خيانه 12

نزار:فتح الباب وحط السله جت نورس فوق السطح وسكرت الباب
نزار:بعدي من وجهي نورس
نورس:تشوفله بخبث……متقدرش تنكر اني اخلا منها صح
نزار:نزل راسه
نورس:قامت راسه بيدهاومبتسمه ع جنب…شوفني وشوف جسمي كيف احلا بألف مره ….عارفاتك خاطرك ف…..
نزار:شد نورس من رقبتها وهوا متكنطي
نورس:مش قادره تتكلمه وخايفه بببعد رقبتي ??
نزار:لعلمك فوتلك حركه واثنين ودرت روحي منشوف في شي لاكن وربي لو تعاودي حركه تانيه ندفك وانتي حيه وحدش يحس فاااااهمه
نورس:بدو دموعها ينزلو بسبب الخنق
نزار:فااااااهمه??
نورس:هزت براسها بمعنى اي ودموعها ينزلو
نزار:حدفها بقوته لين طاحت وفتح الباب ونزل
نورس:تكح وتبكي وكانت ركبتها مجروحه وتنزف

نرجعو لي ملاك شن صار معاها ليلة امس؟?

ع سرير كانت ملاك راقده في حضن مهند مكانش في شي عيب بس كانت حاضناته ومغمضه عيونها وهوا نفس الشي حاضنها ويشم في ريحتها

ملاك:بصوت وااطي…حبيبي
مهند:عيون حبيبك
ملاك:الفجر يأذن نوض تطلع قبل ميجي حد ويشوفك
مهند:قعمز ع السرير وناضت ملاك قعمزت جنبه

مهند:مسك يدها….انا رح نمشي بس حطي في بالك عمري منخليك لغيري لو مهما صار
ملاك:منزلتش عيونها منه ومن مكثر فرحتها عيونها دمعت وحضناته بقوووه…وانا رح نستناك عمري كله
مهند:زاد حضنها وباس راسها….يلا خلي نمشي ديري بالك ع روحك
ملاك:وحتا انت ❤️دير بالك
مهند:قبل مننسا هاذا تالفون خليه معاك عارف انهم خذو تالفونك حطيتلك فيه شفرتي الجديده تو نكلمك نطمن عليك
ملاك:شفت التالفون كان نوعه جلكسي وواضح عليه جديد….ابتسمت ….مهند
مهند:عيونه
ملاك:نحبك
مهند:حط يدي ع شعرها وقربها ليه هلبااا ….لو تعرفي قداش نموت فيك بس

سالمه:ملاااك طق طق
ملاك:?اامممي جت بسرررعه مهند اطلع بسرررعه
مهند:خطف منها بوسها وطلع من البلاكون
سالمه:ملااااااك
ملاك:قلبت سرير ع اساس كنت راقده وشفشفت روحي وفتحت الباب ….نعم
سالمه:خيرك مسكره الباب
ملاك:غيرت حوايجي امس ورقدت نسيته
سالمه:به صلي الفجر اذن بنمشي ندير فطور بوك انا
ملاك:تمام
سالمه:طلعت وسكرت الباب
ملاك:طلعت من جيبها التالفون وحطاته ع قلبها…ااه ياربي دوم عليا الفرحه بسسسس ❤️?

نورس:نزلت وهيا تعكز ع رجلها وتبكي خشت لي شقتها وع خشت مؤيد
مؤيد:نونو خلي ن….خيرك حبيبتي تبكي شن في?خيركها ركبتك
نورس:ركبت ننشر في الحوايج طحت
مؤيد:بعيد الشر بعيد الشر ع قلبي معش تعبي روحك مره تانيه انا ننشرهم كلمني بس استني نجيب مطهر نعقملك الجرح
نورس:هزت براسها وقعدت تبكي

نورس:مكنتش نبكي ع خاطر طحت او لان الحقير نزار رفضني او حتا لان مؤيد طيب ويسخف لااااا بس بكيت من قهرتي معقوله وحده تاااافها زي اميره تخلي نزار ميشوفش لي ولا بنت ?بس انا وياهم والزمان طووويل
مؤيد:خلاص عاد دلوعتي تبكي ع خاطر جرح صغيرون
نورس:مسحت دموعها وقلبت وجها
مؤيد:قعد يعقم في الجرح متع نورس بس مضايق ميف تعامل فيه ?

