رواية شهوة الحلقة 6

اسيل:واقفه في الدار ومربعه يديها…الله محلا شعور لما تخرب علي حد موعده صراحه فزززززيع
معتصم:متكنططططي…سكر باب الدار بي المفتاح وجبد اسيل لي السرير

اسيل:??هي هي خيرك
معتصم:مش فسدتي عليا معاها ….بسيف عليك توا بتاخذي مكانها ….وحدفها ع السرير وجي فوقها ??..

اماني:طفت شمعتها والكل يصفقلها ويقدملها الهدايا وبدو يقطعو في الكيكه ويفرقو وفتحو البوفي متع العشي

اماني:وين نسمه قاعده منزلتش؟
غاليه:مريتهاش
سناء:لو سمحتي
اماني:تلفتت وكانت مستغربه…تفضلي ؟نعرفك؟!
سناء:ممكن لحضه بروحك حبيبتي?
غاليه:يالله اماني خليني نشوف العشي ونجيك
اماني:اوكي…وشافت لي سناء
سناء:اول شي كل عام وانتي بألف خير هاذي هديتك من زارا نعرف انك تحبي الماركات
اماني:??تجنن محلاها…بس منو انتي؟
سناء:بتوتر…انااا ..ان انا كنت حبيبة سند من فتره صار سوء تفاهم ونبي نكلمه بس معطانيش فرصه والصراحه مليقتش مكان ووقت انسب من عيد ميلادك نجي ع اساس اني صاحبتك ونقابله بجد اسفه اني ستغلبت عيد ميلادك بس هادي القصه
اماني:عيونها في الهديه…لا عادي ولا يهمك تعالي معاي
سناء:شكررراااا…ومشت

معتصم:شاد لي اسيل يديها ع السرير ويتكلم بصوت واطي…مش تبيني نخليك في حالك؟؟علاش توا حاشيه راسك فيا امس ادوشي في حمامي واليوم جايتني طارحه…شن يلي تبي توصليله
اسيل:مسكره عيونها…به بعد وجهك من عليا خليني نتكلم
معتصم:ضحك ضحكه خفيفه….اهو بعدت وجهي تكلمي هي
اسيل:تتنفس بسرعه…اول شي امس الحمام وحق ربي معندنا اميه سخونه
معتصم:وثاني شي؟
اسيل:ثاني شي اليوم هكي نبي نفسد عليك لانك ديما تحرقلي في دمي وتناشب فيا
معتصم:رجع قرب عليها
اسيل:به خليني نمشي ونوعدك معاد نجي جيهتك في حياااتي وحق ربي
معتصم:لصق فيها…دخول الحمام مش زي خروجه
اسيل:صكرت عيونها…افففف يااااا شن جابني هنايا
معتصم:كيف قرب عليها يبي يبوسها

طق طق طق
معتصم:بعد عليها …منوو
منى:معتصم افتح
اسيل:ناضت بسرعه خشت الحمام
معتصم:ساوا روحه وفتح الباب …خشي

اماني :انتي خليك هنايا توا بنتصل بيه ونقوله تعالا ورا الحوش شويه ويجيك تمام؟
سناء:اوكي تمام
اماني:رجعت للحفله واتصلت بي انس

ترن ترن ترن :-
انس:ايوا
اماني:انوس وين انت؟
انس:في داري علاش؟
اماني:تعالا ورا الحوش بسرررعه نبيك
انس:شن فيه
اماني:غير تعالا وتو نحكيلك تلقاني جيهة باب الكوجينه الخارجي
انس:تمام

 

اسيل:صكرت باب الحمام وقلبها بيطيح….غبيه اناااا كيف نخش لي دار كيف متوقعتاش يحصل علياااا ??‍♀️حقير المهم يبي بنت وخلاص

منى:نجيبلك عشي فوق
معتصم:متلبك…لالا الحمد الله
منى:خيرك لابس وين طالع؟
معتصم:اااه?اي اي بنمشي للاولاد
منى:به دير بالك ع روحك تو نخليلك عشي
معتصم:به
منى:طلعت من الدار وسكرت الباب
معتصم:افففف ليلة سوده مفيش حد مفسدش عليا الزح …جت عينه علي باب الحمام ضحك وقرب ع الباب

انس:كانت الاضائه ضعيف ومركزش …خيرك اماني شغلتيني
سناء:انا سناء
انس:قرب عليها وشافها كويس….بصدددمه وغضب وكره….شن تبي وعلاااش جايه وكيف خشيتي
سناء:هادي الطريقه الوحيده يلي قدرت نحصل عليك فيها انس نترجاك تسمعني
انس:شنو بننسسممممع شنو بنسمع وانا ريتك بيعيني تخوني شن تبي توضحي
رانيا:خشت للمطبخ جايبه حصت انس ومعتصم من الكيك حطتهم في الثلاجه وسمعت صوت انس قربت ع الباب
سناء:لينا سنتين مع بعض يا انس عارفه انك تخبني ومستحيل تبدلني
انس:اي نحبك ورح نقعد نحبك
رانيا:حطت يدها ع فمها بي صدمممه وطلعت بسرعه
انس:نحبك ورح نقعد نحبك الكلام هوا كنت تقولك فيه قبل منشوف خيانتك لاكن توا خلاااااص اعتبري كل شي بينا تراااب ورفعه الريح
سناء:بدت تنزل في دموعها …اسفه غلطه وامسحها نوعدك نولي زي متبي انت انس بالله عليك…ومسكت يده
انس:نفض يدها بقوه…اسمي معاد تجيبيه ع لسانك ومعش نبي نشوف وجهك …مشي وخلاها

