رواية نصيبي الحلقـه الثانية عشر

ﺍﻟﺤﻠﻘـﻪ ﺍﻟﺜﺎﻧﻴـﻪ ﻋﺸــﺮ

ﺍﻟﻜﺎﺗﺒـﻪ : ﻣﻴـﺮﻭ ﺍﻟﺸﺮﻳـﻒ

ﻓﺠـﺎﺀﻩ ﺣﺴﻴـﺖ ﺑﺮﻋﺸـﻪ ﺃﻗﺴـﻢ ﺑﺎﻟﻠﻪ ﻓـﻲ ﺟﺴﻤــﻲ ﻭ ﻗﻠﺒــﻲ ﺃﻳـﺪﻕ ﻻ ﺍﺭﺩﺍﻳـﺎ ﺑـ ﺍﻟﻘـﻮﻩ ﻧﻴـﻦ ﺣﻄﻴـﺖ ﺃﻳـﺪﻱ ﻋﻠﺊ ﻗﻠﺒــﻲ ﻭ ﺷﻤﻴـﺖ ﺭﻳﺤـﺔ ﺑﺮﻓـﺎﺍﺍﺍﻧـﻪ
ﺛﻮﺍﻧــﻲ ﻭ ﺃﻧﻔﺘـﺢ ﺑـﺎﺏ ﺍﻟــﺪﺍﺭ ﻭ ﻣﻬﻴـﺐ ﻣﻦ ﺩﻭﻥ ﻭﻋــﻲ ﻭ ﺑـﺎﻧﺪﻓـﺎﻉ : ﺃﻣـــــﻲ
ﻋﻤﺘـﻲ ﺷﻬﻘـﺖ ﺑﻔﺮﺣـﻪ _ ﻭ ﺃﻧـﻲ ﺣﺴﻴـﺖ ﺭﻭﺣـﻲ ﻧﺤﻠـﻢ ﻟﻔﻴـﺖ ﻋﻠﺊ ﺍﻟﺒـﺎﺏ ﻃـﻮﻝ
ﺍﺭﺗﻤـﺊ ﻣﻬﻴـﺐ ﺗﺤـﺖ ﺍﻣـﻪ ﻭ ﺍﻳﺒـﻮﻱ ﻓﻴﻬـﺎ ﻋﻠﻰ ﺭﺍﺳﻬـﺎ ﻭﺍﻳﺪﻳﻬـﺎ ﻭﺟﻬـﺎ ﻭ ﺭﺟﻠﻴﻬـﺎ : ﺃﻣـﻲ ﺳﺎﻣﺤﻴﻨـﻲ ﺳﺎﻣﺤﻴﻨـﻲ ﺳﺎﻣﺤﻴﻨـﻲ ﺍﺳﺘـﺎﺣﺸﻚ ﻳـ ﻏﺎﻟﻴـﻪ ﺍﺳﺘـﺎﺣﺸﺘـﻚ
ﻋﻤﺘـﻲ ﺗﺒﻜـﻲ ﻭ ﺗﻤﺴـﺢ ﻋﻠﻰ ﺷﻌـﺮﺍ ﺑـﺎﻳـﺪﺍ ﻭﻫـﻮ ﻳﺒـﻮﺱ ﻓﺎﻳـﺪﻫـﺂ : ﺍﻧـﻲ ﻗﺎﻋـﺪ ﻭﺭﺍﺳـﻚ ﻳـ ﻏﺎﻟﻴﺘـﻲ ﺍﻻ ﻣـ ﻧﺨﻠﻴـﻚ ﺍﺣﺴـﻦ ﻣﻦ ﻗﺒـﻞ ﻧـﺎﺧـﺪﻙ ﺑﺮﺟﻠﻴـﺎ ﻭ ﻋﻠﺊ ﻇﻬـﺮﻱ ﺍﻧﺸﻴﻠـﻚ ﺣﺘـﺊ ﻻﺧـﺮ ﺍﻟﺪﻧﻴـﺂ
ﻣﻬﻴـﺐ ﺣـﺲ ﺑﻮﺟـﻮﺩ ﺣـﺪ ﺛﺎﻧـﻲ ﻓﻲ ﺍﻟـﺪﺍﺭ ﻟـﻒ ﻭ ﻗـﻌﺪ ﻳﺸﺒﺤﻠــﻲ ﺑـ ﻧﻈـﺮﺍﺕ ” ﻋﺘـﺎﺏ ﻭ ﺍﺭﻳــﺎﻑ ”
ﻣﻬﻴـﺐ ﺷﺒـﺢ ﻻﻣـﻪ ﺍﻟـﻲ ﻛـﺎﻥ ﺍﻟﻨـﻮﻡ ﻣﺘﻐﻠـﺐ ﻋﻠﻴﻬـﺎ ﺑﺎﺳﻬـﺎ ﻋﻠﺊ ﺭﺍﺳﻬـﺎ ﻭ ﻏﻄـﺎﻫـﺎ : ﺃﺭﺗـﺎﺣـﻲ ﻭﻗـﺖ ﺍﺗﻨﻮﺿـﻲ ﺗﻠﻘﻴـﻨﻲ ﺟﻨﺒـﻚ
ﻭ ﻧــﺎﺽ ﺷﺒﺤﻠـﻲ : ﺗﻌﺎﻟـﻲ ﻣﻌﺎﻱ ﻓـﻮﻕ !
