زوجة على الورق

.الجزء الثالث…
.
.
.
. فقت لقيت عمو ابو خميس عم يرش علي مي بقلي قومي قومي مو حسنان جرك كسرتيلي ضهري الله يخليكي قومي.. عدلت ضهري بدي اتذكر شو سار معي بقلي شو شفتي ليش وقعتي هيك عمل حالو عمي ابو خميس مابيعرف شي حكتلو دخلني دخلني بدي اعرف مين انت ساجن وبتعذبو حتصل بالشرطة راح اتصل بحسام .. صرخ قلي حسام لاء حسام لاء راح يقبرك معها راح يدفنك جنبها
أنا:- مين هي مين هي وليش حسام بدو يقبرني معها انت كداب انت كداب انت مجرم وسرت اشد بعمو ابو خميس ورجعو كأني عم تك سجادة امي من الغبرة الراجل فرط تحت ايدي قلي لك سيبي موتيني اسمعي اقعدي راح احكيلك كل شي بس اوعديني حسام مايعرف اني قلتلك .. حكتلو انطر رايحه اطمن على الولد واجيك .. اطلعت جبت الولد ونزلتو معي وجلست جنب عمي ابو خميس .. وسار يحكيلي القصة …
عمو ابو خميس :- البنت اللي جوا
انا :-بنت بنت حابس بنت مو حرام عليك .
.عمو ابو خميس :- لك اسمعي لا تعصبيني مو انا مو انا حسام اللي سجنها…. انا خلص ماعاد فيني بلشت بدي استسلم لاعرف مين هاي وليش ..
عمو ابو خميس :- البنت اللي جوا بتكون مرت حسام ام يزن .. البنت ماهربت سجنها حسام عقاب لالها وحرمها من ابنها وقال انها هربت مع عشيقها وهي ماهربت ما عشيقها ..انا سرت اتذكر من حكتلي حماتي انو هربت مع عشيقها ..
انا :- وانت شو دخلك لتسجنها معو وتشاركو بالجريمة ..
عمو ابو خميس:- انا عايف حالي وهمي كبير ولولا الحاجة ماعملت هيك انا راجل مريض على باب الله وعندي عيال ويادوب هالمال اللي باخدو من اهل العمارة بجيب دواؤ
دواء.. بيوم اطلع اشطف درج البناية شفت حسام حامل مرتو وهي كانت بتشر دم من وجها خفت قلتو على المشفي قلي لا .. انزل افتح المخزن ..ونزلت ساعدتو وسار يضمد جراحها لمرتو بعد ماعرفت انو ضاربها وضارب عشيقها كمان .. وتوقف حكي ..
انا:- كمل عمي ابو خميس الله يخليك شو سار
عمو ابو خميس :- وقتها حسام حكالي بعطيك راتب اربع اضعاف راتب مقابل ماتحكي حرف وتعتني فيها لعند ماتموت من حالها .. وانا يوميا اجي اجبلها اكل وجيب مرتي كل اسبوع تحممها غصب ولا ترفض ينزل حسام يضربها لعند ماتغيب ويحممها وياكل غصب عنها وهي تصرخ بدي ابني يزن ….. انا سرت ابكي حكتلو قوم عمي ابو خميس قوم نروح لعندها تشوف ابنها ونطلعها عمو ابو خميس :- لا اياكي اياكي انا مافيني على وحدة اسير بتنتين اسمعي شو راح قلك
اعملي حالك ماسمعتي شي مشان مايقتلها ويقتلك
خلصت حكي مع عمي ابو خميس وطلعت ع البيت اطلع بهالولد وابكي على حظي وحظو . حضنتو وسرت قلو بدك امك هي كمان بدها اياك انا راح ساعدها ونطلع كلنا من هون .. ونمت وانا جنب الولد .. فقت على حسام عم يغطيني بالحرام فزيت من مكاني وعيوني كلهم خوف بدي اقتلو مو عارفة استجمعت قوتي وقررت اني اسكت لعند مالاقي حل .. ومشيت اليوم على خير مر اسبوع وانا بدي لاقي حل انزل لتحت واشوفها وبيوم اجا حسام بكير ..
حسام :- مرحبا
انا :- اهلين حسام جاي بكير .
حسام :- اي جيت اخدك على الدكتور سرلي اسبوع عم شوف وجهك اصفر وشاحب شاحط قاحط و?.. قلت خليني شوف شو مالك ..
انا :- لاتقلق انا بخير بس ارهاق وتعب ..
سكت شوي وقال اللي بدك اياه انا حمدت الله انو قلي اللي بدم اياه لان مابدي منو لا شفقة ولا حنان سار يقعد بالساعات بالغرفة اسمعو يضحك مع البنات ويفتح فيديو وانا ينحرق قلبي بزيادة.. قلت خاين ليش خاف منو و بيوم نزلت لعند عمو ابو خميس وقلتو عمو ابو خميس انا مستعده اعطيك مصاري كمان فوق اللي بيعطيك اياهم حسام مقابل تخليني شوفها وتشوف هي ابنها اتردد بالاول وسار يتمتم
وحكالي الله يسعدك بلاها مابدي حسام يعرف .. حكتلو لاتاكل هم انا بلاقي طريقة حسام مايعرف ..واتفقت انا وعمو ابوخميس افوت عندها جهزت حالي واخدت الولد ونزلت على المخزن .. ومن فتت قلبي وقف شو هاد المكان هاد مكان للتعذيب وريحتو النتنه ..ولفتت نظري دور عليها لقيت وحدة شعرها بلش يطلع فيه الشيب وحجمها صغير ووجها للحيط خفت بالاول وشدني عمو ابو خميس وقال :- بلاها خلص خلينا نطلع انا:- لامستحيل بدي فوت واحكيها فتت لعندها وقعدت جنبها ومعي الولد ومن سمعت صوت الطفل دارت وجهها وشدتو مني بكل قوة وتبكي تقلي يزن يززززززززن وتصرخ قلتها اتركيه اتركيه هو ابنك بس اسمعيني اسمعيني .. مسك اديها عمو ابو خميس وقعدت قبالها قلتها هاد ابنك لالك انا حاميتو من حسام لاتخافي انا جبتو لالك مشان تشوفيه انا بعرف انك بتحبيه انا راح ساعدك وراح جبلك الولد كل يوم تشوفيه حتي تحضنيه واتطعميه فجأة سارت تبكي وانا قربت عليها حضنتها .. حضنت جسم بنت صغيرة او عجوزة صغيرة مابعرف شو ساير معها ..واقنعتها اني راح ساعدها .. سار عمو ابو خميس يقلي اسرعي راح يوصل حسام .. انا اخدت الولد بسرعه واطلعت وهي سارت تصرخ يززززززن وانا على الدرج سمعت سيارة حسام وصلت خفت وركضت لفوق وانا عم ارجف من الخوف ومن يلي شفتو ..ويوميا سرت نزل لالها الطفل تشوفوا بس ماكان حل هي سارت تهدى وترتاح قبالي بس المشكلة انا اذا عرف حسام راح سير بمكانها يوميا سرت فكر وقلبي يوميا يوجعني جسمي بلش يتغير الذبول والنحافة بدت تظهر عليه .. فتت الحمام كنت اكره اطلع الميزان بس من وقفت عليه لقيت وزني ووصل 80 .. حسام بلش يلاحظ علي وعلى جسمي وعلى طول يطلع فيني على الرايحه والجاي .. وانا خلصت لقيت الفكرة اللي تنقذني وتنقذ ام يزن ويزن لازم استغل ذبولي لازم ارجع اقوي ..