رواية انا والزين

روايـةه :انـا والـزيـن…
…
حلقةه :6…
بقلم فاطمة سالم…
….

وكل وحده مشت مع راجلها وركبت سياره وبوهم مطمن وكان ليه اخر لقاء…
….

عند ندى…

ركبت سياره بقناعةه ع رغم نبي نعارض ونبي نكون مع بوي بس عارفه تصرفي ح يكون غلط لان في جميع احوال بوي ح يبتعد…
واني مع تفكيري ومحاولاتي ان منبكيش قطع عليا صوت راجلي لي منعرفش اسمه سوى انه يخدم في عقارات..

علي بتردد :احمم اا طبعا اني اسمي علي ونخدم في عقارات م 89…و واا منن غرب منطقه ال….

انا نشبحله ومدققه في كل كلمه وتانيه كيف يحكي وتعابير وجهه كل شي عكس بعض ع قولتنا تصرفات مش مقايده كلامه..

وهو قعد يشبحلي ع جنب بلمحه سريعه كأنه يستنى في رد مني…

جمعت كلامي وبكل ثقتي بدون ما نبين حزني

انا بثقه:احم…طبعا اكيد انت تزوجتني بكاامل معرفتك بظروفي وكل شي…. فا نحب نقولك في غضون اسابيع ح نشتغل ويفضل ميكونش في ايي اعتراض لان بكل صراحه زواجي منك مهوش اختياري ابدا زواجي منك قدري وفقط فلدالك خلينا واعيين وبدون غضائن بينا وخلي كل شي على سبيل وقت واساسه تفاهم واني نحب يكون زواجي منك شرعي بكل ما حبيت وتمنيت وخلي زواجنا على ورق بدون ايي شي وكذالك متخليش زواجي منك ولا شي لا زواجنا ليه قيمه بحفظ وصون واحترام اوووك يعني كله ع بعضه بيكون تفاهم واحترام

علي يضغط بيده على ستيرسو بغيض وشبحلي على جنب بكل غل :وشن تاني!!؟؟
هااا يعني اني مش رااجل مش عاجبك يعني والله من اول ليله تحكمي فيا فهميني!!
اني بندخل عليك ولا انتي هاا

اني كتفت ايديا بكل استهزاء على كلامه ساادج :ويعنيي؟؟
شن يعني هاا يعني اني نكون ضحيه كل لي قاعد يصير اسمعني…
اني مقتلكش اخبط صدرك ولا قتلك تزوجني…
انت تزوجني يبقى تحمل مسؤوليه عاد تتزوجني وتتحكم بيا معليشي عاد اني انساااانه ونحس

علي يتكلم من بين سنونه :صوووتك ما تعليشي عليا فاااهمه خير ما نعطيك فانكو يخربلك ام وجهك

اني :لوو مش عاجبك قاعدين في بدايه مطاف

علي :مش عاجبني ولي يعجبني ح يمشي وبلغصب

اني :كلاام معاك عقيم وح نشوفو نتيجه تصرفاتك

وعم صمت بينا لعند وصلنا…
هو نزل بدون ما يقول انزلي ولا شي لو ان مشفتش الحوش وعرفت ان وصلنا ره قلت ان درس ع محل وبيشري حاجه!!
…
نزلت واتكيت على سياره قعدت نشوف للحوش بتمعن…
الحووش راقي وارقى منه…
واوو حوش تقدر تزينه بلفلوس من برا وداخل…
بس انسان يتجمل من برا وبس وميحسابش ان بيخش للقبر بي افعاله وبس…

قطع عليا صوت علي “خشي ولا ناويه تباتي البرا!؟ ”

نفضت ايديا وقلت : شكلها ليله هدي مش ماشيه على خير!

