نوڤيلا (( عَشَقَ الثَّعلَبُ))

نوڤيلا “عَشَقَ الثَّعلَبُ”
(( الفَصْلُ الثَّانِي))

_في صباح يومٍ جديدٍ..
_بداخل المُخابرات المصرية..
_بداخل مكتب القائد الأعلى للمُخابرات المصرية..

فتح “مُهاب الألفي” باب المكتب وخلفهُ “آثار” عقب وصولهم أمر بأن يأتوا إلى مكتب القائد الأعلى للمُخابرات المصرية بسببُ تلك المُهمة الصعبة، سحب نفس عميق وهو يُلقي السلام على كُلاً من وزير الدفاع ووزير الخارجية والقائد الأعلى، جلس على المقعد الجلدي وبجانبهُ زوجتهُ وهم يتبادلون نظارات مفعمة بالتوتر على ما حدث مُنذ أيام، فقد وصلت معلومات مؤكده عن عصابة تحاول وبقوة هدم الدولة، حيث يريدون قتل السفيرة “ثناء هيثم” ويحاولون نشر الفتن بين المُسلمين والمسيحيين.

تمتم وزير الخارجية بتوتر وبنبرة حادة :
_ إحنا وصلنا معلومات مؤكدة تُخص السفيرة ثناء هيثم عايزين يخلصوا منها بأي شكل عشان السلام إللي بتحاول تُنشروا في بعض الدول معانا.

تابع القائد الأعلى قائلاً بصرامة :
_ وفي نفس الوقت عايزين ينشروا فتن بين المُسلمين والمسيحيين، ما تنسوش أن عيد سيد المسيح قرب، لازم نلحق وفي أسرع وقت مُمكن.

أضاف وزير الدفاع بحدة قائلاً :
_إنتوا هتسافروا بالليل النهاردة، ولما توصلوا هتلاقوا شخص مستنيكُم هيسلمكُم الأسلحة زي البُندقية والمُسدس وهكذا.

هتف “مُهاب” بصوت رجولي خشن :
_ طيب يا فندم، مفيش معلومات أكتر؟؟.. محتاجين توضيح!!..

أجابهُ وزير الخارجية بجدية :
_ ثناء هيثم عايشة في الإسكندرية، المطلوب من نقيب آثار إنها تبقى الحارسة الشخصية بتاعتها، لازم تبقى عايشة معاها.

حدقت “آثار” به بدهشة قائلة :
_إيه!!!!..

ردّ عليها القائد الأعلى بصوتٍ رخيم :
_ أيوة، وإحنا بلغنا الكلام ده للسفيرة وهي وافقت، أحنا اخترناكي عشان إحنا عارفين إنك من أهم ضباط المُخابرات المصرية.

أجابتهُ بثقة :
-ما تقلقش يا فندم، إعتمد عليا وتوكل على ربنا.

إبتسم وزير الخارجية قائلاً :
_أنا واثق فيكي.

أضاف بتحذير وهو يقول :
_خلي بالك السفيرة ثناء مسيحية، واخده شقة في البحر المتوسط هناك، يعني هي هتروح الكنيسة إللي جنبها، وللأسف هي كانت أعلنت ده.

أومأت رأسها قائلة بعملية :
_أنا وصلتلي المعلومات دي فعلاً، السفيرة ثناء معروف عنها بتواضعها الشديد، ودي المُشكلة، بس سؤال هي العصابة دي مكانها فين؟؟..

أجابها القائد الأعلى بتوتر طفيف بسبب ذلك الوضع :
_ عايشين في إسكندرية، في مخزن مهجور في البحر المتوسط.

هتف وزير الدفاع بنبرة رجولية خشنة موجهاً بصرهُ الحاد “لمُهاب” :
_وإنت يا مُهاب.

نظر لهُ بجدية :
أيوة يا فندم.

أشار بإصبعيه قائلاً بصوتٍ جادٍ :
_إسمع إنت بقى، مُهمتك حاجة تانية خالص، مُهمتك هو إنك تنضم داخل عصابة، ودي حاجة محتاجة منك مجهود طبعاً.

نظر لهُ بإستغراب :
_طب وده يتعمل إزاي؟؟…

ردّ القائد الأعلى قائلاً بهدوء :
_هقولك.

*************
_في المساء..
_في منزل “آثار”..

أستمعت إلى طرقات على باب منزلها فهبت واقفة وسارت نحو الباب، فتحتهُ لترى زوج إبنتها الوحيدة واقفاً، رسمت على وجهها إبتسامة واسعة وهي تردد بترحيب:
_أهلاً أهلاً يا مُهاب، إتفضل.

رسم على وجههُ إبتسامة صغيرة وهو يدلف للداخل قائلاً :
_إزيك يا حماتي.

حركت رأسها وهي ترُدّ عليه:
_مش كويسة خالص.

عقد حاجبيه بإستغراب وهو يقول بقلق طفيف :
_ليه بس؟؟..

جلست على الأريكة وقد هبطت عبراتها قائلة بخوف أمومي :
_ بنتي مسافرة، وأنا قلقانة عليها، العملية شكلها صعبة وفيها ناس مُجرمين كتير، وهي لو جرلها حاجة أنا هاموت فيها.

جثى على رُكبتهُ أمامها وقد شعر بنغزة في قلبهُ، رفع يدهُ ليمسح دموعها برفق وهو يقول بملامح جادة :
-قلقانة عليها وهي معايا؟؟.. طب إزاي؟؟.. وبعدين أنا هحميها من أي خطر لأن لو جرالها حاجة أنا كمان هموت، لأنها هي النفس إللي بتنفسهُ، وهي دقات قلبي.

أبتسمت والدة زوجتهُ إبتسامة عذبة على كلماتهُ، ليقبل رأسها ثُم نهض وهو يقول :
_أنا داخل أشوفها خلصت تحضير شنطتها ولا لأ.

أومأت رأسها إيجابياً، فسار نحو غُرفتها ثُم طرق الباب ليسمعها وهي تأذن بالدخول، فتح الباب الغُرفة ليراها واقفة تُغلق حقيبتها فتمتم بجدية :
_خلصتي؟؟..

أجابتهُ بجدية وبقلق طفيف:
_أيوة خلصت.

اقترب منها بهدوء، ثم جذبها من رسغها لتصطدم بصدرهُ العريض، رفعت عيناها لتنظُر على عينيه التي يغلفها الشوق، بدون مُقدمات أحتضنها بقوة مُستنشق عبيرها، لم ترفُض ذلك العناق بل بادلتهُ، هي لن تراه في الفترة القادمة، وذلك يؤلمها بشدة وكذلك هو، همس بجانب أذنيها بخفوت قائلاً بشوق:
_هتوحشيني أوي، مش عارف إزاي أقضي المُدة دي كُلها من غيرك، بس مُضطر لكنّ أوعدك إنك هتفضلي جوا قلبي، أنا بحبك أوي، بحبك أوي يا آثار.

تمتمت وهي مُغمضة العينين :
_وأنا كمان بحبك أوي يا مُهاب.

************
“أَنَتْهَاءُ الفَصْلُ الثَّانِي”

error: