رواية انا والزين

قتله :نبي نخش الحمام ..

علي: نرفعك ؟
قتله بحزم: علي خلاص اطلع ارجوك
علي: ليش خيرك …..” و عيونه عليا
تكلمت بي احراج: عليي اطلع خلاص
قالي: باهي خلاص عطيني كنتيرا و ح نطلع …..
“فطنت ان اني لابسه الكنتيرا متاعه….خشيت الحمام و حولت الكنتيرا و مديتها له….جبدني من ايدي لقيت روحي جنبه ..
شعووور محرج وسخنت هلبااا…. معاش قدرت نتكلم
حط ايديه عليا وقعد يشوفلي و قالي
علي: انتي تبيني زي ما انا نبيك ولالا
معاش قدرت نحكي
و قعد يبوس فيا لعند رتخيت من بوساته… وهو حس بهدا ورفعني في غمره ورجعني على سرير يلعب بشعري ..
… قعد يشبحلي و مبتسم وقال….
علي: خليك معاي
عيوني دمعت… وهو قربلي اكتر غمضت عيوني باسهم
علي: معاش تبكي….
تنهدت ودفنت راسي في حضنه وهو تغمرني….
ومافطنتش بروحي ان رقدت….
نضت صبح لقيت روحي في حضنه وقعدت نلعب على لحيته… وقعدت نقول في خاطري كيف قدر يتغلب عليا؟
يمكن عشان مستبعده جنس ادم واول مره يصير معاي هك!
فا طبيعي ح تهيج مشاعري وتلتهب! ”
نهيت افكار هدي ونضت خشيت حمام ودوشت وتوضيت….
وصليت وبعد كملت… تنهدت وقعدت ندعي…
يااااربي يااعالي احفظ بوي واحرسه
ياااربي اسعد خواتي واحفظهم من كل شي
ياااربي كون معاي ويسرلي

امري وفرج كربي
وحطيت كفوفي على بعض بحيره….
زعما زواجي هدا خير لي؟
اه ياارب ماتوريني يوم في حياتي نندم فيه على زواجي… تعبت… رفعت راسي بكل رجاء…. ونضت حولت صلايه ومصليه… وطلعت من دار
قعدت ندور في كوجينه وين ونحاول نحفظ تفاصيل… لان مكان غريب عليا وجديد واصلا مش عارفه كيف رقدت امس!
حسيت بشعور طمأنينة وكأني نعرفه من زماااان…
خشيت كوجينه…
فتحت تلاجه لقيت فيها شوي دحي وشوي خضره ونص باكو عصير!
تنهدت وقلت في خاطري: حتى تلاجتي مش كيف عرايس اففف….
طلعت دحي والخضره…. غسلتها وقرضت الخضره حطيتها على نار ما بين ما تصير لينه شوي باش نحط دحي وحطيت بهارات وملح وشوي هك حطيت دحي….
ودرت شاهي… وطابت شكشوكه…. ودرت منها سندوتش وخليت منها وصبيت طاسه عصير لان نحبش شاهي وقعدت ناكل….
وما هي الا دقائق…. ناض علي وشعره مشفشف ومن فوق مش لابس شي وعيونه منفخات من نوم…
خش للكوجينه وهو حاط ايده على بطنه وقال: هممم شن مطيبه!…. وشن ريحه سمحه هدي
حطيت طاسه عصير وقلت: شكشوكه
علي: اممم كويس احم ديريلي نص
شبحتله ورفعتله سندوتش بمعنى ناكل
علي: نوضي ديري وبعدين كولي
عقدت حواجبي ونضت لان منحبش حد ينوضني من على سفره….. درت سندوتش على سريع وصبيت شاهي وخديت سكر وعطيتهله باش يحط بروحه لان منعرفش كيف يحبه!
علي: خيرك مديريش انتي سكر
شبحتله بنفاد صبر: لان منعرفش كيف تحب شاهيك
علي وهو يحرك في سكر: و وين مشكله راك سألتي
سكتت محبيتش نكثر دوه معاه لان باين بيشري مشكله….
وعْم الهدوء لبضعه دقائق..
ورن تليفون…
علي: صكري تليفونك شن هدا ره يوم صبحيه
قلت في خاطري لي باهي تدكرت ناس تقول صباحيه مباركه وانت طول شن مطيبه
علي بنبره حزم: تي صكري الخرا
اني: تليفوني خارب اصلا!….. وبعدين مجبتاش حتى
رفع حاجبه وسكت….. قعد يشبح لوطا شوي وباين ان منزعج وناض…..
تأخر شوي وجي قال…
علي: اسمعي ره……. يتبع