علي :تصرفك مصيرك وخفي روحك…

خشيت وحولت عبايتي وجيعانه بس معرفتش وين نمشي!؟
…

قعمزت على كنبه وقعدت نفكر شن صاير في خواتي وبوي…
ذكرت شنطتي في سياره جيت بنوض…
وفاجئه بدون سابق اندار لقيت ايد على وجهي بقوه لوهله حسيت ح نفقد روحي…
قعدت نقاوم و…. يتبع

…..

عند نسرين…

ركبت سياره…
واني نبكي نبي خواتي نبي بابا مش عارفه كيف ح نعيش مع مخلوق هدا حاطه ايديا على عيوني ونشبحله من بين ايديا ونشوف في عضلاته كيف مصارع وعروقه بارزات ولحيته مغففه ولدرجه تيشرت مشحوط عليه من كثر هو غليظ
وفي عز دموعي واني نشبحله خلعني بصوته خشن

فارس بحده:وبعدين معاك وانتي تنوحي

اني نفضت ايديا وطرمت فمي شبرين ونفخت خدودي بغل وبصوت مبحوح:مدخلكش فيا

فارس شبحلي بغيض وقعد مركز في تفاصيلي ويضحك بهستيريه لدرجه قعد يخبط في دومان :عن شكلك ازح

اني :احترم نفسك فااهم

فارس :هه تي اووكي يادريه …وشبحلي …. وشن اسمك

اني :مدخلكش

فارس :ههه امبه يا مدخلكش اسمي فارس وتوا احني ماشيين للحوش هلي تمام ونسمعلكش صوت خليني اني نتفاهم معاهم فاهمه ولا

اني عاقده حواجبي :وشن دخلي فيك تستطفل معاهم

فارس :شطوره باهي لي عارفه روحك

اني شبحتله وخالتي نهجم عليه :مصح والله وجهك يكون في علمك ان لو اضطر الامر واهانوني ح ندخل ايواااه هاني وقضتك

فارس بهزوه :وجربي وشوفي روحك بعدين

اني :ملحح

فارس :هي انزلي يا حنه

نزلت ومعاي شنطتي

وخشينا لقينا دنيا كلها وكأن تستنى فينا عيلته كبيرررةه

قدم راجل يوحى انه شايب بصوته فيه رجفه وعلى رغم شيبه وضعفه مليان هيبه وشهامه ويفرض احترامه عليك لدرجه اني وقفت استقامه برغم كنت نمشي بغيض واقفه تكبر الا انه بعد شفته انهزيت ونزلت عيوني…

شايب :وين لتوا تصيع هاا لعند وين بتوصل

“وعم صمت لتواني ونسمع في خطوات تتقدملي وحسيت كل الانظار عليا وعلامات استغراب ”

شايب :ومن لي معاك ان شاء الله

وقدمت مراءه على رغم تجاعيد بس لبسها شبابي وانتوي :وان شاء الله مؤمنه لي معاك

فارس بتنهيده فارغ صبر :يما يا بوي هدي مرتي على سنه الله ورسوله

العزوز بشهقه :ومن وين جايبهاا هااا … وسكتت شوي وبنبره قرف كملت :اكيد من شوارع

اني طال صبري ونفد وخايفه نرد عليه يزيد يتوتر الجو ويتكهرب وخصوصي بناتها سبعه لي معاها يشووني ويدققني مش بعيد

شايب :خش خش انت ومرتك وريها دار خلها ترتاح شن دنبها هي وتعااال نبيك في مكتب….

