قصة : انحراف …

بقلمي: الكاتبة :Eman Albasha

قصة قصيرة من مزيج خيالي …

قصة : انحراف …

الجزاء الاول …

_________________________

اسمي : رهف ..

مواليد : 2000 …

كانت حياتي هادية و طبيعة زي اية انسانة طبيعة بس فجاءة بدت تكثر المشاكل بين امي وبوي بدون
سبب مقنع …

بابا سيب شغله بدون سبب مقنع وامي مش راضيه
بس مع هذا تحملت وسكتت وبدت تشتغل هيا بدل بابا وبدت حامله ىلمسؤولية .

اني بديت الاحظ في تصرفات بابا الحادة مع امي
كل مرة يطلع بمشكلة اني نفسيتي بدت تتعب وتنهار
كنت البنت المدلله بما اني وحيدتهم بس فجاءة
تغير الوضع و وليت اخر اهتماماتهم حسيت بأنكسار جواتي بس مع هذا قولت هادي سنة الحياة واكيد فتره وتعدي …

بس مع الايام الوضع بدي اسواء من دي قبل وبدي بابا يمد فيه علي امي حتي …

وبدت عملية المشاكل اليومية روتين حياتي
حاولت نصلح ما بينهم بقدر المستطاع بس
لاسف مافيش امل للمصالحة ….

فجاءة روحت من كليتي نشوف في بابا يحاول يحمل امي …

نصدمت صدمت عمري ماعمري توقعت نشوف امي
ضعيفة بطريقة هادي وطايحة سايخة ساكنه بدون حركة ..

بعد وقت من الانتظار نصدمت بخبر وفاة امي
بسبب انها طاحت علي راسها كرهت بابا لانه
يعتبر سبب في وفاة امي …

وحطيت اللوم عليه ومع هذا بابا يساير فيا
بس اني مجروحة من فراق امي حاسة بفراغ
روحي منزوعه مني مجروحة ومش عارفه
مني رح يداويني ..

كلمت حبيبي لانه اصبح ملجئ الوحيد قعدت نشكيله في حالي كيف كنت وكيف اصبحت …

وهذا حالي كل يوم نكلم في حبيبي ونشكي
ونسكر لدرجة حسيت انه مل مني ومن معناتي …

فات شهر علي وفاة امي اني بديت نذبل شهر كامل واني نبكي لفراقها مافي حاسس بيا غيرها حتي من بابا ولا معدش بابا لي نعرفه نقص الاهتمام او بمعني اصبح شبه معدوم …

بابا رجع لشغل من جديد وبدت حالته المادية
شبه ممتازة …

نصدمت لما عرض عليا موضوع جوازه اني رفضت بس طنش كلامي وتزوج جارتنا لي كنت نكرها واضح الخبث علي وجها ….

قعدت نشكي ونبكي لي حبيبي بس قالي خلي بوك يتزوج هذا حقه اني شعلت فيا النار هذا مكان امي ويقعد لي امي صار خلاف كبير فيما بينا جرحته بكلامي وغلطت فيه حقه وزدت قطعت اتصالي بيه ..

بديت ننهار بسبب اهمال بابا ليا وسبب تعامل
مرت بوي الجاف وسبب الفراغ لي بديت نحس
فيه بعد فراق حبيبي مع اني المساهمه …

حاولت نجدب انتباه بابا ليا بسبب تصرفاتي
الغبية والغير لائقة …

بس مافيه اية نتيجة …

بدت دراستي من جديد بديت نحاول نقلد البنات
السكة شمال مثلا في لبسهم طريقة كلامهم ..

بديت نقلد فيها جنب بابا …

________________________

شن بصير تابعوني …

????

نبي تفاعل ..

الكاتبة :Eman Albasha

 

error: