خيانه الحلقه السابعه

نورس:خشت للمربوعه وع اساس متحشمه وقعمزت قدام مؤيد
مؤيد:كيف الحال
نورس:الحمد كيف حالك انت
مؤيد:بخير والله….مشاء الله حلوه ربي يبارك
نورس:تسلم?❤️

طق طق طق
ساره:السلام عليكم
مؤيد:اهلا بي المشفشفه
ساره:ابتسمت …تفضلو القهوا
مؤيد:كيف الحال سريوه
ساره:الحمد الله شن اخبارك انت
مؤيد:ماشيه الامور اهو بنولي نسيبكم وديمه عندكم?
ساره:انستنا ياالله نخليكم انا…وطلعت

وقعدت نورس تاخذ وتعطي مع مؤيد ولابسه وجه البراءه

ساره:طلعت للحمام طول وقعدت تبكي…..لو اعترفتله بس?لو قلتله اني نبيه لو قلت لي نورس من قبل مكانش صار هاذا كله??بكيت وقلبي محروووق كيف رح نتحمل نعيش بس كيف رح نتحمل نشوف اختي مع الانسان يلي حبيته وحافضه كل شي عليه???

ابتهال:لبست شهد ودرتلها شعرها وبدلت حوايجي حتا انا وساويت روحي
عصام:طالع من داره يساوي في جاكيته قام حاجبه…وين ماشيه انتي؟
ابتهال:اهلي بيجوني ع خاطر يدي
عصام:تمام وين شهد
ابتهال:تلعب في دارها كتبتلك شوي حجات ناقصه في الحوش تبي تجيب باهي متبيش براحتك
عصام:شهددددد شهدددد
شهد:جت تجري …نعم بابا
عصام:هيا تعالي
شهد:وعروسه تمشي؟
عصام:لالا
شهد:لانبيها?
عصام:خلاص عاااااد بلا دلع بنات قدامي تحركي
شهد:خافت سكتت وطلعت معاه
عصام:شاف لي روحه اخر مره في المرايه وطلع وسكر الباب
ابتهال:تنهدت بكسرت خاطر ?لابس ومتأنق اليوم ع خاطر ماشي لي طليقته به لو قاعد قلبه معاها ليش طلقها بس

كملت زيارة مؤيد وروح هوا وامه وكان فرحاااان هلبا لان نورس قنينه وتبان طيوبه هلبا والاحلى من هاذا كله انها موافقه وخذت وعطت معاه هلبا في الكلام وكانت راااقيه❤️

عصام:وصل للحديقه العامه وبدت شهد تلعب وهوا مقعمز ع الكرسي يستنى في طليقته توصل

ترن ترن ترن
عصام:قلبه دق….الوو
سماهر:اهلا عصام وين انت
عصام:جنب الالعاب
سماهر:اهاا شفتك اهو جايه هي
عصام:شافها جايه من بعيد وقلبه يرقص من فرحته❤️
سماهر:سلمت عليه..عصام ع اساس مش مهتم
شهد:ماما ?….وجتها تجري
سماهر:ياعمرررى?وقعدت تحضن في شهد وتبوس فيها
عصام:ع اساس لاهي في تالفونه ومره مره يخطف في نضره ليها
سماهر:يالله تعالو نقعمزو تحت المضله
عصام:اسبقوني نجيب حجات ولاحقكم
سماهر: اوكي

نورس:مقالوش العرس امتا ؟
خديجه:تي خيرك بتهبلي انتي ارزني شوي
ساره:تقريبا شهر4مع نزار
نورس:??اي صح
خديجه:خلي انوض ندير الشاهي لي بوكم انا…وناضت
ساره:نورس
نورس:لاهيا في تالفونها….ها
ساره:عارفاتك ناويه ع شي والفرحه يلي عايشتيها توا مش ع خاطر مؤيد ع خاطر في شي في راسك بديريه لي نزار ولقيتي فرصه
نورس:كملتي تعبير?
ساره:نبي نوضحكلك بس لو كان كلامي صح وانتي تفكري هكي بجد حرام عليك مؤيد ميستاهلش
نورس:لا اطمني مش حاطه حاجه زي هادي في بالي المهم اليوم العشي عليك انا بنكلم خطيبي ياحنه?
ساره:ابتسمت …ربي يهنيك?
نورس:ناضت من جنبها
ساره:تنهدت ومسحت بي يديها ع وجها وناضت