ﻭ ﻛﻴـﻒ ﺑﻴﻄﻠـﻊ ﺑـﺮﻡ ﻋﻠﻴـﺎ ﻟﻘـﺎﻧـﻲ ﻓـﻲ ﻣﻜﺎﻧـﻲ ﺭﻓﻌﻠـﻲ ﺣـﺎﺟﺒـﻪ : ﻫﻴــﺎ !
ﻃﻠﻌـﺖ ﻭﺭﺍﻩ ﻭﺍﻧـﻲ ﻣﺶ ﻣﺼـﺪﻗـﻪ ﻧﻔﺴـﻲ ﺃﻥ ﻣﻬﻴـﺐ ﻳﻤﺸـﻲ ﻭ ﻗـﺎﻋﺪ ﻗـﺪﺍﻡ ﺍﻋﻴـﻮﻧـﻲ ﻭ ﻳـﺮﻛﺐ ﻟﻠـﺪﺭﻭﺝ ﺷـﺒﺤﻠـﻲ : ﺃﻓﺘـﺤﻲ ﺍﻟﺒـﺎﺏ
ﺍﻧـﻲ ﺑﺼـﻮﺕ ﻭﺍﻃـﻲ : ﻣﻨﻌﻠـﻤﺶ ﺍﻟﻤﻔﺘـﺎﺝ ﻭﻳـﻦ !
ﻣﻬﻴـﺐ ﺷﺒﺤﻠـﻲ ﻭﺑـﻌﺪﻧﻲ ﺑـ ﻛﻒ ﺃﻳـﺪﺁ ﻧـﺰﻝ ﺟـﺎﺏ ﺍﻟﻤﻔﺘـﺎﺡ ﺍﻻﺣﺘﻴـﺎﻃﻲ _ ﻓﺘـﺤﻠـﻲ ﺍﻟﺒـﺎﺏ ﺧﺸﻴـﺖ ﻭﺧـﺶ ﻭﺭﺍﻳـﺎ
ﻏﻤﻀـﺖ ﺍﻋﻴـﻮﻧـﻲ ﻭ ﺍﻧﻐﺼﻴـﺖ ﺗﻔـﻜﺮﺕ ﻭﻗـﺖ ﺟﺒـﺪﺗـﺎ ﻣﻦ ﺍﻳـﺪﺍ ﻭﻗﺘﻠـﻪ ﺍﺳﺘـﺎﺣﺸﺘـﻚ ﻭﻗـﺖ ﻏـﻤﺮﻧـﻲ ﺑـﺤﻨـﺎﻧـﻪ ﻭﻗـﺖ ﺗﺨـﺎﻟﻄـﻮ ﺍﻧﻔـﺎﺳﻨـﺎ ﺑﺒﻌـﺾ _ ﻫﻤﺴﺘـﻪ ﻟﻴـﺎ ﺑـ ﺣـﺐ
ﺧﺸﻴـﺖ ﻟﻠﺼﺎﻟـﻪ ﻣﻜـﺎﻥ ﺳﻬـﺮﺗﻨـﺂ ﻭﻳــﻦ ﻣـ ﺍﻧﺼـﻠـﺔ ﻭﻳﺪﻋـﻲ ﻭﻳﺪﻋﻴﻠـﻲ ﻭﻳـﻦ ﻣـﺎ ﻧﺎﻛﻠـﻮ ﻭﺍﻳﻨـﺎﺷﺒـﻨـﻲ
ﻣﻬﻴـﺐ ﻣﺘﻜـﻰ ﻋﻠﺊ ﺍﻟﺒـﺎﺭ ﻭﻳﺸﺒﺤﻠـﻲ _ ﻭ ﺃﻧـﻲ ﻛﻨـﺖ ﻋﺎﻃﻴﺘـﻪ ﺑـ ﻇﻬـﺮﻱ
ﻗـﻌﻤﺰﺕ ﻋﻠﻰ ﺍﻟﻜﻨﺒـﻪ ﻣﻘﺎﺑﻠﺘـﻪ ﻗﻤـﺖ ﺍﻋﻴـﻮﻧﻲ ﻧﺸﺒﺤﻠـﻪ ﻛﻴـﻒ ﻣﺘﻐﻴــﺮ ﻟﺤﻴﺘـﻪ ﺍﻟﻄﻮﻳﻠــﻪ ﺟﺴﻤــﻪ ﺍﻟﻀــﺎﻋـﻒ ﻣﻼﻣﺤـﻪ ﺍﻟﺒﺎﻫﺘـﻪ ﻧﻈـﺮﺗـﺎ ﺍﻟﺒـﺎﺭﺩﻫﻪ ﻟﻴــﺂ
ﻣﻬﻴـﺐ ﺑـﻐﺼـﻪ : ﺑﻨﺤﻀﻨـﻚ ﺑﻨﻄـﻠﻊ ﻏﻠﻴـﻞ ﺍﺭﻳـﺎﻓـﻲ ﻓﻴـﻚ ﻣﺶ ﻗـﺎﺩﺭ ! ﺑﻨﻀﺮﺑـﻚ ﺑﺤﻀﻨــﻪ ﺍﻛﺴـﺮﻙ ﻓـ ﺻـﺪﺭﻱ ﺷـﻦ ﺍﻧﺪﻳــﺮ
ﺗﻨﻬـﺪﺕ ﺑﺼـﻮﺕ ﻋﺎﻟـﻲ ﻭﻗﻔـﺖ ﻗـﺪﺍﻣـﻪ ﻭ ﺑـﻜﺴـﺮﺓﺓ ﺧـﺎﻃـﺮ : ﺍﻟـﻲ ﺗﺒﻴـﻪ ﺩﻳــﺮﻩ،ﺑـﺲ ﻗﺒـﻞ ﻫـﺬﺍ ﻛﻠـﻪ ﺣﻘﻘﻠـﺬ ﺍﻣﻨﻴﺘـﻲ ﺍﺑﺘـﺎﻉ 3 ﺷﻬـﻮﺭ !
