رواية شهوة الحلقة 2

رانيا:?????حاولت ترجع بي خطواته وتنادي حد لاكن في لمح البصر صكر فمها بي يده لين طاحت وجي فوقها?
رانيا:قعدت تشوف لي عيونه حاولت تتكلم بس كان حاط يده علي فمها
انس:توا بنحي يدي من علي فمك بشويه منبيش نسمع منك صوت
رانيا:هزت براسها وهيا بتموووت من الخوف
انس:بعد يده وقعد يشبحلها
رانيا:اوكي مش رح نعيط بصوت عالي بس نوض من عليا
انس:عيونه عليها …ها؟
رانيا:نووض
انس:ااه اي اي ….وقعمز وقعد ضاغط علي جرحه
رانيا:قعمز وهيا ترعش مع بعضها
انس: منو انتي ؟
رانيا:انا بنت صاحب الحوش يعني صحاب صاحب الحوش و….
انس:بوك محبوس؟
رانيا:اي
انس:عرفتك ….خلاص نوضي خشي داخلي قبل ميجي حد
رانيا:قعدت تشبحله وهوا حاصل في يده المجروحه والدم يلي ينزل
انس:نوضي قتلك
رانيا:خليني نشوف جرحك الواضح انك تنزف هلبا وجرحك يتلوث
انس:شن عرفك انتي
رانيا:انا دكتوره …بعد يدك خليني نشوف
انس:قعد يشبحلها وساكت
رانيا:بعد ماشافت جرحه…الحرح عميق شوي تبي خياطه لازم تمشي العياده
انس:مش ضروري تو لفها بحاجه وتمشي امورها
رانيا:ضروووري وبذات التعقيم لازم
انس:يصير خير نوضي خشي ومتحكي شي
رانيا:اوكي بس انت منو؟
انس:مش ضروري
رانيا:وقفت وجت بتمشي
انس:اسمعي
رانيا:شافتله
انس:اغسلي فمك في شوية دم
رانيا:حطت بدها ع فمها…ان شاء الله …وخشت
انس:سرح شويه بعدين ناض وطلع

منى:ياسمين ياااااسمين
ياسمين:نعم
منى:ارفعي البنات وريلهم غرفتهم
ياسمين:ان شاء الله تفضلو معاي
اسيل:دفت امل…امشي تحركي
رانيا:جيت
اسيل:ساعه تالفون?
رانيا:اسكتي مش وقتك
ياسمين:تفضلو معاي فوق

منى:وانا مش مجبوره والله نخليهم في حوشي حتى دقيقه وبعدين البنات صغار وحلوات وانا عندي زوز ولاد نخاف عليهم
بشير:ايااااه تو بيدا نفخ الراس …خلي البنات في حالهم انا بنصرف عليهم مدخلكش
منى:وقفت قدام بشير….فهمني بس..ليش ادير في الشي هاذا كأنه فرض عليك
بشير:تنهد….لان بوهم خش للحبس بدلي لصقنا التهم فيه هوا
منى:?????
بشير:وافق يخش للحبس بس مقابل ان بناته يعيشو احسن عيشه ومينقصهم شي يعني لو وحده من بناته شكتله ان انتي تعاملي فيهم مش تمام رح يتكلم ونخش معاه الحبس حتى انا
منى:حطت يدها ع فمها من الصدمه وقعمزت
بشير:تبيني ننحبس؟
منى:لا بعيد الشر متقولش هكي
بشير:خلاص ردي بالك من البنات

اسيل:تشوف للڤيلا ومش مصدقه
امل:هاذا كله حوش؟?
رانيا:مشاء الله
ياسمين:الجناح يلي ع اليسار لي السيد معتصم وخوه انس والجناح هاذا لي الانسه اماني
اسيل:وجناوحنا حني وين
ياسمين:ههههههه هادا فيه غرفه كبيره زي متشوفو وحمام
رانيا:خشينا وكانت الغرفه حلوووووه فيها 3سراير ودولاب كبير وزيانه وبلاكونه محلاها
اسيل:به انتي منو؟
ياسمين:انا المدام ياسمين نخدم هنايا
امل:زي في المسلسلات ?
ياسمين:ضحكت …يالله تقدرو ترتبو شناطيكم بشويه عليكم…وطلعت
رانيا:انا بنخش الحمام تو نجيكم
اسيل:شدتها من يدها…خيره لونك مخطوف؟!
رانيا:شي حاسه روحي تاعبه ….وسحبت يدها وخشت للحمام
امل:محلاه ولد عمي بشير ولا ?
اسيل:قامت حاجبها ….ولد عينك معش تقولي عمي بعدين شن فيه من حلاوه شعره مستشور زي البنات
امل:مرات طبيعي
اسيل:امل سكري عليا السيره والعي في حوايجك
امل:به?

