رواية الخائنة بقلمي الكاتبة ميلو حسن

#الخائنه 2 (حقيقيه)

عدي: درررس السياره….انزلي
كلهم: تلفتو لسيارهه وشك في عقولهم….ويستنو من بينزل من السياره
روفيده: شنو ننزل شوفهم هما كيف يشوفو شكله ترا شن صاير
عدي: بصوت متعصب……..نا مش فاهم شي من شي انزلي وافهمي منهم
روفيده: شوف الولد كيف شاد بيان من شعرها خلينا نرجعو منحبش نحرج حد ??

اشرف: هدا مني ؟
نادر: تي واضحه هدا صاحبها الي كانت واقفه عليه
بيان: علاماات الصدمه ع وجها ومش فاهمه شي شن بقول نادر وكيف يألف في حاجات من راسهه
حسين: اطلق البنت خلاها تدخل وبرا شووف ي اشرف من هدا

عدي: انتي تخلي فيهم يشكو في شي انزلي بسرعه وافهمي منهم خير ماننزل انا ونهد الدنيا فوق روسهم
روفيده: ارخي اعصابك …….ونزلت
نادر: طلق بيان من شعرهاا
اشرف: طققق ع مرش السياره

روفيده: تشوف لي اشرف لن وصلت للحوش

نادر: لححق روفيده داخل

روفيده: شن في بيان خيركم؟وشن صاير مع نور نتصل باها تلفونها مقفل وعدي يتصل بيك وانتي نفس الشي مترديش
نادر: هاتي تلفوونك
بيان: كيف خيرها نور انا مكلمتهاش من امس
روفيده: انا جايه بنفهم منك ونبي نعرف شن صاير معاها قالت لعدي مافيش نصيب و قفلت تلفونها
نادر: وقفي هدرزه انتي وياها قتلك هاااتي تلفوونكك
بيان: نااادر ساد الي درته وخليت بابا يشكك فياا والله صوتي ماراح تسمعه تاني ي كلب
نادر: خدا التلفووون منهاا بقووه
بيان: هات تلفووني ي كلب
روفيده: من المجنون هدا خيرا معاك
بيان: مفهمتش يتبلااا عليا بس
نادر: توا تشوفي الي يتبلا عليك كيف يعلمك تحترميه غصبا عليك
بيان وروفيده:???

اشرف يحكي مع عدي شبه تعرفو ع بعض
نادر: فتح تلفون بيان واتصل برقم عدي لأنه كانت مسجلاته عدي …..عمي الي واقف عليه حبيب بنتكك
اشرف: تلفت بصدمه….شن تقول انتا خيرك
عدي:???
نادر: شوف هدا تلفون بنتك وشوف اخر رقم متصله بيه
عدي: تلفوونه بدااا يررررن
اشرف: ي ولد لحرام …انزل انزل من السياره انا تلعب بي بنتي وجاي توقف علاها معندكش خوات تخاف عليهم
عدي: غير افهم ي عمي هدا يكدب عليك افهمني والله انا ولد عيله وناس ومنرضاش بيه الي تقولو فيه
روفيده: طلعتت لما سمعت الدوشه…اححييه هدا شن يدير انا خلاص معاش فهمت شي
بيان. : حليلي شن درت انتا
اشرف: شاد عدي ويضرب فيه وعدي مقدرش يمد يده ع راجل كبير وفي النهاية بوه بيان
روفيده: طلعت تجري …..ي عمي انتا فاهم غلط والله اطلقه خويا نا نعرفه مش متع الجو هدا
نادر: يشووف ويضحك عليهم
بيان: تفووووه ي تافه
نادر: ههههه مازال حاتشوفي الحلوهه من بووك وتنحرمي حتا من الخدمه ي مثقفه

