رواية لغز العشاء
ﺍﻟﺠﺰﺀ ﺍﻟﺜﺎﻧﻲ ..
( ﺑﺪﻭﻥ ﺳﻼﻡ ﺍﻭ ﺣﻀﻦ ﺍﻭ ﺗﻌﺒﻴﺮ ﺑﺎﻟﻮﺟﻪ ﺑﻴﻈﻬﺮ ﺍﻧﻮ ﻣﺮﺣﺐ ﻓﻴﻨﻲ .. ﺍﻭﻝ ﻣﺎ ﺷﺎﻓﻨﻲ ﻛﺎﻥ ﻣﺼﺪﻭﻡ .. ﻣﺎ ﺍﺿﺤﻚ ﺣﺘﻰ ﺑﻮﺟﻬﻲ .. ﻣﺪﻳﺖ ﺍﻳﺪﻱ ﻭﺳﻠﻤﺖ ﻋﻠﻴﻪ ﻭﻛﺎﻥ ﻛﻼﻣﻮ ﻗﺎﺳﻲ ﻛﺴﺮﻧﻲ ﻣﻦ ﺍﻭﻝ ﻟﻘﺎﺀ .. ﺑﺲ ﻻﻥ ﻣﺘﻌﻮﺩﺓ ﻉ ﻛﺴﺮﺓ ﺍﻟﺨﺎﻃﺮ ﻣﻦ ﺍﻫﻠﻲ ﺣﻄﻴﺘﻬﺎ ﺑﻘﻠﺒﻲ ﻭﺳﻜﺘﺖ ..
ﻋﻤﺎﺩ -: ﻛﺜﻴﺮ ﻗﺼﻴﺮﺓ ﻛﻴﻒ ﺑﺪﻱ ﺍﻣﺸﻲ ﺟﻨﺒﻚ ..
ﺭﻓﻴﻒ -: ﺍﻧﺎ ﻗﻠﺖ ﻟﻌﻤﺘﻲ ﻛﻢ ﻃﻮﻟﻲ ﻭﻫﻲ ﺧﺒﺮﺗﻚ
ﻋﻤﺎﺩ -: ﺍﻱ ﺧﺒﺮﺗﻨﻲ ﺑﺲ ﻣﺎﺗﻮﻗﻌﺖ ﻫﻴﻚ ﻭﻛﺜﻴﺮ ﺑﺸﻌﺔ ﺍﻧﺘﻲ
ﺭﻓﻴﻒ -: ﻣﻦ ﺍﺭﺳﻠﺖ ﺍﻟﺼﻮﺭ ﻳﻤﻜﻦ ﻛﻨﺖ ﺍﺳﻤﻦ ..
ﻋﻤﺎﺩ -: ﺍﻣﺸﻲ ﺑﺴﻴﻄﺔ
ﺭﻓﻴﻒ -: ﻫﺎﻱ ﺷﻨﺘﻪ ﺗﻴﺎﺑﻲ
ﻋﻤﺎﺩ -: ﺍﻱ ﺍﺣﻤﻠﻴﻬﺎ
ﻭﻗﻔﺖ ﺑﻤﻜﺎﻧﻲ ﺑﺼﺎﻟﺔ ﺍﻟﻤﻄﺎﺭ ﻭﻋﻴﻨﻲ ﻉ ﺍﻟﺮﺟﻮﻉ ﻭﻉ ﺍﻧﻲ ﺍﺑﻘﻰ .. ﻛﺎﻥ ﻣﺎﻋﻢ ﻳﺨﺘﻠﻒ ﻋﻦ ﺳﺎﻣﺮ ﻭﺍﺑﺮﺍﻫﻴﻢ ﺑﺸﻲ .. ﻧﻔﺲ ﺍﻻﺳﻠﻮﺏ .. ﻫﻮ ﺭﻓﻴﻘﻬﻦ ﺍﻛﻴﺪ ﻣﺎﺭﺡ ﻳﺨﺘﻠﻒ ﻋﻨﻬﻦ .. ﺍﻃﻠﻌﻨﺎ ﺑﺎﻟﺴﻴﺎﺭﺓ ﻭﻣﻦ ﺍﻟﺘﻌﻮﺩ ﻗﻌﺪﺕ ﺑﺎﻟﻜﺮﺳﻲ ﻳﻠﻲ ﻭﺭﺍ ..
ﻋﻤﺎﺩ -: ﺷﻮ ﺷﺎﻳﻔﺘﻴﻨﻲ ﺷﻮﻓﻴﺮ ﻳﻠﻲ ﺧﻠﻔﻚ .. ﺗﻌﻲ ﺍﻗﻌﺪﻱ ﻗﺪﺍﻡ ..
ﺭﻓﻴﻒ -: ﻻﺀ ﻣﺎﻫﻴﻚ ﺍﻟﻘﺼﺪ ﺑﺲ ﺍﻧﺎ ﻓﻜﺮﺕ ﻻﺯﻡ ﺍﻗﻌﺪ ﻭﺭﺍﻩ ..
ﻋﻤﺎﺩ -: ﻳﺎﻻ ﺗﻌﻲ ﺍﻗﻌﺪﻱ ﻗﺪﺍﻡ ..
( ﻃﻮﻝ ﺍﻟﻄﺮﻳﻖ ﻛﺎﻥ ﻋﻢ ﻳﺘﺄﻓﺄﻑ ﻭﻣﺎﻋﻢ ﻳﻌﺠﺒﻮ ﺷﻲ .. ﻭﻳﺴﺐ ﻉ ﻛﻞ ﻳﻠﻲ ﻋﻢ ﻳﺴﻮﻗﻮﺍ ﻭﻳﻌﻴﺪ ﺗﺴﻤﻴﻊ ﺍﻟﺤﻜﻲ ﺍﻟﺠﺎﺭﺡ ﻻﻟﻲ ﻭﺻﻠﻨﺎ ﻉ ﺑﻴﺘﻬﻦ .. ﻛﻨﺖ ﻣﻌﺘﻘﺪﺓ ﺩﺍﺭ ﺣﻤﺎﻱ ﻳﻜﻮﻧﻮﺍ ﺑﺎﻻﺳﺘﻘﺒﺎﻝ .. ﺑﺲ ﻣﺎﻓﻲ ﺣﺪ ..
ﺭﻓﻴﻒ -: ﻭﻳﻦ ﺩﺍﺭ ﻋﻤﻲ
ﻋﻤﺎﺩ -: ﻫﻨﻲ ﺳﺎﻛﻨﻴﻦ ﺑﺠﺪﺓ ﻣﻮ ﻫﻮﻥ .. ﻭﻣﺎﻓﺎﺿﻴﻴﻦ ﻳﺠﻮ
ﺭﻓﻴﻒ -: ﻫﺎﺩ ﺑﻴﺘﻨﺎ
ﻋﻤﺎﺩ -: ﻻﺀ ﻫﺎﺩ ﻣﺴﺘﺎﺟﺮﻳﻨﻮ
ﺭﻓﻴﻒ -: ﻣﻤﻢ
ﻋﻤﺎﺩ -: ﻓﻮﺗﻲ ﻫﻴﻨﻲ ﺭﺍﺟﻊ ﻋﻨﺪﻱ ﺷﻲ ﺍﻋﻤﻠﻮ ..
..
