خيانه الحلقه الثامنه

خيانه الحلقه الثامنه

خشت اميره للمربوعه وجي نزار قعدو يصورو لقطات جنب التورته وتخش عليهم نورس نفس لقطة البيان
اميره:افففف?
نزار:تفضلي؟
نورس:اهلين تصورو مشاء الله ☺️
اميره:اي تبي شي
نورس:مجاش معاك مؤيد؟
نزار:لا والله
المصوره:هي شنو ؟
نورس:يلا صوريني لقطه معاهم حتا انا لا بسه البودري
اميره:من جدك تتكلمي انتي??
نورس:اي وعادي شن فيها نصور مع بنت خالتي وحبيبي السابق
المصوره:?
نزار:اقلبي وجهك برا
نورس:بشويه نزنوز
نزار:قتلك اطلعي وربي محترمك ع خاطر خوي كنهادا دفنتك في ارضك
نورس:بشويه عليك ياحلو يالله تتهنو ….وطلعت
اميره:محسيتش زي المره يلي فاتت بلعكس كنت مطمنه هلبا لما شفت نزار مش معدل عليها

عصام:تي كلمه هيا تباتي لا يعني لاااا
ابتهال:عصام مزال بكرا بس وخلاص نروح
عصام:تعرفي بتزيدي كلمه تانيه بنروح بيك توا فاااهمه
ابتهال:تمام ?
عصام:في الليل تكوني واتيه
ابتهال:حاضر …وسكرت الخط

كانت ساره مقعمزه معاها في الدار تساوي في بتات نورس ولاحضت ان ابتهال سكرت التالفون وهيا مضايقه

ساره:خيرك بتو؟
ابتهال:سكر راسه يبيني نروح
ساره:بيجيبك غضوا للحفله؟
ابتهال:والله منعرف يا ساره
ساره:متعدليش عليه وتي روحك لي السهريه وفرهدي ع روحك كان حرمك من الحفله غضوا تو نكلم امك تقنعه
ابتهال:ان شاء الله خير قوليلي توا
ساره:شنو
ابتهال:خيرك من بداية العرس جوك مفركس ومتاكليش حاسه بيك كأنك مريضه
ساره:لا شي بس مريضه شويه
ابتهال:شن تحسي
ساره:دوره شهريه هاذا موعدها
ابتهال:اها به تو نغليلك قرفه
ساره:عادي بتو متعبيش روحك
ابتهال:تعبك راحه حبيبتي بس ديري بالك ع شهوده راقده لين نجيك
ساره:تمام

ملاك:به غير جيبيلي معاك حفضات المسير
هبه:كلمي هديل باكوات العبمبر بعدين في الليل خلينا نلهو في باكوات النواشف
ملاك:كان نفهم وين باقي البنات بس قعدنا حاصلين في الكوجينا
هبه:ملوكه ونبي طلعي المشروب تو نادي ساجده تكمل عليك
ملاك:به…خذت صندوق المشروب وطلعت وصلت للقراج وسمعت حد وراها
مهند:هاتي عليك رزين
ملاك:خلاص وصلت..حطت الصندوق وتلفتت لقاته قدامها
مهند:قرب منها وعيونه في عيونها
ملاك:حاسيت ان رح يصير شي خفت هلبااا نضعف قدامه
مهند:ابتسملها?
ملاك:خيرك تضحك؟
مهند:ولا شئ هوا في حد يشوف عيونك وميبتسمش؟
ملاك:بعد من طريقي بنخش
مهند:لا
ملاك:بعد يامهند منبي حد يشوفنا
مهند:قوليلي خطيبك من عيلة منو؟
ملاك:خافت…دفت مهند وخشت
معند:تنهد وطلع دخانه

تمت السهريه ع خير وكناين العيله كلهم ماشيين لي مزينات ولابسات بدالي عربيه وشرقاويه مخلطينها ومجلطينها والبنات كل وحده لاهيا في مكياجها وشعرها لين وصلو المعازيم وبدت الدربوكه وبدو بنات العيله يفرقو وجو خيااال بكل وجابو زمزامات وجو مش عادي