في الصاله:-
اماني:علاش نادانا بابا؟!
معتصم:وين نعلم انا نوحي?
اماني:اكيد بيحكي شي ع البنات يلي جو
معتصم:امممم
اماني:رح نكلمه يشوفلهم حوش ولا اي شي مهم ميقعدوش هنايا
معتصم:علاش؟شفتيهم حلوين وخفتي ياخذو منك خطيبك?
اماني:ضرباته ع كتفه….سكر فمك اصلا معز مستخيل يشوف وحده غيري وانا احلا منهم عقاب بنات شارع
انس:سلام
اماني:واخيرا شرفت يا خوي العزيز وين مهناش من الصبح
انس:كنت عند صاحبي بايت
معتصم:كلمت فوزي قالي مش عندي وين كنت
انس:شنو معتصم بتحقق معاااي ولا كيف؟!
معتصم:نضم امورك ?
انس:خيرهم مجميعنا هنايا شن في
معتصم:بخصوص الكيكات يلي جو اليوم
انس:اذكر كيف طاح علي رانيا ❤️❤️
اماني:كيكات معفنه تقصد?
منى:خشت لي الصاله….انس ولدي وين كنت قلبت عليك الدنيا
انس:وين بنكون يما مع الاولاد
منى:افتح تالفونك في الجديد
انس:يصير خير
بشير:السلام عليكم
اماني:قلبت عيونها وتشوف لي ضوافرها
كلهم:وعليكم السلام
بشير:انا بنطلع عندي شوية شغل لهاذا خليني نختصر عليكم كلمتين
انس:يكون احسن
بشير:البنات الثلاثه يلي فوق امانه في رقبتي ردو بالكم عليهم زي اختكم اماني
معتصم:ع اساس راد بالي ع بنتك انا ؟؟؟تي انا بروحي نبي حرس شخصي
بشير:معتتتتصم?
معتصم:?
بشير:منبيش مضايقات زايده ومحدش يناشبهم فاهمه يا اماني
اماني:شافتله ومن غير نيه…اي فاهمه …وقلبت عيونها
بشير:توا بينزلو يتعشو تعاملوهم كأنهم من العيله وانا بنمشي شغلي ونجي ونحكيلكم التفاصيل ع العشي تمام
انس:تمام …ولو كملت بنوض نرقد لاني تاعب
بشير:ارقد واهم شي متنساش يلي قلته
انس:تمام …وركب داره
بشير:يالله نستأذنكم …وطلع
اماني:توا عاااااجبك يلي يصير هكي عاجبك؟؟
منى:شنو نقدر ندير انا
اماني:ولا شي بس خليك تفرجي لين يسرقو كل شي في الحوش لمنو بيطلعو غير بوهم يلي ملوح في الحبس
منى:اماني بنتي عيب
اماني:عيب ع يلي يسرق ويقتل….وخدت شنطتها وناضت بسرعه
معتصم:انا بنمشي لل
منى:للبنات في استراحة صاحبك
معتصم:اعووذ بالله شن تقولي
منى:قربت من معتصم….انا الصور شفتهم يا صايع ياضايع
معتصم:امممي?
منى:قسم بالله مزال نحس انك ادير في حجات زي هادي بنقول لي بوك يتفاهم معاك
معتصم:به خلااص….وناض

انس:خش لي غرفته رقد ع سريره وهوا يتألم من يده ويفكر في الحادث يلي نصابت فيه يده بعدين جت في باله رانيا وعيونها ❤️ابتسم وغنض عيونه رقد من التعب

رانيا:كملت صلاتها وطلقت السلام…شنو كملتو
اسيل:اي تمام حتى حوايجك رتبتهولك
رانيا:ضحكت واطبق في المصليه….تخلينيش نتعود علي دلعك
اسيل:لا ياقلبي متتعوديش ?
رانيا:شافت لي امل يلي كانت مقعمزه في السرير وساااارحه ….امل خيرك ؟!
امل:شي نبي نشوف بابا
رانيا:الزياره الحايه نرفعك معاي توا رمزي في قرايتك شهاده السنه هاذي
اسيل:ع سيرة القرايه بعدنا هلبه من الجامعه والمدرسه منو بيرفعنا؟!
رانيا:تو نشوفو حل

طق طق طق
رانيا:تفضل
ياسمين:العشاء جاهز تفضلو لوطه
اسيل:وزياده مطيبين العشي هلبا علينا
رانيا:انتو انزلو تعشو انا مخاطريش
ياسمين:لازم تنزلي الاستاذ بشير يبي يحكي معاكم شوي
رانيا:اوكي جايين
ياسمين:تمام…وسكرت الباب

