مش عارف اودى فلوسى فين

بقلم :: سمير الشاعر

مش عارف اودى فلوسى فين
تعبت من كتر السعادة
قاطعنى الحزن بقاله سنين
و حياتى سكر زيادة

معقولة كل يوم خروجات
و ضحك و هزار و انبساط
و ناس ويايا مش خاينين
و حياه من غير هم و حوارات

ما كفاية يا دنيا فرح كدة
جزعت من سكر أيامك
دة ايه بقى كل الحب دة
يا سلام على طيبتك و حنانك

هاتيلى طيب حبة حزن
علشان حتى أحس بفرق
مش ممكن كل ما اشوف الغم
يضيع علطول كدة زى البرق

خفى جمايلك حبة عليا
يا ستى سبينى احزن شوية
هو كله فرح فرح
زهقت خلاص من حبك ليا
#ابوسمرة

error: