كيكة الزبادي والخل خفيفة زي الريشة

كيكة هشة جدا وبتذوب في الفم
الزبادي بيخليها تنفش والخل بيطريها ومش بتحتاج تسقى شربات

مقادير كيكة الزبادي والخل

• 4 بيضات
• كوب الا ربع سكر
• كوب الا ربع زيت
• كوب زبادي نفرغه في كوب ونملأ الباقي حليب
• رشة ملح
• 4 معالق كبيرة خل
• 2 كيس بيكن باودر
• 2 كوب دقيق ( ممكن اقل او اكثر حسب نوعية الدقيق )
• معلقة صغيرة كاكاو خام ( اختياري فقط للتزيين )

طريقة تحضير كيكة الزبادي والخل

• نخفق البيض مع الملح والسكر لغاية ما يبيض لونه ويتضاعف
• ننزل سرعة الخلاط ونضيف الزيت سرسوب ثم الزبادي والحليب
• وفي الاخر نضيف الدقيق والبيكن باودر ونمزجه كويس من فوق لتحت عشان الهواء اللي في الخليط مينزلش
• نفرغه في صينية كيك مدهونة ومرشوشة دقيق
• ونحتفظ بكوب من الخليط نضيف له الكاكاو باودر ونفرغه في نفس صينية الكيك من فوق عشان التزيين فقط
• وندخله فرن على درجة حرارة 175 لغاية ما تستوي

اللهم أدمها نعمة واحفظها من الزوال
استودعكن الرحمن وإلى لقاء جديد بإذن الله.