ابتهال:مفيش اي شي جديد في حياتي بديت منقربه من ربي اكتر من اي وقت فات قطعت الامل من عصام وحتا من غيره خلاص يكفي يلي عشته قررت اول منكمل العده ندور ع شغل يعبيلي وقتي وراضيه بحكم الله مهما كان جوني اليوم بنات عمي هبه وهديل وساره عيرولي حوي الحق قعدنا نذكرو في حجات ونهدرزو ضحكت من قلبي ❤️

خديجه:هي بسلامه حواء نتلاقو عند نوريه تو نكلمك
حواء:سلمك ان شاء الله
خديجه:وهيا تلبس في كندرتها….هيا ياسااااااره وينك
ساره:جايا هي …بسلامه بتو وان شاء الله عند ربي خير متزعليش روحك
ابتهال:حضنتها وقرب من ودنها….ان شاء الله ياساره حتا انتي عند ربي خير منعرفش شن صاير معاك لاكن ربي يجبر بخاطرك
ساره:حست بي غصه ذكرتها بي اخرها وحبيبها ذكرتها في القصه يلي تتناسه فيها لاكن ابتسمت ….ان شاء الله هي سلامات هدوله
هديل:تاكل في سامينسا…سلمك حبي خلونا نشوفوك
ساره:ان شاء الله باي هبوش
هبه:بسلامه عمري

طلعت ساره مع امها وكانو خطوات ويوصلو حوشهم لان زي محكينا في بداية الروايه حوش عم كلهم جنب بعض في قطعة ارض كبيره

ساره:جت بتخش للحوش
خديجه:تعالي هني يابنت اركبي السياره
ساره:علاش وين ع خير!
خديجه:بنمشي نشري شوي حجات هيا بوك يستنا
ساره:به هي علاش لا

خيري:قايم حاجبه وبصوت يخوف ….هاتي الشاهي
ملاك:تفضل
خيري:خذي الطاسه وهوا يشوفلها بنضرات غريبه
سالمه:مقعمزه علي العاله
ملاك:حطت السفره جنب امها وجت بتمشي لي دارها
خيري:تعاااي جاي
ملاك:نعم?
خيري:قعمزي هني …ومن اليوم مفيش قعاد بروحك ومفيش طلوع
ملاك:ان شاء الله
سالمه:تشوف لي ينتها ومتحسره?

نورس:بعد ما مؤيد لفلي الجرح وجابلي شوية حجات رضاني بيهم زهقت من القعده فوق بروحي نزلت لي حوش عزوزتي نشرب في قهوا

حمديه:كيف حال امك ووخيتك
نورس:وين نعلم بيهم ع اساس ولدك يرفع فيا كل يوم يعني ?
حمديه:?….اه اي لا غلط منه ولدي والله غلط تو نكلمه يرفعك هادم اماليك في النهايه لازم تمشيلهم
نورس:ترا يا بنت مديلي المخده خلي نمد رجليا
دعاء:شنو شايفتيني خدامتك يعني
نورس:توا انتي بتقصري لسانك ولا نعرف كيف نقصرهولك ونربيك
دعاء:عاجبك يلي تقووول فيه يماااا
حمديه:فكونا من المشاكل هاك يا نورس المخده اهدي يا دعاءمعش تردي الكلام
نورس: بهزوه…امالا وين سلفتي اميره
حمديه:تغسل في الماعين داخل
نورس:امممم ….وناضت

دعاء:زيدي اسكتيلها الكلبه هادي
حمديه:صكري فمك مرت خوك متع نشاف وانا مش قدها الحجات هيا هني روحك حتا انتي
عاء:نفخت بي غيض وناضت
نورس:خشيت للمطبخ نبي نتسهوك ع اميره ونتصدم?….نشوف نزار واقف يغسل معاها ويضحكو ويبصررو?

