رواية الخائنة بقلمي الكاتبة ميلو حسن

#الخائنه 12

عز الدين : ي انس عدي فقد الذاكرهه بشكل كامل وشلل نصفي
انس:طااااااااح منه التلفوون
الياس:حسس انه شي خاص بي عدي……عددددددددي
انس:بصووت مصدوم…..عع عع
الياس:من يكلم فيك خيرك شن في خيرا عدي احكي وريحني
انس:قعمز ع صالوون بفششل……تعرض لحادث وتجمعو الدموع في عيونه
عدي:بلع ريقه بخوووف……اا اءءءءءءء تي تدوي ي راجل ادوي
انس:فقد الذاكره وصارله فشل نصفي…….???
الياس:بصوت يرررجففف……..عدي لا عدي قعمزز ع صالوون وهوا مقهووور ع صاحبهه
انس:يبكي يااااااااااارب شوف في صاحبي يارب

عدي:نا مستحيل نقعد ثانيه اهني ضروري نمشيله ونطمن عليه
انس:خاله قال قعد في العنايه …..واول ماتستقر حالته نخبركم وتقدرو تجوو
الياس:رشف خشمه…..وين كان مدسوووس اليوم هدا وشن بنقول لنور الي قالبه الدنيا عليه من امس وهيا مش مطمنه
انس:بصوت متوتر……قولها قوي قلبك تي باهي الي عاااااش
الياس:اي اي خلاص في رايك نحلت البنت لما تنجن فهمت تنجن
انس:بهي بتخلاها هكي ماتعلم بي شي خيرك انتا
الياس:تنفس بعمق……اه ياربي بس خلاص انا حانقول لبيان وهيا تحككيلها
انس:لقيت حل ….متقولش فقد الذاكره ولا شلل قول انه في العنايه ايام بس وتستقر حالته وبعدها ساهل توا نحكيلها
الياس:هكي رايكك
انس”تفكرر عدي…..شووف فيه ي ربي ??

نور:نفس الشي لا فتح تلفونه ولا نت صبرني يارب بس
بيان:انشاءالله يكوون خير بس
نور:علامات الخوف ع وجها……بيان
بيان:ها حبيبتي
نور:قلبي مش مطمني ولا حتا شوويه?
بيان:نوضي صلي ركعتين وادعي مش راح يسمعك حد توا الا ربي وهوا حايبششرك
نور:تجمعو الدموع في عيونهاا…….وناضت من جنب بيان

ترررن ترررن ترررن
بيان:اتكت ع سرير…..الوو
الياس:خيرا صوتك مش ع بعضك
بيان:خايفه ع نور مقدرتش نخلاها بروحها اليووم
الياس:بلع ريقهه …..بيان جنبك توا نور
بيان:بصوت يرجف…….لا علاش ؟؟
الياس:خليييك هاديهه……عدي تعرض لحادث وصارله شلل نصفي واحتمال كبير فقد الذاكره
بيان:تنهدتتت بقووووهه
الياس:بيان قتلك خليك هاديه
بيان:بلعت ريقها ونوررر
الياس:ردي بالك تقوليلها زي ماقتلك قوليلها تعرض لحادث في العنايه وبس
بيان: بصوت يرعش…..اءءء اي اي بهي
الياس:توا خليك جنبها وردي بالك علاها
بيان:بهي بهي فاهمه…..سلا
الياس:سسسكر الخط??

______________________

انس:جاب الشنطه …….ويطبق في حوايجه
الياس:ع خير وين
انس:يطبق في لحوايج بدون مايرد
الياس:احجزلي معاك خلينا نمشو وخلاص
انس:دموعها. مكفووش…..نعطيه عيوني بس غير يررجع زي الاول
الياس:تأثر من كلام انس…..ناااض طلع وسكر الباب بقووه
انس:قعد يلم في حوايجه وضحكة عدي ونكده ومشيته بين عيوونه وقلببهه نااااار عليه??

نور:واقفه مصدومه…..وتسمع في بيان شن تقول
بيان:اهدي نوور نا عارفاتك مصدومه لكن حانطمنو عليه وتكلميه
نور:بدت ترعش مع بعضها وتعييط زي المجنونه …عددددددي اه ي ناااااااري ي قلببببببببببببي وينككككككك ??

نور الليل كله تعبانهه ومرضت لن جتها حراره وبدت تهلوووس بي عدي بس وبتموت ودموعها مكفووووش بوووكل واهلها مش فاهمين القصهه وقعدت بيان تكدب عليهم وتلفق في الموضوع لن طلعو وخلاها في الدار وليل كلهه بيان تقرا في القرأن وتدعي انهوعدي يتحسن ويرجع لي ليبيا ويتزوجو ?

