رواية شهوة الحلقة 10

رانيا:ساكته وقلبها نااااار
انس:مسك يديها …خليني انا نكون الشخص هادا مستعد نتزوجك وندير بالي عليك انتي وخواتك ويلي تبيه يصير بس خليك جنبي
رانيا:قامت عيونها وشبحتله كان خااطرها تحضنه وتقوله موافقه بس اذكرت كلام رمزي وبشير واذكرت بوها وخواتها…سحبت يديها ومن يدين انس ونزلت راسها…اسفه منقدرش نبي رمزي
انس:صدمه جاته ومقدرش يستوعبها…ككيف؟؟رمزي مش ليك رانيا مش مناسبين لي بعض نهائي يمكن انتي متعرفيشي كويس
رانيا:تمالكت نفسها وحبست دموعها….راضيه بيه وانت ربي يبعتلك بنت الحلال
انس:قعد يشبحلها ثواني وقلبه انقسم نصين?
رانيا:انس سامحني انا …
انس:دموعه في عيونه…..انتي ولا شي ولاشي …وطلع وسكر الباب
رانيا:نهارت بي البكي لين طاحت

منى:وبوها يعلم؟
بشير:بكرا بنوصله خبر ان شاء الله
اسيل:كيف بتستقبل الناس يلي يبو يخطبو وبابا ميعلمش
بشير:ههههه بنتي انا مقلتش بندير عرس بيجو يشوفو رانيا بس وبعدين تستشير بوها وربي يقدم يلي فيه الخير
اسيل:شبحت لي امل
امل:اشرت بي عيونها بمعنى منعرفش شن صاير?‍♀️
معتصم:ياكل…وانتي خيرك حاسدتيها ولا تبي عريس?
اسيل:ترا هنيني بسكوتك انت التاني
اماني:ياريت والله العريس جاها هيا ع الاقل يلمها ويربيها
اسيل:عمي بشير شد بنتك وولدم خير منلحق بابا الحبس بتهمة قتلهم وتقطيعهم ?
بشير:ههههههه ياسر انت وياها خلو البنت في حالها
اماني:??
انس:نزل من الدروج وهوا متكننطي طلع من الحوش وقربع الباب
منى:انسسس انسسس
اماني:خيره ؟
منى:ناضت من ع السفره ولحقاته
اسيل:ناضت لي رانيا
بشير:ناض من ع السفره تالفونه يشرين

اماني:فهمي خواتك الزوز يبعدو علي خوتي ياحلوه
امل:شبحتلها وناضت بدون متحكي
معتصم:تو علاش الكلام الزايد هوا
اماني؛انت حسابك عند بوي اليوم
معتصم:ترا ضمي فمك خير منقلب عليك السفره

بشير:الوو
سمير:اهلين بشير
بشير:اهلين بيك سمير باهي يلي اتصلت كنت بنجيك بكرا
سمير:ليش بناتي مضايقات في حوشك؟
بشير:استغفر الله من قال ها الكلام
سمير:البنات زاروني اليوم وواضح عليهم في حد مضايقهم
بشير:ولا يهمك تو نشوف الموضوع وكون هاني
سمير:تمام
بشير:في ناس بكرا جايين بيطلبو بنتك رانيا
سمير:شنوووو?امتا صار ومنو وكيف
بشير:واحد من اقاربي شافها وعجباته وجاي بكرا المهم خلي الراي للبنت لو موافقتش ع راحتها رح نوقف معاها
سمير:تمام تمام بس لازم تجيني قلها تزورني وخليها تشوف العريس يمكن متستريحلاش
بشير:ولا يهمك مش رح يصير شي بدون موافقتها
سمير:تمام هي دوري كمل لازم نسكر
بشير:سلامات