مكالمه فايبر:-
معتصم:تي والله منعرف يا برو امتى بنفاتحهم في الموضوع
باسم:بسيطه القصه انا نبي نسافر نغير جو وتمت
معتصم:نسيت اخر مره سافرت بنغير جو شن صار؟!جي بوي روح بيا من مركز الشرطه
باسم:نسيت??شن كانت التهمه
معتصم:حفلات مشبوها
باسم:يالله عليك جو وخلاص
معتصم:شاف اسيل وخواتها نازلات….جونا خلقت طروف اليوم قاعدات معانا في الحوش صارووخ
باسم:كم وحده
معتصم:كبيره وسطيه وصغيره
باسم:اما حجم عجبك فيهم
معتصم:قاعد نقلب تو نقولك شن يعجبني
باسم:هههههه وسخ
منى:معتصمممممم
معتصم:هي طير توا خلي نتعشى عشاء عائلي
باسم:سلام

بشير:دكتورتنا وخواتها طبعا مش ناسي موضوع قرايتكم بنسبه لي امل سنه كم تقري؟!
امل:ساكته
اسيل:سنه ثالثه تانوي علمي
اماني:وليش حضرتها متتكلمش؟!
اسيل:قامت حاجبها …متحبش تتكلم مع خد متعرفاش
اماني:م…
بشير:خلاص اماني براحتها البنت…المهم وانتي يا اسيل شنو تقري
اسيل:هندسه معماريه سيمستر تاني
بشير:به تمام بنسبه لي امل في مدرسه خاصه قريبه من هنايا متع صاحبي مليحه بكل تو نحطوك فيها
رانيا:ليش خاصه اتعب في روحك عادي حتى عامه
بشير:لا مفيهاش تعب ولا شي عادي ….انا اسيل رح نحطها في جامعه الالمانيه الخاصه مع اماني
اماني:نعممممم
بشير:شاف لي اماني…واشرلها بعيونه بمعنى اسكتي
اسيل:ضكت لي اماني بي استفزاز
اماني:قربعت الكاشيك بقوه وربعت يديها
بشير:وين انس؟!
انس:اهو جيت
رانيا:شافتله ونصدمت??مكانتش تعرف ان انس نفسه ولد بشير
انس:قعمز ع الطاول وابتسم لي رانيا….هلا بيكم
رانيا:بلعت ريقها …وبيك
بشير:يالله تعشو متتحشموش
معتصم:يناشب في اسيل بعيونه وهيا متقززه منه
منى:بنتي كولي
اماني:كليت مع البنات في مطعم خو يارا شبعانه….وناضت وهيا متنرفزه
بشير:وانتي يارانيا؟
رانيا:نعم?
بشير:خلونا نحطوك في مصحه محترمه تليق بي دكتوره حلوه زيك
رانيا:ابتسمت ….لا صحيت مفيش داعي لي التعب حتى المستشفى العام مرتاحه فيه
بشير:قتلك انا مفيش تعب ع الاقل المصحه تزيد اطوري من روحك فيها وتنشهري
رانيا:اكتفت انها تبتسم وبس لين جت عينها في عين انس يلي مباش ينزلها …اختفت ابتسامتها شوي شوي
معتصم:بنبيع سيارتي
بشير؛ايااااه علينا عاد قبل اسبوع بس مغيرها
معتصم:تي لونها اخي معش عجبني
اسيل:بصوت واطي….عليك دلع زي البنت الخامره
معتصم:تقولي في شي يا ضيفتنا؟!
اسيل:بضحكه مزيفه …سلامتك
معتصم:سلامتك اولى?
رانيا:وهيا تاكل لاحضت ان يد انس بدت تنزف والدم بدي يطلع من سوريته معرفتش كيف تقوله وكلهم كانو يهدرزو ولاهين بدت تنزل في رجلها تحت الطاوله لين وصلت فيه ضرباته خبطه خفيييفه ع رجله
انس:شبحلها
رانيا:اشرتله بعيونها علي يده
انس:شاف لي يده وناض
منى:قعمز انس مكليت شي
انس:الحمد الله شبعت …صحتين?…ومشي
امل:بصوت واااطي…اسيل شنو الحاجه البيضه هادي؟
اسيل:سلاطه كولي واسكتي متحشميناش
رانيا:ناضت من ع الطاوله
بشير:وين كملي عشاك
رانيا:لا والله الحمد الله وبنرقد تاعبه بكرا عندي خدمه
بشير:اي عندك حق ربي يعاونك
رانيا:الله يسلمك وصحيت ع كل شي
بشير:ولوو
رانيا:ركبت لي الدور الفوقي

