قصة لحمة الفقراء ( للكاتبة امل احمد سلوم)

#لحمة_الفقراء
#الجزء_الثاني
#بقلمي_امل_احمد_سلوم*╚══════ღღ══════╝رجع عبدالله لبيته وهو ساحب الاضحيه وجواته فرحه مابعدها فرحه
ربطها وحط قدامها مي واكل ومسد عليها
عبدالله : رح يتفاجئوا دانا والاولاد بس يرجعوا ويشوفوا الاضحيه… اااه الف حمد وشكر لك يا •اللّـہ̣̥

رجع لعند الاغا والتقى بالتاجر وسلمه المصاري وبهيك بينزاح عن قلبه حمل ثقييييل

*╚══════ღღ══════╝

بغرفة نومها الفارهة كانت منال قاعدة وعم تعزل خزانتها مع بنتها..
منال: وهي خلصنا ..
روان : وهدول الفساتين اللي ضلو
منال: لٱ هدول شايلتون لحدا ..

طلعت م̷ـــِْن الغرفة واعدت بالصالة وطلبت تجيها مياسة … عطول بس سمعت مياسة انو منال طالبتا راحتلا
مياسة: اي منال خانم قال طالبتيني
منال: كيفك يامياسة
مياسة: بنشكر •اللّـہ̣̥ ياخانم ..
منال: تعالي حبيبتي .. وخدي هاد الكيس م̷ـــِْن ايدي
مياسة باستفسار: وشوفيه هالكيس ياخانم؟
منال: شلتلك هالكم فستان عجنب انشالله يعجبوكي

ضلت مياسة واقفة مكانها وعم تطلع عالكيس ومليون شعور اعترا ملامح وجها الناعم.
منال: شو مياسة فِيَھ شي؟
مياسة ابتسمت: مَشَـــڪُوُرةْ لطفك ياخانم ..والله انك ماقصرتي .. بس بدك ماتآخزيني انا مارح اخد هالكيس
منال اتفاجأت: لَيــِْـِْش. حبيبتي .. بعدين انتي ماشفتيون لحتا تحكي هيك .. شوفيون وازا ماعجبوكي احكي
مياسة: مافي داعي شوفون ياخانم ..انا وبفضل رب العالمين مو ناقصني والحمدلله عكل حال .. انا بفضل تعطيهم لحدا محتاجهم اكتر مِڼـّي
منال: يعني انتي متأكدة مابدك اياهون؟
مياسة مع ابتسامة : لٱ انا مابحاجتهم ياخانم ..
منال: طيب مارح احرجك .. مابدك اياهون براحتك
مياسة: بدك شي تاني ياخانم؟
منال: لٱ فيكي تروحي ..
لفت مياس وراحت وضلت منال صافنة فيها لحتا شافتا طلعت م̷ـــِْن باب الصالة ..
منال: معقول شو انها عزيزة نفس ..

المسا بعد ما اجا جوزها خبرتو عالشي يلي عملتو مياسة ..
منال: والله انا ما فكرتا ترفض الفساتين بهالطريقة ..
محمد: والفساتين هدول قدام وللا جداد؟
منال: لٱ قدما م̷ـــِْن فساتيني
محمد:ڵـهٍ ..الله يصلحك على هالعملة .. لَيــِْـِْش. شو ناقصك لحتى ماتجيبيلها فستان جديد .. اكيد زعلت البُـنًتٍ م̷ـــِْن تصرفك
منال: لٱ يا ابن عمي مو ناقصني شي ..بس مياسة ماشافت الفساتين ومابتعرف ان كانو قدام وللا جداد
محمد: كيف يعني، ؟
منال: يعني مياسة ما لمست الكيس ولا بتعرف شوفي بقلبو ومع هيك رفضت انها تاخد مني شي .. هالبنت في عندها عزة نفس ماشفتها باي وحده اشتغلت عنا م̷ـــِْن قبل.. ماشالله عتربيتها وللا اخلاقها .. الله يحفظها ويحميها
محمد: اي والله .. وحتى عم عبد •اللّـہ̣̥ نفس الشي .. •اللّـہ̣̥ يحميلو هالشمعتين اللي عندو ..
منال: اميين ..

