رواية احببته رغم تكبري
رواية احببته رغم تكبري
جميع الحقوق محفوظة للكاتبة Ŕàhmä Mq
المقدمه
اسمي كوثر مواليد 2002 نقرا تانيه ثانوي تخصص ادبي بما ان حلمي نقرا قانون ..مواصفاتي مش طويله ومش قصيره يعني متوسطه بشرتي بيضه وعيوني لونهم رصاصي شعري طويل وقهوي المايل لدهبي عندي اربعه خوات واخ واحد اختي الكبير مروه مواليد 92 متزوجه مكمله قرايتها تخصصها احياء وشهد مواليد 98 مخطوبه تخصصها هندسه وسمر 2000 تقرا طب ومش ناويه تتزوج الا بعد ما تكمل قرايتها وتسافر برا تحضر اما خوي مالك مواليد 95 يقرا نفط ماما اسمها فاديه وبابا احمد ……… وهادي العائله تبعي
باقي الشخصيات تتعرفو عليها بعدين
================
الحلقه 1 الاولى
الساعه 11:30
بابا.. يافاديه نوضتي البنات
ماما.. اهااا نوضتهم شويا وينزلو يفطرو
انا.. صباحووو بابتي ومامتي
ماما وبابا .. صباح النور
سمر.. يسعد صباحكم
كلنا صباح الورد
ماما.. قعمزو افطرو
ونزلت شهد فطرنا وكملنا وطبعا كل وحده فينا خدت مهمتها ونضمنا الحوش وقعمزنا في الصاله الساعه 12
مالك.. كوثر يا كوثر
انا.. خير شنو في ع الصبح
مالك.. وتيلي فطوري عند مادوشت وننزل نفطر
انا.. نخدم عندك اناااااا مافيش غيري في الحوش
مالك.. امشي خير ما ننزلك راه يابنت صبح
انا.. باهي برا دوش هوا انت تبي ساعه في الدوش
مالك.. سمعتك
انا.. سامط مافيكش جو بكل
مشيت وتيتله الفطور ع الطاوله وركبت لي داري بدلت لبست شورط اسود وتيشرت ابيض مخربش ودرت شعدي ديل حصان فتحت هاتفي كسدت شويا ع النت وسكرته ورقدت لين جتني نبع الحنان
ماما.. نوضي يابايره نوضي مافالحه غير في النوم الغدي واتي هيا
انا.. حاضر
نضت غسلت وجي ونزلت لقيتهم مقعمزين ع الطاوله قعمزت وتغدينا وكملنا
ماما.. اني ماشيه بنشوف جداكم توا وطلعت هيا وبابا
شهد.. سلام اني بنكلم ختيبي وبنرقد
سمر.. حتى اني بنركب نرقد
انا.. وين ياطير انتي وياها ومن بينضف المطبخ ان شاء الله
شهد وسمر.. احني طيبنا مع ماما انتي يلي كنتي راقده توا دورنا نرقدو
انا.. باهي مردوده
ركبو وانا ضميت المطبخ وفرحانه كملت لعند ما دخل مالك للحوش عليك حصله طلعت بنهرب علق علياا
مالك.. ماتخافيش متغدي عند مروه كلمني عصام ومشيت
طبعا نحكيلكم ع اختي مروه راجلها اسمه مهاب ليهم 5شهور متزوجين وهيا حامل في الشهر التالت اماااا الاهم هوا سلفها عصام يلي هوا بطل الروايه مواليد 94 حلووو هلبا طويل جسمه رياضي موش ابيض هلبا عيونه عسليات وشعره اسود عنده خوه اصغر منه قيس مواليد 97 هما شققهم واتيات اختي الدور الاول وفوقها عصام وبعده قيس عندهم 3خوات اتنين متزوجات وحده مواليد 2002 حلمها تكون دكتره اطفال …. خليكم توا عندنا لانه ح تتعرفو عليهم اكتر بعدين
انا.. كويس ريحتني
مالك.. عارفك خميره
انا.. هيا تبي حاجه توااا
مالك.. لا سلامتك
طلعت برا كسدت شويا ع الهاتف ل عند ما دخلت ماما
ماما.. السلام عليكم
انا.. وعليكم السلام
ماما.. خوك روح
انا.. اها روح قال تغديت عند مروه
ماما.. باهي كويس تعالي معايا نوتو لانه بنمشو للبحر
انا.. حقاا كويس بكل منو بيمشي معانا
ماما..خالتك هاجر
انا.. تمام هيا
انا.. دخلت لي شهد وسمر نوضو هيا بنمشو للبحر هيا وقت
سمر.. اطلعي كدابه خليني نرقد
انا.. والله بنمشو احني وخالتي هاجر هيا نحصلو جو مع البنات
شهد.. تحكي جد انتي
انا.. خليكم راقدين اني ماشيه انضم روحي لانه اكيد في بنات باش نقهروهم
شهد.. والله غبيه زيك ماشفت الناس اتقول اكيد في ولاد وانتي تقولي بنات
انا.. يع ولاد نكرههم جنس ادم
وطلعت وخليت ينضمو في امورهم
مشيت لداري لبست سروال امريكي ضاغط وبلوزه ورديه فوق الركبه وفي ورد لونه دم غزال لبست وشاح وسبيدرو او ( كويش) لونهم دم غزال وطلعت لقيتهم واتيات نزلنا وركبنا البضاعه في السياره ورفعنا بابا ومالك قالك تو نلحقكم ومشينا زواره وصلنا الساعه 5م بما انه في مسافه بين صرمان وزواره نزلنا وقعدنا ع الشط انا وبنت خالتي اساور هيا من عمري
اساور .. البحر نضيف يجنن
انا.. هدا اسمه بحر مش كيف يكون خامر تتقرفي حتى ادخلي رجلك
اساور.. اهااا مزبوط بس بنقلك حاجه …..
يتبع
جميع الحلقات
- احببته رغم تكبري الحلقه الاولي
- احببته رغم تكبري الحلقة الثانيه
- احببته رغم تكبري الحلقه الثالثه
- احببته رغم تكبري الحلقه الرابعه
- احببته رغم تكبري الحلقه الخامسه
- احببته رغم تكبري الحلقه السادسه
- احببته رغم تكبري الحلقه السابعه
- احببته رغم تكبري الحلقه الثامنه
- احببته رغم تكبري الحلقه التاسعه
- احببته رغم تكبري الحلقه العاشره
- احببته رغم تكبري الحلقه الحاديه عشر