرفينيش كويس شنو بنديرلك
اسيل:ربعت يديها وقعدت تتفرج ع الصغار كيف يلعبو
معتصم:حط يده ع خده وقعد يتفرج ع اسيل
اسيل:انتبهتله…خيرك تشبح هكي
معتصم:اول مره نركز في عيونك حلو لونهم في الشمس
اسيل:طبعا متعود علي المزيتات يلبسو في العدسات ويطلعو يخوفو
معتصم:??ههههههه ياحليلي وخلاص
اسيل:رغم انه حقير ونكرها بس ياريت مكانش بي الجمال هوااا??
رانيا:جيناا
معتصم:اهلا اهلا بي المجرمه الصغيره
امل:ابتسمت

ناض معتصم جاب بيتزا ومشروب وحجات خفيفه تغدو طبعا الا اسيل بس معتصم ضملها حصتها وركبو السياره وروحو

 

امل واسيل ركبو دارهم وقعدت رانيا واقفه مع معتصم

رانيا:بجد مش عارفه كيف نشكرك ياريت محدش يسمع بي يلي صار
معتصم:ولا يهمك
رانيا:متركز ع كلام اسيل وكيف تحكي معاك هيا هكي لسانها طويل وعصبيه بس حنينه
معتصم:ههههه لالا عادي مش مدورها
رانيا:ابتسمتله وركبت

اسيل:تو نكلم عمي بشير يشوفلك موضوع المدرسه
امل:انا تاعبه بنرقد
اسيل:تمرقدي وانا بندوش

رانيا:جت بتركب وتلاقت مع انس
انس:اهلين رانيا
رانيا:اهلين بيك?
انس:كأنك تأخرتي اليوم؟
رانيا:اي عطلت شوي
انس:اءء شش شن رايك بكرا نمر عليك نشربو قهوا في مكان حلو قبل منروح بيك
رانيا:نصدمت وبعدين اذكرت كلامه لي سناء….اسفه والله منقدرش
انس:بس نبيك في موضوع ضروري
رانيا:سكتت
انس:بالله متردينيش
رانيا:اوكي تمام

فات اليوم عادي جدا نزلو تعشو وامل بدت شوي شوي تحكي مع معاذ مسجات جي الليل ورانيا تفكر في الف حاجه وضع امل واسيل وعصبيتها وانس ?امل يلي مش عارفه تطلع من الحاله يلي هيا فيها وتستنى في امها مفيش يوم يأست فيه واسيل يلي شعورها ملخبط تكره معتصم بس لما تشوفه شعور كهربا في جسمها غريب

ثاني يوم :-
امل قعدت في سريرها ومرضتش تمشي للمدرسه ورانيا طلعت مع انس واسيل مع معتصم

في الكافي:-
انس:حسيت روحي مضايق الفتره يلي فاتت وحبيت نحكي معاك مش عارف علاش
رانيا:سلامتك شن في
انس:مش عارف ضايع حاس بروحي وزاهق من كل شي
رانيا:ليش؟?
انس:كنت حاط في بالي بنتزوج يلي نحبها وقعدت نجهز في حوشي وعندي هدف في حياتي
رانيا:وبعدين؟
انس:خانتني وكشفتها ?…وقفت البني ووقفت كل شي قعدت حاصل في نص الطريق
رانيا:اااه يمكن انت فاهم غلط او شي
انس:لالا شفت بعيوني
رانيا:صراحه يوم عيد ميلاد اماني كنت خاشه صدفه المطبخ وسمعتك تحكي مع بنت وتعترفاها بي حبك
انس:ضحك…الواضح مسمعتيش الدوه كامله
رانيا:اسفه مكانش قصدي نسمع ولا شي بس….
انس:لاعادي تصير

وكملو هدرزه …..

اماني:نزلت من السياره لي صاحباتها بسرعه واسيل حاصله تلم في الشيتات يلي طاحو في السياره
معتصم:تلفتلها…عادي نخطفك بعد الجامعه
اسيل:مخف دمك?وعلاش بتخطفني ….وكملت تلم في الاوراق
معتصم:باش نوريك الرجوله يلي خاطرك فيها?
اسيل:ضربت كرسيه متع السياره….صايع حقير
معتصم:قعد يضحك????
اسيل:نزلت من السياره وابتسمت وكملت طريقها

رانيا:شكرا ع القهوا
انس:ابتسملها …انتي يلي شكرا سمعتيني واسف كان نفختلك راسك
رانيا:لا طبعا معش تقول هكي …يالله سلامات توا
انس:نتلاقو
رانيا:نزلت للمصحه وركبت من الدروج شويه وفي حد مسلها كتفها وناداها تلفتت
رانيا:نعم تفض…..?????
رمزي:كيف الحال?
رانيا:والله مقلت لي واحد ع يلي صار امس ?
رمزي:قعد يشوف لي الناس يلي جنبهم…اهدي اهدي مش جاي ع خاطر الشي هادا
رانيا:امالا شنو؟
رمزي:بصراحه انا سألت عليك وعرفت قصتك وانا طلعت نعرف بشير صاحب الوالد
رانيا:به؟?
رمزي:صراحه عجبتيني وكلمت عليك العم بشير نبي نخطب
رانيا:من الصدمه ضحكت…الصراحه انا مش مستعده حاليا لي الزواج بابا قاعد في الحبس ودايره بالي علي خواتي
رمزي:اي عادي نديرو بالهم علينا مع بعض
رانيا:لالا اسفه منقدرش وربي يبعتلك بنت الحلال..وجت بتمشي شدها من يدها
رانيا:??
رمزي:لو موافقتيش بوك بينزاد سنين باش يطلع وخواتك بنشرد امهم
رانيا:شن تقول انت
رمزي:وافقي لو تحبي بوك وخواتك لو سكرتي راسك ذنبهم في رقبتك
رانيا:تشبحله مصدوومه
رمزي:لمس خدها…تمام دكتورتي الحلوه؟
رانيا….يتبع