*╚══════ღღ══════╝

المسا رجعت مياسهربرفقة علي وقربت بخطواتها ناح بيتها وسمعت صوت خروف .. نزلت راسها بحزن واطلعت ناح بيت الجيران
مياسه : انت صدقت انه الخروف مو النا
علي : مابعرف بس ابي اكد انه للجيران وبعد كلام ابي مافي كلام
زمت شفايفها بعدم رضا ودفعت الباب واتوسعوا عيونها وهي شايفه الخروف مربوط ب ارض الديار
ركضت لعندو وبلشت تتحسسه
مياسه : لك علي شوف خروف ..
علي : معناته ابي حل الاشكال مع ابو معاذ ورجع خاروفنا
مياسه ( بفرح ).. ياسلااام هاد حيكون احلا عيد بحياتي

*╚══════ღღ══════╝

كانت منال قاعده بغرفتها وحاسه بالخجل من الشي اللي عملته .. اندق الباب وفاتت لعندها بنتها
روان : شبك ماما
منال : مافي شي ياروحي
روان : طيب مابدك تكويلي شعري بكرا العيد
منال : اي لكن ياروحي روحي جيبي المكوايه لحتى حضر الفحمات واكويلك شعراتك يا اميرتي الحلوه

كانت منال عم تكوي شعر بنتها وهي شارده وعم تتخيل قدامها مياسه وكيف كسرت نفسها واعطتها توب قديم…
غمضت عيونها بقهر ونزلت المكوايه من ايدها
منال : وينو ابوكي روان
روان : كان قاعد بالليوان… شو صار معك خلصتي شعراتي
منال : بعدين امي بعدين
وتركتها وطلعت

*╚══════ღღ══════╝

مياسه : ابي كيف جبت الخروف
عبدالله : يلي اله نصيب بشي بياخدو ابي لو وقفت كل الدنيا بوجهو
مياسه : فعلا ابي صدقت
علي : رح توزع الاضحيه كلا ابي ماهيك
مياسه : شووو يعني مارح يبقالنا شي !!
علي : مابيصير يلي بيضحي مابياكل من اضحيته
عبدالله : مين حكا هيك ابي !! هي اضحيه مو ندر
علي : وشو الفرق ابي مو كلن لوجه الله
عبدالله : اكيد ابني بس الاضحيه فيك تاكل منها وتوزع عالفقرا والمحتاجين والاقارب
علي : لكن الفروه رح اخدها وبيعها
مياسه : ماحزرت بدي خليها تزكار عندي
علي : بالله شو
دانا : وبعدين معك انتي واخوكي خلص اهدو
عبدالله : اتركيهم ام علي وانت ابني علي لازم تعرف انه فروة الاضحيه مابتنباع
علي : ليش !!
عبدالله : عَنْ عَلِيٍّ رضي الله عنه قَالَ : أَمَرَنِي رَسُولُ اللَّهِ صَلَّى اللَّهُ عَلَيْهِ وَسَلَّمَ أَنْ أَقُومَ عَلَى بُدْنِهِ وَأَنْ أَتَصَدَّقَ بِلَحْمِهَا وَجُلُودِهَا وَأَجِلَّتِهَا وَأَنْ لَا أُعْطِيَ الْجَزَّارَ مِنْهَا . قَالَ : نَحْنُ نُعْطِيهِ مِنْ عِنْدِنَا .
قال في “زاد المستقنع” : ” ولا يبيع جلدها ولا شيئا منها ، بل ينتفع به “.
علي : ولا حتى نعطيها للجزار !!
عبدالله : الافضل التصدق فيها لان الاضحيه كلها خالصه لوجه الله
علي : بس في جزارين بياخدو من الاضاحي الروس والاجرين والفروه والفوارغ
عبدالله : هدول بيوزعوها بمعرفتهم وبالنسبه للفروه بيجهزوها وبيتصدقوا فيها للمساجد
علي : يااه ماكنت بعرف .. طيب ازا انا اتصدقت بالفروه على فقير والفقير باعها شو الحكم !!
عبدالله : يعلم أن المشروع هو الانتفاع بالجلد أو التصدق فيه على مستحقه من فقير أو مسكين .
ولو تصدق المضحي بالجلد على فقير ، وباعه الفقير ، فلا حرج على اي حدا منهم

