قصه قصيره حكاية جوري

جميع الحقوق محفوظة للكاتبة شيماء رضوان

حكايه الجورى
الجزء الاول
انا جورى محمد عبد الله ابنه الشهيد اللواء محمد عبد الله توفى والدى وانا فى عمر السابعه عشر تالمت بشده لوفاته وابتعدت عن كل شيء حاولت امى اخراجى مما انا فيه ونجحت بعض الشيء انا فتاه بيضاء لست طويله ولا قصيرة امتلك عيون بلون العسل الصافى تخرجت من كليه الاعلام عمرى الان اربعه وعشرون عاما
اليكم قصتى
احبت والدتى ورد الجورى بشده وتاخرت فى الانجاب وعندما رزقها الله بى اسمتنى جورى
احببت جارى بشده تعلقت به منذ ان كنا صغارا كان يكبرنى بعامين عمره سته وعشرون عاما يمتلك الجسم الرياضى وسيم جدا عيونه سوداء داكنه فهو احمد العمرى لاعب كرة القدم الشهير بطل النادى الاهلى ومنتخب مصر لاعب كبير رفض الاحتراف فى الخارج حتى يلعب فى منتخب بلاده كنا معا دوما كبرت وكبر حبه فى قلبى وكنت اريد ان اخبره بحبى ولكن ترددت هل يحبنى ام لا ظل هذا الهاجس يطاردنى انه لا يبادلنى نفس شعورى الى ان جاء اليوم الذى اكد لى انه لا يبادلنى نفس احساسي تخيلوا معى احساسي وهو ياتى لكى يطلب يدى لرفيق عمره
فلاش باك
جورى..اذيك يا احمد عامل ايه
احمد بابتسامه..انا كويس الحمد لله اخبارك ايه يا جورى بقالى شهر مشفتكيش
جورى..اولا الف مبروك فوز المنتخب على تونس ثانيا انا الحمد لله كويسه اوى
احمد بحب..وحشتينى اوى يا جورى الفترة دى كنت عايز اكلمك فى موضوع خاص
جورى بخجل..موضوع ايه يا احمد
احمد..انا بح
قاطع حديثه سعاد والده جورى امراة طيبه تعرف حب جورى لاحمد وتتمنى ان يرزق الله ابنتها السعاده
سعاد..حمد الله على السلامه يا احمد مبروك الفوز
احمد بابتسامه..الله يبارك فيكى يا طنط اخبارك ايه
سعاد..كويسه يا حبيبي اتفضل واقف بره ليه
احمد..لا انا لازم اشوف ماما انا لسه واصل من السفر دلوقتى
سعاد..ماشي يا حبيبي سلملى عليها لغايه ما اشوفها
احمد حاضر عن اذنكم
دخلت سعاد مع ابنتها الشقه
سعاد بابتسامه..بتحبيه اوى كده لدرجه انك عماله تضحكى زى الهبله
جورى بحب..بحبه اوى يا ماما
سعاد..طيب ربنا يسعدك تعالى نتغدى انا عامله سمك من اللى انتى بتحبيه
جورى..الله الله يا ست ماما بموت فى السمك بتاعك

فى منزل احمد العمرى
احمد وهو يحتضن والدته..وحشتينى اوى يا ماما
دريه ..وانت كمان يا حبيبي شهر بحاله مشفتكش
احمد..اعمل ايه بس كله يهون علشان المنتخب
دريه..طيب ادخل ارتاحلك شويه لغايه ما اجهز الاكل
احمد ..حاضر يا ست الكل عن اذنك
تناول احمد الغداء مع والدته وطلبت والدته ان يذهبوا لمنزل جورى لقضاء الليله معهم
كان احمد ووالدته وجورى ووالدتها يجلسون ويتحدثون فى امور عده
احمد ..كفايه بقى انتوا مزهقتوش من الكلام انا عايز اعمل حاجه تانيه
جورى..تيجى نلعب كوتشينه زى زمان
احمد بحماس يا ريت يا جورى وحشنى اللعب معاكى اوى
جورى بخجل..وانا كمان وحشنى اللعب معاك اوى
قامت جورى واحضرت الكوتشينه وبداوا اللعب سويا حتى تعبوا من السهر وغادر احمد ووالدته
فى اليوم التالى
كان احمد يجلس مع صديق عمره مراد
مراد..وحشنى اوى يا ابو حميد
احمد..وانت اكتر يا مراد
مراد..عايزك فى موضوع مهم
احمد..خير موضوع ايه
مراد بجديه..انا بحب بنت من زمان اوى ونفسي اتجوزها لما بشوفها قلبى بيدق جامد اوى ولما بتمشي بحس انها بتاخد روحى معاها انا بعشقها مش بحبها بس نفسي تبقى مراتى وحبيبتى وام ولادى عارف لو انا متجوزتهاش وراحت لحد غيري انا ممكن يجرالى حاجه
احمد..يااااه كل ده حب ومين بقى سعيده الحظ دى
مراد..جارتك وصديقه عمرك جورى محمد عبد الله
انصدم احمد منه لا يصدق ان الفتاه الوحيده التى يعشقها يعشقها صديقه ايضا والادهى انه يحبها بجنون ولو صارحه بحبه لها فمن الممكن ان يمرض صديقه بشده لان صديقه مريض قلب
احمد بحزن..وهيا بتحبك
مراد بحيره ..مش عارف عمرى ما صارحتها بحاجه
احمد ..طيب هتتقدملها امته
مراد انا ناوى اروحلها بكرة ان شاء الله بس عايزك معايا انت عارف ان انا مقطوع من شجرة
احمد بحزن..ماشي يا صاحبى هاجى معاك
فى منزل احمد العمرى
دريه بغضب ..انت اتجننت انت بتحب جورى عايز تسيبها لصاحبك
احمد..مراد بيحبها يا ماما
دريه ..انت كمان بتعشقها مش بتحبها بس
احمد..بس مراد صاحبى وانا مستعد اعمل اى حاجه علشانه
دريه ..انا هكلم مراد وهقوله على كل حاجه
احمد..لا يا ماما مراد عنده القلب ومش هيستحمل واقسم بالله يا ماما لو قلتيله اى حاجه هسيبلك البيت ومش هتشوفى وشى تانى

فى مساء اليوم التالى
كان احمد مع مراد ودريه فى منزل جورى
سعاد..والله انتوا نورتونا النهارده
احمد..ده نورك يا طنط بس احنا كنا عايزين حضرتك بموضوع
سعاد بتساؤل..موضوع ايه يا حبيبي
اغمض عينيه بالم ثم تحدث
احمد..انا طالب ايد جورى
عندما سمعت جورى حديثه فرحت بشده انها ستتزوج حبيب عمرها ولكن عندما اكمل حديثه سقط قلبها فى قدميها عندما اكمل كلامه
احمد..انا طالب ايد جورى لصاحبى واخويا مراد

يا ترى ايه اللى هيحصل القصه جزءين بس ده الجزء الاول باقى الجزء الثانى والاخير رايكم اكملها ولا لا ؟؟
بقلم/شيماء رضوان