طق طق طق
معتصم:افتحي بلا جو
اسيل:والله ما طالعه لين تحلف متمسنيش
معتصم:ضحك…به اطلعي خلاص
اسيل:فتحت الباب بشويه وتشبحله بي عين وحده
معتصم:خذي جاكيته…بكرا نحاسبك ع يلي درتيه غير توا بنطلع بس
اسيل:ساكته
معتصم:طلع من الدار واسيل طلعت تجري لي دارها

في الحمام:-
رانيا:يمكن فهمت اهتمام انس ليا غلط?يمكن اهتمامه شفقه وبس لاكن انا الغالطه مفروض مخليتش روحي نتعلق بيه وننسى انا منو وشنو وعلاش جايه هنايا…شفت لي عيوني في المرايا وكانت الدمعه بتنزل مسحتها وطلعت من الحمام وقررت معش نعطيه اكتر من حقه ولا نتجاوز حدودي معاه

اسيل:خشت لي دارها ووجها اصفرر
امل:قامت العطاء وقعمزت ع السرير…خيرك؟
اسيل:شي …وبدت تنحي اكسسواراتها
امل:صدمت عمرهم كلوها?…ليش ركبتي توا كملتي الحفله
اسيل:لالا فكيني حتا هكي ساد نفخ لوطه زحمممه ويدرهو الكبد كلهم
امل:وين رانيا شكلها نسجمت
اسيل:شكلها هكي …وخشت للحمام تغسل في وجها

امل:وصلها مسج ع تالفونها
معاد?:بكرا خليك جيهة المدخل متع المدرسه نبيك
امل:قرت الرساله بدون اهتمام وسكرت تالفونها ورقدت

رانيا:رجعت للحفله وقعمزت تتفرج وسررحت

اماني:الوو
نسمه:تمسح في دموعها…اها اماني
اماني:وين قاعده فوق وليش صوتك هكي؟
نسمه:روحت…خوك يخون فيا مع الكلبه يلي ساكنه عندكم
اماني:شن تحكي انتي؟من هاذي
نسمه:اسيل يلي معانا في الجامعه
اماني:كيف صااار وليش مقلتيليش
نسمه:مهما كان عيد ميلادك ومنبيش نخرب عليك المهم بكرا نتلاقو ونحكيلك بتفصيل
اماني:تمام بس خليك عارفه اني رح نديرلها حد ??
نسمه:اوكي نتلاقو

روحو المعازيم وركبت رانيا لدارها وقعدت اماني وامها يفتحو في الهدايا ويتفرجو
رانيا:بدلة حوايجه لبست توته وقامت شعرها قعدت بي مكياجها ونزلت تعاون في ياسمين

اسيل:غسلت وجهي وبدلت حوايجي رقدت ع سريري وقعدت نفكر في العمله يلي درتها اليوم حي عليا معتصم بيديرلي العار??‍♀️لاكن المهم مسحت علي كبدي

 

ياسمين:رانيا انا ماشيه الحمام شوي ونجيك
رانيا:تمام ولا يهمك
ياسمين:طلعت من المطبخ وتلاقت مع انس
انس:بعد ماشاف ياسمين طلعت خش للمطبخ
رانيا:تساوي في الكيك الفاضل لي بعضها وعيونها لوطه
انس:يحاول يفتح موضوع معاها…كيف كان العيد ميلاد
رانيا:كويسه ربي يطول في عمرها
انس:ابتسملها …بس اكيد طلعتي احسن وحده فيهم صح
رانيا:مسحت يديها بي الفوطه…هلبا غيري قنينات
يالله تصبح ع خير
انس:مسك يدها…خليك
رانيا:شبحتله…نعم!
انس:نقصد يعني مضقتش الكيكه انا ونبي نسكافي اقعدي اشربي معاي
رانيا:تنهدت….لاوالله منقدرش بكرا خدمه وعمليه الصبح ولازم نرقد بكري
انس:اااه به تمام تصبحي ع خير
رانيا:وانت بخير….طلعت وانا قلبي مقبوووض عقلي رافض الشي هاذا بس قلبي مش قااادره نتحكم فيه?خشيت لي الدار غسلت وجهي وصليت العشي ورقدت قعدت نتقلب في السرير طووول الوقت مش جايني نوم