( ﺗﺮﻛﻨﻲ ﻭﻣﺎﺭﺟﻊ ﺍﻻ ﺗﺎﻧﻲ ﻳﻮﻡ .. ﻛﺎﻥ ﺍﻟﺒﻴﺖ ﺑﺴﻴﻂ ﻭﺍﻗﻞ ﻣﻦ ﺑﻴﺘﻨﺎ .. ﺍﻟﻔﺮﺵ ﻓﻴﻪ ﻗﺪﻳﻢ ﻭﻣﻬﺘﺮﻱ ﻭﺍﻟﺤﻴﻄﺎﻥ ﻣﻘﺒﻊ ﺍﻟﺪﻫﺎﻥ ﻋﻨﻬﺎ ﻭﺍﻟﻤﻄﻠﺦ ﻗﺪﻳﻢ ﻭﻣﻠﻴﺎﻥ ﺣﺸﺮﺍﺕ ﺑﻘﻴﺖ ﻛﻞ ﻟﻴﻠﻲ ﻭﻧﻬﺎﺭﻱ ﺭﺗﺐ ﺑﺎﻟﺒﻴﺖ ﻭﻧﻀﻔﻮ .. ﻟﺮﺟﻊ ﻉ ﺍﻟﺒﻴﺖ ﻭﻟﻘﺎﻧﻲ ﺑﺎﻻﺳﺘﻘﺒﺎﻝ .. ﻭﻣﺮﺕ ﺣﻴﺎﺗﻨﺎ ﻳﻮﻡ ﻭﺭﺍ ﻳﻮﻡ .. ﻫﻮ ﻣﺎﻧﻮ ﻣﺘﻘﺒﻠﻨﻲ ﻭﺍﻏﻠﺐ ﺍﻳﺎﻣﻮ ﺑﺮﺍ ﺍﻟﺒﻴﺖ … ﻭﺑﺴﺎﻓﺮ ﺑﺎﻻﺷﻬﺮ ﻟﻌﻨﺪ ﺍﻫﻠﻮ ﺍﻧﺎ ﻛﻨﺖ ﺭﺿﻴﺎﻧﺔ ﻭﺑﺤﻤﺪ ﺍﻟﻠﻪ ﻭﺑﺸﻜﺮﻭﺍ ﺍﻧﻮ ﻣﺎﻓﻲ ﻋﺬﺍﺏ ﻣﻦ ﺍﺧﻮﺍﺗﻲ ﻭﻧﺴﺎﻭﻳﻨﻬﻦ ﻟﺒﻴﻮﻡ ﺭﺟﻊ ﻉ ﺍﻟﺒﻴﺖ ..
ﻋﻤﺎﺩ -: ﺿﺒﻲ ﺗﻴﺎﺑﻨﺎ ﺭﺡ ﻧﺮﺟﻊ ﻉ ﺍﻟﺒﻠﺪ
ﺭﻓﻴﻒ -: ﻟﻴﺶ ﻓﻲ ﺷﻲ
ﻋﻤﺎﺩ -: ﺍﻭﺭﺍﻗﻚ ﻣﺎﻋﻢ ﺗﺰﺑﻂ ﻭﺍﻧﺎ ﺍﻧﻄﺮﺩﺕ ﻣﻦ ﺷﻐﻠﻲ ..
ﺭﻓﻴﻒ -: ﻭﻳﻦ ﺭﺡ ﻧﺴﻜﻦ ..
ﻋﻤﺎﺩ -: ﺭﺡ ﻧﺴﺘﺎﺟﺮ ﻻ ﺗﻜﺘﺮﻱ ﺷﺮﺍﻳﻂ ﻭﺧﺮﻕ، . ﻣﺎﻗﺪﺭﺗﻲ ﺍﺣﻤﻞ ﺷﻨﻂ ﺷﻮﻓﻲ ﺍﻟﻤﻬﻢ ﻭﺧﺬﻳﻪ ..
( ﺍﺧﺪﺕ ﺍﻻﻏﺮﺍﺽ ﺍﻟﻤﻨﻴﺤﺔ ﻭﺍﻟﻤﻬﻤﺔ ﻛﻨﺖ ﻣﻔﻜﺮﺓ ﺍﻧﻮ ﺑﺪﻭ ﻳﺠﺒﻠﻲ ﺟﻬﺎﺯ ﻭﻣﻠﺒﻮﺱ ﻣﺘﻞ ﻣﺎﻭﻋﺪﻧﻲ ﺑﻜﻼﻣﻮ .. ﺿﺒﻴﻨﺎ ﺍﻟﺸﻨﻂ ﻭﺳﺎﻓﺮﻧﺎ .. ﻭﺻﻞ ﺧﺒﺮ ﻻﻫﻠﻲ ﺍﻧﻲ ﺍﺭﺟﻌﺖ ﻟﻠﺒﻠﺪ .. ﻭﺍﺧﻲ ﺍﺑﺮﺍﻫﻴﻢ ﺍﺳﺘﺎﺟﺮﻧﺎ ﺑﻴﺖ .. ﺍﻧﺰﻟﺖ ﻓﻲ ﺑﻴﺖ ﻣﺎﻛﺎﻥ ﻓﻴﻮ ﻓﺮﺷﺔ ﻧﻨﺎﻡ ﻋﻠﻴﻬﺎ ….
ﺣﻄﻴﺖ ﺗﻴﺎﺑﻲ ﺗﺤﺖ ﺭﺍﺳﻲ ﻣﺨﺪﺓ ﻭﻧﻤﺖ ﺑﺎﻻﺭﺽ .. ﺍﺳﺒﻮﻉ ﻛﺎﻣﻞ .. ﻟﻮﻗﺖ ﺍﻟﺒﺮﺩ ﺍﻛﻞ ﻋﻀﻤﻲ ﻭﺑﻠﺸﺖ ﺍﺳﺘﻔﺮﻍ ﻭﺍﺗﻌﺐ ﻭﻳﻨﺰﻝ ﺿﻐﻄﻲ ..
ﺭﻓﻴﻒ -: ﺍﻧﺎ ﺣﺎﻣﻞ
ﻋﻤﺎﺩ -: ﻛﻴﻒ .. ﻭﻣﺘﻰ .. ﻭﺷﻠﻮﻥ ﻋﺮﻓﺘﻲ
ﺭﻓﻴﻒ -: ﻫﺎﺩ ﺍﻟﺸﻬﺮ ﺍﻟﺜﺎﻟﺚ ﻣﺎﺗﺠﻴﻨﻲ ﺍﻟﺪﻭﺭﺓ ﺍﻟﺸﻬﺮﻳﺔ ..
ﻋﻤﺎﺩ -: ﻣﺎﻧﻮ ﻭﻗﺘﻮ .. ﻭﺷﺎﻳﻔﺔ ﺣﺎﻟﻨﺎ
ﺭﻓﻴﻒ -: ﺍﻧﺖ ﻣﻌﻚ ﻣﺼﺎﺭﻱ ﻟﻴﺶ ﻣﺎ ﺗﺠﻴﺐ ﻻﻟﻨﺎ ﺷﻲ ﺳﺮﻳﺮ ﺍﻭ ﻛﻢ ﻓﺮﺷﺔ ﻧﻨﺎﻡ ﻋﻠﻴﻬﺎ
ﻋﻤﺎﺩ -: ﺑﺪﻱ ﺟﻴﺐ ﺑﺲ ﻛﻠﻮ ﻏﺎﻟﻲ ..
ﺭﻓﻴﻒ -: ﻣﺎﻓﻲ ﺑﺎﻟﺔ ﻓﻴﻬﺎ ﻓﺮﺵ ..
ﻋﻤﺎﺩ -: ﺑﺪﻙ ﺗﺼﺒﺮﻱ ..
ﻭﺻﺒﺮﺕ ﺍﺳﺒﻮﻋﻴﻦ ﻛﻤﺎﻥ .. ﻟﻮﻗﺖ ﻣﺎ ﺍﺟﻮ ﺧﻮﺍﺗﻲ ﻟﻌﻨﺪﻱ ﻭﺟﺎﺑﻮ ﻻﻟﻲ ﻓﺮﺷﺎﺕ ﺍﻧﺎﻡ ﻋﻠﻴﻬﺎ ﻭﺍﻏﻄﻴﻪ .. ﻭﺷﻮﻳﻪ ﺻﺤﻮﻥ ﻭﻣﻼﻋﻖ ﻭﻃﻨﺠﺮﺗﻴﻦ .. ﻭﺍﻣﻲ ﺟﺎﺑﺘﻠﻲ ﺷﺮﺍﺷﻒ .. ﻭﺑﻌﺪ ﺷﻬﺮﻳﻦ ﺟﺎﺏ ﺧﺰﺍﻧﺔ ﻭﺳﺠﺎﺓ ﻭﺳﺮﻳﺮ ﻟﻠﻄﻔﻞ ﻭﺷﻬﺮ ﺑﻌﺪ ﺷﻬﺮ ﻭﺑﻠﺶ ﺑﻄﻨﻲ ﻳﻜﺒﺮ .. ﺣﻤﺎﻱ ﺍﺭﺳﻞ ﻻﻟﻨﺎ ﻣﺼﺎﺭﻱ ﻭﻛﻔﻴﻨﺎ ﻋﻔﺶ ﺍﻟﺒﻴﺖ .. ﻭﺑﻌﺘﻠﻨﺎ ﺍﻧﻮ ﻣﺎﻋﺎﺩ ﻧﻄﻠﺐ ﺷﻲ ﻻﻥ ﻫﻨﻲ ﻛﻤﺎﻥ ﻭﺿﻌﻦ ﺳﺊ .. ﺟﻮﺯﻱ ﻣﺎﻛﺎﻥ ﻳﺸﺘﻐﻞ ﻭﻻ ﻛﺎﻥ ﻳﻌﺠﺒﻮ ﺍﻱ ﺷﻐﻞ .. ﺩﺍﺋﻤﺎ ﺑﺎﻟﻘﻬﻮﺓ ﺍﻭ ﻋﻨﺪ ﺭﻓﻘﺎﺗﻮ ﺑﺄﺭﺟﻞ .. ﻭﺍﻧﺎ ﻉ ﻃﻮﻝ ﺑﺎﻟﺒﻴﺖ ..
