خيانه الحلقه الخامسه

الحلقه5

يابنات القصص يلي في الروايه كلها حقيقيه ❤️

المصوره:ايواااا بزبط اميره خلي يدك اليمين علي نزار
اميره:تمام ☺️
نورس:فتحت الباب وخشت
اميره:???
نورس:دارت روحها متفاجأه ..?اووبس اسفه نعلمش بيكم هنايا جيت بناخذ وشاحي
اميره:مصدومه وغصصصه في قلبها ونزار معش عرف شنو يقول
نورس:خيرك اميره ؟….قصدك ع خاطر لابسه قفطان قصير ههههههه عادي خطيبك شايفني في حجات احرف من هكي احكيلها نزار احكي يلا باي …وطلعت
المصوره:بلعت ريقها ومش فاهمه شي
اميره:من الصدمه والملام يلي يوجع جت مقعمزه
نزار:مسك يديها ….مدوريهاش هادي وحده فاسده وتبي تخرب فرحتك حبيبتي
ااميره:بدت ترعش وعيونها دمعو
نزار:اميرتي انتي اهدي …وقعد يحضن فيها ….لو سمحتي ترا مديلي الميه جنبك
المصوره:تفضل ….اهدي حبيبتي اهدي
وقعد نزار خايف ع اميره ويحكي معاها يبها تهدا لان مسكين كانت ترعش وخايفه بتمووت ?

نورس:رجعت قعمزت مع البنات في الطاوله ومل وحده فيهم عندها هم وعندها مشكله تفكر فيها اصلا هكي في كل عيله لا زم تلقى حجات زي هكي ?

هبه:شن جو الزواج معاك يا بتو
ابتهال:ساااارحه تفكر….انا لا امتا هكي بيقعد حالي معاه؟مفروض توا عروسه احلا ايام حياتي زعما مزال يمد عليا يده؟؟زعما نصبر وتكون نهايتي زي الروايات والمسلسلات ويحبني؟زعما ….
هبه:ابتهااااال
ابتهال:انتبهت هااا?
هديل:اختي ليها ساعه تكلم فيم وين هايمه
ملاك:في الحب بالك
ابتهال:ضحكت بهزوه وهزت راسها
خشت نورس ترقص وتضحك وتتباها بي جمالها قدام اهل العريس صح كانت ابستها لاصقه وعريانه هلبا ومكايجها اوڤر بس محدش ينكر انها طررررف
طول الوقت وعيون ام نزار علي نورس وبس ونورس كانت تزمزكلها تجيب في الميه والعصير وغير شن تبي بسس

نزار:ماسك يدين اميره…خلاص حبيبتي هدت ولا مزال؟
اميره:الحمد الله
نزار:تي وراسك نشوف فيك سيدت سيدتها مدوريهاش ولا تهزلي شعره وراسك ياعمري انتي
اميره:ابتسمت…..ربي يخليك ليا
نزار:مسك يدها هيا نطلعو لبسك دبلتك قدامهم كلهم
اميره:حست بي نزار مقويها وسند ليها راح الخوف كلها وطلعت معاه ❤️

لان البيان كان كبير هلبااا خشت هيا ونزار زي العرسان بي الزفه والكل تغطا إلا نورس وامها كانت قريب تموووت مسكينه تعبت وهيا تفنص بس مفيش فايده للاسف حتا ساره حاولت تدخل بس سمعتها نورس وسخ ودانها

قعد نزار لاهي في اميره ويحاول ميشوفش لي نورس لبسها الذبله وكلهم يصفقو وقصو التورته والعصير .بنووتة الشيخ:اذكرت بياني يا حليلي?وووه علي الشعور العقبه ليكم كللللكم بجاه النبي نرجعو لي الروايه دوتي هلبا بي سلامتي?

