زوجة على الورق

الجزء الاخير :-
دخلت غرفتي وسرت اخطط شو اعمل ولازم نفذ كل خطوة بخطوتها من كتير التفكير اللي انا فيه مارح شفت امي شي شهر وانا على الحال لمر شهر وانا بحاول جامل حسام بالبيت .. اما مرت حسام كانت كل يوم عم تتغير وتاكل وماتهتم لحسام وتسمع كلامو لما يجبلها الاكل لانها ارتاحت مع شوفة ابنها وانا انزل كل يوم عندها لافهم منها شو بحب حسام وشو بكرة سارت تساعدني لأحسن نفذ خطتي ..فتت الحمام من بعد مشوار طويل بالسوق وانا عم جيب ملابس تناسب مقاسي الجديد اللي ممكن حدا من يشوفني ينصدم من 100 كيلو ل 69 كيلو بعد عزيمة واصرار لاخلص حالي من المصيبة اللي انا فية اساسا انا ماعرفت حالي وجسمي مو جسمي كأنو حلم معقول انا اتغيرت فتت اتحممت والبس فستان طويل يفصل جسمي وتركت شعري على جسمي وحطيت ميك اب من خلصت انا سرت نط من شكلي الجديد اطلع ولعت شموع بالبيت ونيمت يزن ..ورشيت برفان على تيابي وبجو البيت وجهزت العشا لحسام بعد مارجعت من سهروتو اللي مابعرف وين .. اسمعت خطوات حسام على الدرج وبسرعة قمت على غرفتي .. فات حسام البيت و شاف الشموع وهالروائح الحلوة .. وانا بسرعة قمت فتحت موبايلي على موسيقي حلو وسرت ادندن لحالي بالغرفة هو فكر اني بخوني فتح الباب علي بسرعة وعيونو كلها شرار ومن شافني ماسدق انو انا هاي صار يدور حوالي وهو ساكت ..
انا:- حسام في شي .. بعدو صافن فيني ومارد
انا:-حسام في شي ليش فتت غرفتي وصافن هيك .. انا حاولت استفزوا بالحكي وعلي صوتي شوي كمش ايدي وضغط عليها قوة وقال..
حسام :- انا وقت مابدي بدي فوت الغرفة ووقت مابدي اسال وبعدين ليش عاملة هيك شووو في حد جديد على الخط عم تعيشي حياتك الرومانسية معو .. شديت ايدي منو وانا عم جوحر فيه وعيوني راح يطلعو لبرا ..
أنا :- مادخلك هاي حياتي الخاصة وقت مابحب اعمل شي بدي اعملو انا ماني مرتك ولا شي
حسام :- لامرتي وقت مابدي بدعس عليكي
انا :- مافشرت انا ماني مرتك .. انا مرتك بس على ورقة … حاولت استفزو اكتر ليطلع كل اللي جواتو واعرف شو مخبيلي مصيري ..
حسام :- اسمعي ولي ان كنتي مرتي على ورقة ولا مرتي على سرير انتي مرتي وتحت امري وغصب عنك بدك تتقبلي كل شي ..
انا :- اسمع انت شخص ضعيف شخصية او عندك مشكلة بحالك لهيك مرتك خانتك وتركتك لو ماعندك مشكلة كان مابقيت لهلاء بعد 7 شهور جواز كاني اختك .
. حسام :- ضربني كف لزقني بالحيط وشدني لعندو قلي اذا بتفكري تجيبي سيرة الحقيرة على لسانك راح يكون مصيرك متلها ..
انا :- متلها شو يعني متلها شو مافهمت مافاهمه.. حسام :- قلي مانك فاهمة تعي فهمك ..
وشدني بقوة وضربني بعد مازتني على السرير وانا عم اصرخ من حالي وجروحات اللي صارت من كتر ماجرحني حاولت بعدو عندي بس كان متل المجنون وبعد ماخلص ..
