ظلمني الوقت بقلمي مروان فرج
ظلمني الوقت بقلمي مروان فرج
الحلقه الاولي
قصه حقيقيه
ﺍﻧﺎ ﻧﻬﻲ ﻣﻦ ﺑﻨﻐﺎﺯﻱ ﻣﻮﺍﻟﻴﺪ 90 ﺍﺻﻐﺮ ﻭﺣﺪﻩ ﻓﻲ ﻋﻴﻠﺘﻨﺎ ﻳﻌﻨﻲ ﺍﺧﺮ ﺍﻟﻌﻨﻘﻮﺩ
ﻋﻨﺪﻱ 10 ﺧﻮﺕ ﻭ 5 ﺧﻮﺍﺕ
ﺧﻮﺍﺗﻲ ﻛﻠﻬﻦ ﻣﺘﺰﻭﺟﺎﺍﺕ ﺍﻻ ﺍﻧﺎ ﻣﺰﺍﻝ ﻭﺧﻮﺗﻲ 5 ﻣﺘﺰﻭﺟﻴﻦ ﻭ 5 ﻣﺰﺍﻝ
ﺍﻣﻲ ﻭﻟﻴﻪ ﻛﺒﻴﺮﻩ ﻭﺩﻳﻤﺎ ﺗﻌﺒﺎﺍﻧﻪ ﻭﻣﺮﻳﻀﻪ ﻃﺒﻌﺎ ﻋﻨﺪﻫﺎ ﺍﻟﺴﻜﺮ ﻭﺍﻟﻀﻐﻂ ﻭﺩﻳﻤﺎ ﺗﻠﻘﻲ ﻗﺎﻋﺪﻩ ﺑﺮﻭﺣﻬﺎ ﻭﻣﺎﺗﻜﻠﻤﺶ ﻓﻲ ﺣﺪ
ﺑﺎﺗﻲ ﺷﺎﻳﺐ ﻋﻠﻲ ﻗﺪ ﺣﺎﻟﻪ ﻃﻴﺐ ﻭﺣﻨﻮﻥ ﻭﻻﻛﻦ ﻣﺎﻋﻨﺪﺍﺵ ﻛﻠﻤﻪ ﻓﻲ ﺍﻟﻌﻴﻠﻪ ﻳﻌﻨﻲ ﺑﺎﻟﻠﻴﺒﻲ ﻻﻳﺤﻞ ﻭﻻﻳﺮﺑﻂ ﺍﻟﻜﻼﻡ ﻛﻠﻪ ﻓﻲ ﻳﺪ ﺧﻮﺗﻲ
ﻃﺒﻌﺎ ﻧﺤﻜﻴﻠﻜﻢ ﻋﻠﻲ ﺭﻭﺣﻲ ﺷﻮﻳﻪ ﺍﻧﺎ ﻃﺎﻟﺒﻪ ﻓﻲ ﺍﻟﺜﺎﻧﻮﻱ ﻧﻘﺮﺍ ﺳﻨﻪ ﺛﺎﻟﺘﻪ ﻋﻠﻮﻡ ﺣﻴﺎﺓ
ﻣﺴﺘﻮﺍﻱ ﺍﻟﺪﺭﺍﺳﻲ ﻛﻮﻳﺲ ﻭﻣﺘﻔﻮﻗﻪ ﻭﻧﻌﺸﻖ ﺣﺎﺟﻪ ﺍﺳﻤﻬﺎ ﻗﺮﺍﻳﻪ
ﻭﻓﻲ ﻧﻔﺲ ﺍﻟﻮﻗﺖ ﺑﻨﻮﺗﻪ ﺣﻠﻮﻩ ﻋﻴﻮﻥ ﺧﻀﺮ
ﺑﻨﻘﻮﻟﻠﻜﻢ ﻋﻴﻮﻧﻬﺎ ﻫﻴﺎ ﻣﺶ ﻋﻴﻮﻧﻲ ﺍﻧﻲ ﺭﺍﻫﻮﻭﻭ ﻣﺎﻋﻠﻴﻨﺎ
