رواية الحب المستحيل

الحب المستحيل
بقلم عمر محمد
الجزء الأول
بطلة القصه اشواق عمرها 19سنه هي من عائله فقيرة كان والدها اسمو محمد ووالتها أسمى وعندها اخوها الضغير اسمو احمد عمرو15سنه، أشواق كانت بنت زكية وموهبه ومتوفقه في الدراسه وامتحنت الشهاده ونسبتها كانت 85بس النسبه ما كانت بتدخلها طب وقالت لي أهلها انها حتعيد وان شاء الله حاجيب نسبه كويسه تدخل الطب بس بس اهلها عارضو واصرت عليهم حتى وافقو وعادت ومرت الايام وكانت مجتهده حتى تدخل الطب وامتحنت وجابت95 وكانت فرحتها ما بتتوصف وكانت ممتحنه معاها صحبتها عائشه وجابت 89 وكانت زعلانه لانو صحبتها اشواق جابت اكتر منها مع انو كانو بدرسو مع بعض واتوكلت عائشه قدمت صيدله واشواق طب وكانت مبسوطه وقبل الجامعه تفتح بي اسبوع عائشه جات لي اشواق قالت ليها نطلع على الشوق نشتري ملابس للجامعه بس كانت بتقول في رأسها? (ابوي حالتو صعبه وما عندو قروش فايضه عشان يديها تشتري وما حتكلمو) قالت لي عائشه انا ما عايزه اشتري ملابس عائشه كان وضعهم كويس حبه لانو عندها اخوها مغترب في دبي اسمو مصعب وعائشه فهمت أشواق انو المشكله في القروش وبالصدفه ام اشواق سمعت كلام انو حيمشلو يشترو ملابس بس اشواق رفضت وحست انو بتها لازم ترتب حالها للجامعه فكان عندها صندوق صرفتو امس وقالت لي اشواق تعالي دقيقه وادتها الف ونص وقالت ليها اشتري ليك حاجات وباقي الصرفه رسوم للجامعه واشواق انبسطت وطلعو على السوق واشترو فساتين ورجعو البيت وامها قالت تعالي وريني اشتريتي شنو ولبست الفستان الاشترو وكانت طالعه حلو ? اشواق كانت بنت جميله لونها اصفر وشعرها طويل ونحيفه وعندها وجنات كده رهيبه