……..

عند نسرين…

التفتت وقلت: نعم

فارس: طفي الضي خليني بنرقد

استغربت رده فعله ومنشغله شن لي صاير؟…. نبي نعرف بس
طفيت ضي ومشيت قعمزت على سرير شوي…
وبعدين نضت….
خشيت حمام غسلت اطرافي وطلعت خديت منشف وفتحت شنطه ودرت لوشن ورائحه وكريمه جونسون لوجهي وصكرت شنطه ورجعت رقدت على سرير…
بعد لحضات قرب مني فارس و قعد يبوس فيا و يتغزل فيا …
.. حضني و قال
فارس: ما تخافيش
نبي انوض قعدت نبعد فيه ونضت قعمزت على سرير….لقيت روحي ملبزه ..
جيت بنصبي مقدرتش لان شادني..
فكيت ايده ونضت فتحت شنطه و لبست توته
فارس: شوفيلي انا راجلك راه حلالك يعني
قتله :خليني في حالي خيرلك
خشيت حمام دوشت و انا نشوف لي جسمي الي عليه آثار قبلاته و انفاسه وريحته……….
ياااربي شن الي صار … كملت دوش و نبي نرقد في حضن اختي ندى و نبكي و نحضن بابا و نقوله متخلينيش
ونمشي لي اسرار وفرح وخوي محمد ونكون قريبه منهم حتى تحت عداب مرة بوي عادي…..قعدت للصبح مقعمزه في مكاني في الحمام و نبكي و فارس يطقطق عليا ويقول افتحي….. لعند ما سمعت حد يطقطق على باب وفارس مشي فتحه وقعدت نستنى في فارس يخش بس ما خشش….. فتحت باب وطلعت سمعت صوت بنت تبكي قعدت نقرب لعند ما…….. يتبع