ﻣﻬﻴـﺐ ﺷﺒﺤﻠـﻲ ﻭﻫـﻮ ﺳـﺎﻛـﺖ _ ﻗﻤـﺖ ﺍﻳـﺪﻱ ﻭﺣﻄﻴﺘـﻬﺎ ﻋﻠﻰ ﺻـﺪﺭﻩ : ﺿﻤﻨــﻲ ﻭﻟــﻮ ﻻﺧــﺮ ﻣـﺮﻩ _ ﺍﻏـﻤﺮﻧــﻲ ﺑﺼـﺪﺭﻙ ﺍﺳﺘﺘـﺎﺣﺸﺘـﻪ
ﻣﻬﻴـﺐ ﺟﺒـﺪﻧـﻲ ﻣﻦ ﺍﻳـﺪﻱ ﺑﺎﻟﻘــﻮﻩ ﻭ ﺍﻧﻲ ﻟﻔﻴـﺖ ﺍﻳﺪﻳـﻪ ﻋﻠﻴـﻪ ﻭ ﺷﺪﻳـﺖ ﻓﻲ،ﺗﻴﺸﺮﺗـﻪ ﺑـ ﺍﻟﻘـﻮﻩ ﻭ ﻧﺒـﻜـﻲ ﺑـ ﺍﻟﻘـﻮﻩ ﻭ ﺍﻧﺸـﻢ ﻓﻲ ﺭﻳﺤﺘـﻪ ﻭ ﺍﻧﺒــﻮﺱ ﻓﻴــﻪ ﻭ ﻫـﻮ ﺷـﺎﺩ ﻓﻴـﺎ ﻭ ﻣﺤـﺎﻭﻃﻨـﻲ ﺑـ ﺍﻟﻜـﺎﻣﻞ ﻭ ﻧﻔﺴـﻪ ﻳﻀـﺮﺏ ﻓﻲ ﺭﻗﺒﺘـﻲ
ﻗـﻌﺪﺕ ﻓـﻲ ﻏﻤـﺮﻩ ﻣـ ﻳﻘـﺎﺭﺏ 10 ﺩﻗﺎﺋﻖ ﺗﺎﻣـﺎﺕ ﻭﺍﺣﻨـﻲ ﻓـﻲ ﻭﺿـﻊ ﺍﻟﺴﻜـﻮﺕ ﺣـﺎﺿﻨـﻲ ﻭﺣﺎﺿﻨﺘـﺎ ﻭﺳـﺎﻛﺘﻴــﻦ
ﻣﻬﻴـﺐ ﺑـﻌﺪﻧـﻲ ﻣﻦ ﻋﻠﻴـﻪ ﻭ ﺧـﺶ ﻟﻠـﺪﺍﺭ ﺻﻜـﺮﻫـﺂ ﻭ ﻗﻌـﻤﺰ ﻋﻠﻰ ﺍﻟﺴﺮﻳـﺮ ” ﺷﻌـﻮﺭ ﻣﺨﺘﻠـﻂ ﻣـﺎ ﺑﻴـﻦ ﺍﺭﻳــﺎﻑ ﻭ ﺣــﺐ ”
ﻧﺤـﺊ ﺗﻴﺸﺮﺗـﻪ ﻭﺑـﺪﺍ ﻳﺴﺘﻨﺸﻖ ﻓـﻲ ﺭﻳﺤﺘـﻲ ﻋﻠﻴـﻪ
ﺍﻣـﺎ ﻋـﻨﺪ ﺍﻧـﻲ ﻗﻌـﻤﺰﺕ ﻓﻲ ﺍﻟﺼﺎﻟـﻪ ﺑـ ﺧﻴﺒـﺔﺓ ﺍﻣـﻞ
ﺍﺫﻥ ﺍﻟﻌﺸـﺎﺀ ﻭ ﻣﻄﻠﻌـﺶ ﻟﻠﻮﻗـﺖ ﺍﻫـﻮﺍ _
ﺍﻧﺒـﺎﺕ ﺍﻫﻨـﻲ ﻭﻻ ﻧﻤﺸـﻲ ﻻﻫﻠـﻲ !
