رواية شهوة الحلقة 9

رمزي:وافقي لو تحبي بوك وخواتك لو سكرتي راسك ذنبهم في رقبتك
رانيا:تشبحله مصدوومه
رمزي:لمس خدها…تمام دكتورتي الحلوه؟
رانيا:بعدت يده من علي وجها بقووه وخشت للمصحه

اسيل:مقعمزه ع الكرسي وتتفرج ع البنات والاولاد وكيف كل واحد مع حبيبته
ترن ترن ترن
اسيل:ايوا
امل:ها وين انتي
اسيل:في باريس نتفرج علي البجعات كيف يعومو في نهر النيل
امل:نهر النيل في مصر?
اسيل:وين بنكون يعني غير الجامعه
امل:به امتا بتروحي؟
اسيل:علاش؟
امل:جاني العم بشير مبكري كلمني
اسيل:كشخ عليك ؟؟
امل:لا بلعكس كان طيب معاي نقلني لي مدرسه تانيه ووصاهم عليا
اسيل:به مليح مطلعش لي صغاره
امل:اي المهم عطاني فلوس قالي اطلعي انتي وخواتك اشرو يلي ناقصكم
اسيل:قداش عطاك
امل:منعرفش هلبا ومعديتهمش
اسيل:اليوم بنمشي انا ورانيا لي بوي وبنقوله بنروحو حوشنا
امل:ارفعوني معاكم
اسيل:انتي الزياره الجايه
امل:ونبي خليني انا المره هاذي
اسيل:افففف ياااا خلاص عاد انا قاعده تحت الشمس وانتي زيدي صدعي راسي لا قلت
امل:مبعد يلي بيطيح فيك
حسام:لو سمحتي
اسيل:تلفتت لي حسام…سكري انل شوي ونكلمك
امل:به…وسكرت الخط
اسيل:تفضل ؟
حسام:شفتك مبكري طالعه من محاضرة الدكتور هيثم صح؟!
اسيل:مزبوط
حسام :انا حسام صراحه مبكري وصلت الجامعه وكلمتني امي تعبانه وليت للحوش ولما رجعت لقيت المحاضره تمت لو ممكن تعطيني المحاضره نكتبها ونردهالك لان عندي فيها امتحان الاسبوع الجاي
اسيل:اي اكيد تفضل
حسام:بجد شكرا بكرا لو عندك نتلاقو في نفس المكان ونعطي هولك
اسيل:تمام والف سلامه علي امك
حسام:تسلمي ?

معتصم:يشبحلها من بعيد
مشي حسام واسيل جت بتقعمز جت عينها علي معتصم
اسيل:قعمزت وخلت عيونه في تالفونها
معتصم:نزل وقعد يقرب منها لين وصل فيها وقعمز جنبها والبنات كللللهم يشبحوله وينخصو في بعض
اسيل:سكرت تالفونها …خير ؟؟
معتصم:خير في وجهك…عادي بنقعمز شنو يعني
اسيل:ممكن يا حضرت معتصم الشخصيه المشهوره تقعمز بعيد شويه لان الدنيا كلها تشبحلي
معتصم:ضحك…انتي شنو اديري هنايا؟
اسيل:شي نستنى في المحاضره امتى تبدا
معتصم:به نوضي خلينا نمشو
اسيل:نقولك عندي محاضره
معتصم:وانا نقولك نوضي خير منجبدك قدام الناس
اسيل:نعيط ع طول رقبتي لين يجوني الامن
معتصم:اختك رانيا تعبت الحق فيا بنرفعك ليها
اسيل:راانيا??خيرها
معتصم:وين نندري
اسيل:ناضت به هيا نمشو
معتصم:سبقها لي السياره وعلي وجها ابتسامة النصر

 

رانيا:قعمزت وانا في صددددمه وتردد وحيره من وين طلعلي هاذا الزززفت كيف كنت مع انس وجونا حلو سررحت ومعش عرفت حتى كيف نخدم نرعش مع بعضي شويه وشرين تالفوني رقم غريب رديت عليه

رانيا:الوو
رمزي:شنو فكرتي دكتورتي
رانيا:انت من وين جبت رقمي?
رمزي:نجيب حتى انتي بي الحرام لاكن جيت راجل وخطبت
رانيا:متقووولش خطبت لا انا موافقه ولا في خطبه
رمزي:ااااااه وخلاص شكلك رضيتي اضحي بي بوك وخواتك مقابل راحتك
رانيا:خافت بس بعدين مسكت روحها….معش تخوفني بي الكلام هوااا
رمزي:مش رح نخوفك رح نوريك
رانيا:ممكن نفهم انت علاش ادير في هاذا كله تقدر تخطب يلي تبيها وتوافق قتلك انا منبيش نتزوج حاليا
رمزي:عجبتيني ومعمريش عجبتني حاجه ومخذيتهاش ضروري ناخذك
رانيا:نعطيك اي شي مقابل انك تخليني في حالي
رمزي:هه نبيك ورح ناخذك يالله ديري بالك ع روحك حبيبتي …وسكر الخط
رانيا:لوحت التالفون وحطت يديها ع وجها ومش عارفه شنو ادير