اشرف: طلق عدي وبصوت داهش…..اليله تجيب اهلك وتخطبهاا خير مانرفع عليك قضية شرف وتشوف مني شي مايعجبكش انتا وعيلتك
عدي:يتكلم بصعوبه….ي عمي انتا فاهم القصه غلط
روفيده: زواج شني تقول عليه تي خويا مابينه وبين بنتك شي
نادر: تفرجي عليهم وانتي مخنوقه ….هياا قووود باااي
حسين: خلاص ي اشرف خلي الولد يمشي ع حاله قلك مابيني وبينها شي الناس تسمع فيكم
اشرف: لا مش اشرف الي يلعبو بي بنته والله لو متجيش تخطبها غدوه وتم فاها حاندفنها هيا حيه
بيان:بصدمه…. احيه عليا شن يقول هدا شن درت ي نادر الكلب
روفيده: خلاص عدي اركب السياره توا نلقو حل متخافش اكيد حايعرفو الحقيقه لما تخطب نور ويفهمو
عدي: يشوف مصدوم لي اشرف لن اركب السياره
روفيده: هيا اطلع بسرعه شنو العيله المجنونه الي حصلنا فاها
بيان: هربت تجري وراء جدهااا…….وهيا تبكي ي جدي صدقني هدا كدااب
اشرف: يبي يشد بياان بيضربهاا……بتجيبيلي العار لحووشي ي كلبه
حسين: لو تمسها نغضب عليك ليووم الدين
اشرف: تي كيف ي بويا شن تقول شفتها شن دارت
حسين: ماشفت شي انا والدوه منصدقش فاها بيان انا ربيتها ونعرفها ماديرش الغلط …..وخدا بيااان ودخلوو
اشرف: نبيك تتأكد من الولد مصاحبها وله لا باش نعرف نتصرف معاها لأنه بنقتلهاا لو تطلع تكلم فيه
نادر: تمام مادوور شي غدوه تكون معلوماته عندكك?

عدي: سمعتيه شن قال بيقتل بنته لو منجيش نطلبها غدوه
روفيده: تي شنو صدقته انتا باش تحب نور وبتخطبها خلاص هما حايفهمو انك تحب نور وتتصل بي بيان علشان نور بس خلاص اهداء توا
عدي: بهي ونور شن صار فاها في بدل مانكحلها عميتها
روفيده: حتا بيان مش فاهمه وقتلي مسمعتش بي شي

?ميييييييييييلو حسسسسسسسسسسن?
(امال القط)
مييييييييييييييلو حسسسسسسسسسسن?

غاليه: شن صار خيركم عطلتو
عدي: دخل بدون مايقول ولا حرف
روفيده: قولي شن مصارش بالله مشينا بنحلو موضوع جانا موضوع مجانا
غاليه: تنهدت…..خيرك تكلمي شن صار
روفيده: حكتلها الي صار كله
غاليه: تنهدت …..شنووو ؟؟تي خيرا ولد عمها بيهبل
روفيده: انا اصلا قريب نهبل بيان قصه ونور قصة
غاليه: حليلي ع وليدي مسكين….كانا ناويتله الشر انشاءالله ماتشوف يووم خيير
روفيده: لالا نور بنت عيله مش راح تخونه لكن اكيد في شي صاير غدوه في الف حل ….ناا جعانه راهو في عشاااء
غاليه: نوضي انتي خليك معا خووك توا نجيبلكم لعذاء لدار
روفيده: من عنووني?

بيان: متكيه ع سرير وتفكر شن بيصير فاها …….هوا اكيد حايزبطو أنه نكلم في عدي ع خاطر نور طبيعي هما مش اغبياء لكن نادر الكلب علاش دار هكي بس علاش والله ع الموقف الي حطني فيه مش راح نسامحه لكن اكيد في شي وراء الموضوع مستحيل نادر يدير فيا هكي بلا سبب………تفكرت انه تلفونها قعد عند نادر ….اففف حتا ماما بايته في حووش جدي والباقي خديت تلفونها وتصلت بي موور واطمنت علاها…..يالا غدوه نمشي نشوفها?

نور: متكيه ع سريرها وعيونها ع تلفونها الي متبيش تفتحه وشعورها متلخبط بين قلبها وعقلها وتفكر في رامي اكتر من عدي وقاطع صوت تفكيرها
طققطقققطقق
نور: مني؟
وفاء: فوفو وخشت…..
نور: ابتسمت ……شن صار؟
وفاء: توا كنت نكلم في رامي قالي نبي نهدرز علاها شويه قبل مانتقدملها شن رايك؟
نور: اي عنده حق تمام
وفاء: سججلي رقمه
نور: فتحت تلفونهاا……وسجلت الرقم
وفاء: خليك فالحه معاه لأنه بيتفق معاك ع اليوم الي بيجي ويطلبكك فيه
نور: بجدد تمام من عنوووني ??
وفاء: سلمها الفالحه الي تسمع في كلامي…..هيا نوضي توا بوك وامك يبوك تتعشي معانا
نور: شويه ونلحقكك
وفاء: ابتسمت لنور وطلعت……..

في ليل ساعه 11:??

