خيانه الحلقه العاشرة

الحلقه 10

صحه فطورهم حلواااتي❤️❤️

نورس:مؤيد ت….اه هوا انت نسحابه خوك
نزار:??قعد واقف مصدوم
نورس:تتمايل ع الباب وتضحك…خيرك؟
نزار:وصلاته ريحة عطر نورس يلي كانت قوووويه هلباا
نورس:الف مبروك حقا متلاقيناش حني اااحح رجلي شنو قرصني …وطبصت تشوف في رجلها ع اساس والروب قصييير ولما طبست الدنيا كلها باينه
نزار:مقدرش يغض بصره عليها قعد واقف يتفرج عليا والصدمه كانت مانعاته حتا يرمش
نورس:يالله سلملي ع اموره مرتك الحلوه …وصكرت
نزار:وقت تصكر الباب بس فقت ع روحي كأني كنت مخذر وهيا قدامي استغفر الله ….مسح وجه بي يديه وركب الشقه

مؤيد:فتح باب الشقه وخش….نورررس نونو وينك
نورس:تعالا هني
مؤيد:خش دار النوم …شن ها الجمال كله??
نورس:ادير في مناكير …شافتله وبتسمت?
مؤيد:قعمز جنبها…ياحليلي انا ع ريحة يلي محتله الشقه كلهااا …وقرب منها
نورس:مؤيد بعد والله معندي نيه في حاجه وتاعبه من المحضر ره خليني
مؤيد:اي صح عندك حق اكيد تاعبه بس طلعتي احلا وحده فيهم كلهم اكيد
نورس:عندك شك فيها هادي ?
مؤيد:هههههه شنو نطلعو ندهورو بكرا
نورس:مخاطريش والله
مؤيد:ع راحتك مبكري هدرزت مع نزار وقالي بكرا بيمشو لي قريه سياحيه
نورس:اي حبيبي خلينا نمشو معاهم
مؤيد:كلمة حبيبي فرحااه بس محبش يركز ع الكلمه قدامها….بس عما ماشيين غادي خلينا نختارو مكان تاني
نورس:لاااا بالله عليك مؤيد اول مره نطلب منك شي بعدين بلعكس نحب نكون مع بنت خالتي
مؤيد:من عيوني
نورس:سلملي عيونك ياربي

جمال نورس كان عامي عيون مؤيد علي كلللل شي وحبها بجنون وكان فرحان بيها هلبااااا حتا امه كانت تتغاضا ع كل موقف حقير اديره نورس او كل مره ترد الكلام لانها حلوه والناس كلها حاسدتها ع كنتها

نزار:السلام عليكم
اميره:وعليكم السلام حبيبي وينك عطلت
نزار:قعد يتفرج ع اميره….كانت لابسه روب ابيض طويل بس مفتوح من الجناب كانت حلوه وكيوت بس نورس احلا بي هلبااا?قعد نزار يشوف لي اميره وفي عقله يقارن في جمال نورس وجسمها بي جمال اميره
اميره:حبيبي حبيبي وين مشيت
نزار:ها?
اميره:خيرك في شنو تفكر
نزار؛ولا شي بس تاعب
اميره:باساته سلامت قلبك يا عمري انت هات الجاميت متعك وبدل عشان تتريح
نزار:ابتسملها وباسها ع راسها…ربي يخليك ليا
اميره:ولا يحرمني منك يا قلبي انت

ابتهال:قعدت طول الوقت مقعمزه في الصالون رقدت شهد وسكرت ضي الحوش وقعمزت نفكر ونفكر ونفكر بي هدوء لين خذيت قراري وقعمزت نستنا في عصام

عصام:السلام عليكم
ابتهال:شابكه يديها في بعض قامت عيونها…وعليكم السلام
عصام:خيره الحوش مضلم هكي
ابتهال:وقفت فتحت الضي ورجعت لي الصالون
عصام:نحا كندرته وجي بيخش لي دار النوم
ابتهال:عصاااام
عصام:تلفتلها….نعم؟
ابتهال:نبيك 5دقايق في موضوع
عصام:شن فيه راهو مروح تاعب متنفخيليش دماغي بي النكد متعك هوا
ابتهال:متخافش حاجه تفرحك
عصام:ضربه الفضول تنهد …وقعمز ع الصالون…..فرحيني هي
ابتهال:تشوفله بي نضرات غريبه
عصام:تكلمي
ابتهال:عارفه من اول يوم انك مش طايقني بس قلت يالله يمكن يتعود عليا
عصام:مب……
ابتهال:خليني نكمممممممل
عصام:رفع حاجبه وسكت
ابتهال قلتلي بي فمك ان قلبك قاعد معلق في طليقتك وانا كل يوم نسأل في روحي لو يحبها علاش يطلقها وياخذني ؟؟….بس توا معش يهمني
عصام:شنو يلي يهمك
ابتهال:انك اطلقني لان كل شي نتحمله ولا نعيش مع واحد رح يخوني بعدين
عصام:عيونه نفتحووووو من الصدمه
ابتهال:اي عارفه امس شنو بعتتلك في المسج وكنت فايته جنب فونك بي الصدفه وعارفه لو اطلقت رح تقعد ع علاقه بيها لين تطلع من العده وتاخذها وانا مستحيل نرضى بحاجه زي هكي ياسر رضيت بي ضربك وهزايبك فيا
عصام:شنو يلي يريحك؟
ابتهال:طلقني
عصام:قعد ساكت ويشبحلها
ابتهال:بصوت مخنوق…طلقني عصام
عصام:تنهدددد وبعد وقت نطقها….انتي طالق
ابتهال:تنهدت بوجع وسكرت عيوني ?…نزلت منهم دمعه سخوووونه كأنها طالعه من بركات قلبي بس تماسكت وفتحت عيوني لقيته واقف يشبحلي
عصام:نزل عيونه …..خليك اليوم راقده عند شهد وبكرا نروح بيك
ابتهال:بدون منرد عليك مشيت لي دار وقعدت نبكي طول الليل ع حضي ونااااادمه ياريتتني مسمعت كلام الناس تجوزي وندادك بصغارهم وحي عليك يفوتك القطار?ياريتني قعدت في حوش بوي معززه مكرمه بداش منه الجواز يلي بيطيح قدر المرا ويخليها متسواش
ي حوش مهند:
هبه وهديل مقعمزات في وسط الحوش يهدرزو مع امهم علي اجراء المحضر ومهند يتعشى