ﻋﻤﺎﺩ -: ﺷﻮ ﻋﻢ ﺗﻌﻤﻠﻲ
ﺭﻓﻴﻒ -: ﻭﻻ ﺷﻲ ﻗﺎﻋﺪﺓ
ﻋﻤﺎﺩ -: ﺍﻟﺒﺴﻲ ﻭﺭﻭﺣﻲ ﻟﻌﻨﺪ ﺍﺧﻮﻛﻲ ﺳﺎﻣﺮ ﻣﺮﺗﻮ ﻣﺮﺿﺎﻧﺔ ﻭﺑﺪﻭ ﺍﻳﺎﻛﻲ ﺍﺩﻳﺮﻱ ﺑﺎﻟﻚ ﻋﻠﻴﻬﺎ ﻭﻉ ﺍﻻﻭﻻﺩ
ﺭﻓﻴﻒ -: ﻋﻤﺎﺩ ﺍﻧﺎ ﺑﻄﻨﻲ ﻟﺤﻠﻘﻲ ﺻﺎﺭ ﻭﻣﺎﺧﺮﺝ ﺭﻭﺡ ﺍﻋﺘﻨﻲ ﺑﺤﺪ .. ﻫﻲ ﻻﻟﻬﺎ ﺍﻫﻞ ..
ﻋﻤﺎﺩ -: ﺭﻭﺣﻲ ﻣﻦ ﺗﻢ ﺳﺎﻛﺖ ﻭﻣﺎﺗﺨﺠﻠﻴﻨﻲ ﻗﺪﺍﻡ ﺧﻮﺍﺗﻚ ﻭﻗﻔﻮ ﻣﻌﻨﺎ ﻣﻨﻴﺢ ﻳﺎﻻ ﻗﻮﻣﻲ ﻻ ﺗﺘﺎﺧﺮﻱ ..
.. ﻭﺑﻘﻴﻨﺎ ﻉ ﻫﺎﺩ ﺍﻟﺤﺎﻝ ﻛﺘﻞ ﺍﻟﺨﺪﺍﻣﺔ ﻟﺨﻮﺍﺗﺐ ﻭﻟﺮﻓﻘﺎﺗﻮ .. ﻭﻣﻮ ﻫﻮﻥ ﻭﺑﺲ ﺻﺎﺭ ﻳﺒﻌﺘﻨﻲ ﻋﻦ ﻋﺎﻟﻢ ﺳﺎﻋﺪﻫﻦ ﻉ ﺍﺳﺎﺱ ﻫﻨﻲ ﺭﻓﻘﺎﺗﻮ .. ﺑﺲ ﻃﻠﻊ ﻋﻢ ﻳﺸﻐﻠﻨﻲ ﺧﺪﺍﻣﺔ ﺑﺒﻴﻮﺕ ﺍﻟﻨﺎﺱ ﻭﻋﻢ ﻳﻘﺒﺾ ﻣﺼﺎﺭﻱ ﺑﺘﻌﺒﻲ ..
.. ﻟﻚ ﺣﺎﻣﻞ ﻫﺎﻱ ﺷﻮ ﺑﺪﺍ ﺗﻌﺰﻝ .. ﻣﺎﻟﻘﻴﺖ ﺍﻻ ﻫﺎﻱ ﺗﺠﻴﺒﻬﺎ ..
.. ﺷﻮ ﺍﻋﻤﻠﻚ ﻋﻢ ﻳﻘﻮﻟﻮﺍ ﺷﺎﻃﺮﺓ ..
.. ﻟﻚ ﺣﺮﺍﻡ ﺣﺎﻣﻞ
.. ﺍﻟﻤﺨﻠﻮﻗﺔ ﻭﺿﻌﻬﺎ ﺗﻌﺒﺎﻥ ﻭﺑﺪﺍ ﺗﺘﺮﺯﻕ
.. ﻻﺀ ﻻﺀ ﺍﻋﻄﻴﻬﺎ ﻣﺼﺎﺭﻱ ﺑﺪﻭﻥ ﻣﺎ ﺗﺸﺘﻐﻞ ﻭﺧﻠﻴﻬﺎ ﺗﺮﻭﺡ ..
.. ﺍﻋﻄﻴﺖ ﻋﻤﺎﺩ ﻫﻮ ﻳﻠﻲ ﺟﺎﺑﻬﺎ .. ﻭﻗﺎﻝ ﻫﻮ ﺑﻴﻌﻄﻴﻬﺎ ..
..
ﻭﻫﻮﻥ ﻋﺮﻓﺖ ﺍﻧﻮ ﺟﻮﺯﻱ ﻋﻢ ﻳﺸﻐﻠﻨﻲ ﻣﻘﺎﺑﻞ ﺍﻟﻤﺼﺎﺭﻱ ﻭﺍﻧﺎ ﻛﻨﺖ ﻣﻔﻜﺮﺓ ﺍﻧﻲ ﻋﻢ ﺳﺎﻋﺪ ﻧﺴﻮﺍﻥ ﺭﻓﻘﺎﺗﻮ .. ﻭﻛﻨﺖ ﻋﻢ ﺍﺗﻼﻃﻒ ﻣﻌﻬﻦ ﺭﻏﻢ ﻧﻈﺮﺍﺗﻬﻦ ﻻﻟﻲ ﻭﻗﺖ ﻛﻮﻥ ﻋﻢ ﻧﻀﻒ ﻣﻌﻬﻦ ..
ﻋﻤﺎﺩ -: ﻻ ﺗﻌﻠﻲ ﺻﻮﺗﻚ ﻋﻠﻴﻪ
ﺭﻓﻴﻒ -: ﻟﻴﺶ ﻋﻢ ﺗﻌﻤﻞ ﻫﻴﻚ ﺷﻐﻠﺘﻨﻲ ﻟﻔﺎﻳﺔ ﻋﻨﺪ ﺍﻟﻌﺎﻟﻢ .. ﻛﻞ ﻳﻮﻡ ﺑﺎﻋﺘﻨﻲ ﻋﻨﺪ ﺣﺪ ﻛﻨﺖ ﻗﻮﻝ ﺯﻭﺟﻲ ﺑﺪﻭ ﻳﻄﺎﻟﻌﻨﻲ ﻭﺑﺤﺐ ﺍﻟﻤﺴﺎﻋﺪﺓ ﻭﺑﺤﺐ ﻳﺨﺪﻡ ﺍﻟﻌﺎﻟﻢ ﺭﻏﻢ ﺍﻧﻮ ﻣﺎﻧﻮ ﺣﺎﺳﺲ ﻓﻴﻨﻲ ﺑﺲ ﻃﻠﻌﺖ ﻋﻢ ﺗﻘﺒﺾ ﻉ ﺗﻌﺒﻲ ..
