رواية غلطة العمر بقلم سلمى سمير

??البارت الاول??

في احدي قري الصعيد وفي بيت صغير تسكن فيه فتاة صغير
ذات ال ١٤ ربيع من عمرها الصغير ولكنها قاست بيه اكثر من الاربعين سنه من اليتم والحرمان
هنا :- فتاة جميله ذات عيون عسليه في رمادي وشعر بني طويل وناعم لا تجيد بحياتها غير الطاعه لعمتها التي ربتها وهي وليده صغيرة لا يتعدي عمرها اليومين ماتت امها وهي تخرجها الي الدنيا لكي تعيش حياة بلا حب ولا حنان ولا ام
عمة تفيده :- خدي يلا تنشكي في قلبك طلعي الاكل لابو فاخر ومش تتاخري ورانا شغل كتير
هنا:- حاضر يا عمتي بس بناتك صاحين ما يطلعو الاكل لابوهم وانا اخلص باقي الشغل انا تعبت من الخدمه ليل نهار
تفيدة:- هو انت كل يوم نفس الكلام احمدي ربك اني ربيتك وبعلمك حاجه تنفعك في بيت جوزك
هنا:- وبناتك مش هيتعلمو ولا العلم بتاع المدرسة احسن
والنبي حبيبك يا عمتى خليني اروح معاهم وانا هعمل كل الشغل لوحدي نفسي اعرف اقراء واكتب زيهم
العمة:- عايزه تتعلمي هي ناقصه كمان لا واخدمك بالمره قومي يا مقصوفة الرقبه هم الكام جنيه اللي بيبعتهم ابوكي مكفينك اكل وشرب علشان اعلمك قومي من قدامي لاضربك بالي في رجلي يلا قامة قيامتك واتنصب ميزانك
ما انت لو تسمعي الكلام وتتجوزي ابني فاخر هخليه يدلعك وكمان هيدخلك محو الاميه بدل ما انت عاله علينا تبقي مرات ابني وحبيبتي
هنا:- تبكي الله يسامحك يا عمتي لكن حجوز مش هتجوز هو انتو عايزين تستعبدوني اكثر من كده حرام عليكم
عمتها :- حرمة عليكي عيشتك انتي بتحرمني انا هخلي ليلتك سودة النهارده
وتنزل فيها ضرب وبعدها قومي طلعي الفطار لجوز عمتك ربنا يخدك ويريحني منك ومن همك انت وقفتي حال بناتي نصيبه تاخدك معرفش اللي عايزين يتجوزكي شافين فيكي ايه
هنا:- تبكي وجسمها كله بيوجعها من الضرب تاخد الصنيه وتخرج تطلع الاكل لجوز عمتها وتقابل في وشها ابوها تحط الصنيه وتجري عليه تحضنه وحشتني يابا وحشتني اوووى

متولى:- بلهفه وغضب بتعيطي ليه يا هنا مين مزعلك
هنا:- خدني من هنا يا با اعيش معاك و اخدمك انت ليل ونهار انشالله اكل طقة واحدة في اليوم بس ارحمني من عمتى انا تعبت بابا وعمتي مش رحماني لامي تجوزني ابنها لامي تضربني وتخليني اخدمهم هي وولادها وتلبسني هدوم مقطعة وتقولي فلوس ابوكي مش مكفيه اكلك
متولى:- بغضب يدخل لاخته بقي كده يا تفيده البت اللي طلعت بيها من الدنيا تبهدليها كده وانا ببعتلك االي يكفيها وزياده ويكفي ولادك دا انا بصرف عليكم كلكم
تفيده:- عيب كده يا متولي سلم الاول يا خويا ولا بنتك الكذابه هتوقع بينا دنا ربيتهالك من يوم ما مراتك ما ماتت وهي لسه حتة لحمة حمرا يكون جزائي تكدب عليا