اسيل:ركبت مع معتصم وهيا خايفه علي رانيا بتموت
معتصم:ولع السياره وطلع
ترن ترن ترن
رانيا:تنهدت وردت …ايوا اسيل
اسيل:خيرك رانيا انتي بخير؟
رانيا:اها بخير ليش شنو فيه
اسيل:متعبتيش اليوم؟
رانيا:لالا تمام علاش؟
اسيل:شافت لي معتصم بنضرات حقددد
معتصم:ضحك
اسيل:سلامتك رانيا شوي ونكلمك
رانيا:غير شن فيه
اسيل:شوي ونكلمك قتلك
رانيا:به تمام
اسيل:سكرت التالفون……علاش الكذب
معتصم:ساكت
اسيل:ضربت معتصم ع كتفه…نكلم فيك
معتصم:اششش هني روحك انتي مش في الحوش باش تخش امي وتنقذك يعني لو نقتلك توا محدش يعلم بيك
اسيل:تو نشوفو اخرتها معاك?
معتصم:احمم اي شنو قصة الولد يلي كان يحكي معاك
اسيل:اي واحد؟
معتصم:قبل منجيك كنتي واقفه معاه
اسيل:ااه حسام
معتصم:وين نعلم بي اسمه?
اسيل:امم هاذاكا حبيبي ليش عندك معاه مشكله؟
معتصم:لا شي بس ذوقك زباله ??
اسيل:ع اساس انت يلي درقك واو تاخذ في المزيته واختها
معتصم:ضمي فمك لين نوصلو
اسيل:ممكن نعرف وين رافعني
معتصم:تو تعرفي

 

انس:روح لاحوش وهوا فرحان لان حكي مع رانيا وشرحلها كل شي وهوا ع امل انه يتقرب منها مسكين ميعلمش الوقت شن محضرله ?

رانيا:طول الوقت عقلها مش معاها وتفكر في الكارثه يلي طاحت فيها ووين بنمشي وقلبها يلي متعلق بي انس ?

غاليه:من بعيد…اماااااني امااااااني
اماني:وقفت هيا ونسمه يستنو فيها
غاليه:وصلت فيهم وداااااهشه
اماني:خيرك بسم الله تعيطي من بعيد ؟
غاليه:اه اه اه خوك اه اه
نسمه:معتصم؟
غاليه؛اي
اماني:خيره احكي
غاليه :بلعت ريقها….مبكري جي هنايا خذي اسيل وطلعو
نسمه:شنوووو
اماني:تبصري؟
غاليه:وحق ربي الكليه كلهااا تحكي بيها
اماني:????
نسمه:تتصل بي معتصم

معتصم:شاف لي تالفونه يلي كان يشرين وداره صامت
اسيل:رد عليها طمنها اللفعه
معتصم:?لسانك واااااك …انزلي وصلنا
اسيل:نزلت من السياره…شنو هاذا
معتصم:هاذا مطعم وجبتك معاي لان خاطري نخش لي قسم العائلات ومقدرتش لازم يكون معاي بنت
اسيل:جبتني من الجامعه لا هنايا باش تخش تاكل في قسم العائلات؟
معتصم:سكر السياره….اي
اسيل:عندك علم انك اكتر مخلوق تافه شفته في حياتي
معتصم:شكرا?هيا خشي
اسيل:??‍♀️??‍♀️

رانيا:معش قدرت نخدم ولا نكشف علي حد خذيت اذن وطلعت من المصحه نمشي في الشارع وانا حايره وضايعه نحس في روحي مش عارفه وين نمشي ومنو رح يكون سندي؟!منو بنكلم ولي منو نشكي قعدت واقفه فتررره بعدين خذيت تاكسي وروحت