ﻋﻤﺎﺩ -: ﻟﻜﺎﻥ ﻛﻴﻒ ﺑﺪﻙ ﺗﺎﻛﻠﻲ ﻭﺗﺸﺮﺑﻲ …
ﺭﻓﻴﻒ -: ﻋﻤﺎﺩ ﺍﻧﺎ ﺑﺎﻗﻴﻠﻲ ﺷﻬﺮﻳﻦ ﻭﺍﻭﻟﺪ ﺣﺮﺍﻡ ﻛﻞ ﻫﺎﻟﺘﻌﺐ .. ﻣﺎﻋﺎﺩ ﺑﺪﻱ ﺭﻭﺡ ﻟﻌﻨﺪ ﺣﺪ ..
ﻋﻤﺎﺩ -: ﻭﻛﻴﻒ ﺭﺡ ﻧﺼﺮﻑ ﻉ ﺣﺎﻟﻨﺎ
ﺭﻓﻴﻒ -: ﺭﻭﺡ ﺍﺷﺘﻐﻞ ﺍﺣﺴﻦ ﻣﻦ ﻗﻌﺪﺕ ﺍﻟﻘﻬﺎﻭﻱ ..
ﻋﻤﺎﺩ -: ﻃﻴﺐ ﺳﻜﺮﻱ ﺣﻨﻜﻚ ﻭﻻ ﺗﻔﺘﺤﻲ ﺑﻠﻮﻋﺔ ﻫﺎﻟﺴﻴﺎﻕ ..
( ﻛﺎﻥ ﻳﺤﺎﻭﻝ ﻳﺤﺘﺎﻝ ﻋﻠﻴﻪ ﺑﺎﻟﺤﻜﻲ ﺍﻟﺤﻠﻮ ﻟﻴﺨﻠﻴﻨﻲ ﺭﻭﺡ ﺍﻧﻀﻒ ﻋﻨﺪ ﺍﻟﻌﺎﻟﻢ .. ﺑﺲ ﺍﻧﺎ ﻛﻨﺖ ﺍﻓﻬﻤﻮ ﻭﺍﺭﻓﺾ .. ﺍﺟﻰ ﺟﻨﺒﻲ ﻣﻌﻮ ﺷﻮﻛﻼﻩ ﺩﺍﻳﺒﺔ ﻭﺻﺮﻻ ﺳﻨﺔ ﻣﻌﻮ
ﻋﻤﺎﺩ -: ﺣﻴﺎﺗﻲ ﺯﻋﻼﻧﺔ ﻣﻨﻲ .. ﺧﺪﻱ ﻫﺎﻟﺸﻮﻛﻼﻩ ..
ﺭﻓﻴﻒ -: ﻣﺎﻧﻲ ﺯﻋﻼﻧﺔ ﺑﺲ ﻣﺎﺗﺤﺎﻭﻝ ﻣﺎﻧﻲ ﺭﺍﻳﺤﺔ ﺍﺷﺘﻐﻞ ..
ﻋﻤﺎﺩ -: ﻻﺀ ﺍﻧﺘﻲ ﺯﻭﺩﺗﻴﻬﺎ ﻛﺜﻴﺮ ..
( ﻧﻔﺲ ﺍﻟﻤﺸﻬﺪ ﻭﻧﻔﺲ ﺍﻟﺘﻤﺜﻠﻴﺔ ﺳﺤﺐ ﺣﺰﺍﻡ ﺍﻟﺒﻨﻄﻠﻮﻥ ﻭﺑﻠﺶ ﻳﻀﺮﺑﻨﻲ ﻭﺍﻧﺎ ﺍﺻﺮﺥ ﻭﺍﻗﻠﻮ ﺣﺮﺍﻡ ﺣﺮﺍﻡ ﻋﻢ ﻳﺠﻲ ﺍﻟﻀﺮﺏ ﻋﻢ ﺑﻄﻨﻲ .. ﻗﻌﺪﺕ ﺑﺎﻟﺰﺍﻭﻳﺔ ﻭﻭﺟﻬﻲ ﻟﻠﺤﻴﻂ ﻭﺧﺒﻴﺖ ﺑﻄﻨﻲ ﺑﻤﺨﺪﺓ ﻣﺸﺎﻥ ﻣﺎﻳﺠﻲ ﺍﺿﺮﺏ ﻉ ﺑﻄﻨﻲ ﺑﺲ ﺿﻬﺮﻱ ﺻﺎﺭ ﻣﺘﻞ ﺍﻟﻤﺠﻠﺪﺓ ﻣﻦ ﺍﻟﻀﺮﺏ ..
ﻭﺑﻠﺸﺖ ﻭﺿﻌﻨﺎ ﻳﺴﻮﺀ ﻣﺎﻋﺎﺩ ﻓﻲ ﺍﻛﻞ ﺑﺎﻟﺒﻴﺖ ﻭﻫﻮ ﻣﺎﻳﺮﺟﻊ ﺍﻻ ﻭﻗﺖ ﺍﻟﻨﻮﻡ .. ﻭﻭﻗﺖ ﻗﻠﺘﻮ ﺟﻮﻋﺎﻧﺔ ﻣﺎﻓﻲ ﺷﻲ ﺍﻛﻞ ﺑﺎﻟﺒﻴﺖ ﻳﻘﻠﻲ ﺭﻭﺣﻲ ﺍﺷﺘﻐﻠﻲ ﻭﻛﻠﻲ .. ﺻﺮﺕ ﺩﻕ ﻉ ﺍﻟﺠﻴﺮﺍﻥ ﻭﺍﻃﻠﺐ ﻣﻨﻬﻦ ..
ﺭﻓﻴﻒ -: ﺧﺎﻟﺘﻮ ﻣﻤﻜﻦ ﺑﺼﻠﺔ ﻻﻥ ﺯﻭﺟﻲ ﻣﺎﻧﻮ ﻫﻮﻥ ﻭﺑﺲ ﻳﺠﻴﺐ ﺑﺮﺟﻌﻬﺎ ﻻﻟﻜﻦ ..
( ﻛﺎﻧﺖ ﺗﻌﻄﻴﻨﻲ ﺍﻟﺒﺼﻠﺔ ﻭﺍﺣﺮﻛﻬﺎ ﻉ ﺍﻟﻨﺎﺭ ﺑﺸﻮﻳﺔ ﺯﻳﺖ ﻭﺍﺳﻜﺐ ﻓﻮﻗﻬﺎ ﻣﻲ ﻭﺍﺷﺮﺑﻬﺎ ..
ﻭﻣﺮﺓ ﻃﻠﺒﺖ ﺧﺒﺰ .. ﻭﻣﺮﺓ ﻃﻠﺒﺖ ﺭﺯ .. ﻣﺎﻗﺪﺭﺕ ﺍﺗﺤﻤﻞ ﺍﻟﺠﻮﻉ ﺭﺣﺖ ﻻﻣﻲ ﻉ ﺍﻟﺴﻮﺑﺮ ﻣﺎﺭﻛﺖ ..
ﺭﻓﻴﻒ -: ﺍﻣﻲ ﺑﺪﻱ ﺍﺧﺪ ﺍﻏﺮﺍﺽ
ﺍﻣﻲ -: ﺍﺫﺍ ﺍﺧﻮﺍﺗﻚ ﻋﺮﻓﻮﺍ ﺑﺴﻤﻮ ﺑﺪﻧﻚ ﻻ ﺗﺎﺧﺪﻱ
ﺭﻓﻴﻒ -: ﺍﻣﻲ ﺟﻮﺯﻱ ﻣﺎﺑﻴﺸﺘﻐﻞ ﻭﻣﺎﻋﺎﺩ ﻳﺠﻴﺐ ﺍﻛﻞ ﻟﻠﺒﻴﺖ ﻭﺍﻧﺎ ﺭﺡ ﻣﻮﺕ ﻣﻦ ﺍﻟﺠﻮﻉ ..
ﺍﻣﻲ -: ﻭﻫﻮ ﺷﻮ ﺑﻴﺎﻛﻞ ﺑﺪﻙ ﺗﺎﺧﺪﻱ ﻣﻦ ﻣﺎﻝ ﺍﺧﻮﺍﺗﻚ ﻻﻃﻌﻤﻲ ﺯﻭﺟﻚ
ﺭﻓﻴﻒ -: ﻣﺎﺑﻴﺠﻲ ﻳﺎﻛﻞ ﻃﻮﻝ ﺍﻟﻮﻗﺖ ﺑﺮﺍ ﻭﺑﺠﻲ ﺷﺒﻌﺎﻥ ﺍﻧﺎ ﻳﻠﻲ ﺟﻮﻋﺎﻧﺔ ..