حواء:بعيد الشر يابنتي عين والله طالعه زي الغزاله في بيان اميره
ايناس(اخت ابتهال):حق والله صدقت امي عين
ابتهال:يالله بسيطه☺️خلي نديرلكم قهوا
حواء:تي قعمزي قهوة شنو اهو تنوض اختك اديرها
ايناس:اي ياحنى ولا خايفه علي اماعينك الجدد ياكبدي
ابتهال:ضحت …ههههه بارده بري المطبخ?
ايناس:نحت وشاحها وناضت
حواء:بصوت واطي شوي….قوليلي شن امورك مع عصام وبنته
ابتهال:الحمد الله البنوته محلاها يا امي ياريتك تشوفيها
حواء:علاش وين هيا
ابتهال:رفعها لي امها اليوم خميس لان
حواء:يشوف فيها طليقته?
ابتهال:والله منعرف
حواء:يا هبله لحلحي روحك وحافضي علي راجلك
ابتهال:ان شاء الله متشغليش بالك

عصام:جاب كيكات وعصائر وبيتزا وجي تحت المضله قعمز جنب سماهر وشهد
سماهر:كيف حالك انت عصام
عصام:قلبه يرف عليها بس عزة نفسه خلاته قااااسي من برا…..تمام بخير
سماهر:دوم ان شاء الله انا مضايقه الايام هاذي
عصام:ليش شن في ؟
سماهر:رفعت قضية طلاق ع راجلي
عصام:انصدم وفرح ?
سماهر:يمد في يده كم مره واخر شي منعني نشتغل رفعت فيه قضيه رغم خوفي من الناس ونضرتهم ليا اني اطلقت مره تانيه بس المهم راحتي اي حد يمد يده ع مراء ميجيش راجل
عصام:اهااا ….واذكر لما ضرب ابتهال?…..يالله ربي يقدم يلي فيه الخير
سماهر:يمكن بعد وقت نتحسن ونرجعو عيله وحده
عصام:معش عرف شنو يرد وفجأه تكلمت شهد
شهد:ماما عندنا عروسه في حوشنا
سماهر:شافت لي عصام….كيف مرتم الجديده معاك
عصام:بخير اهو دف تولع
شهد:بابا ضربها العروسه وهيا تعيط هلبا حتا انا قعدت نعيط
سماهر:نصدمت ?….ليش
عصام:شهد نوضي العبي
شهد:خذت عصيرها ومشت
سماهر:شن فيه
عصام:شي عمي مخشتليش دماغ وخلاص صكري عليا السيره هاذي
سماهر:اوكي وقت تحب تتكلم عادي
عصام:يصير خير
سماهر:سكتت وكانت فرحانه ان عصام مش متريح مع مرته الجديده يعني في احتمال يردو لبعض

ابتهال:ونبي اقعدو تعشو بالله عليكم
حواء:والله منقدر عارفه بوك ميحبش يتعشى برا الحوش
ايناس:تو ندير عليك دوره مره مره
ابتهال:ان شاء الله تعالو كل فتره
حواء:ان شاء الله هي بسلامه
ابتهال:سلمت عليهم…في حفض الله …فتختلهم الباب بصدفه جي عصام وشهد

حواء:اهلا عصام كيف الحال
عصام:ابتسم هلا هلا مرت عمي كيف حالكم
حواء:الحمد الله بخير
عصام:شن جو ايناس
ايناس:الحمد الله اهلا شهوده العسل
شهد:☺️
عصام:وين ماشين اقعدو تعشو
حواء:لا والله مره تانيه ان شاء الله تو نجوكم عير توا عمك الحاجه ميبيش يطلع ومنقدرش نخليه بلا عشي
عصام:بع ع سلامتكم في اي وقت
ايناس:سلامات
حواء:هي بسلامه ودير بالك ع بنتي راهي امانه
عصام:جت عينه في عين ابتهال….ان شاء الله يامرت عمي
حواء:هي تصبحو ع خير ….وطلعت

شهد:جت تجري حضنت ابتهال….عرورسه
ابتهال:وين مشت شهوده الحلوه?
شهد:مشت انا وبابا لي ماما قعدت نلعب وهما هدرزو
ابتهال:?هي نبدلر حوايجك ياقلبي
شهد:هي

