رواية مـورم&متـرمـم

بقلمى فاطمةه سالم
… حلقه اولى
نبدةه..
تحكي روايه على…
خيانةه زوجةه لي زوجها…
قصه من الانبوكس..
….
رساله…
اسمي خلود م 88 …
درت علاقه مع شخص اسمه فراس لمده اربع سنين..
كبرت وصار عمري 31 وماتقدمش ولا خطوه ولا فتح موضوع في يوم قتله لعند امتى بنقعدو قال مش مكون نفسه…
تصدقو كنت متوقعه هدا رد مش عارفه شن سبب توقعي هك…
متحركتليش ولا شعره…
في يوم كا عادتي مشيت لي كورس بنعطي حصه..
في جنب كورس كان في محل دهب وفضه لقيت وقت مزال عشره دقايق…
خشيت محل وقعدو نوازي ونساوم في الاطقم الفضه والقرام…
بس كان صاحب محل يحاول يتلمس ايدي او يدير ايي لقطه ضايقت وطلعت لي كورس..
وعطيت حصتي ولما جيت طالعه جاني طفل في عمر العشره سنين حاجه هكي…
في ايده كيس وعطاهلي ومنصدمه من عيل هدا وشن في!؟؟.
…
روحت للحوش لقيته فاضي…
ع طول استغليت فرصه وفتحت كيس لقيت فيه بوكس فتحته لقيت نفس خاتم لي عجبني لما خديت خاتم لقيت ورقه ملصقه في خاتم..
فيها رقم!!!
ع طول سجلت رقم في فوني وحطيته في تراكولر…
طلع الاسم راسم مختار ال….
نفس اسم عيله فراس!!!
نصدمتتت!؟!
اتصلت بين فراس وسؤال في بالي ومش عارفه كيف نسأله…
انا :اهلا
فراس :اهلين حبي شجو
انا:حمدالله وانت!
فراس :في نعمه
انا :ااا فراس!
فراس :نعم حبي خيرك متوتره
انا :احم اا لا غر بنسألك
فراس :تفضلي
انا :في محل قريب من كورس …. سكتت”ع طول خديت الكيسه وقريت الاسم ” … :احم ااا اسمه ورد بيضاء ولقيت لقبكم عليه!

فراس :ايي محل خوي هدا خيره

انا :لا شي غر نسأل

فراس :تمام حبي قتلك توا شباب يستنو فيا بعدين نكلمك

انا :سلام
صكرت واني مصدومه واااو قداش دنيا صغيرةه
….
وشوي خشت اختي “خوله متزوجه من اربع سنين وعندها بنيه ”

خوله :سلام عليكم “وخشت في جرتها بيسو ”

انا:حبيبه خوويلةه حبااا

بيسو جت تجري:حبااا حلو

خوله :شجو شن مدايره

انا:حمدالله وينك معاش تقابلي

خوله :اهو ياكبدي حال دنيا فتره لي فاتت بيسان مرضت معاش قدرت نطلع حتى شغلي قداش ليا عليه الا ليوم مشيت مديره كلت وجهي

انا شبحت لي بيسو بخوف :خيرها حبيبه خالتها شن فيها

خوله :جتها برده قريب ماتت

انا :بعيد سو على بيسو ان شاء الله في قطوس

بيسو :ابي قتوسه

انا :حاضر يا قطوسه

خوله :مهبله قطوسه جيرانه وتضرب فيها وتشدها من ديلها مدايره فيها العار

انا :هههه ليش هكي يا شريره

بيسو نفخت خدودها:تبيش تلعب معاي

انا :اي عندها الحق تبيش تلعب معاها حتى هي بيسو عاد

خوله :اي زيدي دلعيها وهبال يجي عليا …. خلي نوض اني توا ندير قهوه

انا :تمام نصلي عصر اني ونجي حولي عبايتك

عطيت تليفوني لي بيسو تلعب بيه وخشيت لحمام حشاكم توضيت وصليت …

مشيت للجنان لقيت خوله تستنى فيا

خوله :وين امي امالا

انا نشرب في قهوه :تلقيها في حوش جيرانا

خوله :خيره شن عندهم

انا :والله ما عارفه

جت بيسو تجري :خويله

انا :نعم حبيبتي

بيسو مدتلي فوني :هاكي فونك

خوله :حي عليك ابصر بي من اتصلت

انا بسرعه خديت فوني ولقيت رقم خو فراس!!!

حييي ع جو …. صكرت خط طووول
….
وشديت بيسو ضربتها وخشيت لداري قعدت نبرم وخايفه زعما يكون اختبار من فراس ولا شن خديت فوني لقيته باعت رساله ان ح يجيب هله….

قلت في خاطري “هههه كبيره عليك مادارها خوك لي اربعه سنين بديرها انت ”
….
ودرتله حظر
…

طلعت

خوله :بي من اتصلت الفرخه معاش تعطيها تليفونك

انا :رقم غريب اشبح من يطلع

خوله :به شن صار في سبع برمبه متاعك

انا :قاعد

خوله :لعند امتى ان شاء الله!!

انا تنهدت وخديت فنجان وقعدت نشبح في مكان تاني كا محاوله هروب :لعند يفرج ربي

خوله: مش لصالحك لي ديري فيه

انا :عارفه
…..

بعد اسبوع بدون ايي احداث…

بعد روحت من شغلي كلعاده لقيت نساوين خشيت طووول لداري بدون ما نسلم

….
جتني امي قتلي اطلعي سلمي على نساوين قبل…

….
طلعت مجبوره ونجامل

مراءه :ماشاء الله تبارك الله مواليد كم يا بنتي

انا :88

مراءه :لتوا قاعده خيرك

انا من فوق نفس:نصيب

امي محاوله تلطيف جو:ههه بنيتي جوها خطابه بس هدا هو عينها واسعه ما عجبها عجب

مراءه :ماينفع هكي بنت ماليها الا حوش راجلها

انا :حتى حوش بوها يشكرو فيه

مراءه 2: يابنتي اني ولدي دلني عليكم وباين عيله ماشاء الله وانتي متعلمه وبشهادتك

امي :اهلا وسهلا بيكم كان عليا اني مانلقى خير منكم لكن خلي نشاور بوها وفي الاخير شور اول والاخير ليها

وطول امي فنصت فيا بمعنى اطلعي
…
طلعت خشيت حمام توضيت وصليت وغيرت حوايجي ورقدت

…
نوضتني خوله

خوله :نوضي نبيك في موضوع

انا مدهشرني نوم بس استغربت مش من عوايد خوله تنوضني وتقول نبيك في موضوع…
عين مصكره وعين مفتوحه :خيرك؟

خوله :….. يتبع