ﻃﻠـﻊ ﻣﻬﻴـﺐ ﻣﻦ ﺍﻟـﺪﺍﺭ
ﻭﻗﻔـﺖ ﺑﺴﺮﻋـﻪ ﻧﺸﺒﺤﻠـﻪ _ ﺷﺎﻓﻠــﻲ ﺑﻨـﻈﺮﻩ ﻗﺘﻠﺘـﻨﻲ ﻭ ﻧــﺰﻝ
ﻟﺒﺴـﺖ ﻭﺷـﺎﺣـﻲ ﻭﻧﺰﻟـﺖ ﻭﺭﺍﻩ : ﻣﻬﻴـﺐ
ﻣﻬﻴــﺐ ﺧـﺶ ﻟﺤـﻮﺵ ﺍﻫﻠـﻪ
ﻧﺸﺒﺤﻠـﻪ ﻛﻴـﻒ ﺍﻳﻬـﺪﺭﺯ ﻋﻠﻲ ﺍﻣـﻪ ﻭ ﺍﻫﻠـﻪ ﻭ ﺍﻧـﻲ ﻣﺶ ﻣﻌﺒـﺮﻧﻲ ﻭ ﻛـﺂﻧـﻲ ﻣﺶ ﻣﻮﺟـﻮﺩﻩ ﺑﻴـﻨـﻬـﻢ !
ﻋﻤﺘـﻪ : ﺷـﻦ ﺟـﻮ ﺳﻔـﺮﺓ ﺗﻮﻧـﺲ ! ﺷﻬـﺮ ﻋﺴـﻞ ﺩﺭﺗﻮﻩ ﺷﻬـﺮﻳﻦ
ﻣﻬﻴـﺐ ﺯﺑـﻂ ﺍﻟﻤﻮﺿـﻮﻉ ﻭ ﺗﺬﻛـﺮ ﺍﻟﻌﻤﻠﻴـﻪ : ﺃﻱ ﺗﻐﻴﻴـﺮﺕ ﺟـﻮ ﺑﺎﻫﻴـﻪ !
ﻧﻀـﺖ ﻣﻦ ﺑﺤـﺪﺍﻫـﻢ ﻭﻃﻠﻌـﺖ ﻟﻠﻤﻄﺒـﺦ ﺣﻄﻴـﺖ ﺭﺍﺳـﻲ ﻋﻠﻰ ﺍﻟﻄﺎﻭﻟـﻪ ﺑـ ﻛﺴـﺮﺓ ﺧـﺎﻃﺮ ﻣﻦ ﻣﻌﺎﻣﻠـﺔ ﻣﻬﻴـﺐ ﻟﻴــﺂ
ﻣﻬﻴـﺐ : ﻋﻤﻠﻴﺘـﻚ ﺑﺎﻫﻴــﻪ !
ﺭﻓـﻌﺖ ﺭﺍﺳـﻲ ﻭ ﻫـﺰﻳﺖ ﺭﺍﺳـﻲ ﺑـ ﺍﻫـﺎ
ﻣﺸـﻲ ﻣﻬﻴـﺐ ﺻﻜـﺮ ﺍﻟﺒـﺎﺏ ﺑـ ﺍﻟﻤﻔﺘـﺎﺡ ﻭ ﺟـﺎﺀ ﻭﻗﻔـﻨﻲ ﻣﻬﻴﻴﺐ : ﺑﻨﺸﻮﻓﻬـﺎ !
ﺳﻜـﺘﺖ ﻭ ﻫـﻮ ﻗـﺎﻡ ﺍﻳـﺪﺍ ﻭﻗﺎﻣﻠـﻲ ﺍﻟﺴﻮﺭﻳـﻪ ﺣﻄـﻬـﺎﻟـﻲ ﻋﻠﺊ ﺑﻄـﻨﻲ ﻭﺑـﺪﺍ ﺍﻳﻤﺸـﻲ ﻓﻴﻬـﺎ ﻋﻠﺊ ﺟﻨﺒـﻲ : ﺗﻮﺟﻌﺘـﻲ ﻫﻠﺒـﺎ !
ﺍﻧـﻲ ﻭ ﺍﻟﻌﺒﺘﺮﻩ ﺧـﺎﻧﻘﺘﻨـﻲ : ﻣـﺶ ﻗـﺪ ﻭﺟـﻊ ﻓﺮﺍﻗـﻚ ﻁ
ﺷﺒﺤﻠـﻲ ﻭ ﻧـﺰﻝ ﺍﻟﺴﻮﺭﻳـﻪ : ﺳﻼﻣﺘـﻚ ! ” ﻭ ﻛﻴـﻒ ﺑﻴﻄﻠـﻊ ”
ﺍﻧـﻲ : ﺳﻼﻣﺘـﻚ ﺑـﺲ !
ﻣﻬﻴـﺐ ﺑـﺮﻡ ﻋﻠﻴـﺎ ﻭﺳـﻜﺖ
ﺍﻧـﻲ ﻗـﺪﻣﺖ ﻣﻨـﻪ : ﺑـ ﺷﻦ ﻧﺤﻠﻔﻠـﻚ ﺃﻧـﻲ ﻣﻈﻠﻮﻣـﻪ ﺑـ ﺷﻦ ﻧﺤﻠﻔﻠﻚ ﺃﻧـﻲ ﺷـﺮﺑـﺖ ﻛـﺎﺱ ﺍﻟﻤـﺮﺍﺭ ﻓـﻲ ﻏﻴﺒﺘـﻚ ﺑـ ﺷﻦ ﺍﺗﺼـﺪﻗـﻨﻲ ﺍﻧـﻲ ﻓـﻲ ﺍﺑﻌـﺎﺩﻙ ﻻ ﻟﻴﻠـﻲ ﻟﻴـﻞ ﻭﻻ ﻧﻬـﺎﺭﻱ ﻧﻬـﺎﺭ !