عصام:خش لي داره وهوا يفكر في الف فكره لو رجع سماهر شنو يصير في ابتهال وهيا مصكرتش عنده حتا اسبوعين؟؟

نزار:عجباتك؟
مؤيد:مشاء الله عليها البنت الحق قنينه
نزار:به سألت عليها
مؤيد:مفيش داعي لانها اخت بنيه تقرا معاي والحق عيله كويسه هما
نزار:به ربي يكمل عليك
مؤيد:وعليك ان شاء الله

نزار:في البدايه مكانش مهتم بس قعد يفكر في كلام اميره يعني نورس صح يمكن ندير شي وتخرب عليهم حاول يقنع خوه ان يسأل عليها او اي شي بس مفيش فايده

ابتهال:خشت لي دار النوم فتحت شعرها ورقدت ع السرير
عصام:قعد يشوفلها ومفهمش يشوفلها بي اي نضره؟نضت المسكينه يلي نضلمت ولا تضرة انها العائق بينه وبين سماهر حبيبة قلبه

ايتهال:صكرت عيوني وانا نفكر زعما شنو رح تكون نهايتي ؟زي الروايات والافلام في النهايه يحبني ونعيشو حياة حلوه وينكسر قلبي اكتر من قبل؟

في النهايه كل واحد منهم تلفت لي جيها ورقد

ملاك:مفيش شي جديد في حياتها غير انها تتعذب كل يوم امتر من يلي قبله بين مهند يلي يحاول يرجعها وبين خطيبها يلي مش معدل عليها واحتمال يكون العرس قريب

تسريعفيالاحداث

حددو عرس نورس واميره بعد شهرين وفي الرقت هاذا اميره بين بتاتها وتحضيرات العرس وخوفها من نورس بذات لما اصر بو اميره يكون عرس واحد يعني عرس اميره ونورس مع بعض في تفس الحوش ونفس الصاله بكت هلبا اميره وحاولت تقنع بوها بس مفيش فايده ويلي كان مصبرها ع هاذا كله كلام نزار وحبه ليها

اما نورس كان بتاتها كامل من خطوبتها الاولى مشغوله في تحضيرات العرس بس ومؤيد مسكين مش عاطي فرحته لي حد وساره كل ليله تبكي

ابتهال:حاولت اكتر من مره تتقرب من عصام ويحبها بس مفيش فايده كل مره كانت تفشل اكتر من يلي قبلها حبتها شهد وحبتها عيلة عصام كله بس هوا لا قاعد قلبه عند طليقته

هبه وهديل كل يوم في الهم ونهار الاسود والخوف من خوهم مهند لان ناري ع شي يديره لي ملاك شن هوا؟الله اعلم

اسبوع العرس..
الناس كلها تحكي ع العرس هاذا يقولو مشاء الله بنات العم والعيله كيف متفاهمين وعراسهم مع بعض الله يبارك وهما مش عارفين شنو فيه تحت منضر العيله الحلو

لبسو البودري مع بعض ومشاء الله كان عرس كبير بكل وجو البنات باتو كلهم والاقارب وابتهال حتا هيا جهزت لبسها ومشت ورفعت شهد معاها

طبعا في حوش العرس جت حنايا وابتهال تركها حنه لا ركابها ومرافقها وطلعت عليها تجنن والبنات دارو حنه بسيطه في يديهم من غير المزينات يلي جو شمعه وفتله وصبغه انتم عارفين جو الاعراس عاد الحوش ينقلب مركز تجميل?

يوم الفاتحه كانو مجهزين تورته وشاهي وحلويات ع اساس لما تنقرا الفاتحه بيجي نزار ويصور هوا واميره وهيا لابسه البودري

في حوش نزار حتا هوا نفس الشي عرس كبير بككككل وزوز ولاد وشققهم مقابلين بعض وفوق حوش بوهم والفرحه لاتوصف

قرو الفاتحه ووزعو باكوات الحلاوات وطلعو الرجاله كلهم لابسين عربي.بنووتة الشيخ:حليلي قداش نموت في المنضر هاذا انا ??

المهم بدي يعلا صوت الدربوكه في حوش اميره ونورس ع خاطر قرو الفاتحه ع خير ودارو البنات شوط مقوم وهياجه وجو مش عاااادي

خشت اميره للمربوعه وجي نزار قعدو يصورو لقطات جنب التورته وتخش عليهم نورس نفس لقطة البيان ….يتبع