عشقت زوجة ابي للكاتب محمد مالك

عشقت زوجة ابي للكاتب محمد مالك
الجزء السادس قبل الاخير
مختار غاضب وبشدة لان فرح اخبرت كريم بكل شئ وتأكد ايضا انها كانت تكذب عليه وان قصة عجز كريم الجنسي وانه حاول الاقتراب منها ولم ينجح مجرد اكذوبه لتهرب من تنفيذ ما اتفقا عليه ذهب اليها وهو ينوي الشر .
مختار .. انتي بتلعبي بيا يا سافلة ؟!! ثم يصفعها بالقلم وبكل شدة جعلت فرح تسقط علي الارض
مختار .. لسة متخلقتش اللي تلعب بمختار هاشم وتكدب عليه ومشعلي آخر الزمن هتيجي حتة بنت مفعوصة زيك تلعب بيا الكورة
فرح .. انا ملعبتش بيك .. بس مقدرتش اعمل حاجة زي دي اذا كنت انت قبلتها علي نفسك انا لا يمكن اقبلها علي نفسي .. انا انسانه حرة وبنت ناس
مختار .. امال يا بنت الناس وافقتي ليه واخدتي مني ١٠ مليون جنيه مقابل انك تعملي ده ؟!!.. ولا بعد ما وافقتي افتكرتي انك بنت ناس وعيب تعملي كدا؟!!!
فرح .. انا موافقتش غير بعد ما قلت لابنك وهو اللي طلب مني اعمل كدا
مختار .. اها .. يعني اتفقتي عليا انتي وابني ؟!!وبعدين انا مش قايلك ومنبه عليكي ان كريم ميعرفش الاتفاق اللي بينا ؟!! انتي قاصدة تشوهي صورتي قدامه وتحطيني في موقف محرج معاه وتطلعيني قدامه انسان سافل وقذر ومبيخفش علي عرضه .. لكن وحيات ابوكي ثم يجذبها من شعرها .. لادفعك انتي وابوكي التمن غالي انا همسحكم من علي وش الدنيا مسح ثم يتركها وينصرف وفرح في حالة انهيار شديد وتبكي
ويأتي اتصال مفاجئ ب مختار من رجل يدعي الزعيم
مختار .. ايوه يا زعيم
الزعيم .. يعني عدي اسبوعين ومفيش حاجة من اللي اتفقنا عليها اتنفذت ؟!!
مختار .. معلهش اديني كمان يومين يا زعيم
الزعيم .. مختار .. هما يومين مفيش غيرهم ولو متنفذش المطلوب انت عارف انا هعمل ايه؟
مختار .. عارف ..
الزعيم .. كويس انك عارف .. ابنك والبنت اللي اسمها فرح اللي هي مراتك يتصوروا صوت وصورة والفيديو يجيني كمان يومين
مختار .. طب مش ممكن حد تاني غير ابني يقوم بالحكاية انا عندي بدال الراجل الف ولو عايزه اغتصاب جماعي يتنفذ
الزعيم .. انا قلت ابنك اللي يقوم بالمهمه دي
مختار . اصل بصراحة البنت راحت قالت ل كريم علي كل حاجة والولد من ساعتها نظرته ليا اتغيرت وواخد مني موقف جامد
الزعيم .. مش قصتي .. يومين والفيديو يجيني ع الواتساب يا اما وشرفي هخليك متشوفش ابنك تاني ومش بس كدا .. لا .. قبل ما هقتله هخليه يعرف الحقيقة اللي طول عمرك مخبيها عنه .. وانت فاهم انا اقصد ايه
مختار .. فاهم يا زعيم .. حاضر تحت امرك بس ارجوك بلاش تؤذي ابني .. انا هنفذ كل طلباتك ..
الزعيم .. هنشوف .. سلام
مختار مخاطبا نفسه .. الله يحرقك بجاز وسخ يا الفت انتي وبنتك
فرح تطرق باب غرفة نوم كريم وكريم يفتح الباب
كريم متفاجأ.. فرح !!! تعالي اتفضلي
فرح .. برن عليك تليفونك مقفول
كريم .. قفلته عشان بصراحة مخنوق ومش طايق اكلم حد
فرح .. انت رحت قلت لباباك علي كل حاجة؟!!
كريم .. ايوه واجهته بالحقيقة
فرح .. واعترفلك يعني ؟!!
كريم .. انكر طبعا
فرح .. وانت كنت عارف كدا !!! طب ليه قلتله بس ؟!! اهو دلوقتي بيهددني وناوي ع الشر ليا ولبابا
كريم .. مش هيقدر يعمل معاكم حاجة عشان انا قلتله انه لو اذاكم هيخسرني للأبد وانا عارف ومتأكد ان نقطة ضعف بابا هي انا
فرح .. وبعدين الكابوس ده هينتهي امتي انا مس بنام يا كريم وحاسة اني بموت بالبطئ.. انا بجد تعبت وعايزة الكابوس ده ينتهي بأي طريقة .. انا مش عرفة اعمل ايه بجد ؟!! ثم تبكي وكريم يقترب منها ويمسح دموعها بيده
كريم .. متعيطيش يا فرح هتخلصي من الكابوس ده قريب جدا انا بوعدك
فرح.. بجد يا كريم ؟؟
كريم .. بجد يا فرح .. وطول ما انا جمبك متخفيش انا مستعد اقف في وش الدنيا كلها عشان خاطرك
فرح .. كريم انا بحبك
كريم .. وانا بحبك يا فرح
فرح .. انا عايزاك بجد كل حته في كياني بتقول كريم بس مش عرفة اعمل ايه ؟!!
كريم .. مشكله ملهاش حل انتي مرات ابويا وحتي لو اطلقتي عمري ما هقدر اتجوزك
فرح .. حرام بجد اللي بتعمله فينا الدنيا دي .. جت عليا اوي ثم تبكي وكريم يضمها الي حضنه ويمسح علي رأسها وفجأة يدخل مختار شاهرا مسدسة
مختار . طب ما احنا حلوين اوي اهوه !!! نكمل بقي يا حبيبي انت وهي ..
 

error: