زوجة على الورق

الجزء الثاني ..
من فتت البيت ماكنت عم شوف شي خنقة كأني فتت مقبرة صح البيت حلو ومعفش بأغلي شي بس قلبي واجعني من دخلت ، بقيت اتفتل بين الغرف لاتعرف على البيت كان 3 غرف وكل وحدة اجمل من التانية ، فقدتو لحسام فجأة سرت نادي عليه ماكان عم يرد عليه جلست على الكنباية انطروا ليرجع لان مابعرف شو اعمل واغراضي مانها معي بعد شوي اجا ومعو الشنت واغراضي .
حسام :- اهلا وسهلا في بيتك اتمني انك تعيشي بسلام . وقع الكلمات على قلبي وزادت دقات قلبي وبلشت اعرق أكتر قمت استغفرت الله وقمت رتب اغراضي بأماكنهم ..
فات الغرفة واخد ملابسو الداخلية ومنشفة وفات يتحمم .. انا خلصت اموري وجهزت حالي وملابسي متل ما امي فهمتني اعمل ..
طلع من الحمام وسار يطلع فيني من فوق لتحت كنت لابسه لانجري ابيض ومغطية حالي بالبروب خجلت من نظراتو بسراحة ماكان منظري حلو من كل مكان كان في شقف طالعه يعني شغلات لو شافتها البلدية بتعطيني مخالفة?? ..
استوعبت حالي وقلت..
أنا:- ليش عم تتطلع فيني هيك
حسام:-لابس عجبني منظرك بلاش اشوف .. ووضحك ضحكة سخرية وكمل حكيو ? وقال .. حسام:- انا طلبت لالك عشا اتعشي صحة وهنا انا تعبان فايت انام بالغرفة التانية وانتي خدي راحتك ونامي هون ..
انا ماعرفت شو اعمل قعدت شي دقيقتين صافنة فتت بحالة مابعرف شو هي سرت ابكي وقفت قدام المراية وشفت منظري يأست من حالي غيرت ملابسي وضليت ابكي لنمت ..
فقت الصبح على تسكير باب الشقة ..ناديت على امي فكرت حالي ببيت اهلى حاولت استجمع قوتي وافتح عيوني منيح وشوف انا وين . قمت كانت الساعة 7 الصبح قمت اتحممت واتوضيت وصليت صلاتي اللي راح موعدها وسرت ادعي الله انو ماتكون حياتي سيئة وقمت رتبت البيت .. ورتبت الغرفة اللي بينام فيها كانت كلها قمع سجائر نظفتها وفتحت شبابيكها اللي سمك الغبرة عليها كتير وبعد ماخلصتها فتت الغرفة الثالثة كانت غرفة البيبي اللي اول مافتتها انشرح قلبي وحسيتها بزمردتها وسرت اكمش الالعاب والعب فيهن متل طفلة صغيرة .. واتذكرت انو هالغرفة راح يكون فيها طفل يملى حياتي .. خلصت البيت وقمت على المطبخ بدي اعمل الافطار كانت الثلاجة فارغة .. دقيت لحسام ..
انا :- الوو مرحبا حسام صباح الخير انت وين مابدك تفطر ..
حسام :- انا بالسوق نزلت جيب اغراض للبيت وراح مر جيب ابني واغراضو بدك شي معين ابعتي لالي رسالة لاشترية
انا:- لا شكرا حسام مع السلامة .
قفلت هاتفي ونطرتو لاجا وكانت بواب العمارة العم ابو خميس عم يساعد حسام ومن شافني نظرلي نظرة حزن وقلي الف مبروك يابنتي الله يهدي البال.. ماعرفت ليش هالكلام واتشكرتو ومسكت الطفل ..اللي كان متل قطعة من القمر .. الطفل يزن اللي بيشبه ابوه بكل شي كان صغير كتير حطيتو على حضني وهو عم يبتسم لالي .. حسيتو قطعة مني مابدي اتركو ..
سار حسام يدخل بالاغراض ويرتبهم بالثلاجة وسار يجهز الافطار انا نسيت حسام ونسيت كل شي هالطفل اخد قلبي معو كأنو الله باعتني مشان يفرحني فيه نام الطفل على حضني اللي من وقت ماحملتو مابكي .. اجا حسام وشاف يزن نايم على حضني . ..
حسام:-يسلمو رولا الطفل اول مرة شوفو بنام بدون مايبكي انا جهزت الفطار تعي افطري ..
انا:- يييي انا اسفة تركتك تعمل فطار والله يزن اخدني معو ونسيت حالي
حسام:-مانا مشكلة تعي .
جلست على الطاولة وانا عم شوف لطافة حسام معي وذوقو .. بس استمريت على هاد الحال ايام كأنا اخوات بالبيت اهتم بالطفل وهو يقابلني بلطافة لعند ماقلي ..
حسام:- انا بكرة راح ارجع على شغلي بالعيادة خلص انا ارتحت لوجودك مع ابني انا مارح قصر معك وراح اعملك وجبلك كل شي بتتمنيه ..
انا :-شكرا حسام كلك ذووق .. بعدها حسام فات غرفتو وانا فتت غرفتي فكر بكلام حسام شلون هو منيح معي بس مقابل شي كأني بيبي ستر للطفل . بس يالا مانها مشكلة خليني على هاد الحال .. سار حسام يفيق يطلع ع شغلو من بكير وانا بيوم فقت كانت حرارتي عالية كأني اتمرضت ماعاد فيني اتحمل وجع جسمي .. عضمي كلو بيوجعني شو اعمل .. قمت بجر تعبي معي عملت للطفل ببرونه حليب ونيمتو ورجعت دق لحسام مشان يشوف لالي علاج جيت دق اتذكرت انو ماعندي رصيد بموبايلي .. البست تيابي ونزلت تحت عند عمو ابو خميس ليشتري لالي رصيد لقيتو حامل صنية فيها أكل وفايت على غرفة متل المخزن .. من شافني تلبك وخاف وحاول يتهرب مني ..
العم ابوخميس :- اه ها شو يا يا بنتي محتاجة شي ..
أنا :- عمي ابو خميس مرضانه الله يخليك بدي اشحن رصيد لادق على حسام .. قلي روحي فوق وانا هلاء بجبلك اطلعت فوق وانا عم فكر بردة فعل عمي ابو خميس وليش خاف من شافني شفتو فايت المخزن .. بعد دقايق دقلي حسام .
حسام :- اهلين رولا سلامتك معفاية تكرمي راح جبلك بس تاني مرة لاتنزلي عند العم ابو خميس انا:-ليش حسام في شي ..
حسام :-اسمعي اللي بقلك عليه ..
انا شكيت بالامر بحكم اني فضولية قررت اعرف شو في اجا حسام وجاب الادوية ووصاني ما انزل اكتر من مرة .. مر تلات شهور على هاد الحال بس من يرجع حسام ع البيت ينزل يقعد نص ساعة عند العم ابو خميس ويرجع انا شكيت قلت لازم استغل الفرصة واعرف شو في .. باليوم التالي نطرت حسام ليروح شغلو ونزلت بهداوة تحت على المخزن لحق عمو ابو خميس وهو حامل صنية الاكل .. وتخبيت ورا باب المخزن دخل البواب للمخزن جوا وسمعت صرخة .. .. صرخة مخنوقة .. صرخة موجوعة ..صرخت حد بنازع . صرخة حدبموت جسمي اتيبس بمكاني وماعرفت شو سرلي بعدها ..
.