ﻭﺟﺴﻤﻲ ﺣﻠﻮ ﺷﻌﺮﻱ ﻃﻮﻳﻞ ﺑﺎﻟﺮﻏﻢ ﻣﻦ ﺍﻧﺎ ﺩﻳﻤﺎ ﻧﻘﺮﺍ ﻓﻲ ﺩﺍﺭﺳﺘﻲ ﺍﻻ ﺍﻧﻲ ﻧﺤﺐ ﻧﻀﺤﻚ ﻭﻋﺎﻳﺸﻪ ﻛﻞ ﻳﻮﻡ ﺑﻴﻮﻣﻪ
ﺧﻮﺗﻲ ﻣﺘﺸﺪﺩﻳﻦ ﻭﺍﻋﺮﻳﻦ ﺑﻜﻠﻞ ﻭﻋﻨﺪﻱ ﺧﻮﻱ ﺍﺳﻤﻪ ﻭﺳﺎﺍﻡ ﻣﺎﻳﺤﺒﻨﻴﺶ ﺑﻜﻞ ﻳﻜﺮﻫﻨﻲ ﻛﺮﻩ ﻏﺮﻳﺐ
ﻣﻌﺎ ﺍﻧﻲ ﻧﻌﺎﻣﻞ ﻓﻴﻪ ﻛﻮﻳﺲ ﻭﻧﺤﺘﺮﻡ ﻓﻴﻪ ﻭﻛﻨﺖ ﻛﻞ ﻣﺎﻧﺮﻭﺡ ﻣﻦ ﺍﻟﻤﺪﺭﺳﻪ ﺩﻳﻤﺎ ﻧﺎﻛﻞ ﻣﻦ ﻓﻲ ﻃﺮﺍﻳﺢ
ﻛﺎﻟﻌﺎﺩﻩ ﻧﻀﺖ ﺍﻟﺼﺒﺢ ﺑﻨﻤﺸﻲ ﻟﻠﻤﺪﺭﺳﻪ ﺻﻠﻴﺖ ﻭﺟﻬﺰﺕ ﻓﻄﻮﺭ ﺧﻮﺗﻲ ﻭﺑﺎﺗﻲ ﻭﻧﺰﻟﺖ ﻗﻌﻤﺰﺕ ﻧﺴﺘﻨﻲ ﻓﻲ ﺍﻟﺒﺎﺹ ﻣﻌﺎ ﻧﺰﻟﺖ ﺧﻮﻱ ﻭﺳﺎﺍﻡ
ﺍﻟﻤﻬﻢ ﻓﻲ ﻳﻮﻡ ﻧﻀﺖ ﺍﻟﺼﺒﺢ ﻛﻨﺖ ﺑﻨﻤﺸﻲ ﻟﻠﻤﺪﺭﺳﻪ ﺻﻠﻴﺖ ﻭﺟﻬﺰﺕ ﻓﻄﻮﺭ ﺧﻮﺗﻲ ﻭﺑﺎﺗﻲ ﻭﻧﺰﻟﺖ ﻗﻌﻤﺰﺕ ﻧﺴﺘﻨﻲ ﻓﻲ ﺍﻟﺒﺎﺹ ﻣﻌﺎ ﻧﺰﻟﺖ ﺧﻮﻱ ﻭﺳﺎﺍﻡ
.
.
.
.
ﻛﺎﻳﻦ ﻣﺎﺷﻲ ﻟﻠﻌﻤﻞ ﻳﺸﺘﻐﻞ ﻣﺪﺭﺱ ﺗﺮﺑﻴﻪ ﺍﺳﻼﻣﻴﻪ ﻳﺪﺭﺱ ﻓﻲ ﺍﻻﻋﺪﺍﺩﻱ ﺷﺒﺎﺏ
ﺟﺎﻧﻲ ﻭﻗﻒ ﻗﺪﺍﻣﻲ ﻭﻗﺎﻟﻲ ﺷﻦ ﻳﻠﻲ ﻋﻠﻲ ﻭﺟﻬﻚ
ﺍﻧﺎ ﺳﻜﺘﺖ ﻣﺒﻴﺘﺶ ﻧﺮﺩ ﻋﻠﻴﻪ ﻭﺳﺎﻡ ﺍﻧﺎ ﻗﻮﺗﻠﻚ ﺷﻦ ﻫﻮﺍ ﻳﻠﻲ ﻋﻠﻲ ﻭﺟﻬﻚ
ﻭﺷﻦ ﺩﺑﺸﻚ ﻫﺬﺍ ﺍﻣﺸﻲ ﻏﻴﺮﻩ ﺧﻴﺮ ﻣﺎﺗﺎﻛﻠﻲ ﻃﺮﻳﺤﻪ
