رواية حبك غلب انتقامي

جميع الحقوق محفوظة للكاتبة هدى رمضان

الفصل الاول
تشرق الشمس وتستيقظ هى على صوت والدتها الرقيق تنادى عليها وهى تبعد الستائر عن الشباك لتفتحه
الام(فاطمة)48سنه من عائلة مرموقة تسمى عائلة الغيطانى ربة منزل تتميز بالطيبة والرقى عكفت على تربية ابنائها بعد وفاة زوجها عادل السيوفى
فاطمة/سارة ياسارة قومى يلا ياحبيبتى عشان متتأخريش على عمك
سارة/صباح الخير ياماما الساعة كام دلوقتى
فاطمة/صباح الخير ياعيون ماما الساعة دلوقتى 8 بسرعة عمك مستنيكى على الفطار
سارة/حاضر ياقمر
فاطمة/انت اللى قمر اناجهزتلك هدومك اجهزى وحصلينى
سارة/اوك
سارة 23سنه هى الابنه الكبرى لفاطمة وعادل فتاه طيبة حساسة رغم ثرائها تتمتع بالتواضع لكنها فتاه عنيدة كرامتها غالية ذات ملامح هادئة بشرة بيضاء شعر يشبه سلاسل الذهب يصل الى منتصف ظهرها تخبئه اسفل ححابها الذى يضيف لها لمحة شرقية جذابة ذات عيون عسلية لا تستطيع تميزه فى السنه الاخيره من كلية الهندسة…….
تنزل سارة بعد ان ارتدت ملابسهاالمكونة من بنطال اسود واسع يعلوه جاكت بنفس اللون اسفله قميص بالون الابيض يربط عند الرقبة على شكل فيونكة ارتدت حجاب بالونين الاسود والابيض وحذاء بالون الاسود وحقيبة يد بيضاء
سارة/صباح الخير ياعمو(تبوسه من خده)
العم(ماهر السيوفى)/صباح النور ياروح عمو نمتى كويس…
سارة/ايوه بس متوترة شوية
ماهر/عشان انهارده اول يوم فى الشغل وبعد كده هتتعودى
سارة/يارب ياعمو امال خالتو فريدة فين
ماهر/فى المطبخ مع مامتك ويلا خلصى فطار عشان هتروحى معايا انهارده على الشركة وده انهارده بس بعد كده هتروحى لوحدك
سارة/اوك
العم(ماهر السيوفى)الاخ الاكبر لعادل السيوفى كان متعلق كل التعلق بأخيه الاصغر بعد وفاة والدهم الذى لم يترك غير شركة صغيره بفضل جهودهم اصبحت من اكبر شركات العقارات فكلاهما مهندس واقاموا شراكة مع صديق لهم فى منتجع سياحى سنتعرف على هذا الصديق فيما بعد
فريدة/صباح الخير ياسارة
سارة/صباح الخير ياخالتو ايه الحلاوه دى الناس بتكبر وانتى بتصغرى
فريدة/يابكاشة افطرى من غير صوت
سارة/ليه بس كده يافيرى دانتى حبيبتى
ماهر/يلا ياشارة مستانيكى فى العربية
سارة/اوك ياعمو…ووقفت والقت قبلتين فى الهواء واحدة لأمها والاخرى لخالتها
الخالة(فريدة)الاخت التؤام لفاطمة وزوجة ماهر السيوفى فلقد تزوج الاخين الاختين وقرروا العيش معا فى منزل واحد لتستمر الرابطة القوية بينهم
فريدة/حنان ياحنان
حنان/نعم ياهانم اؤمرينى
فريدة/الامر لله واحده صحى هنا وفادى
حنان/حاضر
حنان سيدة طيبة جاءت لتساعد فريدة وفاطمة فى امور المنزل والاولاد لذا يحترمها الجميع ويضعون ثقتهم بها
فاطمة/وحازم طبعا كالعادة
فريدة/ايوه ياسيتى نزل الشركة من بدرى
فاطمة/كالعادة قاتل نفسه فى الشغل
فريدة/هيجيبه من بره ماابوه وعمه كانوا كده ههههههههه
فاطمة/على رأيك هههههههههههههه
فى غرفة فادى
حنان/فادى يافادى اصحى يابنى بقى
فادى/ياداده سيبنى نايم
حنان/فريده هانم وفاطمة هانم مستنينك على الفطار
فادى/قوليلهم نايم
حنان/انت عارف مش بيحبوا حد يتأخر على الفطار
فادى/ليه وراه ميعاد…..وقام وذهب الى الحمام واتجهت حنان لإقاظ هنا
فادى شاب فى السنه الاولى فى كلية الهندسه مجتهد اكمل سلسة العائلة بدخوله كلية الهندسه شاب متوسط البشرة ذو شعر وعيون بنية يتمتع بروح مرحة وهو الاخ الاصغر لسارة
