البارت الثالث

واول م وصلوا للقاعه ذهبوا لعقد القران وبعد دقائق تعالت الاصوات “بارك الله لكما وبارك عليكما وجمع بينكما في خير”استقبلوا التهاني من الجميع وطلب منهم الدى جى ان يفتتحوا برقصه Slow
ورقصوا علي اغنيه ربنا يخليك لقلبي كارمن سليمان واثناء الرقصه
سيدرا هي تنظر في عيون مالك:مالك
مالك بابتسامه:نعم
سيدرا بحب:بحبك لا انا بعشقك ومقدرش اتخيل حياتي من دونك و…
قاطعها مالك بجمود:وانتى مين قالك تحبيني؟
سيدرا بصدمة:يعني ايه
مالك:يعني عيب يا انسه تقولي كده لان انا ممكن اتهور دلوقتي ومش هيهمني حد وغمز لها
سيدرا بدموع:كفاية رقص حاسة ان مش قادرة اخد نفسي
مالك بقلق:سيدرا حصلك ايه لونك اتخ….ولكن لم يكمل كلامه لانها سقطت بين يديه مغشياً عليها فحملها مالك وانطلق بها لاقرب مشفي وكان معه سارة واياد
في المشفي كانوا جميهم قلقين عليها وخصوصا اياد ولما لا فهو توأمها فذهب لمالك
اياد:مالك هو حصلها ايه هى كانت كويسه ومبسوطه جداا
مالك بقلق:معرفش كنا بنتكلم عادى وبعدين قالتلي مش قادرة اتنفس
اياد بشرود:الحالة دى مش بتجيلها الا غير لما تبقي زعلانه ونظر لمالك بشك:هو انت قولتلها حاجه
ولكن قبل ان يجيب عليه مالك خرج الطبيب من عندها
مالك بقلق واضح:طمني يا دكتور حصلها ايه
الدكتور بجديه:متقلقوش مفيش حاجه خطيرة بس يبدوا انها اتصدمت او زعلانه من حاجه لكن هى دلوقتي تمام وتقدر تخرج كمان الحمدلله علي سلامتها
اياد:الله يسلم حضرتك شكراا يا دكتور..واثناء كلامهم مع الدكتور كانت سارة معها فى الغرفه
سارة:ممكن افهم حصل ايه
سيدرا بحزن:متشغليش نفسك يا سارة افتكرت ماما وبابا بس
اياد بحزن:حبيبتي هما دلوقتي معاكي وفرحانين بيكي جدا لكن انتى كده هتزعليهم
سيدرا وارتمت في حضنه:اياد عايزة اروح معاك متسبنيش لوحدى
اياد بضحك:هههههههههههه بقي هو دا الكلام اللي قولتيه الصبح انتى هتروحي مع جوزك بعد الفرح اللي اتبهدل دا
مالك بجديه:اياد انت وصل الانسه سارة وانا همضي علي اذن الخروج وهنمشي
اياد:هنوصلكم الاول وبعدين…
قاطعه مالك بحزم:كفايه كده الانسه اتاخرت علي اهلها وهيكونوا قلقالين عليها
اياد بجديه:تماام وحضن سيدرا:هتوحشيني اووى يا قطه اشوفك بكرة سلام يلا يا سارة
انهى مالك كل الاجراءات وخرجوا وذهبوا للفيلا الخاصه بهم فتح لهم البواب ودخل مالك باسيارة واوقفها عند مدخل الفيلا ونزل وحمل سيدرا ودخل بها وصعد للغرفه ثم وضعها علي الفراش ببطئ
مالك بحزن:اسف مكنش قصدى كنت بهزر
سيدرا بجديه:محصلش حاجه انا افتكرت ماما وبابا بس مش اكتر
مالك:مفيش حد هنا علشان تكدبي انتى زعلتي علشان اللي قولته
سيدرا واعطته ظهرها:غلطان يا استاذ اللي انت بتقوله ملهوش اى اهميه عندى ولو سمحت ممكن تخرج تعبانه وعايزة انام
مالك بترقب:قصدك ايه
سيدرا بجمود:………

بدأت الحرب الأن

اسفه جداا جدااا علي التأخير بس بجد عندى امتحانات وكمان النت كان فاصل ولسه واصل من ساعه بالظبط وانا مشغوله جدا جدا الفترة دى ادعوولي ربنا يوفقني ولو لقيت عندى ساعه فاضيه هكتب البارت وانزله علي طول وهيكون صغير ومفيش احداث كتير بس دا اللي مطلوب لان بعد كام بارت الاحداث هتتغير بطريقه مشوقه جداا وشكرا بمتابعتكم ومتنسوش تتدعولي?