متولى:- بنتي انا اللي كدابة وعينها المورمه وايدها المحروقه وهدومها المتقطعه عايزه كمان تجوزيها غصب عنها وهي لسه صغيره حرام عليكي يا شيخه
نفيده:- انت مش سايف يا اخويا دي صغيره دول بيتجوزو في سنها واصغر منها مش شايف بنتك فايره وجسمها شايل ازاي دي الجواز ليها سترة غلطت انا اني عايزه استرها وهجوزها ابني فاخر رجل ملو العين
متولى:- بغضب الله يسامحك اقولك داخليها المدرسه تتعلم وتنفع نفسها تشغليها خدامة ومعاكي فلوسها تصرفيها عليكي وعلي ولادك منك لله انا االي استاهل امنتك عليها وانت مصونتيش الامانه حسبي الله ونعمه الوكيل
ويبص لبنته االي في حضنن
متولى:- قومي يا بنتي اغسلي وشك وغيري هدومك وتعالي معايا عيشي مع ابوكي وربنا يعيني واعيشك احلي عيسه واجوزك وافرح بيكي
هنا:- ربنا ما يحرمني منك يا با وتجري تطلع تغير هدومها
وينزل جوز عمتها علي صوتهم
تفيدة:- بقي كده هي دي اخر تربيتي في بنتك تاخده بعد ما خليتها عروسه عايزه تخدمك وتشيلك ماشي يا خويا
ابو فاخر:- علي فين يا متولي هنا دي بنتنا وعمتها كانت بتعلمها متزعلش وانا اوعدك محدش هيزعلها من النهارده بس شيبعا مع اخواتها وعمتها
متولى:- بقرف منهم خلاص يا ابو فاخر بنتي انا هاخدها تعيش معايا كفايه كده انا في حته وهي في حته تكون في كنف ابوها احسن وكفايه عليها خدمه في ناس متستاهلش
يلا يا بنتي وياخدها تحت باطه ويمشي
وهنا:- تبص علي بيت عمتها وهو بيبعد وتحس انها اتحرىت من الذل والاهانه ووتركب القطار مع ابوها
هنا:- ياه يابا انا ارتحت من عمتى تفيده خلاص ممسصدقاش
متولى:- ايوه يا حبيبتي خلاص محدش هيضايقك من النهارده وهدخلك محو الاميه واخليكي تتعلمي عايزاك تبقي شاطره
هنا:- صحيح يابا هنعيش بمصر فين
متولى:- هنعيش في سراية ممدوح بيه الدرملي راجل سكره
قاضي كبير وعنده بنت وولد ومراته نورهان هانم
وكمان شغاله عنده الداده سعديه عندها ولاد صغار سهير وصلاح هخليها تاخد بالها منك
ست طيبه هتحبك وهخليها تعلمك اي حاجه انت عايزه تعرفيها
هنا:- انت بشتغل ايه يابا بالسرايا دي
متولى:- انا بواب السرايا ومسؤل عن حراستها
مش تخافي يا بنتي كلهم ناس طيبين احسن من عمتك المفتريه ومحدش هيفكر يأذيكي وانا عايش
وتضحك هنا وتحس السعادة وتنظر للمستقبل
ولا تعلم مايخبأ لها القدر والايام في سرايا ممدوح بيه
وبعد ساعات طويله يوصل متولي للسرايا
وتشوف هنا شكل السرايا تنبهر وتقف مذهوله من الغني والثراء الفاحش الواضح من شكل السرايا الفخمه
هنا:- كل السرايا ده يابا ساكن فيها ٤ بس
متولى:- تعالي اقولك يا ستي
فيها القاضى ممدوح بيه وزوجتها نورهان هانم
وبنتها بهيرة مخطوبة وهتتجوز بعد كامزشهر
وباهر بيه ابنهم الوحيد ده بقي حته السكر اللي بالبيت
اخر سنه بالثانويه ويارب ينجح البيه هيفرح ويفرحنا ان ساء الله وليكي نصيب في حلاوة نجاحه بس ادعيله