رانيا:خشت لي الدار خذت بنج وادوات خياطه من بضاعتها ومشت دار انس قعدت واقفه خايفه اطق خايفه من ردة فعل انس وفي نفس الوقت متبيش تسيبه لان النزيف معش وقف …خذت نفس وطقت الباب

انس:فتح الباب وطلع راسه بس …نعم؟!
رانيا:ممشيتش المصحه عشان تخيط يدك صح؟
انس:تنهد….لا ممشيتش
رانيا:اوكي …نقدر نخش نخيطهالك انا؟؟
انس:مش محتاجه عادي
رانيا:يدك تنزف من العصر حرام عليك
انس:استسلم …اوكي خشي ومشي لي سريره
رانيا:فتحت الباب وخشت صكراته ونصدمت لما شافاته مش لابس شي من فوق بس جسمه يجنن
انس:خيرك؟
رانيا:هاا?لاشي …وجت قعمزت جنبه
انس:بسرعه قبل محد يركب
رانيا:بدت تخط في السبيريتو علي الجرح …نقدر نفهم سبب الاصابه ؟
انس:عركه
رانيا:ضربتله البنج….وليش متقولش لي اهلك؟!
انس:مش ضروري يعرفو
رانيا:بدت تخيطله في يده وهوا مره مره يخطف في نضرات

كملو عشي وركبت امل لي الدار اما اسيل قعدت مقعمزه مع بشير شويه يهدرزو ويحكيلها علي حروب زمان وهيا حشيشتها الدوه هادي

اسيل:كيف يعني ؟!
بشير:يعني زمان ايام حرب الطليان كانو النساوين يغسلو في حوايج الطليان ويعطو فيهم كم قرش مقابل الفلوس
اسيل:اي كان جدي الله يرحمه يحكيلي ع حجات زي هكي
معتصم:نعرف البنات يحبو يهدرزو ع الموضه ع اللبس ع حاجه باهيا مش حروب الطليان
اسيل:جت بتتكلم بس قاطعها بشير
بشير:كل حد وميوله المهم معتصم غضوا متنساش توصل اسيل مع اختك اماني
اسيل:هوا يلي بيوصلني الجامعه?
معتصم:هز بي حواجبه بي استفزاز….اي انا ?
اسيل:???

رانيا:هكي تمام كملت
انس:شاف لي يده …صحيتي
رانيا:ولوو مش حاجه كبيره بس دير بالك ع روحك …وبدت تحط حجاتها في الشنطه وناضت
انس:رانيا
رانيا:وقت قالي اسمي قريب اغمى عليا مش عارفه السبب رغم ان اول مره نعرفه …تلفتت….نعم؟
انس:بجد ياريت متقولي لحد
رانيا:ولا يهمك …وطلعت وانت يدي علي قلبي

اسيل:وين كنتي؟!
رانيا:نحكي في تالفون
امل: انا مش مرتاحه
رانيا:امل خلاص عاد الله غالب غيري جوك معش تقعدي حزينه هكي بي اذن الله الوقت يمر بسرعه ونشوفو بوي قدامنا
امل:وامي؟!
اسيل:امك سيبتنا ومتعلمش حتا اشكالنا كيف ارقدي وريحيني امل
امل:حطت راسها ع المخده وسكتت
رانيا:مسحت ع شعرها….متعدليش عليها اسيل ديمه هكي
امل:هزت براسها بمعنى تمام

الساعه3في الليل :-
انس:مجاش النوم قعد يتقلب في السرير ويفكر وكل ميغمض عينه تجي صورة رانيا بين عيونه

اسيل:رانيااا رانيا نوضي عطشانه
رانيا:تلفتت لي جيهة السرير التانيه….خليني اسيل تاعبه ?
اسيل:افففف ياااا …بنطلع من الدار بنريح في الحوش هوا …امل امل نوضي معاي
امل:غطت راسها بي البطانيه
اسيل:خوات العازه?….وطلعت من الدار قعدت اتبع في الدروج لين نزلت لي الدور اللوطي بدت زي الهبله ادور ومش عارفه راسها من رجليها لين واخيرا لقت المطبخ

اسيل:اخيرااا تقول مدرسه مش حوش …هاذي الطاسه توا وين الميه متاعهم،؟!!!….بدت ادور لين لقت ثلاجة الميه قعدت واقفه قدامها تحاول تشغلها بس معرفته لين حست بي حد لصق فيها من الخلف وشغل ثلاجة الميه

اسيل:……يتبع