حنان:مصلي ع النبي الله وحد عيلتنا عراس في جرت بعض
هديل:حق اقسم بالله لين معش عرفنا شن نلبسو
مهند:ياكل وفمه معبي….قعدولك غير بناتك وحده تشبه عبد الله والتانيه تشبه خالد الاحول
هبه:خف علينا يا توم كرووووز
حنان:لا عاد يامهند مجبتش فيها هادي بناتي الله يبارك عليهم حتا في مراء خطبتهم اليوم بالك يجو سلفات
مهند:الله يعينهم
حنان:مبكري تلاقيت مع سالمه قتلي عزوزة ملاك بتجي غضوا يحددولها العرس
مهند:حط الكاشيك وسررررح…
هبه&هديل:قعدو يشوفو لي بعض
حنان:ان شاء الله غير مش توا العرس بس خلي ناخذو متنفس
هبه:قعدت تغير في الموضوع ….اي قولي امي علاش مجتش ابتهال اليوم
حنان:راجلها واعر شكله
هديل:تراقب في مهند
مهند:مدارش اي ردة فعل وكمل ماكلته لين خواته استغربو

ثاني يوم✨✨✨❤️❤️

نورس:ناضت نااشطه ع اساس من صبح ربي وتت شنطتها وبضاعتها هيا ومهند وفطرو

نفس الشي عند اميره يلي كانت بتمووووت من الفرح لانها ماشيه مع حبيب القلب صح مش شهر عسل بس حتا سبوع يكفيها

ابتهال:اول مفتحت عيوني صليت وخذيت شطنه حطيت فيا كلللللل حوايجي وسكرتها وخذيت شنطه صغيره حطيت فيها عطوراتي وكريماتي والحجات الرقيقه وطلعتهم خليت شهد قاعده راقده بستها وركبت السياره وعصام ركب الشناطي في السياره ومشينا

نورس:طلعت مع مؤيد قدام الشقه وبصدفه كان نزار طالع هوا واميره كانت نورس لابسه سروال جينز ضيق لونه ازرق فيه مسحات بي الابيض مع بلوزه طويله شوي لونها فوشي داكن وكندره وشنطه نفس اللون ووشاح ازرق هادي ع لون السروال مكياج خفيف بس روج وعطر قوي وساعه ذهبيه راقيه ومناكير فوشي طالعه تهبل الحقيره طبعا مؤيد كان في داخله مش راضي ع لبستها بس مكلمهاش

اما اميره كانت لابسه عبايه عرايسيه حلووه لونها بيج وفيها بطم كبار لونهم زيتوني وشنطه ورشاح وكندر ع اللون زيتوني مكياجها لين مش واضح من كثر م هاادي ولابسه ذبلتها وحديده بسيطه

اميره:ابتسمت …صباح الخير نورس ومؤيد ?
نورس:بدون نيه…صباح النور
نزار:شنو طالعين حتا انتم☺️
مؤيد:اي والله حكيت لي نورس امس علي القريه السياحيه وعجبتها ف قلنا نمشو حتا حني
اميره:ملامحها تغيروووو…بتمشو معانا؟
نورس:اي في مشكله؟?
اميره:كمدت غيضهااا وشافت لي نزار وهيا معصبه….لا بلعكس شرفتو …انا بننزل نسلم علي عمتي نزار
نزار:تمام
اميره:نزلت وهيا قريب تنفجر وكانت فاهمه حركات نورس كووويس

مؤيد:محس بي شي ونزل الشناطي هوا ونزار لي سياراتهم

اميره:خشت سلمت علي حميده ام نزار ومؤيد ….كيف حالك عمتي شن اخبارك
حمديه:الحمد الله في خير ونعمه بنتي
اميره:كيف حالك دعاء
دعاء:شافتلها من فوق لا لوطه …مليح