فى غرفة هنا
حنان/هنا انت صحيتى
هنا/ايوه يادادا ونازله حالا
هنا18 سنه فى الصف الثالث الثانوى ولكن لديها طموح مختلف ان تصبح طبيبة ورقيقة تتمتع بملامح هادئة بحجابها الذى يزيدها جمالا وهى ابنه عادل السيوفى الصغرى
فى غرفة الطعام
هنا/صباح الخير ياماما صباح الخير ياخالتو
فريدة/صباح النور ياقلب ماما
فاطمة/صباح الفل ياعيون خالتو
فادى/وانا مليش فى الدلع دا
فريدة/طب صبح الاول
فادى/صباح الخير يابطة صباح الهير يافيرى
فاطمة/بطة وفيرى انت مستحيل تكون ابنى
فادى بمسرحية/امال انا ابن مين انا لقيط لقينى عند الجامع اه قلبى هموت
الجميع ومن ضمنهم هنا/هههههههههههه
فادى لهنا/اموت انا واعيد السنه ايه دا قشطة
فاطمة/فادى احترم نفسك
فادى/ايه ياحاجة يأم فادى هو انا قولت حاجة
فريدة/افطر ياحبيبى
فادى/عشان خاطر فيرى واخت فيرى وبنت فيرى وصابون فيرى بتاع المواعين دا عارفينه
امام شركة السيوفى
ينزل ماهر وسارةمن السيارة ويتوجهوا الى مدخل الشركة
احد رجال الامن/صباح الخير ياماهر بيه
ماهر/صباح النور …. ثم توجهوا الى الاسانسير
وصعدوا الى مكتب ماهر
السكرتيرة/صباح الخير ياماهر بيه
ماهر/صباح الخير يامروة ابعتيلى البشمهندس حازم
مروة/حاضر يافندم..ويدخل ماهر وسارة الى المكتب
ماهر/شوفى ياسارة انت طبعا عايزة لسه تتعلمى حاجات كتير عشان تقدرى تديرى الشركة مع حازم وفادى بعد كده انا حبيت تتعلمى الشغل وانت بتدرسى عشان تتخرجى فاهمة كل حاجة
سارة/ان شاء الله هكون عند حسن ظنك ياعمو…. يدق الباب
ماهر/اتفضل
حازم/يامرحبا البشمهندسة سارة عندنا ايه الكرم ده
ماهر/انهارده اول يوم لسارة ياحازم وعايزها تعرف كل حاجة عن الشغل ..يلاياسارة وحازم هيوريكى مكتبك
سارة/اوك ياعمو عن اذنك
حازم 24سنه تخرج ايضا من كلية الهندسة شاب وسيم خمرى البشرة ذو جاذبية شرقية بشعره الاسود الناعم وعيونه السوداء طيب القلب جاد فى العمل يكره الفوضى حازم اخو هنا واخو سارة فى الرضاعة هو اكبر من سارة بسنه واحدة رضعت هى من خالتها سته اشهر اثناء مرض والدتها
فى مكتب سارة
حازم/دا بقى ياسيتى مكتبك ايه رأيك
سارة/حلو اوى ياحازم
حازم/اتفضلى بقى افهمك هتعملى ايه..جلس حازم ساعة كاملة يشرح لها ماعليها فعله
سارة/خلاص فهمت ياحازم
حازم/بشمهندس حازم ياانسه متنسيش انى مديرك
انا هروح مكتبى عشان عندى شغل
سارة/كده ماشى يابشمهندس زوما
حازم/زوما يالهوى على بلزتيجك ياحازم ضاع
سارة/هههههههههههه
فى مكتب حازم
يجلس حازم يتابع عمله تستأذن السكرتيرة للتدخل فيسمح لها
حازم/خير يابسنت
بسنت/البشمهندس شريف والبشمهندس مازن بره يافندم
حازم/بجد طيب دخليهم…خرجت بسنت
بسنت/اتفضلوا
حازم/ايه الزيارة الحلوة دى
مازن/لقيناك مبتسألش قلنا نسأل احنا
حازم/والله مزنوق فى الصفقة الجديدة المهم اخبار الشغل ايه
مازن/انا شركتى ماشية الحمد لله
شريف/وانا شغلى مع بابا كويس
مازن/انا بقى ابويا زهق من كتر ماقالى تعال اشتغل معايا
شريف/ماتشتغل معاه ياعم
مازن/ياعما شركة اخشاب اشتغل فيها ايه خشبة
شريف/لا مسمار هههههههههههه
حازم/هههههههههههههههههههههههههه
مرت الايام وسارة تزداد فهما للعمل وحازم سافر لإتمام احد الصفقات
ايه رأيكوا نسيب العيلة دى بقى لانى زهقت منها..