ﺍﻣﻲ -: ﺍﺧﻮﺍﺗﻚ ﺣﺎﺳﺒﻴﻦ ﺍﻟﺒﻀﺎﻋﺔ ﻛﻼ .. ﺗﻌﻲ ﻓﻲ ﺻﻨﺪﻭﻕ ﻫﻮﻥ ﻓﻴﻮ ﻛﻢ ﺷﻐﻠﺔ ﺭﺡ ﺗﻨﺘﻬﻲ ﺻﻼﺣﻴﺘﻬﺎ ﺷﻮﻓﻲ ﺍﻟﻼﺯﻡ ﻭﺧﺪﻳﻪ ..
( ﻣﺎﻗﺪﺭﺕ ﺍﺗﺤﻤﻞ ﺭﺩﺕ ﻓﻌﻞ ﺍﻣﻲ ﻣﺎ ﺍﺧﺪﺕ ﺷﻲ .. ﺍﻃﻠﻌﺖ ﻣﻦ ﻋﻨﺪﻫﺎ ﻭﺍﻧﺎ ﻋﻦ ﺍﺑﻜﻲ ﻭﻻ ﺣﺘﻰ ﺍﺗﺤﺮﻙ ﺷﻌﺮﻩ ﻣﻨﻬﺎ ﻛﺎﻧﻬﺎ ﻣﻮ ﺍﻣﻲ .. ﺑﺘﺨﺎﻑ ﻉ ﺍﻭﻻﺩﻫﺎ ﻭﻣﺎﻟﻬﻦ ﺍﻛﺜﺮ ﻣﻨﺎ … ﻣﺎﻛﺎﻥ ﻋﻨﺪﻱ ﺍﻻ ﺍﺧﺘﻲ .. ﻛﺎﻥ ﺗﻌﻄﻴﻨﻲ ﻣﻦ ﺧﻴﺮ ﺟﻮﺯﻫﺎ ﺷﻲ ﻳﻤﺸﻴﻨﻲ ﻛﻢ ﻳﻮﻡ ﺑﺲ ﺟﻮﺯﻫﺎ ﺑﻠﺶ ﻳﺘﺬﻣﺮ ﻣﻦ ﻫﺎﻟﺸﻲ ﻭﻳﺪﺍﻳﻖ .. ﻭﺍﻧﺎ ﻓﻬﻤﺖ ﻣﻦ ﺍﺧﺘﻲ .. ﻭﻣﺎﻋﺪﺕ ﺭﺣﺖ ﻟﻌﻨﺪﺍ ..
ﻋﻤﺎﺩ -: ﻭﻳﻦ ﺫﻫﺒﻚ ﺍﻟﻠﻲ ﻣﻌﻚ
ﺭﻓﻴﻒ -: ﻟﺸﻮ ﺑﺪﻙ ﺍﻳﺎﻫﻦ
ﻋﻤﺎﺩ -: ﻣﺎﺑﺪﻙ ﺗﺘﺴﻤﻤﻲ
ﺭﻓﻴﻒ -: ﺑﺲ ﻫﺎﺩﻭﻝ ﻣﻦ ﺍﺧﻮﺍﺗﻲ
ﻋﻤﺎﺩ -: ﺍﻱ ﺷﻮ ﻗﺼﺪﻙ
ﺭﻓﻴﻒ -: ﻳﻌﻨﻲ ﻣﺎ ﺍﻟﻚ ﺣﻖ ﺗﺎﺧﺪﻫﻦ ﻣﻨﻲ .. ﺍﻧﺖ ﻛﻨﺖ ﺑﺪﻙ ﺗﺠﻴﺐ ﻻﻟﻲ ﺫﻫﺐ ﻭﻟﻬﻠﻖ ﻣﺎﺟﺒﺖ ﻭﻻ ﻗﻄﻌﺔ .
ﻋﻤﺎﺩ -: ﺍﻱ ﺑﺠﺒﻠﻚ ﻛﺜﻴﺮ ﺑﺲ ﺑﺪﻧﺎ ﺍﻧﻔﻚ ﻛﺮﺑﺘﻨﺎ ﻭﺭﺡ ﺍﺷﺘﻐﻞ ﻗﺮﻳﺐ ﻓﻲ ﻣﺤﻞ ﻣﻼﺑﺲ ..
ﺭﻓﻴﻒ -: ﺑﺲ
ﻋﻤﺎﺩ -: ﺍﻱ ﺑﻘﻴﺘﻲ ﻋﻨﻴﺪﺓ ﺭﺡ ﻣﺎﺗﺎﻛﻠﻲ ﻻ ﺍﻧﺘﻲ ﻭﻻ ﻳﻠﻲ ﻓﻲ ﺑﻄﻨﻚ .. ﺧﻠﺺ ﻭﻋﺪ ﺭﺟﻌﻠﻚ ﺍﻳﺎﻫﻦ
ﺭﻓﻴﻒ -: ﻃﻴﺐ ﺭﺡ ﺟﻴﺒﻬﻦ . ﺍﻧﺎ ﺟﺎﻱ ﻉ ﺑﺎﻟﻲ ﺗﻔﺎﺡ ﺻﺮﻟﻲ ﺍﺷﻬﺮ ﻣﺸﺘﻬﻴﺘﻮ
ﻋﻤﺎﺩ -: ﺍﻟﻠﻪ ﻻﻳﺸﺒﻌﻚ .. ﻣﺎﺷﻲ ﺭﺡ ﺟﺒﻠﻚ ….
ﻭﺑﻌﺪ ﻧﺺ ﺳﺎﻋﺔ ﺑﺎﻟﺰﺑﻂ .. ﺍﻧﻔﺘﺢ ﺍﻟﺒﺎﺏ ﺑﻘﻮﺓ .. ﻭﻛﻤﺸﻨﻲ ﻣﻦ ﺷﻌﺮﻱ ﻭﺻﺎﺭ ﻳﻀﺮﺏ ﺑﺮﺍﺳﻲ ﺑﺎﻟﺤﻴﻂ ..
ﺭﻓﻴﻒ -: ﻟﻚ ﺷﺒﻚ ﺟﻨﻴﺖ ﻓﺮﺩ ﻣﺮﺓ .. ﻟﻚ ﻋﻤﺎﺩ ﺍﺗﺮﻛﻨﻲ ..
ﻋﻤﺎﺩ -: ﺍﻧﺎ ﺗﺴﺘﺼﻐﺮﻳﻨﻲ ﻗﺪﺍﻡ ﺍﻟﺠﻮﺍﻫﺮﺟﻲ ..
ﺭﻓﻴﻒ -: ﺍﻧﺎ ﺷﻮ ﻋﻤﻠﺘﻠﻚ ﺷﻮ ﺩﺧﻠﻨﻲ ..
ﻋﻤﺎﺩ -: ﻋﺎﻣﻠﺔ ﺣﺎﻟﻚ ﻣﺎﺑﺘﻌﺮﻓﻲ ﻳﺎ ﺑﻨﺖ ﺍﻟﺤﺮﺍﻡ ﺫﻫﺐ ﺻﻴﻨﻲ ﺍﻟﻠﻲ ﻣﻌﻚ
ﺭﻓﻴﻒ -: ﺷﻮﻭﻭﻭ
ﻋﻤﺎﺩ -: ﻭﻳﻦ ﺍﻟﺬﻫﺐ ﻳﻠﻲ ﻟﺒﺴﻮﻩ ﺍﺧﻮﺍﺗﻚ ﻻﻟﻚ ﻭﻗﺒﻀﻮ ﺣﻘﻮ ﻣﻨﻲ ..
ﺭﻓﻴﻒ -: ﺷﻮ ﺍﻱ ﺫﻫﺐ ﻭﺍﻱ ﺍﻟﻠﻲ ﻗﺒﻀﻮ ﺣﻘﻮ .. ﺍﻧﺎ ﻫﺎﺩ ﻳﻠﻲ ﻟﺒﺴﻮﻧﻲ ﺍﻳﺎﻩ ﺍﺧﻮﺍﺗﻲ ﻭﺍﻟﻠﻪ .. ﻫﺪﺍﻳﺎ ..