ﺍﻧﺎ ﻣﺎﺭﺩﻳﺘﺶ ﻋﻠﻴﻪ ﺟﻲ ﻭﻣﺴﻜﻨﻲ ﻣﻦ ﺷﻌﺮﻱ ﻭﺑﺪﺍ ﻳﻀﺮﺏ ﻓﻴﺎﺍﺍ ﺿﺮﺏ ﻗﻮﻱ ﺑﻜﻞ ﻭﺍﻧﺎ ﻣﻦ ﺍﻟﻀﺮﺏ ﻗﻌﺪﺕ ﻧﻌﻴﻂ ﺑﺼﻮﺕ ﻋﺎﻟﻲ
ﻭﻫﻮﺍ ﻗﻌﺪ ﻳﻬﺪﺩ ﻓﻴﺎ ﺍﻧﺎ ﺑﻴﺒﻄﻠﻨﻲ ﻣﻦ ﺍﻟﻘﺮﺍﻳﺎ
ﺷﻮﻳﻪ ﻭﺧﻮﻱ ﺍﺣﻤﺪ ﻛﺎﻳﻦ ﻓﻲ ﺷﻘﺘﻪ ﺳﻤﻌﻨﻲ ﻭﺟﻲ ﻳﺠﺮﻱ ﻗﺎﻝ ﺳﻴﺐ ﺍﺧﺘﻚ ﻣﺶ ﻫﻜﻲ ﻛﻨﻚ
.
.
.
.
.
ﻭﺍﻧﺎ ﻧﺒﻜﻲ ﻭﻣﺶ ﻗﺎﺩﺭﻩ ﺍﻧﺪﺍﻓﻊ ﻋﻠﻲ ﺭﻭﺣﻲ ﻣﻦ ﻛﺜﺮ ﺍﻟﻀﺮﺏ ﻭﻭﺟﻬﻲ ﺗﻌﺒﺎ ﻛﻼ ﺩﻡ
.
.
.
.
ﺍﻟﻤﻬﻢ ﺍﺣﻤﺪ ﻗﺎﻻ ﺑﻄﻞ ﻋﻠﻴﺶ ﻫﻜﻲ ﻣﻌﺎ ﻃﻠﻌﺖ ﺑﺸﺮﻱ ﺯﻭﺟﺖ ﺧﻮﻱ ﺍﺣﻤﺪ ﻗﺎﺗﻼ ﺧﻼﺹ ﻳﺎﻭﺳﺎﻡ ﺍﻃﻠﻘﻬﺎ
ﺍﻧﺎ ﺧﻠﺼﺖ ﺭﻭﺣﻲ ﻣﻦ ﻭﺳﺎﻡ ﻭﺧﺸﻴﺖ ﻟﺸﻘﻪ ﺍﺣﻤﺪ ﻧﺠﺮﻱ
ﺍﻟﻤﻬﻢ ﺑﺸﺮﻱ ﺟﺎﺑﺘﻠﻲ ﺍﻣﻴﻪ ﻭﻗﺎﺗﻠﻲ ﺍﺷﺮﺑﻲ ﻳﺎﻧﻬﻲ
ﻭﺍﻧﺎ ﻗﻌﺪﺕ ﻣﺼﺪﻭﻣﻪ ﻭﻧﺒﻜﻲ ﻣﺎﺳﻜﺘﻨﻲ ﺍﻟﻌﺒﺮﻩ
ﻗﻌﺪﺕ ﺍﻧﻘﻮﻟﻠﻬﺎ ﻭﺍﻟﻠﻪ ﻣﺎﺩﺭﺕ ﺣﺎﺟﻪ
ﺑﺸﺮﻱ : ﻭﺳﻌﻲ ﺑﺎﻟﻚ ﺍﻟﻠﻪ ﻏﺎﻟﺐ ﺷﻦ ﺑﺪﻳﺮﻱ
ﺍﻧﺎ ﻟﻴﺶ ﻫﻜﻲ ﻛﻞ ﻳﻮﻡ ﻭﺍﻟﻨﺎﺱ ﻛﻠﻬﺎ ﺗﺴﻤﻊ ﻛﻨﺎ ﺑﺨﺘﻲ ﻭﺍﻟﻠﻪ ﺗﻌﺒﺖ ﻣﻦ ﺍﻟﻌﻴﺸﻪ
ﺑﺸﺮﻱ : ﻭﺳﻌﻲ ﺑﺎﻟﻚ ﻳﺎﻧﻬﻲ ﺧﻼﺹ ﺍﻣﺸﻲ ﻟﻠﺤﻤﺎﻡ ﺍﻏﻠﺴﻲ ﻭﺟﻬﻚ