قعد نزار واقف جنب اميره وجت الدنيا كلها تصور معاهم عارفين عاد كلهم يبو يطلعو في الصوره المهم بعد ماكملو باسها ع راسها وطلع ونورس تشوف بي نضرات حقددد

ناضو البنات كلهم سلمو ع اميره وباركولها ورجعت كل وحده لي كرسيها

ترن ترن ترن
عصام:بدون نيه…ها
ابتهال:بصوت واطي…البيان تم لو بتجي تروح بيا
عصام:اففف معنديش نيه انوض شوفي خوك ولا اي حد الصقي معاه
ابتهال:نصدمت…عصام شن الكلام هاذا مكناش متفقين هكي بعدين اني مجتش اليوم
عصام:جايك واااتيه تكوني تستني فيا ره
ابتهال:قامت راسها جت عينها في عين ساره ?
ابتهال:ابتسمت ….تمام ☺️وسكرت

هبه:بنات ينمشي نجيب كيكه محلااااها
هديل:نايضه حتا انا
ملاك:لاهيا في فونها ومسجات مهند يلي معش بطل يهدد فيها مستحيل ياخذك غيري
ونورس :مقعمزه جنب ان نزار وتهدرز

جت ساره بمل هدوء جنب ابتهال وحطت يدها ع كتفها
ساره:بتو خيرك حاسه بيك مضايقه ؟
ابتهال:لا شي بس تاعبه مش راقده كويس
ساره:مرتاحه حبيبتي؟
ابتهال:الحمد الله وتنهدت
ساره:شنو البنوته جوها معاك
ابتهال:عسل البنوته كيوت ومتفاهمين بس ان شاء الله حتا بوها نتفاهم معاه
ساره:ابتسمت …كله يجي بصبر❤️
ابتهال:يارب

مسجات ع تالفون ملاك :-
مهند?:ملاك اطلعي نبي نشوفك
ملاك:حرام عليك خليني في حالي مهند طلعني من رااااااسك علاش تعذب فيا معاك
مهند:اطلعي نحكو
ملاك:مفيش شي نحكيه معاك ومعش تتصل بيا
مهند:ملاك معش تسكري راسك معاي اطلعي ورا الحوش
ملاك:تنهدت بوجع?وحطت رقم مهند في الحضر

تم البيان وروح كل واحد لي حوشه

ابتهال:ركبت في السياره مع عصام ونزلت خمارها
عصام:شن الريحه يلي حاطتيها مغطيه الشارع كله شنو من تبيه ينتبهلك انتي
ابتهال:سكتت وانا قلبي يغلي منبيش ندير مشكله معاه حطيت طرف البكلاوه ع السياره وربعت يديا
عصام:بهزوه…شنو جو المتزوجين هوا جايبتيلي طرف بكلاوه ع اساس حسبتك
ابتهال:مش ليك هادي لي شهد
عصام:معرفش شنو يرد عليها قعد يعلي في صوته….انتي شكلك استانستي وبديتي اطولي في لسانك عليااااااا متخلينيش نمد يدي عليك مره تانيه ره
ابتهال:تحملتها في روحي وسكتت لان النماذج هادي لو تردي عليك بتولي انتي الغالطه

روحت نورس واختها ساره للحوش وبدلو حوايجهم

خديجه:حشم حااااالك متقوليليش خيرك انتي اليوم شن جاك
نورس:اففف تي عادي بعدين هوا خطيبها شن بيشبحلي انا والدنيا نو اصلا ياريت حتا فيه تكييف
خديجه:مش مبرر هادا والشي هاذا يتكرر عند خوك جلال والله ميرحمك ره ومش رح نشده عليك
نورس:قلبت وجها …به
ساره:فنصت فيها…قتلك ولاااا
نورس:ضمي فمك انتي مدخلكش
خديجه:المهم في حاجه ومنبيكش تعارضي طول فكري قبل
نورس:ع من تحكي
خديجه:عليك
نورس:شن فيه
خديجه:حليمه ام نزار خطباتك لي ولدها الثاني
نورس:فرررررررحت اخيرا يلي تبيه صار
ساره:حطت يدها ع قلبها…مم م منو من ولادها؟
خديجه:مؤيد
نورس:ابتسمت لي امها…امتا بيجو
خديجه:غريبه متوقعتش همي ردة فعلك
نورس:عادي بلعكس
ساره:نجيب الشحن تالفوني بيفصل….وناضت
خديجه:قالت بدير عرس واحد نزار ومؤيد
نورس:خلي نشوفه بعدين ساهل