ﻋﻤﺎﺩ -: ﻫﺪﺍﻳﺎ ﺷﻮﻭ .. ﻫﺎﺩ ﺩﻳﻦ ﺧﻮﺍﺗﻚ ﺍﺧﺪﻳﻨﻮ ﻣﺘﻲ ﻭﻗﺎﻟﻮ ﺟﺎﺑﻮ ﻻﻟﻚ ﺫﻫﺐ ﻓﻴﻪ .. ﻭﻃﻠﻊ ﺫﻫﺐ ﺻﻴﻨﻲ .. ﻳﺎ ﺍﻧﺘﻲ ﺑﺎﻳﻌﺘﻴﻦ ﻭﺟﺎﻳﺒﺔ ﺻﻴﻨﻲ ﻳﺎﺧﻮﺍﺗﻚ ﻧﺼﺒﻮ ﻋﻠﻴﻪ
ﺭﻓﻴﻒ -: ﻗﺴﻢ ﺑﺎﻟﻠﻪ ﻣﺎﺑﻌﺖ ﻭﻻ ﺍﺷﺘﺮﻳﺖ ﻫﺎﺩﻭﻝ ﻫﻨﻲ ﻭﺑﻐﻼﺓ ﻳﻠﻲ ﺑﺒﻄﻨﻲ ..
ﻋﻤﺎﺩ -: ﻳﻌﻨﻲ ﺧﻮﺍﺗﻚ ﻧﺼﺒﻮ ﻋﻠﻴﻪ
ﺭﻓﻴﻒ -: ﻭﺍﻟﻠﻪ ﺍﻟﻌﻈﻴﻢ ﻣﺎﻛﻨﺖ ﺑﻌﺮﻑ ﺣﺎﺟﻲ ﺗﻀﺮﺑﻨﻲ ﻭﺍﻟﻠﻪ ﻣﺎﻟﻲ ﺫﻧﺐ ..
ﻋﻤﺎﺩ -: ﺣﺴﺎﺑﻚ ﻣﻌﻲ ﻛﺒﻴﺮ ..
ﺭﻓﻴﻒ -: ﺍﻟﻠﻪ ﻻﻳﺴﺎﻣﺤﻚ ﻓﻮﻕ ﻣﺎ ﺍﻧﺖ ﻣﺎﻧﻚ ﻋﺎﻃﻴﻨﻲ ﺣﻘﻲ ﻛﻤﺎﻥ ﻇﺎﻟﻤﻨﻲ ..
ﻋﻤﺎﺩ -: ﺣﻖ ﺷﻮ ﻭﻟﻲ
ﺭﻓﻴﻒ -: ﻣﻮ ﻉ ﺍﺳﺎﺱ ﺗﺠﺒﻠﻲ ﺫﻫﺐ ﻭﻣﻠﺒﻮﺱ ﺑﺪﻥ .. ﺷﻮﻑ ﻋﻴﻨﻚ ﻣﺎ ﻋﻤﻠﺖ ﺷﻲ ..
ﻋﻤﺎﺩ -: ﺍﻟﺤﻖ ﻉ ﺍﻫﻠﻚ .. ﻣﻮ ﻋﻠﻴﻪ ﺍﻧﺎ ﻣﺎﻭﻋﺪﺕ ﺣﺪ
ﺭﻓﻴﻒ -: ﺍﻧﺎ ﻫﻴﻚ ﻗﺎﻟﻮ ﺍﻫﻠﻲ ﺍﻧﻚ ﺭﺡ ﺗﺠﻴﺐ ﻻﻱ ..
ﻋﻤﺎﺩ -: ﺍﺧﻮﺍﺗﻚ ﻗﺎﻟﻮ ﺧﺪﻫﺎ ﺗﻌﺎﻝ ..
ﺭﻓﻴﻒ -: ﻳﻌﻨﻲ ﺷﻮ
ﻋﻤﺎﺩ -: ﻳﻌﺘﻲ ﺯﻭﺟﻮﻛﻲ ﻻﻟﻲ ﺳﺪ ﺩﻳﻦ ﺑﺒﻼﺵ ﻳﻌﻨﻲ .. ﻳﻌﻨﻲ ﺭﺧﻴﺼﺔ ..
ﺭﻓﻴﻒ -: ﻟﻬﻴﻚ ﻣﺎﻛﺎﻥ ﻋﺎﺟﺒﻚ ..
ﻋﻤﺎﺩ -: ﻟﻮ ﻛﺎﻥ ﻗﺪﺭﺗﻲ ﻭﻣﻌﻲ ﻣﺼﺎﺭﻱ ﻛﻨﺖ ﺍﻃﻠﻊ ﺑﺨﻠﻘﺘﻚ ﺍﻟﺰﻓﺮﺓ ..
ﺭﻓﻴﻒ _: ﻋﻤﺎﺩ ..
ﻋﻤﺎﺩ -: ﺑﻌﺪﻱ ﻋﻦ ﻭﺟﻬﻲ ﺣﺴﺎﺑﻲ ﻣﻌﻜﻦ ﻛﺒﻴﺮ ..
( ﺗﺮﻛﻨﻲ ﻭﻓﺎﺕ ﺍﻟﻐﺮﻓﺔ . ﻭﺭﺟﻊ ﻣﻌﻮ ﻛﺎﺑﻞ ﻛﻬﺮﺑﺎ . ﻭﻣﻦ ﻭﻳﻦ ﻣﺎﺑﺤﺐ ﻗﻠﺒﻲ ﺍﻛﻠﺖ ﺿﺮﺏ .. ﻭﺻﺎﺭ ﻳﻘﻠﻲ ﺍﻧﻘﻠﻌﻲ ﻣﺎﻋﺎﺩ ﺑﺪﻱ ﺷﻮﻓﻚ ﻳﺎﻭﺟﻪ ﺍﻟﻔﻘﺮ .. ﺻﺮﺕ ﺑﻮﺱ ﻉ ﺭﺟﻠﻴﻪ ﻭﺍﻳﺪﻳﻪ ﻗﻠﺘﻮ ﺍﻟﻠﻪ ﻳﺨﻠﻴﻚ ﺧﻠﻴﻨﻲ ﻋﻨﺪﻙ ﺍﻧﺎ ﻉ ﻭﺟﻪ ﻭﻻﺩﺓ ﻭﺍﻥ ﺷﺎﺀ ﺍﻟﻠﻪ ﺭﺑﻨﺎ ﺑﺮﺯﻗﻨﺎ ﻭﺑﻌﻮﺿﻨﺎ ﻭﺑﻨﺠﻴﺐ ﺍﺣﺴﻦ ﺫﻫﺐ … ﺭﺟﻌﻨﻲ ﺷﺤﻄﻨﻲ ﻣﻦ ﺷﻌﺮﻱ . ..
ﺭﻓﻴﻒ -: ﻋﻤﺎﺩ ﻟﻴﺶ ﻋﻢ ﺗﺸﺤﻄﻨﻲ .. ﻫﻴﻚ ..
ﻋﻤﺎﺩ -: ﺍﻃﻠﻌﻲ ﻟﺒﺮﺍ ﻣﺎﺑﺪﻱ ﺷﻮﻑ ﻭﺟﻬﻚ ﻫﻮﻥ
ﺭﻓﻴﻒ -: ﻋﻤﺎﺩ ﻣﺎﺑﺼﻴﺮ ﻫﻴﻚ ﺍﻃﺎﻟﻌﻨﻲ ﺍﻟﺠﻴﺮﺍﻥ ﺭﺡ ﻳﺸﻮﻓﻮﻧﻲ ..
( ﺗﺮﻛﻨﻲ ﺑﺮﺍ ﻭﻗﻔﻞ ﺍﻟﺒﺎﺏ ﺷﻮﻱ ﻭﺭﺟﻊ ﺯﺗﻠﻲ ﻋﺒﺎﻳﺘﻲ ﻭﺣﺠﺎﺑﻲ .. ﻭﺑﻘﻴﺖ ﻉ ﺍﻟﺒﺎﺏ ﺩﻕ . ﺩﻕ .. ﺩﻕ ..