مياسه : طيب واللي ببطبخ كامل الأضاحي مع قرايبه بدون مايتصدق منها بشي شو الحكم ؟ :
عبدالله :” هاد الشي خطأ ؛ لأن الله تعالى قال : ( لِيَشْهَدُوا مَنَافِعَ لَهُمْ وَيَذْكُرُوا اسْمَ الله فِي أَيَّامٍ مَعْلُومَاتٍ عَلَى مَا رَزَقَهُمْ مِنْ بَهِيمَةِ الْأَنْعَامِ فَكُلُوا مِنْهَا وَأَطْعِمُوا الْبَائِسَ الْفَقِيرَ )

مياسه : يعني يلي بيضحي مابياكل من اضحيته !!!
عبدالله: لا امبلا بياكل منها بس النصوص الشرعية بتنص على وجوب التصدق بشي من الهدي والأضحية… قال تعالى : ( فَكُلُوا مِنْهَا ، وَأَطْعِمُوا الْقَانِعَ وَالْمُعْتَرَّ ، كَذَلِكَ سَخَّرْنَاهَا لَكُمْ ، لَعَلَّكُمْ تَشْكُرُونَ ) .
مياسه : شو يعني القانع والمعتر !!
عبدالله : القانع : هو الفقير اللي مابيطلب شي تقنعاً وتعففاً .
والمعتر : هو الفقير اللي يسأل وبيطلب …لهدول الفقرا حقٌّ في الهدي ، ”
قال صلى الله عليه وسلم في الأضاحي : ( فَكُلُوا ، وَادَّخِرُوا ، وَتَصَدَّقُوا )
والقول بوجوب التصدق بشيء منها هو مذهب الشافعية والحنابلة ، وهو الصحيح ، لظاهر النصوص الشرعية .

قال النووي رحمه الله :
” يجب التصدق بقدرٍ ينطلق عليه الاسم ؛ لأن المقصود إرفاق المساكين ، فعلى هذا : إن أكل الجميع ، لزمه ضمان ما ينطلق عليه الاسم ”
وَهَذَا وَإِنْ كَانَ وَارِدًا فِي الْهَدْيِ ، إِلاَّ أَنَّ الْهَدْيَ وَالأُضْحِيَّةَ مِنْ بَابٍ وَاحِدٍ ”

وقال المرداوي رحمه الله :
” وَإِنْ أَكَلَهَا كُلَّهَا ، ضَمِنَ أَقَلَّ مَا يُجْزِئُ فِي الصَّدَقَةِ مِنْهَا ”
.
وقال البهوتي رحمه الله :
” فَإِنْ لَمْ يَتَصَدَّقْ بِشَيْءٍ نِيءٍ مِنْهَا ، ضَمِنَ أَقَلَّ مَا يَقَعُ عَلَيْهِ الِاسْمُ ، كَالْأُوقِيَّةِ ”

بيقطع حديثهم صوت دقه عالباب وبيروح علي يفتح

علي : اهلا وسهلا محمد بيك
محمد : الوالد موجود
علي : اي اي تفضل
محمد : ياريت تخبر اهلك انه حرمتي وبنتي معي
علي : مية اهلا وسهلا فيكم… يابي امي .. محمد بيك وحرمته عنا تفضلو تفضلو زارتنا البركه

