رواية الحب المستحيل

واشواق كانت خايفه مشت البيت صلت وقعدت تفكر الولد يعمل ليها حاجه وتاني قالت في نفسها هو الغلطان نامت وصحت الصباح ومشت الجامعه هي وعائشه ودارين يدخلو الجامعه جات عربيه ماشه بسرعه قربت عليهم لمن خافن ونزل منها اياد وقال ليهم انتو شفتو حاجه لسه ودخل خلاهم واقفات?? قالن الزول ده مجنون ولا شنو وزاد خوف اشواق قالت لي عائشه انا ماشه اعتذر ليهو ما يعمل لينا حاجه وانا ما ناقصه عائشه قالت ليها انت مجنونه تعتذري ليهو شنو هو الغلطان قالت ليها خلاص خلينا الاعتذار بس ما يعمل لينا حاجه ومشمو دخلو القاعه كان إياد يعاين لي اشواق بنظرات غريبه لمن خافت وبعد المحاضره خلصت طلعو على البيت وقالت لي عائشه إياد كان بعاين لي بنظرات شريره وخايفه منو قالت ليها ما تخافي ما بعمل لينا حاجه يعني عشان غني يهين الناس الفقراء كده قالت ليها هم اصلا الناس الاغنياء يشوفونا نحنا زي الما ناس ومشت اشواق البيت امها شافتها الخوف ظاهر عليها قالت ليها ي بنت مالك قالت ليها ماف حاجه ي امي بس تعبانه وصلت العصر ونامت وصحت المغرب قاعده تتونس مع ابوها وامها واخوها احمد ابوها قال ليها الجامعه كيف أن شاء الله لقيتي صحبات كويسات قالت اصلا ما عملته صحبات مباريات انا وعائشه بس قال ليها ابعدي من الأولاد بس طوالي اتزكرت قصه إياد وسرحت ابوها قال ليها مالك قالت ماف حاجه ماشه اعمل ليكم شاي المغرب وطلعت وهي بتفكر في كلام إياد انو ما ح يخليها بحالها وتاني يوم في الجامعه بعد المحاضرات خلصت طلعن
ومشو الكفتيريا واياد جاء كانت شايل معاو عصير وقام اصطدم مع اشواق وانسكب العصير في فستان اشواق ووشها والناس بتاعين ليها وبتضخك وهنا إياد وهي كانت عامله كده ?وخجلانه ودايره تبكي وإياد جاهو شعور…
يتبع