ﺍﻟﺠﻴﺮﺍﻥ -: ﺭﻓﻴﻒ ﻓﻴﻜﻲ ﺷﻲ ..
ﺭﻓﻴﻒ -: ﻻﺀ ﺧﺎﻟﺘﻮ ﻃﻠﻌﺖ ﻛﺐ ﺍﻟﺰﺑﺎﻟﺔ ﻭﻧﺴﻴﺖ ﺍﻟﻤﻔﺘﺎﺡ ﺑﺎﻟﺒﺎﺏ ﻭﺯﻭﺟﻲ ﻧﺎﻳﻢ ﻣﺎﻋﻢ ﻳﺴﻤﻊ ﺍﻟﺠﺮﺱ ..
ﺍﻟﺠﻴﺮﺍﻥ -: ﻓﻮﺗﻲ ﻟﻌﻨﺎ ﻟﻴﻔﺘﺢ ﺍﻟﺒﺎﺏ ..
ﺭﻓﻴﻒ -: ﻻ ﺧﺎﻟﺘﻮ ﻳﺴﻠﻤﻮ ﺭﺡ ﺿﻞ ﻫﻮﻥ ﺍﻧﺎ .. ﻫﻠﻖ ﺑﻔﺘﺢ ﺯﻭﺟﻲ ﺍﻟﺒﺎﺏ ..
ﻭﺑﻘﻴﺖ ﺍﻧﻄﺮﻭﺍ ٥ ﺳﺎﻋﺎﺕ ﻛﺎﻣﻠﻴﻦ ﺑﺪﻭﻥ ﺷﻲ ﺑﺮﺟﻠﻲ ﺣﺎﻓﻴﺔ ﻛﻨﺖ .. ﺍﺗﻮﺳﻠﺖ ﻻﻟﻮ ﻣﺎﻗﺒﻞ ﻳﻔﺘﺢ .. ﻟﻮﻗﺖ ﺍﺟﻮ ﺍﺧﻮﺍﺗﻲ .. ﺳﺎﻣﺮ ﻭﺍﺑﺮﺍﻫﻴﻢ ..
.
.. ﺍﻣﺸﻲ ﻗﺪﺍﻣﻨﺎ ..
.. ﺍﺳﺘﻨﻮﺍ ﺍﺣﻜﻮﻩ
ﺍﺑﺮﺍﻫﻴﻢ .-: ﺍﻣﺸﻲ ﺑﺪﻭﻥ ﻛﺜﺮﺓ ﺣﻜﻲ ﻭﻓﻀﺎﻳﺢ ﻗﺪﺍﻡ ﺍﻟﻨﺎﺱ
. # ﺭﻓﻴﻒ .-: ﻳﺎ ﺍﺑﺮﺍﻫﻴﻢ ﺍﺳﻤﻌﻨﻲ ﺍﻧﺎ ﻣﺎﻏﻠﻄﺖ ﻣﻌﻮ ﻉ ﺍﻻﻗﻞ ﺣﺎﻛﻮﻩ ﺍﻧﺘﻮ .
. ﺳﺎﻣﺮ .-: ﺍﻧﺘﻲ ﻣﺎﻋﻨﺪﻙ ﻛﺮﺍﻣﺔ ﻣﺎﻫﻴﻚ ﺟﻮﺯﻙ ﻃﺮﺩﻙ ﻭﺍﺗﺼﻞ ﺣﻜﺎﻟﻨﺎ ﺗﻌﻮ ﺧﺪﻭ ﺍﺧﺘﻜﻢ ﻣﺎﺑﺪﻱ ﺍﻳﺎﻫﺎ ..
ﺭﻓﻴﻒ ..-: ﻳﺎ ﺍﺧﻲ ﺍﻧﺎ ﻉ ﻭﺟﻪ ﻭﻻﺩﺓ ﻭﻣﺎﺑﺪﻱ ﺍﺗﺮﻙ ﺑﻴﺘﻲ ..
ﺳﺎﻣﺮ -: ﺭﻓﻴﻒ ﺍﺫﺍ ﻣﺎ ﻣﺸﻴﺘﻲ ﺭﺡ ﻛﻔﻲ ﻋﻠﻴﻜﻲ ﺍﻧﺎ ﺭﻭﺣﻲ ﺑﺮﺍﺱ ﻣﻨﺎﺧﻴﺮﻱ ﻭﻣﺎﻧﻲ ﻓﺎﺿﻴﻠﻚ ﻭﻟﻮﻻ ﺍﻧﻲ ﻣﺠﺒﻮﺭ ﺟﻴﺒﻚ ﻣﺎ ﺍﺟﻴﺖ ..
( ﻣﺸﻴﺖ ﻭﺭﺍﻫﻦ ﻭﺍﻃﻠﻌﻨﺎ ﺳﻴﺎﺭﺓ .. ﻣﺮﺕ ﺍﺧﻲ ﺳﺎﻣﺮ ﺩﻗﺖ ﻋﻠﻴﻪ ﺍﺗﺼﺎﻝ ..
ﺳﺎﻣﺮ -: ﺍﻱ ﻳﺎﻋﻤﺮﻱ ﻻ ﻣﺎﺑﺘﺎﺧﺮ ﺍﻧﺘﻲ ﺟﻬﺰﻱ ﺣﺎﻟﻚ ﻭﺭﺗﺒﻲ ﺍﻣﻮﺭﻙ ﻣﺴﺎﻓﺔ ﺍﻟﻄﺮﻳﻖ .. ﺍﺳﻤﻌﻲ ﻃﻌﻤﻲ ﻋﺎﺩﻝ ﻣﺸﺎﻥ ﻣﺎ ﻳﺒﻜﻲ ﺑﺎﻟﻤﻄﻌﻢ ﻭﻳﺰﻋﺠﻚ .. ﻭﺧﺪﻱ ﻣﻌﻚ ﻋﻠﺒﺔ ﺍﻟﺤﻠﻴﺐ ﺍﺣﺘﻴﺎﻁ .
ﺍﺑﺮﺍﻫﻴﻢ -: ﻣﺸﻐﻮﻝ ﺷﻜﻠﻚ ﺍﻟﻴﻮﻡ
ﺳﺎﻣﺮ -: ﺍﻱ ﺻﺮﻟﻲ ﻭﺍﻋﺪ ﻣﺮﺗﻲ ﻣﻦ ﺯﻣﺎﻥ
ﺍﺑﺮﺍﻫﻴﻢ -: ﻣﻴﻦ ﺭﺡ ﻳﻘﻌﺪ ﺑﺎﻟﺪﻛﺎﻥ
ﺳﺎﻣﺮ -: ﻟﻴﺶ ﺍﻧﺖ ﺷﻮ ﻋﻨﺪﻙ
ﺍﺑﺮﺍﻫﻴﻢ -: ﺟﺎﻳﻴﻦ ﺩﺍﺭ ﺣﻤﺎﻱ ﻳﺴﻬﺮﻭﺍ ﻋﻨﺎ ..
ﺳﺎﻣﺮ -: ﻃﻴﺐ ﻭﺍﻧﺎ ﻣﺎﻧﻲ ﻓﺎﺿﻲ ﻳﺎ ﺍﺑﺮﺍﻫﻴﻢ
ﺍﺑﺮﺍﻫﻴﻢ -: ﻗﻌﺪ ﺍﻣﻚ ﻟﻮﻗﺖ ﻣﺎ ﺍﺭﺟﻊ
ﺳﺎﻣﺮ -: ﻣﺎﺑﺘﺮﺿﺎ ﻻﻥ ﺑﺘﺘﻌﺐ ﺑﺎﻟﻠﻴﻞ ﻭﺑﺘﻨﺎﻡ ﺑﺘﺨﺎﻑ ﺗﻨﺎﻡ ﻭﻳﻔﻮﺕ ﺣﺪ ﻳﺴﺮﻗﻨﺎ ..