عدي: ع اعصابه شاد التلفون ويرن ع نور وكالعاده يعطي فيه مقفل ومش قادر راقد من تفكيرر
روفيده: بسسسست
عدي: قعدا مرقدتيش؟
روفيده: مقدرتش نرقد وحالتك هكي بصراحه
عدي: بصوت متوجع…….قلبي مش مريحني حاس بي حاجه وانشاءالله خيرر?
روفيده: بصدمه…….بإذن الله مايصير الا كل خير يارب❤
عدي: تنفس بعمق…..يااااارب

بيان: بعد مانضمت الكوجينه …..دخلت الحمام توضت وخشت صلت ركعتين لانه ديما قبل ماترقد تحب تصلي ….ورجعت اتكت ع سرير سمعت …….طققطققطق من الروشن

بيان: نخلعتت….مني؟
نادر: بصوت هادي…..افتحي بيان انا نادر
بيان: مصح وجه بعد عملته جااي يقابل فيا…فتحت الروشن شن تبي مني توا تكلم شن تبي
نادر: نبيك انتي شفتي ركبت من الطوبوات ع خاطر باش نوصلك
بيان: كانا يشوفك حد توا اقلب وجهك من هني ومعاش نبي نشوفك
نادر: جبتلك تلفونك بنتصل بيك ردي عليا
بيان: هااته وهيا وجهك
نادر: باااهي ي بيان
بيان: سكرت الروشن….ورجعت اتكت ع سرير

نور: تهدرز ع رامي شبه مرتاحه معاه لانه هوا لسانه حلو ومتعوود ع لبنات وعارف نقطة ضعفهم وعارف كيف يحكي معاهم ومن كلام حلوو لكلام احلا ويحكي كيف بيعيشها ونوور زادت نعمتت اتجاهاا وخدتهم الهدرزهه ع طوول اليل??

غاليه: طالعه من دارها…شافت عدي راقد في الصاله
……حليلي ع وليدي راقد في الصاله من التفكير…عدي عدي
عدي: فتتح عيوونه….هااا
غاليه: ادخل لدارك ارقد صقع هنني
عدي: بهي…ناااض بخطووات بطيئه اتكااا ع سرير وتفكر نور ……وخدا تلفوونه وتصل باها

نور: شافت رقم عدي داخل ع الانتضار….سكرت عليه وكملت هدرزتها مع رامي

عدي: لأنه واخده النووم مركزش ع الانتضار لكن زبط انه نوور سكرت عليه ومن الفرحه انه لقا تلفونها مفتووح مش مصدق…بعتلهاا مسسج طوويل في طمنيني عليك وهكي ….وقعد يستنا منها في رد مردتش خاف يتصل ترجع تسكر لانه حس انه في شي صاير مع العيله….وهكي خدا النووم??

بيان: هدرززت مع نااادر وفهمت انه مكانش ع وعيه لما دار هكي وهوا قعد يكددب علاها وفي راسه موال يبي يغنيه وهيا زي الهبله صدقاته وسامحاته وذوبها بكلمتين لن رقدتت…..??

تاني يوم : ??

في حوش نور :
ع طاولة لفطور

ناصر: ناض…صحتين نا شبعت
وفاء: صحه
ناصر: نور هيا وقت اطلعي
وفاء: لا نور مش ماشيا اليوم
امل: خيرها نور
وفاء: الحق ي عمتي في ناس بيطلبو يد نور اليوم
خالد: بنتي كبرت وبدو يخطبو فاها
ناصر:ههههه ومن الناس هادو
وفاء: ولد خالتي رامي
ناصر: قام حاجببه بتوتر……وهوا امتا شافها باش يتزوجها
وفاء: بلعت ريقها…….اءءءء مش عارفه اكيد شايفها هني وله هني
خالد: خلاص بنتي ولا يهمك قوليلهمم يتفضلو ونزيدو نتعرفو ع رامي وبإءذن الله مايصير الا الخير
ناصر: خدا بعضه وهوا مش مطمن لرامي وحتا وفاء تعرف انه رامي ميصلحش بي نور لكن خططت لهدا كله باش معاش يتصل باها ويطلب منها ? لأنها كلبة فلوس كانت
امل: انا اهم شي بنتي موافقه لو مش مرتاحه انشاءالله مايصير منه الزواج?
وفاء: لالا ي عمتي،؟عيب عاد نور خديت رايها قبل مانفتحلكم الموضوع
خالد: ناض…بهي مالا امتبولي شن ناقصكم باش نبعتهولكم
وفاء: تمام عمي صحيت شويه تانيه ونبعتلك كل شي في الرساله
خالد: مالا نستأذنكم وطلع …….