اميره:احمم تبي شي نورس؟
نزار:قام حاجبه وقعد ينفخ
نورس:منبي شي تابعي غسيلك انتي وراجلك…وقربعت الباب وركبت شقتها

السايح:خلاص كملتو خذيتو كل شي؟
خديجه:الحمد الله تمام …سويحه
السايح:نعم
خديجه:ورحمت ولديك ارفعني نشوف نورس شويه مبكري تصلت بيها قاتلي طاحت نبي نشوفها
ساره:??لالا اني خليها يوم تاني بنروح انا
خذيجه:هاذا بدل متخافي علي اختك وتمشي معاي??
السايح:به هي منعطلوش لاكن
خديجه:شربة فنجان قعوا
ساره:ربعن يديها وتدعي طول الطريق ياااارب منتلاقاش مع مؤيد من يوم العرس مشفتاش ولا نبي نشوفه منعرفش شن تكون ردة فعلي?

ملاك:بصوت واطي بكككل…انا في الحمام منقدرش نكلمك اليوم لا بعدين
مهند:به مش مشكله تحملي شوي لين نلقو حل
ملاك:ان شاء الله حبيبي
مهند:استاحشتك
ملاك:حتا انا?
مهند:يلا بري متتأخريش عشان ميحسو بي شي
ملاك:ان شاء الله هي
معند
مهند:ديري بالك ع روحك نحبببك
ملاك:نموت فيك

نورس:احلا مفاجأه والله?
ساره:شن مدايره
نورس:اهو حال النفخ نفس الروتين كل يوم
خديجه:طمنيني شن حال مؤيد وعزوزتك معاك
نورس:والله بنسبه لي مؤيد مدلعني غير شنو نبي وعزوزتي ماشيه حالها
ساره:?
خديجه:به الحمد الله

صوت مفاتيح???
نورس:اهو شكله وصل
ساره:انا بنوض ندير قهوا?
نورس:اي سريوا اوني كله تلقيه فوق الدولاب
ساره:تمام ..وناضت بسرعه

خش مؤيد مبتسم وسلم علي خديجه والسايح بو نورس كان يصيلي في المربوعه

نورس:حوايجك ع السرير تلقاهم
مؤيد:ان شاء الله

اميره:اميره:وهيا تمسح في مكياجها وتشوف في نزار من مراية الشكماجه….حبيبي
نزار:لاهي في تالفونه …نعم
اميره:تحس ان نورس لما شافتنا اليوم اضايقت صح؟
نزار:وتضايق تنحرق شن دخلنا؟
اميره؛ربي يكفينا شرها
نزار:يارب ….مدوريهاش طلعيها من راسك
اميره:ان شاء الله

ساره:واقفه جنب الغاز تستنا في القهوا تغلي تسمع صوت وراها
مؤيد:ساره✨
ساره:حست قلبها بيوقف والدنيا ادور بيها معرفتش تقعد متجمده زي ماهيا ولا تتلفت وتشوفه؟
مؤيد:شك ان يمكن متكونش ساره لانها متلفتتش ولا ردت….ساره؟
ساره:تلفتت… ابتسمت بصعوبه …اه اه اهلا مؤيد
مؤيد:مد يد هبيسلم
ساره:سلمت عليه
مؤيد:تي وينك وينك مختفيا انا شب فيك ع الفيس مره مره تشوفي ومترديش
ساره:النت مش شغال عندي ضعيف هلبا?نت الشفره وتعرفه ?
مؤيد:شنو مصلحتيش الواي فاي؟
ساره:لا والله معش لعيت فيه
مؤيد:خلاص لما تجيكم نورس ابعتيه معاها نصلحهولك
ساره:مش ضروري نبيش نتعبك
مؤيد:تعب شنو بالله علي قلبي زي العسل والله ليك وحشه يا بارده
ساره:??????القهوا …طفت النار وحطتها ع السفره وعيون مؤيد عليها …نحسبك ؟
مؤيد:لا صحيتي كيف شارب
ساره:صحتين….وطلعت
مؤيد:كانت في الف فكره في راسه مش مفهومه

ساره:تحملت وكامدتها في قلبي لين روحنا حسيت روحي طلعت من بير مش من حوش اختي ?