ﻣﻬﻴـﺐ ﻓﺘـﺢ ﺍﻟﺒـﺎﺏ : ﺣـﺎﻟﻚ ﻣﺶ ﺍﺣﺴـﻦ ﻣﻦ ﺣـﺎﻟـﻲ _ ﺍﻧـﻲ ﺑﻨـﺮﻛﺐ ﻟﻠﺸـﻘﻪ ﺗﻌﺎﻟـﻲ ﻭﺭﺍﻱ ﻣﺘﺘﺎﺧـﺮﻳـﺶ
ﺍﺑﺘﺴـﻤﺖ ﺭﻏـﻢ ﺍﻧـﻲ ﻣﻘﻬـﻮﺭﻩ ﻣﻨـﻪ ﺑـﺲ ﻃﻠﻊ ﻳﺒﻴـﻨـﻲ _
___________________________
ﻃﻠـﻊ ﻣﻬﻴــﺐ ﺷﺒـﺢ ﻟـ ﻋﺒـﺪﻭ ﺍﻟـﻲ ﺍﻣﻘﻌـﻤﺰ ﻭﻛـﺎﻧـﺎ ﻫﻤـﻮﻡ ﺍﻟﺪﻧﻴـﺎ ﻛﻠﻬـﺎ ﻋﻠﻴـﻪ _
ﻗﻌـﻤﺰ ﺑﻌﻴـﺪ ﻋﻦ ﻋﺒـﺪﻭ ﻭﺑـﺪﻱ ﻳـﺎﺧﺪ ﻭ ﻳﻌﻄـﻲ ﻣﻊ ﺷﺒـﺎﺏ ﺍﻟﻌﻴﻠـﻪ ﻭﻛـﻞ ﻣﺮﻩ ﻳﺠﺒـﺪﻭ ﻣﻮﺿـﻮﻉ
ﻭ ﻋﺒـﺪﻭ ﻳﺸﺒﺤﻠـﻪ ﻭﻣـﺶ ﻗـﺎﺩﺭ ﻳﺘﻘـﺪﻣﻠـﻪ ﻭﻻ ﺍﻳﺒـﺮﺭ ﻣﻮﻗﻔـﻪ ﺧـﺎﺻـﺎ ﻓﻲ ﻭﺿـﻊ ﺣـﺮﺝ ﺯﻱ ﺗـﻮﺍ
ﺍﻧـﻲ : ﺳﻨـﺪﻭﺳـﻪ ﻭﻳـﻦ ﻣﻴـﺲ
ﺳﻨـﺪﺱ : ﻋﺒـﺪﻭ ﻃﻠﻘﻬـﺎ ﺑـ ﺍﻟﺜﻼﺛـﻪ ﻭ ﻫـﻀﺎ ﺳﺒـﺐ ﺣـﺎﻝ ﺍﻣـﻲ !
ﺍﻧﺼـﺪﻣـﺖ ﻭﺷﻬﻘـﺖ : ﻳـ ﻧــﺎﺭﻱ ﺗﺘﻜﻠﻤـﻲ ﺑﺠـﺪ ﻭﺍﻟﻮﻟـﺪ !
ﺳﻨـﺪﺱ ﺗﻨﻬـﺪﺕ ﻭﻗﻌـﻤﺰﺕ ﻋﻠﻰ ﺍﻟﻜﺮﺳـﻲ : ﻣﻔﻴـﺶ ﻻ ﻭﻟـﺪ ﻻ ﺑﻨـﺖ _ ﻭﻫﻤﺘﻨـﺎ ﺑـﺤﻤﻠﻬـﺎ ﻋﺸـﺎﻥ ﺗﻜﺴﺒـﻪ ﺗﺤﺴـﺎﺑﻪ ﻭﻗـﺖ ﻳﻌـﺮﻑ ﺑﺤﻤﻞ ﺍﻳﻠﻴـﻦ ﻣﻌـﺎﻫﺎ ﻭﺗﺤﻤـﻞ ﺑـ ﺍﻟﺤﻖ
ﺍﻧـﻲ : ﻳـ ﻟﻄـﻴﻒ ﺑـﺲ ﻣﺴﻜﻴﻨـﻪ ﻭﻟﻠﻪ ﻭﺟﻌﺘﻨـﻲ
ﺳﻨـﺪﺱ ﻧـﺎﺿﺖ : ﻣﺎ ﻳﻮﺟﻌـﻚ ﻏﺎﻟـﻲ ﻳـﺎ ﻋﻤـﺮﻱ
ﺍﺑﺘﺴـﻤـﺖ ﻭﻗـﻌﻤﺰﺕ ﻟـﻮ ﻳﻌـﺮﻑ ﻣﻬﻴـﺐ ﺑـ ﻋﺒـﺪﻭ ﻃـﻠﻖ ﺷـﻦ ﺣﻴﻜـﻮﻥ ﺭﺩﺓ ﻓﻌﻠـﻪ _ ﻳـ ﺭﺑـﻲ ﺳـﺎﻣﺤﻨـﻲ ﺩﻋﻴـﺖ ﻋﻠﻴﻬـﺎ ﻫﻠﺒـﺎ
ﻛﻠﻤـﺖ ﻣـﺎﻣﺎ ﻭ ﺑـﺎﺑﺎ ﻭﻃﻤﻨﺘـﻬﻢ ﻭ ﻋﻠﻰ ﺍﻟﻔﺠـﺮ ﻃـﻠﻊ