اسيل:تاكل…علاش مجبتش اختك والمزيته وخشيت بيهم
معتصم:ميحبوش ياكلو رشيقات ومتع دايت
اسيل:فمها معبي وشاده فخدت دجاجه في يدها…شن قصدك انا سمينه؟
معتصم:????لا ولوو
اسيل:كملت ماكلتها:اصلا عادي حسام راضي بيا
معتصم:اختفت الضحكه علي وجها….زيدي حبي المفرخ
اسيل:مدخلكش فيا ع اساس انا دخلت فيك لما حبيت المزيته
معتصم:شرب العصير وحطه ع الطاوله…معمريش عشته الحب مع ولا بنت
اسيل:‎عارفاتك تضحك عليهم وماشيه
معتصم:يشوف لي اسيل بنضرات حنان ويبتسم…لاكن نحس في شعور حلو مع بنت معرفتاش شنو
اسيل:من وين تحس فيه؟
معتصم:حط يده علي قلبه…من هني
اسيل:هاذي تقلصات عضليه من الكذب ع الناس صعب تلخبطني ياحلو توا بديرلي جو انتي الوحيده يا اسيل يلي حركتيلي مشاعري وانا بنقول الله جدياات?وانت تبدا تعبرلي علي حبك وهدايا وماكله ودلع وانا نبدا نلم بربع جني باش نلقط حق هديه ليك وتبدا تغار البسي هكي ومديريش هكي وانا ناخذ كلامك وندفن روحي ومعش نكلم حتا ذكر وبعدين امك تخطبلك وحده من المزيتات وتقولي والله اسف مش بيدي امي تبيها ربي يرزقك بي ولد الحلال يلي خير مني ودير عرس وتجيب صغار وانا نقعد نسمع في علي المسلاتي ليش الجفا شن درتلك من سياا ونزل ع الفيس احببت نصيب غيري ونقعد طول عمري مقهوره ….هني روحك بابا زابطه السيناريو قبل ميبدا
معتصم:????
اسيل:كول كول حتا الرز مليح
معتصم:ضحك وقعد يشبحلها وهيا تاكل ومش معبراته

امل:كأنك روحتي بكري صح؟
رانيا:اي حسيت روحي تاعبه بعدين خلاص شويه وبنمشو زياره لي بوي وين اسيل؟
امل:قاعده مروحتش
رانيا:اففف خيرها عطلت

ترن ترن ترن
اسيل:مسحت فمها وردت….ايوا
رانيا:تي خيرك عطلتي
اسيل:اهو في الطريق
رانيا:هيا وقت ع الزياره
اسيل:ضربت وجها….حي نسيت??‍♀️?
رانيا:سرعي روحك
اسيل:به هي
رانيا:باي…وسكرت

اسيل:خذت شنطتها…نوض هيا وقت
معتصم:يشوفلها سااارح ومبتسم
اسيل:تي هيييي نوووض وقت
معتصم:خليك مزال ناخدو قهوا
اسيل:بنمشو نزورو بابا وقت عليا
معتصم:اهاا به…..الحساب لو سمحت

 

رانيا:لبست عبايه كحله ووشاح وكندره وشنطه لونهم ع البيج ونزلت في الصاله ع خشت اسيل ومعتصم

اسيل:استني شوي نغير ونجيك
رانيا:لالا مش وقت تغير حوايج وقتتت
اسيل:اوكي هيا
معتصم:استنا نوصلكم
منى؛معتتتصم تعال معاي نبيك
معتصم:خليكم شوي ونجي
منى:كان بيمشو قدامهم مش ملزوم بيهم انت وتعاااال توا نبيك
اماني:واقفه ورا امها وقايمه حاجبها
اسيل:هيا رانيا
رانيا:طلعت ورا اسيل بدون متتكلم

معتصم:تو باهي هكي زوز بنات ماشيات للحبس بروحهم ؟
منى:وشن دخلنا فيهم هااااا
اماني:الحنيه يلي نزلت عليك
معتصم:ضمي فمك انتي
منى:بعدين تعالا جاااي شن رفعك في طويلت اللسان ووين مشيتو
معتصم:تغدينا وروحنا عادي
منى:معتصم متهبلتيييييش???
معتصم:تي شنو تقرلي يما عادي خذيت البنت وتعدينا وين المشكله بعدين شنو التدقيق في حياتي هكي؟؟ترا فوتوني خير منطلع ونسيبلكم الحووش….وركب
اماني:شفتيه كيف قلباته علينا
منى:ليا تصرررف تاني معاه?

في الحبس:
اسيل:تحضن في بوها وتبوس فيه
الشرطي:معليشي باعدي من عليه شوي
اسيل:وانت شن دخلك بتتحكم فيا حتا شنو بندير مع بوي و….
سمير:خلاص اسيل اششش …حاضر ولا يهمك
الشرطي:تمام
سمير:ابتسم…قاعد لسانك طويل متغيرتيش
اسيل:استاحشناك معانا
سمير:الايام تجري شوي وتلقوني طالع معاكم ولا يهمك
رانيا:المهم انت بخير بس
اسيل:بابا فيه طلب
سمير:تأمري ناقصكم شي؟
اسيل:لا كله تمام بس !!….نبو نرجعو لي حوشنا ونقعدو غادي
سمير:ليش في حد ضايفكم!؟
رانيا:لالا بس في فرق بين عيشتهم وعيشتنا وصعب نتأقلمو
سمير:منقدرش نخليكم ترجعو للحوش وجودكم في حوش عمكم بشير يحمي فيكم من هلبا حجات
اسيل:سكتت
سمير:كيف حال امل
اسيل:م…
رانيا:قاطعتها…بخير الحمد الله تو تجيك في الزياره الجايه
سمير؛ان شاء الله ?