طبعا دعاء هاذي اخت نزار ومؤيد الصغيره وشطانه هلبااا ….بعد شوي خشت نورس

نورس:تسلم ع حمديه…هلا عمتي شنو اخبارك
حمديه:اهلا بي الزين اهلا اهلا الله يبارك ع الجمال الحوت عليك ياغاليه يامرت الغالي
اميره:حستها??
نورس:ميف الحال دعاء
دعاء:حطت يديها في نصها مليح حالي شنو حتا انتي طالعه
نورس:طبعا بنطلع
دعاء:وهكي مخليك تطلعي خوي
نورس:بالله عليك؟؟؟؟تعالي ربيني وخلاص مصح خليقتك شن دخلك انتي ?يلا ماما إلتزمي حدودك خير منقلب الدسكه معاك ايوااااه
دعاء:خافت وقعدت تشبح لي امها ((دعاء مكانتش تعرف ان نورس لسانها طويل ووقحه وعادي ترد ع اي حد))
حمديه واميره مصدووووومين في اسلوب نورس
نورس:عليك شكالات ع الصبح يلا عمتي تركتك بي خير ….وطلعت
حمديه:قعدت تحاول ترقع في الموقف ….نورس مسكينه واضح عليها تاعبه شكلها خلوقها في حكه وانتي زدتيها يافرخه تو باهي هكي عجججحبك
اميره:ضحكت بهزوه في خاطرها…هي عمتي متبي شي
حمديه:منبي شي …وقلبت وجها
اميره:كمدتها في قلبها وطلعت

طق طق طق
ايناس(اخت ابتهال):هيا هي
طق طققققق
ايناس:تي جايا جاااايا م…..ابتهال?
ابتهال:طوووول طاحت في حضن اختها وقعدت تبكي بلعبره
ايناس:خيرك ابتهاال ابتهال حبيبتي
حواء:منو يا….بسم الله خيرها بنتي
ابتهال:بدي صوت بكاها يعلا في الحوش وتحضن في امها
حواء:بدت تبكي حتا هيا مش فاهمه شي….يابنتي متوجعيليش قلبي خيرك احكيلي فهميني شن فيك بس
ايناس:سكرت الباب وقعدت ادخل في ابتهال هيا وامها لين قعمزو في الصاله وابتهال تبكي بعبرتها
حواء:تكلمي وراس بنيتي كل حاجه ليها حل صدقيني كله ينحل
ابتهال:صوت بكاها كان عااالي وحاضنه امها….طلقني يا امي ??????
ايناس:من الصدمه حطت يدها ع فمها وحواء وجها تغيييييير وراح الوان الوان معش عرفت حتا شنو ترد تبكي مع بنتها وبس

خلينا نشوفو شن صاير مع ساره المكسوره?او بي الاصح نختصرلكم شن صار معاها من يوم روحت للمحضر ناضو عليها اعصاب معده ومعش قدرت تاكل شي واوي شي يخش معدتها حشاكم ترجعه لين صارلها جفاف ورقدوها في المستشفى

في سيارة نزار:-
نزار:يسوق وطووول الطريق نورس وجمالها واناقتها وعطرها بين عيونه مقدرش يطلعها من راسها

اميره:طول الطريق تفكر في اللقطات يلي دارتها حمديه وقداش واجعتها لما تفضل في نورس عليها رغم ان اميره تعامل فيهم احسن من نورس بي الف مرررره

في سيارة مؤيد:-

نورس:كانت عارفه انها خطفت انضار نزار وكانت فرحانه بي الشي هاذا وتعتبره انجاز ليها
ومؤيد طووول الطريق فاتح اغاني وشادلها يدها بس هيا سارحه في عالم تاااااني

عند ملاك ?

ملاك:ناضت بكري وقاااالبه الحوش لان بتجي عزوزتها وحماتها اليوم يحددو العرس ضمت الخوش وبخراته ووتت الضيافه وامها قريب اطير من فرحتها بس ملاك كانت بتموووت من داخل لان وصلت لي مرحله متقدرش تتراجع فيها ?

وصلو نزار ومؤيد للقريه دفعو التكاليف وكل واحد خذي الغرفه متاعه

حواء:فهميني شن صاير توا وحده وحده عليك
ابتهال:مسحت دموعها وتنهدت….من البدايه مكانش يبني وضربني كم مره بس محكيتش ?معش قدرت نعيش معاه
ايناس&حواء:نصدموووو من يلي سمعوه لان ولا مره ابتهال حسستهم انها مش مرتاحه

ملاك:لبست قفطان حاير بسيط لونه وردي كمامه طوال واصرت عليها امها تخلي شعرها مفتوح مع مكياج بسيط رغم انها حلوه بس كان في شي ناقص…..اكيد الضحه ع وجها هيا يلي مهناش

المهم قدمت ملاك الضيافه لي عزوزتها وحماتها وقعمزت تساير فيهم لين سمعو برا دووووشه كبيرااااا ورصاص….يتبع