عدي: ناض ع صوت المكنسه الي تشفط باها روفيده في الحوش?…..خش الحمام دوش وغسل سنونه وتوضا صلا ركعتين وشاف لتلفونه ملقاش ولا شي واصله من نور …..زاد نصدم وتعصب فكر يتصل بي بيان……

بيان: كيف تمت صلاتها….بتلبس بتطلع للخدمه

ترن ترن ترن

بيان: الو
عدي: صباح الخير
بيان: صباح النور…كيف حالك اليوم
عدي: الحمدالله وخلاص قعد نستنا في نور تتصل بيا
بيان: انا امس والله ماقدرت نتصل باها لكن عطيني خمسة دقايق نشوفها ونكلمك لانه حتا نا نبي نفهم خيرها
عدي: تمام نستنا فيكك ع نار
بيان: تمام ……وتسكر الخط

وفاء: نور خيرك تبكي بلا دلع خلاص
نور: تفكرت عدي فجاءه وقعدت منزله راسها وتبكي
امل: تنهدت علاش تبكي ؟
نور: بدت تمسح في دموعها….لا شي
وفاء: خلاص عمتي شوفي انتي لغذاء خليني نحكي معاها سويه توا تهدأ
امل: كانا مش موافقه قولي عادي مش ملوحه في الشارع انتي
نور: لا غير اذكرت حاجه بس
امل:اها تمام بنتي ارتاحي وطلعت
وفاء: متبينيش روحك ضعيفه هكي وتبكي خلاص انسيه انتي حاتتزوجي وهوا حايتزوج وتنسو بعض
نور:هزت براسها……وابتسمت
وفاء: ايواه هكي نبيك محلاك وانتي تضحكي?

ترن ترن ترن
نور: هادي بيان شن بنقولله توا اكيد كلمها عدي وبتسألني
وفاء: خلاص احكيلها توا وله بعدين حايعرف
نور: الو
بيان: وينك ي بنت عدي قالب الدنيا ع خاطرك
نور: خلاص مافيش شي اسمه عدي
بيان: ههههه بالله مش وقت براده ردي ع الولد وفهميه
نور: انا نحكي جد منبصرش قتلك مافيش عدي في حياتي
بيان:علامات الصدمه ع وجها…..تتكلمي جد انتي؟ علاش بهي ؟شنو السبب؟
نور: مافيش نصيب
بيان: بالله سكري انا جايه عندكم توا وحانفهم بروحي
نور: سكرت الخط لانه عارفه بيان وعدي حاينصدمو

روفيده: دوختني البنت هادي خيرها
عدي: متوتر وهوا بستنا في بيان تتصل
روفيده: اه باربي نزل عليا الصبر

وصلت بيان لحوش خالتها….نوور نوور
امل: اهلا بيان تي وين خاشه زي الشرطه
بيان: بنتك بتخليني نخش عليكم زي داعش
وفاء: بششويه عليك نور في دارها شن تبي منها؟
بيان: انتي خليك ساكته بالله مش ناقصاتك
وفاء:قليلة ادب??

بيان: شنو ي حلوهه عاودي لكلام الي قلتيه ع تلفون
نوور: بيااااااان خلاااص نا وافقت ع رامي وعدي معاش نبيه
بيان: بصدمه……اءءء را را مي من
نور: قريب وفاء واليووم بيجي يطلبني
بيان: تبصري
نور: اففففف بيان قتلك اي وراس امي اي انا معاش نبيه عدي
بيان: ههههههههه الله اكبر عليك
نور:نزلت راسها?
بيان: نسيتي عدي خلاص نسيتي السنين نسيتي شن دار ع خاطرك نسيتي انه خدم في الزفت وكدب ع اهله قلهم نخدم في محل باش يبني حوش لي وحظه خاينه زيك نسيتي اتعب في عز الشتاء تدكري من خلاك تصلي تدكري قداش مره ساعدك تدكري لبنات الي احلا منك يحومو وراه ومقدرتش ولا وحده منهم تخطفه منك نسيتي الرااجل بحااا كل شي
نور: سساكتهه لانه معنظهاش بي شنو اظافع روحه الا لو قالت عدي فقير
وفاء: خشت وسكرت وراها الباب…….جايا تنصحي فاها ع اساس تبيلها الخير
بيان: اي نبيلها الخير لكن خلاص الخير ضاع منها
نور: شافتت لبيان….كك كيف
بيان: اكيد رامي فلوس صح وقدر يشريك بفلووسه
نور: سكري فمك
بيان: حاضر حانسسكر فمي لكن قبل كل شي …….الي عشمتيه معاك 5سنوات ربي يحبه لانه طلعه من حياتك وحاتشوفي ربي كيف ياخد حقه من عيونك وله هادي الي ع اساس تدعم فيك حتا هيا جايها يووم …..واسفه انا لا بنت خالتك ولا نعرفك من اليووم
نور:????
بيان: خدت بعضها وطلعت…..
امل: خليك بيان وين طالعه
بيان: طلعت بدون ماترد