معز:خلاص عمري بكرا نجيك لي الجامعه نعطيك هديتك
اماني:تمام حبيبي بس مادا بيك قبل ميجيني معتصم
معز:تمام اءءء شنو بتجي بروحك ولا معاك البنت؟
اماني:اما بنت؟!
معز:يلي سكنت عندكم مش تقرا معاك في الكليه
اماني؛رفعت حاجبها…اهااا لا مش جايه معاي ياقلبي منرفعش في المتشردات
معز:امم به….وكملو هدرزه

بشير:خيرك يا مرا مش علي بعضك
منى:صراحه قالقه من البنات وياريت تشوف معاها حل
بشير:علاش خيرهم؟محسيتش بي وجودهم
منى:مشفت الفرخه الوسطيه شن دارت اليوم
بشير:خيرها شنو دارت؟
منى:لابسه الضيق وهاذاك المكياج ونازله لي للحفله بكل ثقه
بشير:وين الغلط البنات كلهم لبسهم هكي يلي يجو اليوم يعني بي العقل حفله في نص الحوش يلي ساكنين فيه ومتبيهاش تحضر
منى:به به ترا خليني نرقد خيرلي
بشير:لبس نضراته وفتح الكتاب

ثاني يوم✨✨✨

رانيا:شنو امل واتيه
انل:لبست شنطتها …اي
رانيا:خيرها هااذي قاعده راقده…اسييييل اسيييل نوضي
اسيل:شن تبي?خليني
رانيا:مش عندك جامعه
اسيل:فتحت عين وحده….خليني نرقد خير من نرتكب جريمه في الجامعه ونلحق بوي في الحبس
رانيا:لوحت عليها المخده….ارقدي مرقااد هيا امل

ونزلووو

 

رانيا:صباح الخير
كلهم مقعمزين ع سفرة الفطور….صباح النور
رانيا:ياالله امل
انس:استني من رافعكم
رانيا:جتني صاحبتي برا تستنى فيا تو نخطم امل ع طريقي
انس:من…..
منى:خليها سلم ولدي متضغطش عليها
انس:سكت
رانيا:ااه قبل مننسا معتصم متراجيش اسيل متبيش تمشي
معتصم:خيرها ان شاء الله خير
رانيا:قالت حاسه بروحها تاعبه
منى:ماتشوف شر?
رانيا:تسلمي ….هيا امل
امل:طلعت ولحقتها رانيا

منى:معش تدخل فيهم هلبا شن دخلنا حتى لو شدت تاكسي
انس:بوي مش رح يرضى
معتصم:حنون ياكبدي
اماني:بصوت واطي….وحتى انت ليا تصرف تاني معاك ?
معتصم:بلع ريقه ….هيا نوضي وقت عليا

امل:خشت للمدرسه والكل يشبحلها ويتكلم عليها وكيف ضربت ميار قريب قتلتها كان معاذ واقف ومعاه الاولاد واول مخشت مشي لي تركينا بروحه

معاذ:تعالي نبيك شوي
امل:شافتله بنضرات كره وخشت

في المصحه:-
الدكتور:دكتوره رانيا
رانيا:نعم
الدكتور :محتاجين دكتوره تمشي في الاسعاف مع مريض بينقلوها لي نصحه تانيه قاعد مجي حد غيرك
رانيا؛اوكي مش مشكله
الدكتور:خلاص تلقي السياره قدام الطوارئ
رانيا:تمام

في السياره:-
اماني:كيف يعني؟
معتصم:تبي تخرب عليا لا اكتر مبيني وبينها شي بس البنت جريئه وشطانه زياده ع اللوزوم
اماني:اسمعني كويس بنسبه ليها هيا حسابها معاي بس انت لو شفتك تقرب منها ورررربي نقول لي امي ووقتها تعرف ان امي تقلب الدنيا عليك فاااهم
معتصم:افففف به ترا اسكتي من عليا

رانيا:ركبت في سيارة الاسعاف ونطلقت السياره بعد مسافه لا باس بيها وقفت السياره وفتحو زوز اولاد الباب
رانيا:وصلنا ؟!
الشاب:خليك هنايا متتحركيش
رانيا:شن يلي صاير منو انتم

نزلو زوز ولاد خذو المريض من السياره وحطو بدله مريض تاني وسكرو الباب
رانيا:خافت….ياربي شن القصه هاادي
وبدت السياره تتحرك

اسيل:ناضت من النوم تتكسل وقعدت محبوسه في الدار خايفه من معتصم?

رانيا:بعد شوي وقفت السياره من الجديد ونفتح الباب وتشوف هلبا شباب واقفين بي السلاح

رانيا:منو انتم?????
رمزي:وين المريض يلي كان هنايا
رانيا:خايفه…منعرفش وقفنا قبل شوي وخذوه
رمزي:وين رفعوووه ?
رانيا:منعلمش
رمزي:جيبوها
رانيا:وين بيجيبوني منو انتم????….يتبع