اسيل:خشت لي الدار ولقت رانيا تصلي قعمزت ع السرير وقعدت تستنى فيها
امل:طقت ع الباب وخشت…شنو؟
اسيل:شنو شنو؟حتى انا مش فاهمه شي زيني زيك
رانيا:طلقت السلام وناضت من علي السجاده
اسيل:كيف صار في موضوع العريس هاذا؟
رانيا:شنو كيف صار عادي واحد جاي ويبي يخطب
امل:خيره عيونك هكي ؟كنتي تبكي صح؟
رانيا:اكيد يعني بننخطب وبابا في الحبس تمنيته يكون معاي
اسيل:نفهم من كلامك انك موافقه ؟
رانيا:تلفتت واطبق في السجاده…لو طلع انسان كويس ليش لا
امل:غريبه رانيا مكنتيش مقتنعه بي الزواج توا ولا حاطيه في بالك
رانيا:يابنات انا تاعبه وفي راسي الف حاجه خلوها ع ربي نبي نرقد
اسيل:اوكي تريحي

انس:مقعمز علي الشط وخاطره مكسووور?حاس انه معنداش حظ في الدنيا مع ولا بنت حب الاولى ومنقصش عليها شي وخاناته والتانيه بعد متأكد ان فيها مل الصفات يلي يبيها وقبل حتى ميصارحها بي حبه ليها بتتزوج قدام عيونه معش عارف وين يمشي ولا شنو يدير?

الساعه3في الليل:-
رانيا:رقدت ع سرير وغمضت عيوني وانا نستغفر يمكن ياخذني النوم ويرتاح بالي من الدوشه يلي في راسي والاسئله لين فعلا خداني النوم
اسيل:ناضت من السرير لانها مقدرتش ترقد نهائيا تتقلب وبس نزلت لي الدور اللوطي وخشت للمطبخ خذت كوب عصير وقعمزت ع الطاوله
امل:رااقده في سابع حلمه

منى:نقووولك معتصم طلع ام لسان طويل هذيكه يغذي فيها
بشير:نحا نضراته…اففف به وين المشكله يعني تغدو وروحو
منى:شنو البرود يلي ضاربك فهمني ولدك بيضيع بين يديك
بشير:مفيش حد بيضيع ولدك انس ركزت في نضراته وخوفه وحركاته علي رانيا واهو بنزوجها وبيرجعلك ولدك ومعتصم تو نشوفله راي
منى:طمنتي الله يطمنك
بشير:حط راسه ع المخده…متخافيش كله تمام
منى:به??

معتصم:خش للمطبخ وشاف اسيل ساااارحه…شنو اديري في كوجينتنا
اسيل:بتعب…شي
معتصم:جبد كرسي وقعمز …خيرك قالبه وجهك
اسيل:تنهدت …مخيرنيش
معتصم:تي انبحي خيرك
اسيل:نفكر لو صار وتزوجت رانيا كيف بيصير؟
معتصم:علاش من شنو خايفه؟
اسيل:يعني رانيا تعتبر زي امنا كل شي هيا تتصرف فيه ومعتمدين عليها انا وامل في كل شي
معتصم:يعني عادي شي اكيد مش رح تسيبكم لو تزوجت بعدين انتي وامل كباار مش صغار لازم تعتمدو ع نفسكم شويه ومتكونوش انانيات وتخلو اختكم تعيش حياتها وتتزوج
اسيل:يمكن?
معتصم:بس انا عارف انك زعلانه لان تبي تتزوجي ?
اسيل:انا الفاضيه يلي نهدرز معاك وربي
معتصم:وحق ربي متأكد من كلامي هي?
اسيل:ناضت…اصلا عادي متفقين انا وحسام نتخرجو وبيتقدملي …وجت بتطلع شدها معتصم من خصرها وجبدها لصقها فيه
معتصم:شن رايك تفوتيه وتجي تجربي معاي
اسيل:قلبها يدق….شن بنجرب معاك مصح نحي
معتصم:قرب منها ونفسه عليها?شوفي كيف عيونك فاضحاتك تبيني بس مش قادره
اسيل:شبحت لي عيونه وخلااااص نفسها بيهرب
معتصم:شبح لي فمها وقرب عليها
اسيل:لما قريب يوصل لي فمها فاقت ع روحها ودفاته…..اياااااه علينا عاد خلاص ياسرك سخافات
معتصم:ضحك ومتكلمش
اسيل:فوتها الحركات هيا معتصم
معتصم:خيره خدودك حمر هكي؟
اسيل:حطت يديها ع خدودها…مدخلكش…وركبت تجري
معتصم:قعمز وقعد يضحك ع منضرها
اسيل:رقدت في سريرها وقلبها بيطلع منها تذكر فيه كيف قريب عليها وريحته ونفسه وقريب تهبل

ثاني يوم✨✨
طبعا جمعه…نزلت رانيا وتفاجأت في منى كيف توتي للخطبه وفرحانه مفهمتش السبب قعدت ادور بي عيونها علي انس بس مهناش?