توجه عبدالله ودانا ومياسه واستقبلوا محمد ومرته احلا استقبال .. وقعدو الرجال لوحدهم والحريم لوحدهم
فاتت منال وهي بتطلع حواليها عالبيت كيف حيطانه مهرهره والاثاث القديم المتواضع
دانا : لاتواخزينا ياخانوم البيت مو قد المقام
منال : شو هالحكي اختي يسلم البيت واصحابه
قعدت منال عالفرشه بينما بنتها ظلت واقفه وكأنها قرفانه تقعد
مياسه ( تقدمت منها وفردت شرشف نظيف تحتيها رغم قهرها ) تفظلي روان خانوم ارتاحي الشرشف نظيف
زورت منال بنتها لتقعد
روان : شكرا الك
دانا : روحي بنتي اعملي شراب الورد للضيوف
مياسه : حاضر امي

فاتت مياسه وحضرت شراب الورد ودقت على غرفة الرجال وناولت اخوها الصينيه ورجعت اخدت ضيافه للست منال وبنتها

منال : يسلمو اديكي حبيبتي عزبتي حالك
مياسه : عزابك راحه ست منال
ومالت لتضيف روان… تفضلي ست روان
روان (بقرف) يسلمو مابدي
ابتسمت مياسه ومسكت الكاسه وشربتها ع نفس واحد
مياسه : اححح شو طيبه
دانا ; لك مياسه ?
مياسه : شو امي بجد العصير طيب
منال : اي مياسه بصراحه انا جيت لاعتزرلك عالشي اللي بدر مني اليوم
مياسه : ماصار شي للاعتزار ياخانوم.
دانا : ليش شو صاير !!
مياسه : مافي شي امي
منال : اي اختي. مافي شي بس انا كنت حابه اهدي مياسه فستان للعيد ويمكن زعلتا لهيك رحت عالسوق واخترتلا واحد جديد

كانت مياسه واقفه وشاده ع قبضتها واحساس بالاهانه عم يحفر بقلبها
وبقيت تراقب بمنال وهي بتمد ايدها عالكيس وبتتناول منه فستان جديد وبتفرده قدامها
لوهله توسعوا عيون مياسه وكان نفسها تاخد الفستان بحضنها وتركض لغرفته تقيسه لكن عزت نفسها منعتها تآتي ب اي حركه
منال : عجبك !!
مياسه : حلو كتير بس انا مافيي اقبله
منال : هيك بدك تزعليني منك وتحسسيني بالزنب احكيلك كلمه ام علي
دانا : انا بصراحه مو فاهمه شي بس ازا هالفستان هديه مدي ايدك وخديه بنتي
مياسه (بحنق) بس يل امي
دانا : يابنتي هاد هديه والرسول عليه الصلاة والسلام قبل الهديه
الكل : عليه الصلاة والسلام
منال : يالله مياسه لاتزعليني منك وفوتي قيسي الفستان حابه شوفوا عليكي
مدت مياسه ايديها بخجل واخدت الفستان وخدودها محمرين
يكتر خيرك ياخانوم
روان : حابه شوفو عليكي فوتي قيسيه
مياسه (بود) : طيب. ?

كانت منال ودانا مشغولين بالحديث لحتى سمعوا صرير الباب وطلت منه مياسه .. التفت الكل ناحها والصدمه بعيونهم
مياسه ( وهي بتفتل حوالين حالها ) شو رأيكم
روان : لك بيجنن
منال : ماشالله عنك وين مخبيه هالجمال
كانت مياسه تفتل حوالين حالها وفجأه سمعت صرخه من امها .. ميااااسه
وقفت مياسه واطلعت ب امها بخوف… شو في امي !!
دانا : ليش شلحتي الفيزون .. مو شايفه حالك وانتي بتفتلي كاحلك امبين .. روحي قوام البسي فيزون ?
مياسه : ححاضر اممي ?‍♀️
دانا : لاتواخزيني ست منال هالجيل بيتعب كتير
منال : بالعكس تصرفك عجبني
واطلعت ببنتها… هيك لازم البنت تكون ولا شو امي
روان : اه .. ايه اكيد

*╚══════ღღ══════╝

بعد ماراحوا محمد وعيلته فرشت مياسه فراشها وحطت الفستان بحدها وبقيت تحلم بالساعه اللي يطلع فيها النهار لحتى تلبسه وتفتل فيه لتعمل دائره كبيره وتتباهى قدام. بنات الجيران بثوبها الجديد
غفيت عينها الحالمه بنهار العيد وخروف العيد ولبس العيد