والخدم بقي كتير
اللي بينضف واللي بيجهز الاكل واللي بيقدمه
وكمان فيه اللي بيرعي الجنينه
لكن اهمهم سعدية دادة الاولاد
عنده بنت وولد صغار لسه بالابتدائي هخليكي تتعلمي معاهم
وابوكي بقي بواب السرايا دي كلها
وعندي اوضه كبيرة وفبها تليفزيون هتعيشي معايا فيه
ادخل شوفيه يلا ووضبيها علي ما اجيب الغدا واقول للهانم اني رجعت من السفر
هنا:- تدخل الاوضه وفرحانه اوووي تدخل عليه ست
شكلها طيب وتسالها فين متولي يا بنتي
وانت مين اوعي تقولي هنا
هنا:- ايوه انا هنا بنت متولي
اليت ماشالله ماشالله بقيتي عروسه تعالي بحضني يا بنت الغاليه انت جميله اوووي
هنا:- وانتي مين وتعرفيني منين
الست:- انا سعديه كنت حبيبة امك الله يرحمها اتربينا مع بعض بالسرايا لكن ابوكي اجوزها وماتت بعد ما ولدتك
اتحايلت عليه كتير يخليكي هنا و اربيكي وتبقي معاه لكن كان بيبكي كل ما يشوفك ويفتكر امك الله يرحمها
بس ماشالله انت جميله بجد ولا برنسيسه ربنا يحرسك ويصونك
هنا:- ابا حكي عنك كتير فين ولادك اومال
سعدية:،’ تعالي وتاخده داخل السرايا علشان تصعق هنا من شكل السرايا وفرشها والنجف والسجاد والسقف العالي
ادخلي يا هنا انتي متسمرة ليه كده يا بنت
هنا:- السرايا حلوة اوووي يا اما سعدية
سعدية:- ربنا يكرمك وتعيشي في واحدة زيها انت لللي يشوفك يقولةبرنسيسه وتستاهليها وبكره تقولي سعدية قالت
ويشوفها ابوها وهو نازل مع نورهان هانم
متولى:- انت دخلتي هنا ليهيا بنتي
نورهان هانم :- تعالي يا هنا ادخلي سلمي
تروح وتسلم وهي مكسوفه
نورهان هانم :- جميله بنتك يا متولي خلي بالك منه وانا هجبلها عريس يصونها ان شاء الله
متولى:- شكرا ليكي يا ست هانم دي لسه صغيرة اهي تعيش معايا وتاخد حسي بدل قعدتي وحدي
نورهان هانم:- لو تحب ابقي خليها تساعد سعدية وانا هديلها اجرتها انت عارف وولاد سعدية صغار ومغلبينها ومش بقت فاضيه لرعاية باهر وبهيرة زي الاول
سعدية:- ياريت يا هانم وانا هعلمها كل حاجه وهتبقي احسن منى كمان واهي تاخد رزقها
نورهان:- خلاص من بكرة تدخلي السرايا وشوفي سعدية هتعلمك ايه واعمليه
وانت يا متولى من بكرة ترجع تاخد علاجك تاني كفايه اهمال في صحتك
خلي صحتك ترحعلك عندك عروسة دلوقتي محتاجالك
متولى:- تحت امرك يا هانم
سعدية:- روح انت يا متولى وسيبلي هنا هعلمها واخليها شاطرة وهحطها جوا عنيا واحافظلك عليها زي ولادي بالظبط
متولى:- ربنا يخليكي يا سعدية انا عارف والله
روحي يا هنا سعدية هتعلمك كل حاجه ولو تعبتي متعمليش حاجه وانا يا بنتي كفيل بيكي
هنا:- لا يابا انا هخليني هنا مع اما سعدية
ويخرج متولي للبوابه وسعدية تاخدة لعياله تعرفها عليهم
سعدية:- صلاح سهير من اليوم هنا اختكم وتفىرح هنا بيهم
لتبداء معاهم حياة جديده