اسيل:ليش الحلويات هاذي كلها
اماني:راقده ع الصالون وفاتحه نت….لي ناس يلي جايين لي اختك حبيبتي فلووووس وعلي مستوى شنو بتحطيلهم بسكويت متع زوز بربع
اسيل:شوره تاكلي فيه هلبا ?
اماني:بيئه….وقلبت وجها
رانيا:ساكته ومتكلمتش نهائي غير انها ادور علي انس بعيونها تبي تشوفه?

جت العشيه ركبت رانيا لبست سروال جينز وبلوزه بيضه قامت شعرها ونزلت قصتها ودارت مكياج خفيف وعندها امل تأثر في رمزي ويسيبها .وصلو خوات رمزي والرجاله ونزلت اسيل وامل سلمو عليهم بعدين نزلت رانيا

لبنى:مشاء الله مشاء الله
رانيا:سلمت عليهم بي ضحكات مصطنعه
نجيه:صراحه من لما قال رمزي دكتوره قلت اكيييد حلوه بدون شك
رانيا:تسلمي?

اسيل:خشت للمطبخ حطت صواني الحلو في الصفره وقامتها
معتصم:هش من الباب البراني متع الكوجينا…اسمعي
اسيل:شاده الصفره….هاااا شن تبي
معتصم:قرب منها
اسيل:خوذ كان تبي بسرعه هيا بنطلع
معتصم:باسها ع خدها
اسيل:??????
معتصم:لان عارفك شاده الصفره ومتقدريش اطيحيها?…وطلع
اسيل:????

انس:فتح الباب…رااانيا
رانيا:قلبها رعش مع بعضه…نعم
انس:بوجع….اطلعي لي رمزي يبي يشوفك ?
رانيا:حسيت انه يعذب فيا اكتر من العداب يلي انا فيه كلمته لما قالها كأنه حد صب عليا اميه تغللللي ع شوي كنت خلاااص بنبكي
منى:جايا ياولدي هي …نوضي رنوش حبيبتي
رانيا:نضت وانا منبيش نغمض عيوني تانيه لان الدمعه بتنزززززل خلاص وقفت ع المرايا مسحت الدموع قبل مينزلو ولبست وشاح وطلعت

اسيل:قعدت نص ساعه واقفه باش ستوعبت ان معتصم باسها?
ياسمين:خشت للمطبخ شافت اسيل شادا الصفره ومفنصه …اسيل؟؟
اسيل:ها??
ياسمين:خيرك؟?
اسيل:لللا لا شي …وطلعت

رانيا:وصلت لي باب المربوعه تنهدت وخشت ولما شافها انس طلع وهوا يودع فيها بعيونه كأنها بعد متطلع من المربوعه خلااااص رح تكون انسانه غريبه عليه خشت رانيا وقلبها محروق ومش حاسه بي ولا شي جنبها غير رمزي يلي كان مبتسم ويفصل فيها بعيونه
رانيا:قعمزت بدون متحكي
رمزي:هلا بعروستي الحلوه
رانيا:شبحتله….بالله عليك وراس اغلا حاجه عندك سكرلي موضوع الجواز بالله عليك والله منقدر نتزوج حاليا
رمزي:ايااااه علينا عاد كيف كان جونا حلو علاش هكي
رانيا:دموعها نزلو نترجى فيك وراااااسك مستحيل تكون سعيد معاي بعدين وربي
رمزي:مسك يدها…متخافيش رح نكونو سعيدين الزوز ومش رح انقص عليك شي
رانيا:انت فاهم كل شي فلوس وماديات ؟؟؟منبي منك شي انا افهم منبيش نتزوجك
رمزي:بنضرات جديه فتح تالفونه وشغل فيديو وعطاه لي رانيا
رانيا:قعدت تتفرج وكان بوها راقد في سرير الحبس وناض ياكل ورجع لي سريره
رمزي:عندي ناس داخل الحبس مع بوك ارفضي وربي غضوا تسمعي خبر قتله في الحبس
رانيا:حطت يدها ع فمها من الصدمه ودموعها زي المطر ينزلو
رمزي:خذي تالفونه وقرب من رانيا يمسحلها في دموعها….اششش متبكيش توا ارتاحي اليوم وبكرا نجي نطلعك ناخذو اثاث الحوش ع دوقك انا مستعجل معش نقدر الصراحه نبو نتزوجو في اقرب وقت
رانيا:قعدت تبكي وقرررريب تموت مش مصدقه الكابوس يلي خشت فيه
رمزي:حط يديه ع فمها يتلمس فيه …خلاص ياسر بكي عاد
رانيا:نفضت يده بقوووه وطلعت من المربوعه تبكي ..قعدت ساعه واقفه قدام الباب تمسح في دموعها وخشت للحوش