نروح مكان تانى
فى شركة الصاوى
حمدى/يعنى ايه متعرفوش حصل ازاى امال انا معينكوا ليه طيب اقفل وانا هتصرف..دق حمدى احد الأجراس بجانبه لتجيب السكرتيرة
حمدى/ابعتيلى باسل وادهم بسرعة
السكرتيرة(ريهام)/حاضريافندم
حمدى الصاوى الصديق المقرب لعادل وماهر السيوفى وشريك ماهر فى المنتجع السياحى ومع عشقه للعمل فى السياحة فتح شركة سياحة ودخل كلية الهندسة تنفيذا لرغبة والده
يدق باب مكتب حمدى فيأذن بدخول الطارق وكانوا باسل وادهم
باسل/السلام عليكم خير يابابا
حمدى/فى مشكلة فى المنتجع ولازم حد يروح يحلها
ادهم/احنا للزم نبلغ عمى ماهر الاول
حمدى/فعلا انا ناوى اكلمه عشان نجتمع ونشوف حل
باسل/ماهو اكيد عرف..وفجأة دق هاتف المكتب الخاص بحمدى وكان ماهر السيوفى
حمدى/الو السلام عليكم
ماهر/وعليكم السلام ورحمة الله وبركاته سمعت اللى حصل
حمدى/ايوه وكنت لسه هكلمك عشان نشوف حل
ماهر/تمام انا هجيلك عشان نشوف هنعمل ايه
حمدى/تمام.. وحددوا معاد ثم اغلق
باسل/ايه يابابا اتفقتواعلى معاد الاجتماع
حمدى/ايوه كونوا جاهزين بعد ساعة روح ياادهم جهز للإجتماع واتصل بحسن واعرف كل تفاصيل المشكلة
ادهم/تمام يابابا
ادهم27سنه ابن اخو حمدى توفى ابوه فى حادث سيارة وماتت امه حزنا على ابيه وهو اخو باسل فى الرضاعة فلقد رضع باسل من ام ادهم ومنذ وفاة والديه اهتم به عمه خريج كلية تجارة ويدير الشركة مع عمه وابن عمه
باسل/عن اذنك يابابا هخلص شوية شغل قبل الاجتماع
حمدى/ماشى ياابنى اتفضل
باسل26سنه الابن الأكبر لحمدى الصاوى خريج هندسه مثل والده ولكنه يساعده فى اعمال الشركة
شاب جاد لايهمه سوى العمل طيب القلب يتميز بوسامة تجذب اى شخص اليه عيونه السوداء وشعره الاسود وبنيته القوية التى تزيده وسامة
فى مكتب باسل يدخل ادهم يجد باسل يعمل
ادهم/وحشنى ياكبير
باسل/خلصت اللى بابا قال عليه
ادهم/طبعا هو ابوك يعرف يستغنى عنى
باسل/ايه ده بابا
ادهم/فين(وكان قد قفز من مكانه)
باسل/ههههههههه ياعم دانت بتخاف من خياله
ادهم/طيب يلا ياخويا عشان نلحق الاجتماع
باسل/يلا
ادهم/ممكن أطلب طلب
باسل/يعنى انا لو قلت لا مش هتطلب قول ياخفيف
ادهم/ممكن نبدل
باسل/نبدل ايه ياخويا
ادهم/السكرتيرات
باسل/اشمعنا
ادهم/اصل بعيد عنك ربنا مايوريك عندى سكرتيرة اكتر حاجة بتفهم فيها الفته
باسل/طيب ماتغيرها
ادهم/ناوى اعمل اعلان…ثم خرجوا وتوجهوا الى غرفة الاجتماعات
فى غرفة الاجتماع
يجلس حمدى يقابله ماهر وبجانب حمدى يجلس باسل وادهم
حمدى/حازم فين ياماهر
ماهر/سافر شغل فى دبى
باسل/يبقى بعد اذنكوا نبدأ الاجتماع
ماهر/لسه فى فرد ناقص
ادهم/مين ياعمى
ماهر/سارة بنت اخويا…..وفى هذه اللحظة تدخل سارة بهيئتها الكلاسيكية وحجابها الذى يزيدها جمالا فسارة فتاه شديدة الجمال
سارة/السلام عليكم ورحمة الله وبركاته
الجميع/وعليكم السلام ورحمة الله وبركاته
ماهر/اتأخرتى يابشمهندسة
سارة/حضرتك الاجتماع الساعة اتنين صح
ماهر/صح
سارة/يبقى انا جاية بدرى دقتين….. ضحك الجميع ماعدا باسل الذى لم يعيرها انتباه ونظر لها بغضب لم تفسره

يتبع