ﺳﻨـﺪﺱ : ﺧـﻼﺹ ﺗﻮ ﺍﻧﻜﻤـﻞ ﺍﻧـﻲ ﺑـﺮﻱ ﻟﻤﻬﻴـﺐ
ﺃﻧـﻲ ﻓـﺮﺣـﺖ : ﺧـﻼﺹ ﺗﺼﺒﺤـﻮ ﻋﻠﺊ ﺧﻴـﺮ
ﺭﻛﺒـﺖ ﺍﻟﺸﻘـﻪ ﻭ ﻓﺘﺤﺘـﻬـﺎ ﻛـﺎﻥ ﻣﻬﻴـﺐ ﻃﺎﻟﻊ ﻣﻦ ﺍﻟـﺪﻭﺵ ﻭﻻﺑـﺲ ﺳـﺮﻭﺍﻝ ﺭﺻـﺎﺻـﻲ ﻭﻣﻦ ﻓـﻮﻕ ﻣﺶ ﻻﺑـﺲ ﺷـﻲ ﻭ ﻳﻤﺴـﺢ ﻓﻲ ﺷﻌـﺮﻩ
ﻣﺸﻴـﺖ ﺧـﺪﻳﺖ ﺍﻟﻤﻨﺸـﻒ ﻣﻨـﻪ ﻭﻫـﻮ ﻳﺸﺒﺤﻠـﻲ _ ﺑﺪﻳـﺎ ﻧﻤﺴﺤﻠـﻪ ﻓـﻲ ﺷﻌـﺮﻩ ﻭ ﻧـﺰﻟﺖ ﻋﻠﻰ ﺻـﺪﺭﺍ ﻋـ ﺍﺳﺎﺱ ﻧﻤﺴﺤـﻼ ﻓﻲ ﻟﻤﻴـﻪ ! ﺑـﺲ ﻫـﺬﺍ ﻛﻠـﻪ ﻧﺤـﺐ ﺍﻧﻤـﺲ ﻋـﺮﻭﻗـﻪ ﺍﻟﺒـﺎﺭﺯﺁﺕ
ﻣﻬﻴـﺐ ﺑـ ﺷـﻮﻕ : ﻧﺤـﻲ ﺍﻟﻤﻨﺸـﻒ ﻭ ﺧـﻮﺩﻱ ﺭﺍﺣﺘـﻚ ﻓﻴـﺎ _ ﺍﻧـﺎ ﻟـﻚ
ﺍﺑﺘﺴـﻤﺖ ﻭ ﻧﺤﻴـﺖ ﺍﻟﻤﻨﺸـﻒ ﺭﻣﻴﺘـﻪ ﻭ ﺑـﺪﻳﺖ ﺍﻧﻤﺸـﻲ ﻓـﻲ ﺻﻮﺍﺑﻌـﻲ ﻋﻠﻰ ﺻـﺪﺭﺍ ﻭ ﺷﻌـﺮﺍ ﺍﻳﻨﻘـﻂ ﻋﻠﻴـﺂ
ﺍﻧـﻲ ﻣﻌـﺎﺵ ﺗﺤﻤﻠـﺖ ﻗـﺮﺑـﺖ ﻣﻨـﻪ ﻭ ﺣﻄﻴـﺖ ﺭﺍﺳـﻲ ﻋﻠﻰ ﺻـﺪﺭﺁ
ﻣﻬﻴـﺐ : ﺣﻨﻴــﻦ
ﺍﻧـﻲ ﺷﺒﺤﺘﻠـﻪ ﻭ ﺣﻄﻴـﺖ ﺻﺒﻌـﻲ ﺍﻟﺴﺒﺎﺑـﻪ ﻋﻠﻰ ﻓﻤـﻪ ﻭﻫـﻮ ﺑﺎﺳـﻨﻲ : ﺧﻠﻴـﻨـﻲ ﺍﻧﻔـﺮﻍ ﺷﻮﻗـﻲ
ﻣﻬﻴـﺐ : ﺗﻌﺒـﺎﻥ ﺑﻨﻤﺸـﻲ ﻧﺮﻗـﺪ
ﺍﻧـﻲ ﺷﺒﺤﺘﻠـﻪ ﺑـ ﻛﺴـﺮﺓ ﺧـﺎﻃـﺮ ﻭ ﻣﺸﻴـﺖ ﻟﺪﺍﺭ ﺟﺒـﺪﺕ ﺑﻴﺠـﺎﻣﺘـﻲ ﺍﻟﻌﻨﺎﺑﻴــﻪ ﻭ ﺗﻤـﺪﺩﺕ ﻋﻠﻰ ﺍﻟﺴﺮﻳـﺮ
ﺣﺴﻴـﺎ ﺑﺤـﺪ ﺟـﺒﺪﻧﻲ ﻣﻦ ﻭﺳﻄــﻲ ﻭ ﺻـﺪﺭ ﻣﻬﻴـﺐ ﻻﺻـﻖ ﻓـﻲ ﻇﻬـﺮﻱ ﻭ ﺍﻳﺸـﻢ ﻓـﻲ ﺭﻳﺤﺘـﻲ ! ﻭ ﻛـﺂﻧـﻲ ﻣﺨـﺪﺭﺍﺕ ﻟﻘﻠﺒـﻪ _ ﻗﻤـﺖ ﺍﻳـﺪﻳـﺎ ﻓـﻮﻕ ﺃﻳﺪﻳـﻪ ﻭ ﺗﻨﻬـﺪﺕ ﺑﺮﺍﺣـﻪ
ﻣﻬﻴـﺐ : ﻣﻀﺎﻳﻘـﻚ !
