كل الطرق ليكى سبيل

توب الجمال مغزول بإسمك
خيطه الجميل من حبل وصلك
صنع الخيال كان شكل رسمك
لوحة تنور من ضحك بسمك

شعرك ده شئ اسحار وغزل
كل اللى فات كان صنع دجل
انتى الحقيقه و سط الامل
اانتى الطريق وانتي السبل

مسحور بجنية حبيبتي
تلبسني روح سكنالى جسمى
عشقك يا شئ بين الخيال
عشقك يا سحر عملى الطوال

انتي نغمة حلم سارح
شجن لعود بوتره جارح
دقة طبول بالحب طارح
انتي الغناء فوق المسارح
بحرك بموجه لو عكس طيفي
هفضل اقاوح و بعشقي سابح

نغم الكمانجى بتعزفه على لحن منك
نايي لهيبة بيندهك لو حس بعدك
وانشد انا كل الكلام ف وصف حبك
انشد غنى للروح تناجى
انشد عبير صبري اللى راضي
انشد بحبك في الهجر إنك
انتى الحليف وانتى الاعادى

طير السحاب مرسال رسول
جالى بوحيك خلاني اقول
و برغم بعدك خلانى اطول
نجمة سما وسط البحور
تهدى اللى تايه في وسط نور
تهدى العمى في ظلام جحور

فكرك يا خطفه وحدتي
يا سرقة منى دمعتي
فكرك يا ضحكة وبسمتي
فكرك نجا وسط الحروب
سكة هدي لكل الدروب
عطر المنى زهر و ورود
كاسك ده خمر معتقه
يسكر مشاعري ويسرقه
من دنيا فيها بنفترق
لوهم بنا بنخلقه

عشقك يا كل عيون سمار
عشقك يا سحر من الجمال
عشقك وصابر وده القرار

وقت متلاقت عيون
كان عهد انى افضل حنون
واخلق بفرحك شعور جنون
وعلي عهد حبك افضل اصون
وعن وحي دربك مقدر أخون
انتي الحقيقه وسط الظنون
انتي العقيدة وانتي القانون

#عطوه