مشيت وراء فارس وخشيت لدار كبببيرةه وريحه بخور تغمرك
…
حطيت شنطي وقعمزت ونبي ننهار وجيت بنتكلم طلع فارس طول…

قعدت نبكي لين غفيت وبعد ساعات….
نضت ريقي نحس فيه جاف شربت مايه والتفتت ملقيتش فارس قعدت ندور في ساعه وين لقيتها على حيط لقيت ساعه 4:30 وادن الفجر…

نصت توضيت وصليت قعدت نستغفر سمعت باب دار انفتح وخطوات يتقدمو…

جاني صوت خشنن :اسمعي

اني :نعم والتفتت…… يتبع

……

عند اسرار…

قعدت واقفه ونشوف لي خواتي ونبي نضمهن ونهربو…
مششش عارفه شن ندير بعد مشو سياراتهن…
ركبت من خلف…
وقعدت نشبح من روشن وسرحانه…
…

مراد :خير

اني التفتت لقيت يشبحلي من مرايا وموجهه عليا تماما…

انحرجت وواسيت تقعميزتي ولقيت عبايتي مفتوحه وباينه توته والمشكله توته متاعي مفتوحه رقبتها وباين صدري …
لميت عبايتي عليا وشبحت للمرايا بعفويه

لقيت مبتسم …

مراد :اني راجلك ويحقلي شي هدا واكتر

نحمرو خدودي وحاولت نبعد عيوني في ايي مكان ونركز نظري بعيد عليه

….
وفاجئه توقفت سياره…

صوته الحنون تغير للحظه لي صوت خشن وحاد…
…
فتح الشنطه سياره لي بلجنب وطلع منها مسدس…

مراد :هاك ولي يقرب منك فرغيه فيه حلال عليك…

قعدت نشبح لمسدس بخوف…

شد ايدي وفتحها وحط فيها مسدس

مراد :امسكي الخرا مش وقت تفكير بكل لي نقولك علي ديريه وحطي عليه شنطي وغطي وجهك بوشاحك متخليش شي يبين انك بني ادمه اصلاا ومتخافيش مش ح يصيرلك شي وح نحط حوايج ع شنطه بسيطه باش ميفركسوش ويحولو شنطه

رقدت على كرسي وهو حط عليا شنطه وهلبا حاجات وغطيت وشاحي

…

وقدم بسياره شوي…

وسمعت صوت راجل…

راجل :افتح كوفينه

وحسيت في صوت انفاس فوقي تماما

:شن شنطه هدي!

مراد :شنطه ملابس خيرك يا فندي

وفي حد خبط سياره من فوق وقال :تمام وخي مدور شي توكل

وتبعدنا شوي

مراد :مزال خليك متحركيش مهما صار فاهمه ولا وخلي مسدس عندك

وشوي ووقفت سياره

:ايوااه صار تزوجت وفتتنا وينها مدام تحسابنا فايتينك

مراد :تي عدي يارا بلا توقيقك فارغات

:تي تو نربيك انزل وخلينا دراع بدراع ولي فيها حليب تصيح

سمعت مراد نزل وصرفق بلقوه وصوت رصاص

ونفس صوت راجل :وهانك طحت بين رجليا

اني خفت وقلبي بيوقف معاش فيها نضت ولقيت رواشن مفتوحات نزلت راسي شوي يا دوب نشبح…

لقيت اربع رجاله وعلى الوطا مراد ….
وضربت اول طلقه بدون صوت باين انه كاتم صوت بس اخر راجل فطنلي جاني اني وخرت وقلت هده اخرتي
مشكله ان اني ضربتهم في رجلين باش محد يحس….

وجي بيركب راجل وفي اخر لحظه جاه مراد وضربه بخلفيه مسدس ع راس ..
وركب بسرعه وشبحلي

اني قعدت نتأتأ: مم ماهو مماهو انت بيقتلوك خفت

مراد حرك سياره ودارها رابعه وهو يشبحلي قريب ياكلني بعيونه واني نحاول نبررله و…… يتبع
…

طبعا كل وحده فيكم تبو تتعرفو على ابطال وحياتهم….
حلقه جايه ح نحكي بحدافير
وحطيت روحي في كل ابطال وردود افعالي…
طبعا مشهد كان بسمع اسرار وفي حلقه جايه ح يتوضح كل شي بوجهة نظر مراد وكل ابطال
حاليا من احلى كوبليه عندكم من ابطال وشن تتوقعو!