نورس:روحت امي وساره وانا بدلت حوايجي ورقدت خليت لين مؤيد خذاه النوم وفتحت الفيس ندور في الناس متع السحر ديمه يقابلو فيا يكتبو في جلب حبيب ومن الكلام هاذا المهم بعتلها مسج وقعدت صاهر نتصفح لين ردت علياا

المرا:اهلين تفضلي
نورس:نبي نتلاقا معاك وديري عمل لي وحده نعرفها وان شاء الله مش رح نبخل عليك
المرا:شن نوع العمل بزبط؟
نورس:والله نبي نفرق اثنين ع بعض بي اي طريقه
المرا:تمام جيبيلي صورتها واي شي تخصها حتا لو نتفه صغيره من حوايجها وبعدين رح نعطيك عنوان تعالي غادي وتجيبي معاك120دينار ك مبلغ مقدم
نورس:ونتائجك مضمونه ولا شنو؟
المرا:ميا في الميا
نورس :تمام ….سكرت الفيس وانا في داخلي مرتااااحه بكل

ساره:حطيت راسي ع المخده وصورته بين عيووووني كيف يسلم عليا صوته ضحكته مش قادره ننساه وحاسه روحي حقيره لاني نقكر في راجل اختي ???مفروض كان راجلي وحبيبي انا بس خلاااص لازم نطلعه من راسي ياااااارب ساعدني??

ملاك:ليلي كله وانا تحت البطانيه بس المره هاذي منبكيش المره هاذي بنموووت من الفرح ونحكي مع مهند لا الصبح

ثاني يوم:
نورس:ركبت للحوايج المنشورات خذيت قطعة قماش صغيره من قفطان اميره ونزلت لي مؤيد

خديجه:علاش الرفض يابنتي جربي ع الاقل خيرك
ساره:الف مره نقولك انا منبيش نتزووووووج خلاص سكريلي السيره عاد
خديجه:زعما دايريلك خطيت يا بنتي؟?
ساره:ياربي صبررررررك بس

تعالو نختصرلكم يلي صار
نورس:كلمة صاحبتي نعرفها من قبل درت روحي استاحشتها والجو هاذا وانا من يوم عرسي مدورتهاش وقتلها ع اساس بنجيها شربت فنجان قهوا ورحبت بيا وطبعا محتجتش هلبا وقت عشان نقنع مؤيد لانه كان مييييت فيا وغير شن نبي لبست ووتيت روحي بس المره هاذي لبست عبايه حتا مؤيد ستغرب وكان فرحان حطني قدام خوشها وخترت صاحبتي هادي بدات لان حوشها بين المحلات درت روحي خشيت الحوش وستنيته لين مشي وخشيت لي اقرب مصور طبعت فيه صورتي انا واميره صورونا في العرس وبعدين خذيت تاكسي ومشيت للعنوان يلي عطتهولي المرا

نورس:خشيت لي حوش المرا وكان حوش ع قد حاله واضح حالتها الماديه تاعبه وستقبلتتي انا التاكسي يستنا فيا برا

المرا:كيف؟
نورس:يعني منبيكش تأثري ع راجلها نبيك تأثري عليها بس تخليها هامله روحها وحوشها تأثري ع شكلها صحتها حجات زي هكي
المرا:امممم بس يكلف
نورس:طلعت سبيكه ذهب من شنطتها دارتهالها عمتها في العرس…وتوا؟
المرا:شدت السبيكه ولقتها رزينه….تم ادللي?
نورس:ابتسمت ع جنب…يالله نستنا في يلي طلبته …..وطلعت رمبت في التاكسي وصلتها حوش صاحبتها ونزلت

بعد ساعتين:-
نورس:جاني مؤيد وروحت معاه وطبعا من فرحتي قعدت ندلع في مؤيد طول الطريق هوا مستغرب لاكن فرحان بيهبل في نفس الوقت لين وصلنا الشقه وكانت هذيك الليله ليلته?دلعته اكتر من اي وقت خليه يزيد يحبني عشان ميجيش يوم ويصدق فيا ولا شي

نزار:خيرك?
اميره:شي نحس في روحي بنرجعك ??
نزار:وحدي الله يا بنت خيرك
اميره…..يتبع