اما الياس وانس لبصاره والضحك والتسهويك اختفاء الليل كله وهماا مقعمزين لا ماكلهه ولا طلوووع ويدعوو لعدي وخايفين عليهه وانس متأثر اكتر شي وموقفش ع لبكاااء بووكل وكل شويه يتصل بي عز الدين ويطمن ويستنا غير امتا يجي موعد الطياره ويسافرو ??

#بعد_مرور_يومين ???

في امريكاا
حالةة عدي زي ماهيا كأنه ميت سريريا ، وممنوع اي شخص يخش يشوفهه عايش بالاجهزهه ويبي فترهه طوويلهه باش يعيش بدون اجهزهه ومع هدا الدكتور قالهم انه ذاكرتهه تبي دكتور نفسسي باش يرجع طبيعي ?

الياس وانس طلعو في الطيارهه ويستنو غير امتا يشوفو عدي ويطمنو عليهه ومش عارفين شن الي يستنا فيهم ؟؟؟

نور: صابرهه وطمنت انه الياس وانس امشو حايزيدو يطمنوها عليه واقل شي تشوفهه حتا شويه ومتخافش عليه ومصبره روحه بالصلاه والقرأن ودعاء وطبعا بيان مش مقصره مع نوور بووكل وعطتها امل انه عدي حايرجع ويعيشو مع بعض ومسكينه متعلمش بأنهه فقد الذاكرهه ووراها مصيبهه سسسوده??

نور:وقفت الخدمه لأنه حاولت تكون قويه وتسيطر ع نفسها وتخدم مقدرتش سهرر وبكاااء كل يووم وبسس امها وبوها لاحضو بس مش فاهمين شي ومرو يومين علاها كأنهه سنتين وتستنااا غيرر امتا يوصلو انس والياس ويكلمووهم

بيان:تفكر تحكي لنور لكن خايفهه حالتها تتأثر اكترر وتنجرح .ومتعصبهه هلبا من جهة عددي ومن جهة نور الي متعلم بي شي ?

مرو عليهم يوومين صعبات هلباا والفرحهه والضحه الي متغيبش غابت غصبا عليييهم وكل ششي نقلب وتغير مش زي الأول ، وتوا نور وبيان أملهم في الياس وانس بس هما الي راح يفهمو كل شي??

ثاني يوووم : ??

بيان:ناضت ع صوت تلفونها…..الوو
الياس:اهلين حبي….صباح الخير
بيان:حبيبي وصلت
الياس:ايي ي قلبي نا وانس في الشقه شويه ونطلعو لعدي
بيان:حمد الله ع سلامه حبيبي ……متعطلش راهو نور من امس مرقدتش
الياس”تمام قلبي سلام
بيان:سلام سكرت الخط

الدكاتره والممرضين خششو يجارو كلهم لغرفة عدي ودايرين جهدهم
روفيده:يارب ينوض عدي ويرجعنا
غاليه:ترجف مع بعضها…..ولدي يارب شووف فيه يارب
الياس:خير شن في
انس:خيرا عدي
روفيده:بصوت يرعش فجاءه الدكاتره خشوله ومش عارفين شن صارله
انس:لا يارب خلي عدي يعيش خود من عمري واعطيه يارب
الياس:شاااد نفسسه ….غمض عيونه…نعرفك عدي قووي ارجعلنا عدي

نور:بهي شوفيه توا اكيد وصلو
بيان”نوور خلاص قلي اول مانطمنو عليه نتصل بيك
نور:يارب انشاءالله نكلمه اليوم ونسمع صوته
بيان:في خاطرها…..هدا كان عاش بالله قداش بتتحملي ي نور?

طلع الدكتور وطمنهم انه عدي قدر يتجاوز مرحلة الغيبوبه ورجع لوعيه وضروري يقعد في المصحه لن يمر عليه الدكتور النفسي ويطمنا ع حالته النفسيه
الياس:تمام وامتا يجي الدكتور هدا
الدكتور:عطينا خبر وانشاءالله يوصل ويشوف حالته
انس:قداش لازم يقعد في المستشفى
الدكتور:لتوا مش معروف….وهوا محتاج عناية ومراجعه
انس:ورجليه شن بيصير فيهم
روفيده وغاليه:???
الدكتور”كيف
انس:قصدي الشلل النصفي
الدكتور:لا لا شلل نصفي ولا شي عدي فقد الذاكره بس وعنده خبوش بسيطه ?
الياس:ششاف لي روفيده بي غل
انس:تنفس بعمق……الحمداللهه يااارب ❤
الياس:تمام شكرا دكتور
الدكتور:العفو وانشاءالله ايام وترجعله الذاكرهه
كلهم:انشاءالله ❤