ﺍﻟﻤﻬﻢ ﺷﻮﻳﻪ ﻭﺧﺶ ﺍﺣﻤﺪ ﻗﺎﻟﻲ ﺻﺎﺣﺐ ﺍﻟﺤﺎﻓﻠﻪ ﺟﻲ ﻭﻗﻮﺗﻼ ﻋﺪﻱ ﺗﻮﺍ ﻧﺸﻴﻠﻬﺎ ﺍﻧﺎ ﻭﺗﻲ ﺭﻭﺣﻚ ﻭﺧﻮﻙ ﻭﺳﺎﻡ ﻣﺎﻋﻨﺪﻱ ﻣﺎﻧﺪﻳﺮﻻ
ﺍﻧﺎ ﻧﻀﺖ ﻭﻏﺴﻠﺖ ﻭﺟﻬﻲ ﻭﻃﻠﻌﺖ ﻟﻲ ﺍﺣﻤﺪ ﻛﺎﻥ ﻳﺮﺟﻲ ﻓﻴﺎ ﻓﻲ ﺍﻟﺴﻴﺎﺭﻩ
ﻭﺍﻧﺎ ﻃﺎﻟﻌﻪ ﻛﺎﻥ ﻭﺳﺎﻡ ﺑﺮﺍ ﺑﺤﺖ ﻓﺒﻬﺎ ﻭﺩﻓﻞ ﻋﻠﻲ ﻭﺟﻬﻲ ﺍﻧﺎ ﺳﻜﺖ ﻣﺒﻴﺘﺶ ﻧﺮﺩ
ﻭﺭﻛﺒﺖ ﻣﻌﺎ ﺍﺣﻤﺪ ﺷﺎﻟﻨﻲ ﺍﺣﻤﺪ ﻟﻠﻤﺪﺭﺳﻪ ﻭﻗﺎﻟﻲ ﺍﻟﺴﺎﻋﻪ ﻛﻢ ﻧﺠﻴﻚ ﻗﻮﺗﻼ ﺗﻌﺎﻟﻲ ﺍﻟﺴﺎﻋﻪ 1
ﺧﺸﻴﺖ ﻟﻠﻤﺪﺭﺳﻪ ﻭﻛﻨﺖ ﻧﺤﺎﻭﻝ ﺍﻧﻜﻮﻥ ﻋﺎﺩﻳﻪ ﺑﺲ ﻛﺎﻥ ﻭﺟﻬﻲ ﻛﻼ ﻣﺘﻮﺭﻡ ﺟﻦ ﺻﺎﺣﺒﺎﺗﻲ ﻭﻗﻌﺪﻥ ﻳﺴﺎﻟﻦ ﻓﻴﺎ ﻛﻨﻚ ﻭﻻﺑﺎﺱ
ﺍﻧﺎ ﺍﻧﺤﺮﺟﺖ ﻭﻃﺒﺴﺖ ﺭﺍﺳﻲ ﻭﻣﺎﺭﺩﻳﺘﻴﺶ ﻭﻻ ﻛﻠﻤﻪ
ﺗﺴﺮﻳﻊ ﺍﻻﺣﺪﺍﺙ
ﻣﺸﻮ ﺍﻻﻳﺎﻡ ﻭﻛﺎﻥ ﺷﺒﻪ ﻳﻮﻣﻴﺎ ﻃﺮﺍﻳﺢ ﻣﻨﺎ ﻭﺳﺎﻡ ﻋﻠﻲ ﺍﺗﻔﻪ ﺍﻻﺳﺒﺎﺏ
ﺍﻟﻤﻬﻢ ﻛﻤﻠﺖ ﺍﻣﺘﺤﺎﻧﺎﺗﻲ ﻭﺟﺖ ﺍﻟﻌﻄﻠﻪ ﻭﻗﻌﺪﺕ ﻧﺴﺘﻨﻲ ﻓﺎﻟﻨﺘﻴﺠﻪ
ﻟﻴﻦ ﻓﻲ ﻳﻮﻡ ﺟﺎﻧﻲ ﺧﻮﻱ ﺳﻌﺪ ﻭﻗﺎﻟﻲ ﻧﻬﻲ ﺗﻌﺎﻟﻲ ﺗﻌﺎﻟﻲ
ﺍﻧﺎ ﻧﻌﻢ ﻣﺎﺗﻘﻮﻟﻴﺶ ﻣﺎﺩﻩ ﺑﺲ