بعد مرور 3ساعات:
عدي: وينك عطلتي قلت خلي نشوفها
بيان:بلعت ريقها…….اءءءءء ???
عدي:متخوفينيش ع نور ي بيان خلاص والله من امس نفكر احكي شن في
بيان: تبكي بشهقه…..??
عدي: شد ع قلبه احككككي احككككي خيرهااا نور خيرها راهو نمووووت بلاااااااها
بيان:?????
عدي: ياااااربي
بيان: نور اليوم بيتمو فاها لرامي…..
عدي: بصدمه……..كيف من رامي قصدك غصبوها كيف علاش محكتليش
بيان: تمسح في دموعها…….نور مش ليك نور خانت العشره عدي انساها خلاص
عدي: شني كيف خيرك بيان نور راهو نور مستحيل ادير فيا هكي مستحيل اكيد غصباها
بيان: ياااااريت كلامك صح لكن نور عيلتها هيا الي تتحكم وتتشرط عليهم مش هما اسفه عدي لكن انتا حبيت الانسانه الغلط
عدي: تي تي فهمتيني انتي 5سنين راهو نور حبي خيرك بيان
بيان: عدي خلاص معاش نقدر نكمل انا مش عارفه شن نقولك عدي والله اسفه اسسفه اسفه
عدي: لووووح التلفوووون بقوووه ……وطلع
روفيده: شادة سفرة ……طاحت منها لما شافت خوها عدي طالع زي المجنون
غاليه: عددي عددي
روفيده: انشاء الله الي في بالي غلط يااااارب
غاليه: شنهوا الي في بالك بتجننوني انتم قولي شن في؟
روفيده: خدت تلفونها وتصلت بي بيان

نور: لبستت وانقت روحها وقفت قدام لمرايا ومغروره بجمالها متحسابش انه الجمال هدا كله بيختفي ومتندريش انها تودع في كل حاجه حلوه فاها ومتحركتلهاش ولا شعرهه لانها فكررت في فلوس بس
وفاء:وصلوو نونو خليك واتيه شويه وتعالي سلمي عليهم
نور: شن رايك فيا؟
وفاء: غزاله والله تهبلي
نور:???

امل: الحمدالله كويسين كيف حالكم انتم
عليا(ام رامي):دووم يارب☺
امل: عرفيني هادي مني
عليا: هادي مرت ولدي ايمن غير مسافر توا
امل: ماشاءالله باين علاها قعدا عروسه وين مشا وخلاها
عليا: ولدي ايمن دكتور وقاري برا وبريفسور طلب منه يجي مقدرش يرفض شهر ويروح معاش مطوول
امل:ربي يحفضهم كلهم?
نسرين(مرت ايمن):وين نور
وفاء: جابت شفرة الشكلاطه وتفرق عليهم
امل: نادي ع نور
وفاء: فرقتت عليهم ….نوور نورر

روفيده:???…….مستحيلااا تكون رخيصه هكي
بيان: مش عارفه شن بنقول لكن هدا الي صار وسامحيني انا معنديش بنت خالة اسمها نور لانه الي داراته مش ساهل ومينغفررش
روفيده: تجمعو الدموع في عيونها…….عدي خويا عدي ي بيان متشوفيش شن صار فيه بيهبل مستحيل يستوعب الي قعد يصير راهو
بيان: حسبي الله ونعما وكيل?
روفيده: تمسح في دموعها وانتي شن صار معاك في بوك وولد عمك
بيان: بويا طالع لتوا مرجعش وتفاهمت مع نادر انه يحكي مع بويا ويفهمه
روفيده: تمام حبيبتي ريحتيني ?
بيان: سلام توا وخليك جنب عدي راهو محتاجك
روفيده: حطت قلبها ع يدها لو يخليني عدي نمشي لحوشهم حانخلاها تندم لكن نية خويا حاتلعب في حياتها
بيان: نا لتوا مصدومه حسبي الله ونعما وكيييل?

نور: طلعت من الدار ودخلت لصاله ….السلام عليكم
نسرين:تنهدت بقووووووه……… ????
كلهم:????

نور:نس………..يتببببع؟؟؟؟؟؟؟؟؟؟؟؟؟