*╚══════ღღ══════╝

اشرق فجر العيد بالتهليل والتكبير وفتحت مياسه عيونها الشهل بفرحه كبيره
بسرعه فركت عيونها وتحركت من فرشتها وفاتت عالحمام اغتسلت واتجهزت لتروح لصلاة العيد مع اهلها
كانت ماشيه وعيونها بتجول بشوارع الضيعه وكأنها بتشوفها لاول مره… العيد اله طعم خاص بقلب كل حدا منا .. ومتل مافي ناس بيستقبلوا العيد بفرحه في ناس بيجي عليهم العيد ليزكرهم بعزيز فارقوه… وطوا الثرى ذكراه
ناس رايحه وجايه شي حامل سجادة صلاه ومتوجه للساحه وشي حامل ابنه بدلال ووناسه ونسوه تحت جلابيبها السوده ماشيين وحاملين ب ايديهم شجر الآس ومتجهين ناح المقابر بغصة قلب
بالتالي كل شخص استقبل العيد بطريقته

بعد مارجعوا من صلاة العيد انتشرت ريحة البخور وانصبت القهوه بدلالها وحمل كل واحد اضحيته وسمى بالله وعقرها بنيه خالصه لوجه الله
دانا : شبك امي !!
مياسه بحزن : زعلت عالخروف ?
دانا : هاد شرع الله حبيبتي يالله قومي اغسلي وجهك وبدلي تيابك مابدك تلبسي التوب الجديد
مياسه : اي امبلا
دانا : لكن يالله تحركي
مياسه : بدي روح وزع الاضحيه مع ابي واخي
دانا : هاد شغل الرجال حبيبتي انتي بنت حلوه ورح تبقي عند امك تمام
مياسه : حاضر

فاتت مياسه لغرفتها ولبست فستانها الجديد كانت متلهفه يشوفوها بنات الجيران وهي عم تتمختر بالحاره

مياسه : امي بدي روح اعايد على جميله
دانا : قصدك بدك تروحي توريها فستانك الجديد
مياسه : هههه بصراحه اي ?
دانا : ههههه ماشي يابكاشه روحي وما اطولي

طلعت مياسه من بيتها ومن عجلتها كانت عم تلف شالها وهي بالطريق فجأه طلع قدامها حنتور .. من صدمتها ماعرفت تمشي لقدام ولا تتراجع لورى .. حست بخوف كبير وهي سامعه صوت حوافر الحصان بتقرب منها بسرعه
غمضت عيونها وشهقت لااااا

انتي يابنت شو عميا بعدي هيك عن الطريق
فتحت مياسه عيونها لتشوف حالها مكومه عالارض وفستانها الاصفر تلوث بالطين ودم الاضاحي… اطلعت ب ايديها بصدمه ورفعت راسها لفوق لتشوف الاغا راكب حنتورو والسايس عم يشتمها
مياسه بخوف… اانا ااسسفه اغا
الاغا : قربي لهون
قربت مياسه وعيونها بالارض وتيابها مبهدلين ننعم اغا
الاغا : انتي بنت مين !!
اتلبكت مياسه وماعرفت شو ترد خافت تحكي انها بنت عبدالله يروح الاغا يشكيها لابوها وتتبهدل .. ومالقيت حالها الا وهيه عم تفتل بجسمها وتركض لبعيد متجاهله ندا الاغا عليها
الاغا : انتي يابنت تعي لهوون ..ووجه كلامه للسايس .. بنت مين هي
السايس : و •اللّـہ̣̥ مابعرف يا اغا الطين كان مغطي ملامحها
الاغا : خلص اتحرك

بقيت مياسه تركض وتركض وبس بعدت بمسافه منيحه استندت عالحيط وهي عم تاخد نفسها بصعوبه
مياسه : الحمد للہ نفدت والاغا ماعرف مين بكون
اطلعت بحالتها ودمعوا عيونها
ياربي الفستان تبهدل وانا تبهدلت ليش هيك صار معي ?
طلت براسها بخوف لتراقب الطريق واول ماشافت الوضع امن ركضت بسرعه ورجعت لبيتها