نجيه:يالله سلامات وبي ادن الله ميصير الا كل خير
منى:ان شاء الله يارب
لبنى:بسلامه ياعروسه ربي يتمملك ع خير
رانيا:ابتسمت بسيف وساكته …قعدت تساير لين روحو وركبت لي دارها وفي قلبها ناااار تحرق فيها كلها

اسيل:هااا شن رايك فيه عجبك ؟
رانيا:اي مشاء الله عليه
امل:به خيرك حزينه؟
رانيا:مش قتلك ع خاطر بوي
اسيل:به شنو توا بتوافقي ؟!
رانيا:تنهدت …اي معندي علاش نرفض
اسيل:حضنتها ….الف مبروك ياقلبي
رانيا:غمضت عيونها وتتوجع….يبارك فيك
امل:حضنتهم الزوز…مش تنسينا لما تتزوجي
رانيا:ابتسمت …هوا انا نقدر?

رانيا:رقدت يومها ومش قادره نتنفس من كثر الضيق يلي حاسه بيه في صدري وتالفوني يلي مهدااااش من رسايل رمزي ??قلبي مشغول بي انس وعقلي مشغول مع بابا وانا ضايعه بين الزوز ولا عارفه كيف ندير فكرت هلبااا نعترف لي انس بس لو قتله مش رح يسكت ورح يخرب الزواج وقتها رمزي رح يقلب الدنيا وعشان ينتم رح يقتل بابا متأكده انسان قاطع يديه من ربي حقيييير

اسيل:قعدت واقفه ع الروشن فجأه شافت معتصم مقعمز لوطه وجت عينه في عينها وغمزلها?
اسيل:صايع باااارد…وسكرت الروشن وخشت
معتصم:قعد يتكلم في سره…معرفتش الحركات يلي نديرلها فيهم بلعاني باش نحرقلها دمها ولا جديات عاجبتني الخرا هادي ???

اماني:تو تشوفي شنو رح يجيبولها عرس ملووك رح يديروه
منى:ديما المنتفات حضهم قوي هكي يالله حتى انتي كلمي خطيبك يلحلح روحه ويحدد العرس
اماني:بعدين ساهل
منى:عصومي تعال هدرز
معتصم:بنركب نرقد معنديش نيه
منى:كان نعرف شنو معير حال خوتك بسسس
اماني:سحارات ياكبدي

ثاني يوم:-✨✨✨
رانيا:لبست ونضمت امورها ونزلت هيا واسيل وامل صبحو عليهم وقعمزو يفطرو
رانيا:تشبح لي انس وانس مش طاايق يشوف وجها
بشير:شنو خدمه يارانيا اليوم سبت ره
رانيا:اي لان اولامس خذيت ادن واليوم بنعوض
بشير:ربي يعاون

ياسمين:اشرت لي رانيا من بعيد وجتها
رانيا:خيرك
ياسمين:قفطاني تمزق بالله عليك ارفعي السفره وراسك
رانيا:ولا يهمك هاتي
ياسمين:عطتها السفره ومشت
رانيا:تقدم لي الطاوله وفجأه تسمع

منى:فرحتي لااااتوصف بي انس حبيبي اليوم
رانيا:شبحت لي انس
بشير:خير
منى:اخيرااا طلب مني نخطبله
رانيا:بدون شعور طاحت منها السفره وطاحو المعاين كلهههههمممم تكسروو وهيا عيونها في انس وكلهم مصدومين…يتبع