الشرطي:وقت الزياره انتهى
سمير؛هي يابنات ديرو بالكم علي رواحكم وتعالواي ديمه
اسيل:اكيدددد
رانيا:مسكت يده وبتسمت

 

وجعو رانيا واسيل للڤيلا ورانيا لمحت بشير مفعمز يقرا في الجريده

اسيل:خشي خيرك وقفتي
رانيا؛خليني بنمشي نهدرز علي العم بشير شويه نبيه
اسيل:به انا بنركب
رانيا:تمام ….ومشت

رانيا:مساء الخير
بشير:نزل الجريده وابتسم…يامساء الانوار كنت نبيك في موضوع والله
رانيا:حتى انا
بشير:بخصوص رمزي؟
رانيا:اي بزبط
بشير:ههههه الولد هاذا ميصبرش
رانيا:عمي انا مش موافقه وهوا يهدد فيا صراحه انا حاليا مش مفكره في الزواج نهائي
بشير:تنهد…للاسف لو رفضتي رح ينفذ تهديده
رانيا:نصددددمت?ش شش شنو يعني انت متقدر اديرله شي؟
بشير؛الولد هاذا خطير ومعارفه هلبا كلمني وهددني حتا انا وقال انك لو رفضتي بوك عمره مارح يطلع من الحبس
رانيا:معش قدرت تنطق بحرررف
بشير:ولو تجي للحاجه الاجابيه الولد فلوس ورح يعيشك مرتاحه ومش رح ينقصك شي
رانيا:سكتت وكأنه حد طعنها بموس
بشير:فكري كويس سلم بنتي قبل متاخدي قرار
رانيا:هزت براسها وناضت

بشير:رفع سماعة التالفون …الو
اب رمزي:شن صار؟
بشير:ابتسم …واضح البنت رح توافق بسيف عليها
اب رمزي:كويس بكل
بشير:عاد متنساش يلي واعدتني بيه
اب رمزي:بكرا اخطم ع الشركه وخوذ يلي تبيه
بشير:تم?

رانيا:محبتش حد يحس عليها حتى خواتها بكت هلبا في الحمام و غسلت وجهاوصلت وقلبها محروووووق بعد شويه نزلت هيا وخواتها يتعشو

ع سفرة العشي ؛-
بشير:بكرا جهزولي مربوعة الضيوف برا
منى:ليش من جايك
بشير:ابتسم …ناس بيخطبو رانيا لاني في مكان بوها توا
انس:???
امل:شنوو?
اسيل:امتا صااار رانيا
رانيا:ساكته
منى:منو ؟نعرفوهم
بشير:رمزي ولد الحاج شكري
منى:???امتى شافها
اماني:بالك لفت عليه ..نقصد علاااقه??
انس:صحتين شبعت

اسيل:شن القصه؟؟
رانيا:مفيش قصه ومنعلمش توا بس عرفت
امل:بتوافقي؟
بشير:خلو البنت علي راحتها تفكر وتستخير ربي بعدين ساهل
معتصم:ربي يتمم ع خير
رانيا:صحتين…وناضت
بشير:ههههه تحشمت العروسه

رانيا:ركبت تبكي وخشت لي الدار وقبل متسكرها يخشلها انس

رانيا:مسحت دموعها ..في شي؟
انس:اي في كيف صار منو هاذا جاي بيخطب
رانيا:ليش شنو خصك انت؟
انس:رانيا انتي عارفه نضراتي ليك شنو متستعبطيش
رانيا:مش كان شربنا قهوا في كافي وهدرزت معاك شويه يعني بينا شي بعدين شوف انت ولد منو وانا بنت منو
انس: ميهمنيش بنت منو انتي يكفي عرفتك انك انسانه طيبه وكويسه بعدين ولو بوك محبوس شن فيها مش اول واحد ولا اخر واحد ينحبس وكلنا نغلطو …..اسمعي يمكن يمكن صح عندك حق انتي محتاجه شخص يكون سندك ويدير باله عليك انتي وخواتك
رانيا:ساكته وقلبها نااااار
انس:مسك يديها …خليني انا نكون الشخص هادا مستعد نتزوجك وندير بالي عليك انتي وخواتك ويلي تبيه يصير بس خليك جنبي
رانيا:قامت عيونها وشبحتله كان خااطرها تحضنه وتقوله موافقه بس اذكرت كلام رمزي وبشير واذكرت بوها وخواتها…سحبت يديها ومن يدين انس ونزلت راسها…اسفه منقدرش نبي رمزي
انس….يتبع