كانت مياسه عم تتسحب لتفوت عالبيت واتفاجئت ب امها واقفه قدامها وهي مصدومه
دانا ( ضربت ع صدرها وشهقت ) ولي على امتي شو اللي عمل فيكي هيك
مياسه (بلبكه) مافي شي امي حظي يلي بيلفق الصخر خلاني ادعثر واوقع
دانا : فوتي بسرعه اتحممي وبدلي تيابك وهاتي فستانك لاغسله اوام

مسكينه يامياسه العيد يلي نطرتيه يوم بيوم ماكان متل ماحلمتي فيه ياللهرخيرها بغيرها وكل عام وانتي بخير

*╚══════ღღ══════╝

خلص العيد وبلش الحجاج يرجعوا لبيوتهم تزينت الضيعه ب فروع النخيل وكانت التحضيرات ببيت محمد على قدم وساق لاستقبال امه واخوه
منال : ليش هيك طولوا يا ابن عمي والله غلي قلبي عليهم
محمد : الغايب عزره معه هلأ بيوصلوا
قبل مايخلص جملته عليت صوت الزغاريد منبأه بوصول قافلة الحجاج
محمد : وصلو ..
توجه محمد واستقبل امه واخوه بشوق كبير
محمد ( باس ايد امه ) حمدلله عالسلامه حجه ام محمد والف مبروك الحجه ربي يتقبل
ام محمد : الله يسلمك ياروحي عقبالك
محمد : الله كريم حجه
والتفت ناح اخوه عمران وفتح
ايديه
محمد : اهلين بالحج عمران نورت اخي
عمران (حضنه بشوق ): اهلين فيك ياغالي عقبالك

كانت مياسه واقفه قريب منهم وعم ترش عليهم الفل والورد والملبس وعيونها مرغرغين بالدموع
مياسه : يااارب ماتحرمني من زيارة بيتك الحرام

وصلوا عالبيت واندبحت الخرفان واعدت الولائم وانعزم كل اهل الضيعه كبيرهم وصغيرهم غنيهم وفقيرهم ابتهاجا برجعة حجاج بيت الله الحرام

منال : نورتي مرت عمي
ام محمد : الله يرضى عليكي ويطعمك الصبي
منال : امين يارب… طمنيني كيف كانت سفرتك نشالله ماتعبتي
ام محمد : التعب بيروح وقت تشوفي الكعبه وتلمسي الحجر الاسود وتصلي بحد قبر الرسول صل الله عليه وسلم
منال : عليه الصلاة والسلام…
ام محمد : اييييه الله يطعمها لكل مشتهي
روان : شو جبتيلي معك ياتيته
ام محمد : جبتلك هدايا كتير حلوه خليني ارتاح وبعدا بنفتح الشناتي

كانت مياسه عم تفتل هون وهون وبتقدم الضيافه للضيوف والمعازيم وفجأه لمحت الاغا فايت عالسرايا نقزها قلبها وفتلت حالها وركضت لجوا وهي حاسه بدقات قلبها عم تخفق بقوه بصدرها… ومن شدة خوفها مانتبهت للكائن يلي اصدمت فيه ليوقعوا التنين عالارض
انتي منيحه !!
مياسه ( بخوف ) انا اسفه ماشفتك
ليش كنتي عم تركضي !!
مياسه : الاغا .. الاغا وصل
اي وشو يعني الاغا مو وحش الاغا بشر متلنا… صحيح مين انتي اول مره بشوفك هون
صحيت عحالها ورفعت عيونها لتشوف قدامها شاب مهيوب بطلته وطلولو الفارع وبشرته السمره
مياسه :
انا اسمي عمران وانتي
مياسه :
عمران : شبك !!
تلفتت مياسه ورا عمران وشافت الاغا عم يقرب لعندهم ارتبعت واصفر لونهاو تركت عمران واقف ومشيت بخطوات سريعه لجوا والخوف متملكها
عمران : شبها هي مجنونه شي !!