حسام :- عرفتي مصيرك كيف هيك انك تصيري متلها وانو انا من دست عليه بقوتي عرفتي هلاء يامرتي .. طلع حسام من الغرفة وانا بقيت بوجعي ابكي عل السرير واتمنى انو الله ياخدني ماتوقعت انو هالمشاكل تاخد عذريتي بدون ارادتي .. نمت والصبح فقت وغسلت حالي وقررت انتي انتقم ..هو بس مارجع لايوم ولا اتنين ولا تلاته بعد ثلاث ايام رجع وحامل معو هدية لالي وجاي يعتذر مني انا اساسا ما اطلعت بوجهو ودخلت غرفتي .. سار يوميا من يجي انا فوت غرفتي ما اطلع الا من يروح وام يزن ماعدت انزل لالها ..
كنت بعرف انها فقدت الامل فيني ..وحسام سار يحاول من يجي يعملو اجواء ترضيني وكل يوم هدية يتركها بغرفة الاولاد .. وبيوم فقت كاتبلي فيها انا اليوم بدي احكي معك ضروري ولازم تعرفي كل شي وحاج اضلك هيك معي .. انا بسراحة مارديت وبقيت بالغرفة سرحت اشوفو لاياكل ولاينام ودايما نايم بغرفة يزن . بلش يتعذب ويحس على حالو بس انا كنت بدي اياه يتعب اكتر .. بيوم كان بالشغل وقلت لازم انزل عند ام يزن نزلت عندها اجت ضربتني كف قالتلي انتي كدبتي علي وينو ابني قلتها انا ماكدبت وحكتلها شو سار معي وعذرتني وشافت ابنها وقلتها خلص هانت مابقي شي اتحملي كمان شوي
بعدها اطلعت فوق لقيت حسام بالبيت خفت وارتجف قلبي وسرت ادعي يارب مايكون شافني ..
حسام :- وين كنتي ..
أنا :-اطلعت اتمشى انا ويزن
حسام :-كدابة وين كنتي ليش ماخبرتيني
أنا :-مامن حقك خبرك وين كنت… فتت على غرفة يزن مشان اغيروا ملابسو لحقني حسام .
.حسام:-بسئلك وين كنتي مابدك تحكي شو اللي بدك اياه انتي ليش هيك صرتي معي
انا:-انت شخص مابتستاهل احكي معو انا تعبت منك بدي ارتاح بعد من قدامي كتير تعبانه .. كان هالحال يتكرر يوميا مرق شهرين وانا بلشت ارهق واتعب ودوخ .. بيوم طلعت من الحمام مافقت الا انا على السرير ولقيت حسام جنبي .. صرخت قلتلو تاني عملتها لك ارحمني انا بكرهك بكرهك
حسام:- انا مالمستك جيت لقيتك على باب الحمام مطروحة وماعليكي تياب غير منشفة حملتك على السرير ولبستك شي واجت الدكتورة رفيقتي اخدت دمك لاعرف سبب ارهاقك ونحافتك اللي سارت مو طبيعية .. مارديت عليه وبقيت ساكته وهو عم يلاعب يزن بغرفتي لفجأة رن موبايل حسام .. وماكنت اسمع الا .. حسام:-الو عزيزتي ميس لا شلون هيك احكي غيرها انا مابدي هلاء .. الله يبارك فيكي .. هاد اللي سمعتو من حسام وهو بيحكي مع رفيقو الدكتورة ..سألتو شو قالت لالك رد مافيكي شي انتي منيحة ارتاحي .. حسيتو عم يكدب قمت من مكاني ولحقتو قلتو انا :- اسمع حسام انا مابدي عيش معك انا بدي اطلق انا تعبت خلص انت بطريق وانا بطريق انا ماني خدامة لابنك اذا بدك بعتني فيه وانا عند اهلي بس هون عندك مابدي ..حسام :-لا مستحيل تاخدي اولادي وتروحي مني بكون على موتك ..