ﺳﻌﺪ ﻗﻌﺪ ﻳﻀﺤﻚ ﻣﺸﺎﻟﻠﻪ ﻋﻠﻴﻚ 99% ﻭﺗﻘﻮﻟﻲ ﻛﻢ ﻣﺎﺩﻩ
ﺍﻧﺎ ﻃﺮﺕ ﻣﻦ ﺍﻟﻔﺮﺣﻪ ﻣﺎﻛﻨﺘﺶ ﻣﺘﻮﻗﻊ ﺍﻧﻲ ﻧﺤﺼﻞ ﻫﻜﻲ ﻭﺧﻮﺗﻲ ﻛﻠﻬﻢ ﺳﻤﻌﻮ ﺑﺎﻟﺨﺒﺮ ﺟﻮ ﺑﺎﺭﻛﻠﻮﻟﻲ ﺍﻻ ﻭﺳﺎﻡ ﻗﺎﻟﻲ ﻧﺠﺎﺡ ﻛﺬﺏ ﻭﻗﺮﺍﻳﺖ ﻛﺬﺏ ﻳﻠﻲ ﺗﻘﺮﻱ ﻓﻴﻬﺎ ﻭﺟﺖ ﻣﺮﺕ ﺧﻮﻱ ﺍﺣﻤﺪ ﺑﺸﺮﻱ ﻭﺑﺎﺭﻛﺘﻠﻲ
ﺍﻟﻤﻬﻢ ﻛﺎﻳﻦ ﻭﻗﺖ ﻏﺪﻱ ﺍﻧﺎ ﺧﺸﻴﺖ ﺑﻨﻄﻴﺐ ﺍﻟﻐﺪﻱ ﻭﺟﺖ ﻣﺮﺕ ﺧﻮﻱ ﺗﺴﺎﻋﺪ ﻓﻴﺎ ﻋﻠﻲ ﺟﻴﺖ ﺍﻣﻲ ﻣﻦ ﺍﻟﻤﺴﺘﺸﻔﻲ ﻛﺎﻧﺖ ﺗﻌﺒﺎﻧﻪ ﻭﻣﺶ ﻓﺎﻃﺮﻩ ﺷﻲ ﺑﻜﻞ
ﻛﻠﻤﺘﻲ ﺍﻧﺎ ﻧﻌﻢ ﻳﺎﺍﻣﻲ
ﺟﻴﺒﻴﻠﻲ ﻃﺎﺳﻪ ﺍﻣﻴﻪ ﺍﻧﺎ ﺣﺎﺿﺮ
ﺷﻮﻳﻪ ﺟﺎﻧﻲ ﺧﻮﻱ ﺻﻼﺡ ﻭﻗﺎﻟﻲ ﺍﻣﻚ ﻣﺎﻓﻄﺮﺗﺶ ﺩﻳﺮﻟﻬﺎ ﺣﺎﺟﻪ ﺗﻔﻄﺮ ﻋﻠﻴﻬﺎ
ﻣﺸﻲ ﺻﻼﺡ ﻳﺤﻜﻲ ﻣﻌﺎ ﺧﻮﺗﻲ ﻭﻗﺎﻟﻠﻬﻢ ﺍﻣﻲ ﺭﺍﻫﻮ ﺗﺮﺍﻛﻤﻬﺎ ﻋﺎﻟﻲ ﻭﻛﺮﺍﻋﻬﺎ ﺍﻟﺪﻛﺘﻮﺭ ﻗﺎﻝ ﻣﻠﺘﻬﺒﺎ ﻭﺍﺟﺪ ﻳﻌﻨﻲ ﻫﺬﺍ ﻛﻼ ﺍﻟﻘﻠﺐ ﻳﺤﺮﻕ
ﺭﺩﺕ ﻋﻠﻴﻪ ﺍﻣﻲ ﻭﻗﺎﺗﻼ ﺻﺢ ﻳﺎﺍﺳﻠﻮﻣﻪ
ﺟﻲ ﻭﺳﺎﻡ ﻭﻗﺎﻝ ﻛﻠﻪ ﻣﻦ ﺍﻟﺤﻴﻮﺍﻧﻪ ﻫﺎﺫﻱ ﻣﻔﺮﻭﺽ ﺗﺒﻄﻞ ﻗﺮﺍﻳﻪ ﻭﺗﻘﻌﺪ ﻣﻌﺎ ﺍﻣﻬﺎﺍ
ﺍﺣﻤﺪ ﻗﺎﻻ ﻫﻨﻲ ﺭﻭﺣﻚ ﻭﺳﻴﺐ ﺍﺧﺘﻚ ﻓﻲ ﺣﺎﻟﻬﺎ