……
عند اسرار
قعدت نتأتأ ونبرر وهو عيونه بياكلوني واني لين عرقت واني نرتعد وخايفه…..
حسيت نظراته تتركز عليا!
طبست راسي وشفت عبايه مفتوحه وتوته راسمه جسمي كله وبطم توته مفتوحه وباينه رقبتي….
معاش قدرت نرفع راسي من احراااج وقعدت نغطي في روحي ومرتبكه ونحاول ان عيوني مايتلاقوش بعيونه وزمطت ريقي بصعوبة….. وحسيت طريق طويله ووقت يمشي على اقل من مهل…..
فاجئه وقفت سياره…..
وقال: انزلي
نزلت ولقيت شقه بسيطه بس حلوه ومنعزلة حسيت منطقه نائيه!
خشيت لشقه….. لقيتها مسخه هلبااااا……
حطيت شنطة على سرير ومراد قال طالع شوي وجاي… قعمزت على كرسي لي بجنب سرير وقعدت نشبح لي حوسه هدي بحيره والتفتت على دار حولت كواغط ونضفت شوي ومسحت درج كومدينو…. وحولت شرشاف سرير لان مسخ وحطيت عليه بطانيه….
وخشيت حمام اووووف وما ادراك ما حمام ريحته فتااكه قتلتني وفيه بقع سوده ومأسااوي لقيت شوي وراكينه ومطهر نضفته شوي يادوب نقدر نتوضى وطلعت…..
ملقيتش مصليه؟ ومكان مسخ!
فتحت دولاب طلعت بطانيه وصليت عليها ونضت…. اتكيت على سرير بتعب ونفكر في خواتي….
وشوي ومش مراد….
وقال صحابي البرا ديري حاجه ….ناكلوها ولا نقولك لالا و تو نجي…..
وطلع……. وشوي نسمع صوت مراد بنبره خاشعه
اللهم اجعل هذه الليله مباركه علينا …
يردوا اصحابه بصوت عالي اااااااااااامين
كانت كل
كانت كل امين تزيد تزيد من نبضات قلبي..
اللهم بارك فيهما و بارك في ليلتي يا ذى الجلال و الاكرام … اااااااااااااااامين
اللهم ألف بيننا كما ألفت بين آدم و حواء ….. اااااااااااااامين
و سيدنا محمد و خديجة …. اااااااامين
و سيدنا على و فاطمة الزهراء … ااااااااااااااامين
و اجعل هذا الزفاف ميموناً و بالخير و البركة مقروناً … ااااااااااااامين
و بي سر الفاااااتحه … كلهم بصوت عالي ..
أعوذ بالله من الشيطان الرجيم
بسم الله الرحمن الرحيم
الحمدلله رب العالمين * الرحمن الرحيم * ملك يوم الدين * إياك نعبدوا و إياك نستعين * إهدنا الصراط المستقيم * صراط اللذين انعمت عليهم * غير المغضوب عليهم * و لا الضالين ….
ااااااااااامين
وسمعت صوت الرصاص
وبعد نص ساعه خش مراد
سألته قتله: مش مبكري قريت فاتحتي
قال:اي خيرك
قتله: مالا ليش وكأنكم تقرو فيها توا
مراد وهو يحول في جاكيت: عادي يعني صحابي هم يبو يباركولي وقالولي ادعي دعاء هدا
اني: اها به
وجي حضني حضن امتص فيه توتري كله … خوفي كله …
قام لي راسي .. قعد يتأمل فيا وباسني على راسي و نزل على خدي و خدا بوسه خفيفه …
قال: هي نصلوا ؟؟
قلت واني متحشمه: به..
وقف قدامي و حط البطانيه …
قعد يقيم في الصلاه …
الله أكبر الله أكبر ..
أشهد أن لا اله الا الله .. أشهد أن محمداً رسول الله ..
حي ع الصلاة … حي ع الفلاح ..
قد قامت الصلاة .. قد قامت الصلاة ..
الله أكبر .. الله أكبر .. لا اله الا الله …
بدينا الصلاة .. الصلاة هادي هدئتني وحتى حسيت براحه نفسيه…
كملنا الصلاه و ناض و باسني من راسي و قعد يقول في نفس دعاء ..و حضني
فتحت انا شنطة دخولي ..
وسكتت شوي وقلت :اطلع نتحشم نغير قدامك …
قعد يضحك وطلع…

طلعت لي مراد في كوجينه لقيته فاتح شويه من سوريته و متكي ..
اول ما شافني قال اووو عليك سماحه
ناض قربلي وقعد يشبحلي شوي ورفعني وحطني على سرير
قعدت في حضنه و
قلت له واني مطبسه راسي خايفه ..
قعد يتلمس في خدي و يقولي من شنو ؟
سكتت
مراد بخبث: قولي من شنو ؟
اني: من في عقلك
ضحك و قالي ح نكون سندك
قعدت في حضنه و قعد يبوس فيا و كل مره يزيد البوس حلاوه و حطيت ايدي ع رقبته و قعد يفتح في سوريته .. حبيته حبيت كل شي فيه….
قعد يبوس فيا لين دوبت..
.. و وقف خدي البوم وقعد يوريلي في صور عايلته وتحكيلي
و قعد يحول في ساعته و قعدت الدبله واني نشوفله بجد كأنه من افلام ما كنتش متوقعه ان ح نتزوج شخص هك وقعدت سرحانه فيه لعند ما قال لي

مراد :..…….. يتبع