وصلت مياسه عالمطبخ وهي بعدها حاسه بالخوف وعم تلهت
منال : شبك مياسه ليش هيك لونك. مخطوف
مياسه : مممافي شي
منال (بشك) اكيد !!
مياسه : ايه ايه اكيد
منال : طيب عبي مية زمزم والحقيني لجوا يالله
مياسه : حاضر ياخانوم

*╚══════ღღ══════╝

مر شهرين من بعد مارجعوا الحجاج وبهالوقت تعلقت مياسه بالسرايا اكتر ..
كانت محبوبه من الكل وحتى الحجه ام محمد حبتها كتير وماعادت تقدر تستغني عنها
وبالنسبه لعمران كان يحس حاله مشدود كتير لمياسه ويراقبها بعيونه من شباك غرفته وهي بتشتغل بالحديقه
كانت حياة مياسه ماشيه بهدوء وسكينه لحتى اجا نهار خربطلا كل موازين حياتها

كان نهار عادي متله متل غيرو .. ندهت ام محمد علـّۓ مياسه وحضرت لعندها فورا
مياسه : ائمريني حجه ام محمد
ام محمد : مايؤمر عليكي الا كل محب… الله يرضى عليكي اعمليلي كاسة نعنع حاسه بوجع ببطني
مياسه : الف سلامه عليكي حجه هلأ بجيب نعنع طازه من الحديقه
طلعت مياسه واتوجهت ناح الحديقه وقطفت كم عرق نعنع ورجعت لجوا بكل هدوء ..
وبمكان قريب منها كان الاغا قاعد مع محمد ولمحها
الاغا : مين هالبنت محمد بيك !!!
محمد (اتلفت وراه وابتسم) ماعرفتا هي مياسه بنتو للعم اجيرك
ابتسم الاغا ابتسامه صفرا ورفع غليونه واخد سحبه ونفث دخانها
الاغا بقلبو ( والله وطلع عندك بنت ياعبدالله ومو حيالله بنت بتحل عن حبل المشنقه هه ايه شو عليه رح اتجوزها شهر زمان ومتع حالي فيها ..وعبدالله اكيد مارح يرفض بنت فقيره وحلوه ولحمتها رخيصه هاد هو المطلوب )

*╚══════ღღ══════╝

كان عمران بيتفتل بالحديقة وعيونو بتراقب شي واحد .. مياسة ..
اما مياسة كانت مشغولة بتنضيف التربة تحت شجرات الورد وعم تنكش التراب لحتا سمعت صوت بحاكيها ..
…..:گـّيَفْك يامياسة
مياسة التفتت واتفاجأت بعمران: ….
عمران ابتسم: حابة ساعدك بشي؟
مياسة اتطلعت عليه م̷ـــِْن فوق لتحت: في مجال تتركني بحالي وتخليني اعرف اشتغل
رجعت التفتت وكملت شغلا ..

اما عمران اتنهد وحس بخيبة امل ..كتير كلام جواتو نفسو يحكيلا اياه بس كلشي بينساه بس يطلع بعيونها ..
التفت ومشي .. اما مياسة كانت لسا بتشتغل وتنضف لحتا لمحت حفرة تحت شجرة م̷ـــِْن الشجرات .. استغربت وقربت اكتر ومدت ايدها ..
مياسة«برعبة »: هييي يا امي ..
وقبل ماتبعد وبلمح البصر هجمت عليها حية طلعت م̷ـــِْن الجحر لتنتفض مياسة م̷ـــِْن مكانها وهي عم تصرخ

التفت عمران ورجع لعندها ركض وقعد بجنبا ..
عمران: شوفي؟ لَيــِْـِْش. صرختي؟
مياسة كانت بتبكي وبترجف وشافها عم اتأشر بإصبعتا على شي ..
اتطلع لمكان ما اشرت واتفاجأ بس شاف حية عم تفعي بين شجر الورد ..