ﺍﻧـﻲ : ﻻﺁ ﺃﻧـﻲ ﻣﻌـﺮﻓﺘـﺶ ﺍﻟﺮﺍﺣـﻪ ﺍﻻ ﺟﻨﺒـﻚ
ﻟﻔﻴـﺖ ﻋﻠﻴـﻪ ﻭﺣﻄﻴـﺖ ﺃﻳﺪﻳـﺎ ﻋﻠﻰ ﻭﺟـﻪ ﻭﻫـﻮ ﻳﺒﻮﺳـﻠﻲ ﻓﻴﻬـﻢ
ﻣﻬﻴـﺐ ﻳﺸﺒـﺢ ﻟﻌـﻴﻮﻧـﻲ : ﺍﻟﻠﻪ ﻻ ﺍﻳﻐﻴﺒـﻚ
ﺍﺑﺘﺴـﻤـﺖ ﻭ ﺩﻓﻨـﺖ ﺭﺍﺳـﻲ ﻓـﻲ ﺻـﺪﺭﺍ ﺧـﺪﻳﺖ ﻧﻔـﺲ ﻋﻤﻴــــﻖ ﻭ ﺭﻗـﺪﺕ ﺑﻴــﻦ ﺍﻳﺪﻳـﻪ _ ﺍﻣـﺎ ﻣﻬﻴـﺐ ﻓـ ﻟﻠﺼـﺒﺢ ﻳﺸﺒﺤﻠـﻲ ﻭ ﻫـﺎﻳﻢ ﻓﻴـﺎ
ﺃﺫﻥ ﺍﻟﻔﺠــﺮ ﺑﺎﺳﻨـﻲ : ﻃﺸﺘـﻲ !
ﺍﻧـﻲ : ﻫــﻤﻤﻢ
ﻣﻬﻴـﺐ : ﻧﻮﺿـﻲ ﺍﻟﻔﺠــﺮ ﺃﺫﻥ ﺑﻨﺼﻠﻴـﻪ ﻣﻌـﺎﻙ ﺍﻟﻴـﻮﻡ
ﺍﻧـﻲ : ﺑﻨـﺮﻗﺪ ﻭﻟﻠﻪ ﺗﺎﻋﺒـﻪ !
ﻣﻬﻴـﺐ ﻧـﺎﺽ ﻭ ﺷﺎﻟـﻨﻲ ﺑﻴـﻦ ﺃﻳﺪﻳـﻪ : ﻋﻨـﺪﻱ ﻧـﺎﺱ ﻣـ ﻳﺴﻤﻌـﻮﺵ ﻓـ ﺍﻟﻜﻼﻡ !
ﺍﻧـﻲ ﺍﻧﺤـﺮﻙ ﻓـﻲ ﻛﺮﻋﻴـﺎ ﻭﻧﺸﺒـﺤﻪ ﻣـﺎﺷـﻲ ﻟﻠﺤﻤـﺎﻡ ” ﻳﻜـﺮﻡ ﺍﻟﻘﺎﺭﻯ : ﻵ ﻵ ﻣﻬﻴـﺐ ﻭﺍﻗﺴـﻢ ﺑﺎﻟﻠﻪ ﺍﻟﺠـﻮ ﺳـﻢ ﻭ ﻧﻤـﺮﺽ ﺍﻧـﻲ ﺭﺍﻩ
ﻣﻬﻴـﺐ : ﺃﻣﺮﺿـﻲ ﻭ ﺍﻧـﺪﺍﻭﻳـﻚ ﺑـ ﺻﺤﺘـﻲ ﺍﺗﻌﺒــﻲ ﻭﻧﻌﻄﻴـﻚ ﺭﺍﺣﺘـﻲ
ﺍﺑـﻜـﻲ ﻭ ﻧﻌﻄﻴـﻚ ﻓﺮﺣﺘـﻲ
ﻧﺰﻟﻨـﻲ ﺗﻮﺿﻴﻨـﺎ ﻟﻠﺼـﻼﻩ ﻣﻊ ﺑـﻌـﺾ ﻭ ﺻﻠـﺊ ﺑﻴــﺎ ﺍﻟﻔﺠــﺮ ﻭ ﺻﻠﻴﻨـﺎ ﺭﻛﻌﺘﻴـﻦ ﺛﺎﻧﻴـﺎﺕ ﺩﻋﺎﻟﻨـﺎ ﻓﻴﻬـﻢ
ﻣﻬﻴـﺐ : ﺗﻌﺎﻟـﻲ ﻗـﺪﺍﻣـﻲ !
ﺍﻧـﻲ : ﻋـﻼﺵ ﻭﻟﻠﻪ ﺻﻠﻴـﺖ !
ﻣﻬﻴـﺐ ﻓﻨـﺺ ﻓﻴـﻪ _ ﻗﺮﺑـﺖ ﻣﻨـﻪ ﻭ ﻓﺘـﺤﻠـﻲ ﺍﻟﻤﺼﺤـﻒ : ﺗﺒـﻲ ﻗﻠﺒـﻲ ﻳﺼﻔﻰ ﺗﺠﺎﻫـﻚ
ﺍﻧـﻲ ﺗﻨﻬـﺪﺕ : ﻫـﻮ ﻗﺼـﺪﻙ ﻣﺼﻔـﺶ !