عز الدين:بأنفاس متقاطعه….طمنوني شن كان يقولكم الدكتور
الياس:هههه وعلاش تكدبو علينا اه شن كنتو ناوين
عز الدين:اسف هادي امه طلبت هكي لأنه تبي تبعد نور عليه مش اكتر
غاليه:كل شي صار من وراها ونتمنا تخبروها انها تشوف نصيبها لأنه عدي مستحيل ياخدها
انس:والسبب ….عدي ونور يحبو بعض ومافيش اي حد يقدر يبعدهم ع بعض
روفيده:لالا عدي مش راح يتزوج نور لأنه احنا قررنا نعيش في امريكا وهيا قداش بتصبر عليه وفي احتمال كبير انه عدي ميقدرش يذكر ولا شي
انس:شنو انتي فرحانه….انه فقد الذاكرهه
روفيده:اكييد…لأنه ماضيه كله هم ونكد
الياس:لا عدي حاترجعله الذاكره وحايرجع لنور وساد حقد وسم
انس:حط يده ع كتف الياس…هيا تعالا خلينا نطمنو نور وبيان اما هادو مدورهمش لانه مش فاهمين حاجه
غاليه:لا انا ام وانتم ضروري تفهمو مشاعري حتا لو قلتو لنور انه عدي مش مشلول هوا مش راح ترجعله الذاكره واني حاندير اي شي المهم نور متكونش كنتي
الياس:هههههه….وطلع هوا وانس

روفيده:خلي عدي عليا مدوريش مش راح تكون كنتنا خليك ع ثقه
غاليه:يارب بعدها ع ولدي يااارب?
عز الدين:مدام الولد يحبهاعلاش انتم متبوهاش
غاليه:هادي رجعتله لما عدي سافر وبدا عنده فلوسه وولدي مسكين يصدق فها ورجعلها ع طووول
روفيده:مش راح نخليه يتزوجها وراح نقوله كل شي

في الكافي
الياس:شفتهم وله مش ناوين ع خير بووكل
انس:رشف رشفه من القهوة…..مدورهمش اهم شي صحة عدي وكل شي ساهل
الياس:ايي واكيد حايذكر ونا متأكد اول مخلوق نور حايذكره
انس:اي اي عدي حياته نوور بس انشاءالله فتره وتفوت
الياس:خلي نتصل بي بيان

في ليبيا
ترن ترن ترن
بيان:الوو
الياس: كيف حالك توا
بيان؛تمام ي قلبي طمني شن صار
الياس:طبعا طلع الشلل النصفي كدبه واختراع باش نور متستناش عدي وتتزوج لكن فقد الذاكره وتبي وقت باش ترجعله
بيان:تنفست بعمق…..الحمدالله يارب الحمدالله
الياس:اي الحمد الله ربي ماينسسا حد
بيان:ايي وعلاش كدبو هما
الياس:مش عارف شن في في روسهم المهم ةلي فهمته ميبوش نور ولا حابينه
بيان:ربي يهديهم انتم مترجعوش لن تطمنو ع عدي ويذكر كل شي
الياس:متوصيش اكييد
بيان:تمام توا….خلي نطمن نور ونرجع نكلمك
الياس:تمام سلام حبيبي❤
بيان:سسلام

#بعد_مرور_شهر

طبعا نور علمت بي الي صار لي عدي وكيف اهله كدبو وعندها علم بكل حرف قالوه وطمنت لانه عدي حالته الصحيه كويسهه وكانت تدعي وتصدق باش عدي ترجعله ذاكرته ومر الشهر علاها كأنه سنه وهيا صابره ومتحمله غصبا عليها وحالتها النفسيه مدمره لانه. خايفه من اهل عدي والشي الي كان مطمنها شوويه هوا الياس وانس كانو مع عدي وفرحانه لانه الدكتور عطاهم امل كبير انه ترجع الذاكره لعدي??

اما عدي كان في المصحه وفاتح عيونه ومش مذكر شي وكان الدكتور مستمر في زيارته وكل يووم شبه يذكر شي وحالته للأحسسن والياس وانس جنبه يهدرزو لانه الدكتور طلب منهم باش عدي يذكر مواقفه معاهم بما انه كان عايش معاهم وغاليه وروفيده مش راضين بووكل يتمنو انه عدي يعيش حياته الجديده بدون مايذكر الماضي ولتوا عدي ماذكرش نوور نهائيا ??