بحركة سريعة وشجاعة منو مسك المنكوش م̷ـــِْن الأرض وقرب عالحية وبلش يضرب مرة وتنتين وتلاتة لحتا حالفو الحظ واجت ضربة م̷ـــِْن هالضربات عالحية كانت قطعتلا راسها ..

عمران «اتنهد براحة »:خلص خلصت عليها لٱ تخافي مياس…
التفت عليها وانصدم بس شافها مرمية عالأرض ومغمية .. قرب ‏​‏​منـِْهــِْا بسرعة وحاول يصحيها ..
عمران: مياااسة شبككك .. ڵـڱ شوو صارلك ..

اتطلع على كف ايدها وشاف مكان قرصة الحية اتحول للون الارجواني ..
عمران: العمااا ڵـڱ ايمت انقرصتي ..
عطول شلح قميصو ومزعو وربطلا ايدها م̷ـــِْن فوق لحتا يحد م̷ـــِْن انتشار السم ورجع مسكلا كف ايدها وبلش يسحب السم منو ويتفو عجنب لحتا اتأكد انو سحبو كلو .. ورجع حملها وبلش يركض فيها لبرة المزرعة ..
احساس غريب اتملكو بهداك الوقت.. احساس بالخوف عليها .. وبقلبو رعشة مو طبيعية .. كان راكض ومرسوم عملامحو علامات الخوف والرعبة لما شافتو مرت اخوه ..
منال بصدمة واضحة: شوفيي عمراان شبها مياسه !!!
عمران: قرصتا حية .. رايح اسعفها
منال: ولي عليي استنا احكي مع اخوك
عمران: مافي وقت .. انا رايح واخدها عالمستوصف وخليه يلحقني

بهالأثناء كان اخوها علي متل العادة راجع م̷ـــِْن شغلو ورايح يجيبها ويروحو عالبيت لما اتفاجأ فيها بين ايدين عمران .. عقد حواجبو واتوسعو عيونو وركض عليه ..
علي: انت لَيــِْـِْش. هيك حاملهااا
عمران: علي اختك قرصتها حية ولازمها مشفى فوورا
علي بصدمة: حية! ! لك. شو ناطر. هاتها خليني اسعفها
عمران: خود مسكها لجيب السياره ..

اسعفوها عالمستوصف وقعدو ينطرو النتيجة على نار لحتى طلع الدكتور ..
علي: طمنا دكتورر
الدكتور: الحمدلله عسلامتها .. البُـنًتٍ اتخطت مرحلة الخطر ..
عمران براحة : الحمدلله
الدكتور: يعني بصراحة البُـنًتٍ محظوظة لأنو السم كان قوي بس الاسعافات الي عملتوها انقذت حياتها والا كانت راحت فيها
علي: مافهمت دكتور .. عم اي اسعافات بتحكي
الدكتور: ربط الايد م̷ـــِْن فوق القرصة وسحب السم عن طريق الفم .. هالشي ساعدها لتطلع ‏​‏​منـِْهــِْا بـّخـْيرٌ وسلامة ..

راح الدكتور واتطلع علي بـ عمران
علي: انت اللي عملتلا الاسعافات؟
عمران: اي
علي غرقو عيونو بدموع :يكتر خيرك .. والله معروفك بعمرنا مارح ننساه
عمران: ولوو ماعملت الا واجبي ..

ضلت مياسة يومين ماتقدر تصحى بين سخونة وهذيان .. امها ماقصرت بعلاجها وابوها كان يتقطع قلبو على بنتو الرحيدة وهي بهالمنظر ..

وبالمزرعة عند عمران ..كان يتفتل بالحديقة وهو عم ينقل نظرو م̷ـــِْن قرنة لقرنة ..صورتها وخيالها ماعم بروح م̷ـــِْن بالو ..كل مكان بالحديقة الها ذكرى فِيَھ .. ابتسم لٱ ارادي وحنا راسو ورجعت صورتها لاحت بفكرو وقلبو معد اتهدا م̷ـــِْن بعدا ..
عمران : ليش هلقد حاسس حالي مشتقلك وبدي شوفك مياسه

*╚══════ღღ══════╝

#يتبع