ﻣﻬﻴـﺐ : ﻣﻨﺒﻴـﺶ ﻧﻔﺘـﺢ ﺍﻟﻤﻮﺿـﻮﻉ ﺗـﻮﺍ _ ﺃﻣﻨﻴﺘـﻲ ﻛـﺎﻧـﺖ ﻧﺤﻔـﻆ ﺍﻟﻘـﻮﺍﻥ ﻭﻧﺨﺘﻤـﻪ ﻭ ﺣﻘـﻘﺘـﻬـﺎ ﻭ ﺗـﻮﺍ ﺑﻨﺤﻔﻈﻬـﻮﻟـﻚ ﻣﻨﺒﻴـﺶ ﺍﻧﺨـﺶ ﺍﻟﺠﻨـﻪ ﺑﺮﻭﺣـﻲ !
ﺍﻧـﻲ ﺷﺒﺤﺘﻠـﻪ ﻭ ﺍﻋﻴـﻮﻧﻲ ﺩﻣــﻮﻉ : ﻣﺘﺘﻜﻠﻤـﺶ ﻫـﻜﻲ !
ﻣﻬﻴـﺐ ﺃﺑﺘﺴـﻢ : ﺭﻏـﻢ ﺍﻥ ﻓﻲ ﺍﻟـﺜﻼﺙ ﺷﻬـﻮﺭ ﺍﻟﻲ ﻓـﻲ ﻏﻴﺎﺑـﻚ ﻛﻨـﺖ ﻧﻘـﺮﺍ ﻋﻠﻰ ﺍﺳـﻤـﻚ _ ﻭﺧﺘﻤﺘـﻪ ﻋﺸـﺮﻳـﻦ ﻣـﺮﻩ ﺑـ ﺁﺳـﻤﻚ _ ﻧﺒﻴـﻚ ﻣﻌـﺎﻳـﺎ ﻓﻲ ﺍﻟﺤﻴـﺎﻩ ﻭ ﺍﻟﺠﻨـﻪ
ﻭﻗﻔـﺖ ﻋﻠﺊ ﺭﻛﺒﻴـﻪ ﻭ ﺗﻐﻤﺮﺗـﻪ ﻭ ﻗﻌـﻤﺰﺕ ﺑـﺪﻱ ﺍﻳﺤﻔـﻆ ﻓﻴـﺎ ﻭ ﻳﺸﺮﺣﻠـﻲ ﺑـ ﺍﻟﻤﻌﻨـﺊ
” ﺍﻟﻠﻪ ﻳﺪﻳـﻤـﻚ ﻟﻴــﺂ ﻭﻻ ﻳﻮﺭﻳـﻨـﻲ ﻓﻴــﻚ ﺳـﻮﺀ ”
ﻣـﺮﻭ ﺯﻭﺯ ﺍﻳـﺎﻣـﺎﺕ ﻭ ﻣﻌﺎﻣﻠـﺔ ﻣﻬﻴـﺐ ﺃﻣﻌـﺎﻱ ﻣﺤـﺪﻭﺩﻩ _ ﺑﻌـﺪ ﻛﻞ ﺻـﻼﻩ ﻳﺘﺼـﻞ ﺑﻴـﺎ ﺍﻳﻘـﻮﻟﻲ ﺍﻗـﺮﻱ ﻗـﺮﺍﻥ ﻭ ﺯﺍﺩ ﺍﺻـﺮﺍﺭﻱ ﺍﻛﺜـﺮ ﺍﻧـﻲ ﻧﻘـﺮﺍ ﻭ ﻧﺤﻔـﻆ
ﻭ ﻓـﻲ ﻟﻴﻠـﻪ ﻣﻬﻴـﺐ ﺗﺎﺧـﺮ ﻫﻠﺒــﺎ ﻣـ ﺟـﺎﺵ ﻭ ﻧﺘﺼـﻞ ﺑﻴـﻪ ﻣﻘﻔـﻞ ! ﻭ ﻗﻠﺒـﻲ ﺷﻐﻠﻨـﻲ ﻋﻠﻴـﻪ
ﻧﻀـﺖ ﻟﺒﺴـﺖ ﺍﺑﺘـﺎﻉ ﺍﻟﺼـﻼﻩ ﻭ ﻧـﺰﻟـﺖ ﺑﻨﺴـﺎﻝ ﻋـﻤﻲ !
ﻛﻴـﻒ ﺑﻨﺨـﺶ ﻟﺤـﻮﺵ ﻋـﻤﻲ _ ﺧـﺶ ﻋﺒـﺪﻭ ﻭﻫـﻮ ﻣﻌـﺎﻩ ﺷﺒـﺎﺏ ﻋﻤـﻪ !
ﻋﻘـﺪﺕ ﺣﻮﺍﺟﺒـﻲ : ﺷـﻦ ﺟﺎﺑﻬـﻢ ﻫـﺎﺫﻡ ! ” ﻭ ﺧﺸﻴـﺖ ”
ﻋﺒـﺪﺓ ﺧـﺶ ﻭﺭﺍﻱ
ﻳﺘـﺒــﻊ