ﺍﻧﺎ ﺧﺸﻴﺖ ﻟﻠﻜﻮﺟﻴﻨﻪ ﻧﺠﺮﻱ ﻭﺻﻮﺗﻬﻢ ﻋﺎﻟﻲ ﻭﺩﺍﺭﻭ ﻫﺮﺟﻪ
ﺧﺸﺖ ﻋﻠﻴﺎ ﺑﺸﺮﻱ ﻭﻗﺎﺗﻠﻲ ﺗﻮﺍ ﻧﺪﻳﺮﻟﻚ ﻛﻴﻜﻪ ﻓﺎﻟﻌﺸﻴﻪ ﻋﻠﻲ ﻧﺤﺎﺟﻚ
ﺍﻟﻤﻬﻢ ﺍﻧﺎ ﺣﻄﻴﺖ ﺍﻟﻐﺪﻱ ﻭﻛﺎﻥ ﻳﻮﻣﻲ ﻧﻔﺲ ﺍﻟﺮﻭﺗﻴﻦ
ﻳﻠﺘﻤﻮ ﺍﻟﻌﻴﻠﻪ ﻗﺒﻞ ﺍﻟﻐﺪﻱ ﻭﺍﻧﺎ ﻧﻌﺎﻧﻲ ﻣﻦ ﺍﻣﻲ ﺍﻟﻤﺮﻳﻀﻪ ﻭﻣﻦ ﺧﻮﺗﻲ ﻭﻣﻦ ﺧﻮﻱ ﻭﺳﺎﻡ ﺑﺎﻟﺘﺤﺪﻳﺪ
ﻟﻴﻦ ﺟﻲ ﺑﺪﺍﻳﺘﻪ ﺍﻟﺠﺎﻣﻌﻪ ﻭﻛﺎﻥ ﻭﺟﻬﺘﻲ ﺍﻟﻲ ﺍﻟﻄﺐ ﻛﻨﺖ ﻧﺒﻲ ﻧﻘﺮﺍ ﺑﺲ ﺧﻮﻱ ﻭﺳﺎﻡ ﻋﺎﺭﺽ ﻭﻗﺎﻟﻲ ﺟﺎﻣﻌﻪ ﻻ ﻣﻌﺎﺵ ﺗﻜﻤﻠﻲ ﺍﻗﻌﺪﻱ ﻣﻌﺎ ﺍﻣﻚ
ﺍﻟﻤﻬﻢ ﺟﻲ ﺧﻮﻱ ﺳﻌﺪ ﻭﺍﺣﻤﺪ ﻳﻘﻨﻌﻮﻭ ﻓﻴﻪ ﺣﺎﻭﻭﻟﻮ ﺑﺪﻭﻥ ﻓﺎﺋﺪﻩ ﻟﻴﻦ ﺟﻲ ﻭﻗﺖ ﺍﻟﺘﺴﺠﻴﻞ
ﻭﻭﺳﺎﻓﺮ ﻭﺳﺎﻡ ﻟﻠﺴﻮﺩﺍﻥ
ﺍﻧﺎ
ﻳﺘﺒﻊ
- ظلمني الوقت الحلقه التانيه
- ظلمني الوقت الحلقه الثالثة
- ظلمني الوقت الحلقه الرابعة
- ظلمني الوقت الحلقه الخامسة
- ظلمني الوقت الحلقه السادس
- ظلمني الوقت الحلقه السابع
- ظلمني الوقت الحلقه الثامنة
- ظلمني الوقت الحلقه التاسعة