سارع:خشن لي الدار وهيا اطمن في روحها يمكن مؤيد يلي تحبه وميعلمش قداش تموت فيه موافقش ع اختها ?

ترن ترن ترن
مؤيد:ها شفشوفه
ساره:بصوت يرعش…كيف الحال
مؤيد:تمام خيره صوتك
ساره:شي بس الدار مسكره ومكيف لين صقعت
مؤيد:اهااا شن جو البيان
ساره:تمام
مؤيد:نزار من بكري حاشي وذنه في التالفًون ???
ساره:ضحكت بسيف….سمعت بي امك منو خطبتلك؟
مؤيد:اي حقااااااا نسيت مقتلكش توا كيف كانت تكلم فيا
ساره:شن رايك
مؤيد:والله اختك سمحه يا سريوه انا معارضتش بس منعرفش رايها هيا
ساره:?????????????
مؤيد :الووو ساااره
ساره:سكرت التالفون وقعدت تبكي حاسه بي نااار في قلبها مش مصدقه ولا متخايله مؤيد مع اختها ?

اميره:لالا احسن بعد لبست الذبله❤️
نزار:دوووووم ياعمري انتي والف مبروك علينا
اميره:ربي يكمل علينا بلخير يااااارب
نزار:ان شاءالله ياعمري ❤️

ابتهال:خشي لدار نحيت عبايتي ووشاحي وكيف حايه بنغير حوايجي نسمع في عصام ينادي
عصام:ابتهاااال ابتهاااال
ابتهال:من الدار ….نعمم
عصام:تالفونك يشرين تعالي خير منكسره
ابتهال:مشيت نجري استغربت منو يتصل بيا في الوقت هاذا لقيتها امي

ابتهال:اهلين امي كيف الحال
حواء:الحمد الله شن حالك انتي وعصام
ابتهال:كلنا بخير
حواء:شنو جو البيان؟
ابتهال:حلو بس ناقصك انتي وخواتي
حواء:الله غالب بنتي وخيتك مريضه
ابتهال:ان شاء الله تو نجي نشوفها غضوا
حواء:ان شاء الله سلمي ع عصام قلت نطمت عليكن
ابتهال:به اميمتي في حفض الله سلمي ع الكل
حواء:ان شاء الله
ابتهال:سكرت الخط وتلفتت لقت عصام يشبحلها فاتح عيونه فيها بعدها اذكرت انها مبدلتش ارتبكت ….وين شهد
عصام:لوطه لقيتها راقده قلت خلي ترقد علاش انوض فيها نومها بينكسر ا
ابتهال:نوم العوافي….ورجعت دارها

هديل:مسكينه ملاك واضح من وجها تاعبه
حنان:خيرها
هبه:من ولدك
حنان:شنو؟
هديل:فنصت فيهااا
هبه:نحكي ع الضربه يما شوفي ولدك مهند كيف خلا يدي زرقاء
حنان:تستاهلي انتي لسانك طويل

نورس:رقدت ع سريرها والفرحه مش سايعتها وحلفت انها رح تخلي اميره تطلق من نزار حتا لو كلفها الشي هاذا حياتها

اما ساره فكانت تبكي في سريرها بدون صوت وقلبها محروق ومعش ردت ع مؤيد نهائي

ابتهال:بدلت حوايجي لبست توته بيج ناعمه وغسلت وجهي وصليت ورقدت ع السرير لان حاسه راسي بينفجر بعد شوي حسيت بي عصام راقد جنبي وحد يده عليا?….يتبع