نصائح مطبخية مفيدة للشاطرين بس
?نصائح مطبخية لكل ست بيت شطورة
?بلاش نكسل في تنضيف المطبخ عشان بجد ده اهم حاجه في البيت كله ?
?تنضيف البوتجاز لازم يوميا بفيري
عشان دهون البوتجاز بتشوه شكله
?كل شهر ننضف مروحة الشفط بمايه سخنه و بيكربوناتو
ملح الليمون و البيكربوناتو اوعي يخلصو من عندك?دول سحر التنضيف
?الحوض :لازم يوميا بعد غسل المواعين نهايه اليوم
نحط ديتول حتي مايه دافيه وتعصر فيها نص ليمونه عشان ريحة الحوض و لونه يكون زاهي
?العلبه اللي بتحطي فيها فيري ضيفي معلقتين خل ابيض و رشه بيكربوناتو عشان الحلل و الأطباق تكون بتلمع
?التلاجه كل شهرين بالكتير. اوي لازم تتفضي و تتغسل من جوا وعلي طول تحطي فيها قطعه فحم علي تشيل اي ريحه
?علب التلاجه مهمه جدااااااااااا عشان بواقي الاكل نحفظها و ما تلاقيش التلاجه فيها ريحه غريبه
?بلاش نحط حلل في التلاجه?
اولا شكلها مش لطيف
ثانيا مكان علي الفاضي
لو مش هتقدري تشتري علب
جمعي البرطمنات بتاعت الصلصه و استخدميها
او هاتي بلاستيك راب و حطي بواقي الاكل في اطباق و غلفيها كده افضل كتير
?العيش ما بيتحطش في التلاجه كده هيجلد
حطيه في الفريزر و طلعي سخني في الميكرووف او ع عين البوتجاز الصغيرة وتكون النار هادية وتقلبية كل شوية
?لو هتعملي كيك لازم البيض بدرجة حرارة الغرفه يعني ما ينفعش نطلعه من التلاجه و نشتغل
?اي طاسه فيها زيت سخن بلاش حركه نحطها في الفرن
عشان هيتكًون عليه طبقه دهون بشعه و هتطلع عينك في تنضيفه
?الزيت المستخدم ما يترميش في الحوض
يا ازازه فاضيه و في الزباله
يا كيس بلاستيك و يتقفل كويس
يا برطمان قديم
?اي وقت تعصري ليمون ما ترميهاش
هاتي علبه واحتفظي بيهم في الفريزر
و كل اسبوع اغلي الكميه مع اضافه مايه و استعملي المايه دي في التنضيف و مسح الارضيات و المواعين بجد رهيبه
?اي لحوم وقت السلق ما تحطيش عليها ملح الا بعد ما تستوي عشان ما تطولش في السوا
و عشان تضمني انك تظبطي ملحها اكتر
?اي تسبيكه فيها طماطم حطي معلقه سكر صغيره عشان تعادل الطعم و تطلع زي المطاعم
?لو الرز شاط منك ناخد اللي فوق بس نسيب القعر طبعا هيكون فيه ريحة شياط عشان نشيل الريحه دي هنجيب واحدة بطاطس نقسمها بالنص و نحطها و الرز سخن لسه نص ساعه و نغطي عليها هتاخد الريحة كلها
?لو المعجنات اتحرقت منك من تحت
بالمبشره و كانك بتبشريها الطبقه المحروقه هتنزل كلها
?اي عجينه او كيك حابه يكون لونها فاتح و هش ضيفي معلقه صغيره خل ابيض
?خصصي علي حوض المطبخ
علبه للمعالق فقط يعني لما تحطي المواعين في الحوض
عودي نفسك الملاعق ما تتحطش في الحوض
العلبه دي عبيها مايه و صابون و حطي الملاعق
وقت غسيل المواعين اغسليهم لوحدهم
?كيك الشوكلاته في تبطين الصنيه اللي هنحط فيها الخليط ما بنحطش دقيق بنحط كاكاو
?عشان تنضفي الكاتل حطي فيها مايه و معلقتين خل ابيض و شويه ملح ليمون و خليه يغلي لحد ما يفصل و بعدين ارمي المايه
و بمناديل مظبخ امسحيه من جوه
?عشان تنضفي الميكرويف من جوه
طبق فيه مايه و معلقتين خل ابيض و بيكربوناتو او ملح ليمون و شغلي الميكرويف ثواني بعدين أفصليه و بالاسفنجه و امسحيه من الداخلومن الخارج كمان
السخونة هتساعدك