بسمه:بيان بيان
بيان:انعم ماما
بسمه:بتقعدي هكي كل يوم عند نور
بيان:افففف ماما. باش فهمتك انه مزر حالتها النفسيه مدمره وضروري نقعد عندها
بسمه:انا فاهمه لكن بوك لا
بيان:كيف خيرا هوا
بسمه:توا بوك كلمني وقللي قوليلها تكلم الياس يجي يحدد العرس خلال الشهر هدا
بيان:??…..علاش
بسمه:شني علاش مسكر راسه لو مش الشهر هدا بيفسخ كل شي وانتي بوك تعرفيه
بيان:وكككك ع جهل غير خليني بس توا حليلي ع نور وع حضها
بسمه:شن دخل نور في القصه
بيان:بلعت ريقها….اءءءء لا قصدي انا بنتزوج وبنخلاها.
بسمه:اهااا اي اي ……باهي مالا غير كلميه الياس مش تنسي

في الششقه??

انس:اه ع ضهري هدا وين ارتحت
الياس:حتا انا خلاص كرهت نركب ع دروج
انس:صاحبنا مافيش حل تاني
الياس:اكييد لكن والله فرحت لما سمعت كلام الدكتور اليوم
انس:اي الحمدالله …ايام بس ونرجعو
الياس:ي وخي امه واخته بيموتو هههههه حاله وخلاص
انس:نيهاهاهاهاها ??

تررررن تررررن تررن
الياس:الوو حبي
بيان:بصوت يرعش. ..قلبي
الياس:عيونه خيرت صوتك
بيان:بويا قال ضروري العرس الشهر هدا
الياس:حط يده ع جبهته…..مستحيل امتا بروح وامتا بنجهز كل شي وعدي قعدا حالته
بيان:مش عارفه والله هوا فال هكي صدمني اليوم
الياس:تمام تمام توا نششوف حل غير خليك مع نور انتي
بيان:تمام حاضر

انس:شن في ي راجل
الياس:ضروري نرجع لي ليبيا بوه بيان يبي العرس خلال الشهر هدا وله ميصيرش بوكل
انس:تنهد بصدمه……مستحيل وعدي
الياس:مش عارف الامور متلخبطه في بعضها
انس:اهم شي نوصو عليه دكاتره ونرجعو لي ليبيا تتزووج وبعدها نرجعو لي امريكا ونطمنو عليه ونا متأكد خلال الشهر هدا حاترجعله الذاكره
الياس:هكي تقووول
انس:ايي هكي نقول والله
الياس:تمام مالا الصبببح ننزلو نحجزو تذاكر
انس:ايي تمام خلاص❤?

#تسسسريع_الاحداث

نور:تحاول تخلي روحها قوويه ع خاطر بيان بما انه عرسها وفرحة العمر
بيان:شن رايكم اما فيلو نختار
نور:انا عجبني هدا شن رايك
بيان:اي تمام حلوو
نور:خودي التاج هدا حلوو والباقه هادي
بيان:تمام حبيبتي

الياس:والله ماتوقعت انه عدي ميحضرش عرسي
انس:الله غالب هادي الدنيا
لولاد كلهم:هيا الياس بلا نكد خشش دوش وتعالا البس اللبسه ونديرو جو زكرره البرا
الياس:ابتسسم…..حاول يشد روحه ويفوت عرسه ع خير
انس:بالله مديروش العار بعدين لما يروح باها
كلهم:????…..انس وله عاقل نعيشو ونشوفو
انس:???

عدي:هوا يفتتح في عيونه…….نوووور
روفيده:ماما قال اسمها
غاليه:اكدبي عليه اي كدبه قوليله تزوجت
عدي:نوور وين
روفيده:انتا فقدت الذاكره لييك اربعه شهور في المصحه
عدي:وين نور
روفيده:نور تزوجت عدي
عدي:خيرها مفهمتش باش عطيتها الصور قلتلها ماينفعش
غاليه:شافت لروفيده
روفيده:كييف مفهمتش عدي
عظي:انا كنت ماشيلها بنشوفها هيا طلبت مني انا درت حادثث في الطريق
روفيده:شكله رجعتله الذاكره حاجات نساها وحاجات اذكرها

غاليه:نطلع انااادي الدكتوور
روفيده”ايي بسسرعه

_____________________
طبعا كان العرس 3 ايام يوم حمام ويوم كسووه ويوم الحفله❤?

يوم الحفله??