انا:- لكان خلي ابنك عندك انا رايحة :-كمشني من ايدي وشدني وقلي
حسام :- وابني التاني مارح تاخديه
انا :- شكلو الجنون وصل عندك لاخر مرحلة وينو ابنك التاني استاذ حسام .. شدني حسام واشر على بطني…
حسام :- هاد اللي ببطنك لالي هاد ابني وانا بدي اربيه جنب يزن وببيت واحد فهمانه … صفنت بحالي وجمعت كل اللي سمعتو معقول انا حامل ومن مين من حسام من المجرم انا خلص قلت عليه وعلى اعدائي ..وقفت بوجهو وقلت
انا:- اسمع حسام اانا ماني امو ليزن ومارح كون ام ابنك التاني لو على جثتي وشو مابدا لالك اعمل مابدي تعمل فيني متل مرتك الاولى .. ..صرخ حسام وبلش يكسر بالاغراض بالبيت ويقلي هاديك خانتني هاديك كانت تطلع مع عشيقها هاديك كانت تترك ابني يبكي لك هاديك بعت عمري كرمالها لتبيعني وتختار واحد مايسوى انا مابتعرف كم حبيبتها وكم كرهتها .. …حسام وقتها سار يبكي قلتو وينها وينها ..رد ماتت هربت ..قلتو كداب هي بالمخزن سرلها سنه بتتعذب ..هجم علي حسام وحسيو راح يقتلني ويقول ..من وين عرفتي مين قلك ابو خميس .. قلتو لا لاء انا عرفت كل شي وتابعت نزلتك وطلعتك لاني بدي اعرف شو مخبى ليش هيك بتعمل ليش ماعم تترك مرتك بحالها واذا خانتك ليش لتعذبها وتعذبني معها انا شو ذنبي لاعيش معك هيك انا طول عمري مالي حظ طلقني حسام وابنك من بكير بجهضو ..صرخ وسار يبكي عند رجليه ويقلي لا لا انا بحبك رولا انا مافيني عيش بلاكي انا ماحسنت عبرلك بشي انا كنت اخوفك مشان ماتعملي فيني متل امو ليزن انا ضغطت على حالي ..انا ماعبتك بشي انا اخدتك لان بعرف مارح تخونيني وانك حنونه ارجوكي ارجوكي .. سار يبكي وانا ابكي معو اتذكرت ام يزن غلطتها شو عملت فيني وبحسام وبابنها وكفيت كلامي حسام قوم طالعها من المخزن وخدها على المشفى وماتحكي لحد على اللي سار هي تحسن وضعها وانا بسامحك وببقا معك ..نزلنا سوا انا وحسام ويزن لعندها ..ومن شافت حسام اجت ورا ضهري وقالتي دخيلك احميني حكتلها لاتخافي انتي راح تطلعي هلاء من هون متل ماوعدتك بس لازم تتعالجي ويتحسن امورك ..وبعد ست شهور من متابعة ام يزن لحالتها اتحسنت وسار ابنها يبقى معها على طول بس حسام خلص لالها ورق الطلاق ..ورجعها لعند اهلها وقلهم بنتكم ماخانتني هي تركت البيت وانا من الحرقة قلت هيك وحل مشكلتها مع اهلها وسارت هي بامان ..انا بلش بطني يكبر وموعد ميلادي قرب علاقتي مع حسام اتحسنت وهو ارتاح شوي سار يحبني بس انا بعدني علاقتو معو عادية عشرة مو محبة .. لان مو سهل لوحدة هالشي .. ويوم ميلاد ابني ماتركني بقي معي ..وخوفو عليه باين من عيونو ..والله رزقني بنوته عيونها متل موج البحر سميتها شام .. متل جمال الشام .. ومن رجعت على البيت لقيت حسام مجهزلي مفاجئة ماكنت اتوقع انو يعملها لالي بس مارح قلكن شو هي .. ??
انتهت