ﺍﺑﺮﺍﻫﻴﻢ -: ﺧﻠﺺ ﺳﻜﺮ ﺍﻟﺪﻛﺎﻥ ﺑﻜﻴﺮ
ﺳﺎﻣﺮ -: ﺍﺑﺮﺍﻫﻴﻢ ﺍﻧﺖ ﺷﻮ ﻋﻨﺪﻙ ﺧﺪ ﺣﻤﺎﻙ ﻭﺍﻗﻌﺪ ﺑﺎﻟﺪﻛﺎﻥ ﺍﻟﺸﺒﺎﺏ ﻣﻨﻬﻦ
ﺍﺑﺮﺍﻫﻴﻢ -: ﺑﺪﻙ ﻣﺮﺗﻲ ﻳﺠﻴﻬﺎ ﺍﻟﻔﺎﻟﺞ . ﺑﺘﺠﺮﺻﻨﻲ ﻳﺎ ﺍﺧﻲ ..
ﺭﻓﻴﻒ -: ﺍﺑﺮﺍﻫﻴﻢ ﻟﻴﺶ ﺍﺧﺪﺗﻮﻧﻲ ﻳﻌﻨﻲ ﻣﺎﺑﺘﻌﺮﻓﻮﺍ ﻋﻘﻠﻮ ﻟﺰﻭﺟﻲ ﺍﻟﻠﻪ ﻳﺨﻠﻴﻜﻦ ﻻ ﺗﻜﺒﺮﻭﻫﺎ ..
ﺳﺎﻣﺮ -: ﺟﻮﺯﻙ ﻣﺎﺑﻴﺴﺘﺤﻲ ﻭﺑﻌﺪﻳﻦ ﺷﻮ ﺑﺪﻙ ﻓﻴﻪ ﻋﻄﺎﻝ ﺑﻄﺎﻝ .. ﺍﻣﻚ ﻭﺍﺑﻮﻛﻲ ﺍﻧﺘﻲ ﺍﻭﻟﻰ ﺑﺨﺪﻣﺘﻬﻦ .. ﺑﺪﻝ ﻣﺎ ﺑﺘﺨﺪﻣﻴﻪ ﻟﻠﺠﺮﺑﺎﻥ ﺯﻭﺟﻚ ..
ﺭﻓﻴﻒ -: ﻟﻚ ﻳﺎ ﺍﺧﻲ ﺍﺑﻲ ﺑﺸﻴﻠﻮ ﺑﻌﻴﻮﻧﻲ ﺑﺲ ﺍﻧﺎ ﻋﻠﻰ ﻭﺟﻪ ﻭﻻﺩﺓ ﻭﻣﺎﺑﺪﻱ ﺍﺑﻨﻲ ﻳﺸﻨﻄﻂ ﺑﻘﺼﺺ ﺍﻟﻄﻼﻕ ..
ﺍﺑﺮﺍﻫﻴﻢ -: ﺍﻱ ﻳﺎﻻ ﺣﺎﺟﻲ ﻋﻼﻙ ﻣﺼﺪﻱ ﻉ ﺍﺳﺎﺱ ﺍﺑﻨﻚ ﺭﺡ ﻳﻄﻠﻊ ﻏﻨﻴﻤﺔ ﻭﻓﻬﻤﺎﻥ .. ﻣﺎﺭﺡ ﻳﻄﻠﻊ ﻣﺘﺨﻠﻒ ﻣﺘﻠﻚ ﻳﺎ ﺟﺮﺑﺎﻥ ﻣﺘﻞ ﺍﺑﻮﻩ … ﺍﻧﺰﻟﻲ ﺍﻧﺰﻟﻲ ﺷﻮﻓﻲ ﺍﻣﻚ ﻭﺍﺑﻮﻛﻲ ﺷﻮ ﺑﺪﻥ ﺍﺣﺴﻦ ﻻﻟﻚ ..
ﺭﻓﻴﻒ -: ﺟﻮﺯﻱ ﻋﻢ ﻳﻘﻮﻝ ﺍﻧﻜﻦ ﻧﺼﺒﺘﻮ ﻋﻠﻴﻪ ﻭﺍﻧﻜﻦ ﺍﺧﺪﺗﻮ ﺍﻟﻤﺼﺎﺭﻱ ﺍﻟﺪﻳﻦ ﻭﻣﻠﺒﺴﻴﻨﻲ ﺫﻫﺐ ﺻﻴﻨﻲ ..
ﺳﺎﻣﺮ -: ﻫﺎ ﺑﺪﻭ ﺯﻭﺟﺔ ﺑﻼﺵ ﻫﻴﻚ ﻣﻔﻜﺮﻫﺎ ﺳﺎﻳﺒﺔ .. ﻭﺑﻌﺪﻳﻦ ﺑﻜﻔﻲ ﺍﻋﻄﻴﻨﺎﻛﻲ ﻻﻟﻮ ﺍﻟﻠﻲ ﻣﺎﻛﻨﺖ ﺗﺮﺿﻰ ﻓﻴﻪ ﻛﻠﺒﺔ ..
ﺭﻓﻴﻒ -: ﻃﻴﺐ ﻟﻴﺶ ﻣﻠﺒﺴﻴﻨﻲ ﺫﻫﺐ ﺻﻴﻨﻲ ..
ﺍﺑﺮﺍﻫﻴﻢ -: ﻧﻌﻢ ﺷﻮ ﺑﺪﻙ ﺍﻧﻠﺒﺴﻚ ﺫﻫﺐ ﺍﺻﻠﻲ ﺷﻮ ﺍﻧﺘﻲ ﺷﺎﻳﻔﺔ ﺑﺘﺴﺘﺎﻫﻠﻲ ..
..
ﺿﺮﺑﻨﻲ ﻉ ﺿﻬﺮﻱ ﺑﻜﻞ ﻗﻮﺗﻮﺍ .. ﺍﻧﻘﻄﻊ ﺍﻟﻨﻔﺲ ﻭﻣﺎﻗﺪﺭﺕ ﺍﺧﺪ ﻧﻔﺴﻲ ..
ﺍﺑﺮﺍﻫﻴﻢ -: ﺍﻱ ﻓﻮﺗﻲ ﻟﺠﻮﺍ ﺍﻟﻌﻤﺎ ﺿﺮﺑﻚ ..
( ﺻﺮﺕ ﻧﻂ ﺑﻘﻠﺐ ﺍﻟﺒﻴﺖ ﻭﺍﻧﺎ ﺍﺷﻬﻖ ﻣﻦ ﺍﻟﻀﺮﺑﺔ ﻳﻠﻲ ﺍﻛﻠﺘﺎ ﻉ ﺿﻬﺮﻱ .. ﺍﺟﺖ ﺍﻣﻲ ﺗﺮﻛﺾ ﻭﻗﺖ ﺷﺎﻓﺖ ﺷﻔﺎﻓﻲ ﺯﺭﻕ ﻭﺑﻠﺸﺖ ﺍﺧﺘﻨﻖ .. ﻭﻣﺎﻋﺎﺩ ﻓﻴﻨﻲ ..
ﺍﻣﻲ -: ﺑﺴﻢ ﺍﻟﻠﻪ ﻋﻠﻴﻜﻲ ﺑﺴﻢ ﺍﻟﻠﻪ ﺷﻮ ﺻﺮﻟﻚ ﺷﻮ ﺳﺎﻭﻳﺖ ﻳﺎ ﺍﺑﺮﺍﻫﻴﻢ ..
( ﻣﺎﺣﺴﻴﺖ ﺍﻻ ﻣﻲ ﻣﺜﻠﺠﺔ ﻭﻧﺰﻟﺖ ﻓﻮﻗﻲ ﻭﺑﻠﺸﺖ ﺍﺷﻬﻖ ﺑﻘﻮﺓ ..
ﺍﺑﺮﺍﻫﻴﻢ -: ﺍﻱ ﺷﻮﻭﻭ ﺻﺮﻟﻚ ﻣﺘﻲ ..
ﺍﻣﻲ -: ﻟﻚ ﺍﻣﻲ ﻣﺎﺑﺼﻴﺮ ﻣﻲ ﺑﺎﺭﺩﺓ .. ﺷﺒﻬﺎ ﻣﺎﻋﺎﺩ ﻃﻠﻊ ﺻﻮﺗﻬﺎ .. ﺭﻓﻴﻒ ﻟﻚ ﺭﺩﻱ ﺭﻓﻴﻒ
يتبع