بيان:واقفه قدام لمريا وتشوف في روحها كيف طالعه
نور:سمحه سمحه
بيان:زعما بيهبل فيا الياس
نور:ايي ي رووحي تهبلي واللهه
بيان:وشافت لنور في لمرايا وهيا تبكي….خيرك نور حبيبتي حتا انتي وعدي اكيد حانشوفكم احلا عرسان بس اصبري والله وربي مش راح ينساك
تور:تمسسح في دموعها……انشاءالله يارب
بيان:خلاص عادي يهون عليك مكياجي يتلبز ونقعد نبكي معاك
نور:هههه لالا هيا نطلعو ….بوك البرا
بيان:اي هيا شدي الفيلو
نور:شدتت فيلو بيان
وباقي لبنات وراهم شادين الشنطهه والبخاره❤

الياس:يساوي في شعرهه قدام لمرايا
انس: الليله ليلتك ي الياس
الياس:ههههههه تي تحشم ي راجل
انس: بهي مالا اتزوج وانساني منوصيكش
الياس:يلبس في القرواطه….مش الياس الي ينسا اصحابه
انس:حضن الياس ع كوول ربي يخليكم ليا معنديش غيركم والله
الياس:انشاءالله ي حبيبي وحتا انتا امتا نفرحو بيك
انس:قريب انشاءاللهه ههههه غير يروح عدي نوعدكم نتزوج
الياس:اسبوع ونمشوله ونجيبوه حتا هوا ويتزوج
انس:بهي سادك من الهدرزه زي النسون اطلع الجماعه يستنو فيك
الياس:مافيش نكتهه
انس:نيهاهاهاها في غير شاد روحي بس
الياس:سمعني
انس: مره في واحد رفع معناويته طاحو عليه ???
الياس:???

الدكتور:وصلنا لمرحله كويسه ايام وحايدكر كل شي لكنن الافكار متلخبطه عنده

غاليه:اي اي انشاءالله يدكر وخلاص
الدكتور:تمام اتصلو بي صحابه وطمنوهم
روفيده:تمام انشاءالله
الدكتور:ع خير انشاءالله……وطلع
غاليه:منهيا الي تكلمي فاها امبكري
روفيده:هههههههه كنتكك الجديده?❤

عدي:بصوت متوجع…….نبببي نووووور
روفيده:تزوجت ي عدي خلاص افهم
عدي:كنت متوقع انها حاتتزوج لكن اكيد شخص تاني مش نفس الشخص الاول
روفيده:وعلاش متأكد انتا خلاها تتزوج الي تبيه هيا الي خسرت
عدي:خلااااااص انهي مووضوع نوور زمعاش تجيبي سيرتها في فمك
روفيده:???…..علاش
عدي:اتصلي بي الياس توا نبييه ضروري
غاليه:شكله مش مدكر انها فسخت ورجعتله
روفيده:نسيت نقولك انه الياس رجع لي ليبيا وممكن زفتها اليوم عيب متجيش تنكد عليه استنا الاسبوع هدا وتكلمه
عدي:اففففففف??
___________________

في الصالهه?

خشت بيان للقاعه ونور جنبها طبعا والمصوره قدامهم تصور لن وصلو للكوشه بدو الاقارب يسلمو علاها ويقدمولها في الهدايا
❤?

اما نور لابسه قفتان عنابي ع طويل ودايره شعرها فير ع جنب ومكياج خفيف وكلهم مستغربين فيها كيف ضعفت الي ماشي والي جاي يقولها ضعفتي وخيرك وزادو نكداها علاها وهيا متحمله ع خاطر بيان بس ?

فااااات الوقتت بسرعه وجت ساعه 12:30 والياس وجماعته قدام الصالهه يضربو في الرصاص والتنووير وقالبين الدنيا شويه وشويه لن خش الياس وطلع بيان وكلهم فرحانين ونور تبكي حالهه تفرجت عليهم لن طلعو من الصاله?❤

نور:من بين الزحمه خدت روحهاا وخششت الحمام تجرري تغسل في وجها وتساوي في مكياجهاا

ساره:اهلين ي حلوه
نور:رفعت راسها…..اهلا
ساره:انتي نور صح
نور:ايي تفضلي
ساره:انا ساره
نور:بس ذكريني انا مزبطكش
ساره:انا خطيبة عدي
نور:????……يتببببع??

الجايه احتمال الاخيرهه ??