قصه قصيره حكاية جوري
الجزء الثانىجلست فى غرفتها تبكى بعدما سمعته
سعاد..يا بنتى كفايه عياط بقى
جورى ببكاء..شفتى القدر يعنى اللى بحبه من صغرى جاى يطلب ايدى لواحد صاحبه
سعاد بحزن..خلاص يا حبيبتى كل شيء قسمه ونصيب وانا هقولهم كده انك مش موافقه
جورى..صدقينى متفرقش انا حاسه انى جوايا نار
سعاد وهى تحتضنها..قومى اتوضى وصلى وان شاء الله ربنا يخفف عنك
سمعت جورى كلام امها وتوضات وصلت ودعت ربها ان يفرج عنها
فى منزل احمد العمرى
دريه..خلاص يا احمد كل شيء انتهى
احمد بحزن..وتفتكرى انا هقدر انساها
دريه..تنساها ازاى وانت دبحت نفسك بايدك
احمد..انا لازم اسافر
دريه..وهتسبنى
احمد ..لازم ابعد مش هستحمل اشوفها مع حد غيري
دريه ..هتسافر فين
احمد..جايلى عقد احتراف فى انجلترا هقولهم انى موافق وامضي معاهم واسافر
دريه..اتجوز يا احمد
احمد بذهول ..اتجوز ده وقته يا ماما انتى مش شايفه اللى انا فيه
دريه..علشان خاطرى اتجوز وسافر انا عايزاك متبقاش لوحدك مش عايزاك تفضل تتالم يمكن لما واحده تانيه تاخد مكانها فى حياتك تقدر تنساها
احمد..يا ريت اقدر انساها يا ماما يا ريت
دريه..هتقدر ان شاء الله بس اسمع كلامى واتجوز
احمد..اعملى اللى انتى عايزاه يا ماما مش هتفرق
بعد اسبوع
تجلس الان فى حفل خطوبتها على مراد ولازالت منصدمه كيف طاوعته وقبلت الزواج من صديقه
فلاش باك
احمد..انتى بتقولى ايه مش عايزه تتجوزى مراد
جورى..اه يا احمد مش موافقه
احمد..ليه
جورى..كده وخلاص واستدارت لتذهب
احمد بحزن..ولو قلتلك وافقى علشان خاطر مراد بيحبك اوى ولو عرف انك مش موافقه هيروح فيها مراد عنده القلب
جورى..انت بتقول ايه انا مش موافقه
احمد بحزن..ارجوكى يا جورى انا عمرى ما طلبت منك حاجه وافقى ارجوكى لو سمحتى
انتهى الفلاش باك
جورى…ااااااه انا ليه بيحصلى كده بس يا ربى
سافر احمد الى انجلترا واخذ امه معه واصرت امه ان يتزوج من ايه ابنه عمه فوافق لعله ينساها ولكنه كان مخطىء تماما فهو يجلس مع زوجته ولكن عقله وقلبه مع جورى
علمت جورى بزواجه
جورى..اااااااااه احمد اتجوز يا ماما
سعاد ببكاء …يا حبيبتى اهدى اكيد ربنا ليه حكمه فى كده وانتى مراد بيحبك انسي بقى
جورى..يااااارب انسي يا رب انا حاسه انى هموت روحى بتنسحب منى
اخذتها سعاد فى حضنها حتى هدات ونامت
سعاد..ربنا يريح قلبك يا بنتى
مرت سنه على خطبه جورى ومراد وزواج احمد وايه ولم تراه جورى من يوم خطبتها
فى يوم من الايام دخلت جورى لتيقظ امها من اجل ان يتناولوا الفطور سويا
جورى..ماما قومى يالا ماما
ولكن لا يوجد رد حاولت كثيرا والنتيجه نفس الشيء لا يوجد رد
جورى بايد مرتعشه حاولت الاتصال بمراد وطلبت الاسعاف
حضر مراد والاسعاف واخذتها الى المشفى
بعد قليل خرج الطبيب واخبرهم ان سعاد قد توفيت
جورى بصراخ ..لاااااااااا ماما لااااا انت مجنون وركضت الى امها ولكن قد صعدت الروح الى خالقها
مرت اصعب ايام على جورى وهى حزينه على امها
مرت سنه اخرى وطلب مراد الزواج من جورى ولكنها صدمته بالحقيقه
جوى..اسفه يا مراد مش هقدر اتجوزك انا خلاص مش عايزه حد معايا عايزه اعيش لوحدى
مراد بهدوء..انتى بتحبى حد يا جورى
جورى بتوتر..ايه اللى بتقوله ده
مراد..بتحبى مين
جورى..خلاص اللى بحبه اتجوز غيري مش هتفرق اقولك هو مين
مراد..بتحبى احمد صح
جورى..اه صح بس خلاص احمد دلوقتى متجوز
مراد..انتى انسانه جميله اوى لو مش هتكونى مراتى كونى صديقتى على الاقل
جورى بابتسامه باهته ..وانا موافقه اكون صديقتك
انهى احمد عقد احترافه بالخارج ورجع الى مصر ومعه زوجته وامه وكانت زوجته حامل بالشهر التاسع
رجع الى شقته التى بجانب شقه جورى
جورى ..احمد حمد الله على السلامه
ايه ..انتى جورى صح
جورى باستغراب..اه صح
احمد بشوق لها..اذيك يا جورى عامله ايه وقاعده هنا ليه مش فى شقه مراد
جودى..انا ومراد سبنا بعض واحنا دلوقتى مجرد اصدقاء
دريه وهى تحتضنها ..وحشتينى اوى يا قلبى وسعاد فين
تجمعت الدموع فى عينيها..ماما الله يرحمها توفت من سنه
دريه بحزن..ربنا يرحمها يا حبيبتى
احمد..البقاء لله
جورى..ونعم بالله
مرت الايام وجاء يوم ولاده ايه
كانت ايه فى المشفى فى احد الغرف تصرخ من الالم
ايه بتعب..اتصل على جورى خليها تيجى عايزه اشوفها قبل ما اولد
احمد..ارتاحى بس وانا هتصل بيها
بعد قليل حضرت جورى
جورى..ان شاء الله تقومى بالسلامه
ايه بتعب..اوعدينى تنفذي اللى هقولهولك
جورى..اوعدك بس ارتاحى
ايه..لو جرالى حاجه ربى بنتى انا حامل فى بنت واتجوزى احمد صدقينى هو بيحبك اوى احمد بيحبك من زمان هو خلاكى توافقى على مراد بس لانه خايف عليه لانه عنده القلب بس هو بيحبك من زمان هو اللى قالى يوم ما اتجوزنا انى منتظرش انه يحبنى لان مفيش حد غيرك فى قلبه ارجوكى
نفذى وعدك
دخلت ايه غرفه العمليات وانجبت ايه ولكنها ماتت ولم يستطيعوا انقاذها
مرت سته اشهر على وفاتها وتولت جورى تربيه ايه الصغيره وتزوجت من احمد
يوم الزواج
كانت تنتظره فى غرفته
دخل احمد وابتسم لها بحب وفتح ذراعيه لها فركضت جورى اليه واحتضنته واغلق الستار على حب لم ينتهى فقد فرقهم القدر ولم شملهم مرة اخرى
النهايه تمت بحمد الله
بقلم/شيماء رضوان