لو ابنك عدوانى

اقولكم_على_سر ررر
لو ابنك عدوانى بيضرب اخوه كتير
مش بيسمع الكلام
مغلبك مجننك …..
مش راضى يروح التمرين
ولا يعمل الواجب
طول الوقت بيستفزك
سمعت نصايح كتير وحضرت كورسات
وبرضه مفيش فايدة
ومش عارفين تتصرفوا
تعملوا ايه ؟؟؟؟
ايه كلمة السر ؟؟؟
وقت مخصوص ليه لوحده وياسلام لو تصحيه بدرى شويه
عن اخواته ولو خمس دقايق
تظبطى التايمر وتعملوا مع بعض اى حاجة بيحبها
وتنتظمى كل يوم
بعد اسبوع هتدعولى?
هتلاحظوا تحسن فى سلوكه وبيستجيب معاكم اكيد ان شاء الله ولو بنسبة وبتزيد مع الوقت
====
ليه بقى الوقت المخصوص للطفل دا لوحده بيفرق؟

الطفل دا جعان اهتمام وعايز يحس إنه متشاف ومتقدر لوحده
مهما كنت بتعملوله وهو مع اخواته هو حاسس ان محدش حاسس بيه
هو مجروح اوى اوى اوى وتعبان اوى اوى اوى
ومش لازم تكونوا انتوا السبب خالص
ممكن يكون اي ظروف صعبة مر بيها زى انفصال الأم والأب
عملية صعبة عملها ،موقف صعب تعرض له ………
اللى وراه كل السلوكيات المزعجة دى احساس خوف شديد وعدم أمان
ايه سبب احساس الخوف دا؟
مش مهم اوى على فكرة
المهم ازى نعالجه ؟
اقوى اداة هى الوقت المخصوص ليه لوحده دى اداة الأوقات الصعبة والمشاكل المستعصية متتخيلوش قد ايه بتفرق مع الطفل وبيبتدى يفتحلك قلبه? ويقولك اللى مضايقاه

الطفل دا محتاج احتواء كتير قد العالم…………..
ودا بيتحقق فى الوقت المخصوص اللى بتعملوه مع بعض

اعتبروا الوقت المخصوص دا واجب علشان يعالج كل السلوكيات اللى مضايقاك علاج باللعب والضحك وبنعمل اللى بيحبه?
وبجد انتوا كمان هتنبسطوا
اعتنو باطفالكم هم اماااااانة
كلكم راع وكلكم مسؤل عن رعيتة