الساعه3في الليل :-
غيرو البنات حوايجهم وطلعو للخيمه نضفوها وقعمزو يتعشو

هبه:وين نورس واميره؟
ساره:نورس رقدت قالت تاعبه واميره تكلم في خطيبها
هديل:قرلي راجلها خلاص قرو الفاتحه
ساره:يلي هوا
ابتهال:سلام بنااات
ملاك:تعالي بتو كولي معانا
ايتهال:اي ماكله بالله عليك جايني عصام في الطريق
هديل:احوو احوو احوو تي كيف جايك الساعه3في الليل
ايتهال:الله غالب وخلاص
ملاك:به خلاك بايته اليوم
ابتهال:صكر دماغه والله

ترن ترن ترن
ابتهال:الوو
عصام:اطلعي
ابتهال:انزل خوذ مني شهد راقده باش نجيب باقي البضاعه
عصام:اففف به ….ونزل خذي شهر ركبها السياره وجت ابتهال جايبه الصاكو متع شهد وحوايجها وركبت

هبه:مسكينه ابتهال شكلها تاعبه
ملاك:بلعكس حسيتها مرتاحه مع البنت انا بس العله في راجلها
ساره:سيورها تتعود عليه وترتاح
هديل:ان شاء الله يارب حرام والله تستاهل كل خير
ساره:اي والله
هديل:اخخ انا بنرقد
ملاك:ناضت من مكانها
هديل:ملوكه وين ماشيه؟
ملاك:بنغسل وجهي منحبش نرقد بي المكياج
هديل:به وراااس حبي خوذي الحلويات للمربوعه فاتحين فيها المكيف قوي ع الاقل الشكلاته مذوبش
ملاك:تمام …ومشت

هبه:عاد فضوا سروره اخت العروسه لازم تطلع احلا وحده
ساره:ضحكت ع جنب من غير نيه
هديل:خيرك ساره ابصر كيف جوك الايام هاذي
ساره:شنو بيكون يعني اختي الوحيده بتتزوج وبنقعد بروحي
هبه:حضنتها وشفشفتلها شعرها ببصاره….ياعمررري الحساس يلي يحب وخيته
هديل:حيوانه شن بعد حوشنا وحوش ملاك عليك كل يوم تلقينا عندك
ساره:ان شاء الله ربي يخليكم ليا يارب

عند ابتهال:-
ركبنا لي الشقه وشهد في حضن بوها عصام
ابتهال:هاتها منك
عصام:قرب من ابتهال وعطاها شهد وشم ريحتها ❤️
ابتهال:خذت شهد حطتها في سريرها وخشت دار النوم وعصام يشوفلها من تحت لي تحت

ابتهال:نحت عبايتها وخشت لي حمام دارها لبست توته شرط وبدي وكانت الحنه لا ركابها باينه فيها تجنن وهيا بيضه طلعت من الدار وقفت قدام المرايا وقعدت تمسح في مكياجها
عصام:انصددددم في الحنه كيف طالعه عليها وقعد يشبحلها وبس ?…احم شنو هاذا؟
ابتهال:شافتله وقامت حاجبها….نعم?؟
عصام:ع الحنه
ابتهال:اهو عارف اسمها علاش تسأل وردت تمسح في المكياج
عصام:وقف وجي بحداها ….بلاش استعباط كيف تحني بدون متعطيني علم
ابتهال:ضحكت بهزوا….هما رجليا ولا رجليك
عصام:شدها من شعرها وقربها ليه هلباااا لدرجة خشمها ع خشمه….لسانك معش اطوليه
ابتهال:قلبها يددددق بكل ….مره تانيه تو ناخذ اذنك بعد توا
عصام:نزل عيونه لي رجليها ويديها وقاعده قريبه منه
ابتهال:حطت يديها ع كتافه وبدت تبعد فيه
عصام:رفع عيونه فيها وحط يده ع خصرها ولصقها فيه
ابتهال:عرف ان رح يصير شي نضراته ليا مش طبيعيه صح هوا معش مسني من يوم الدخول بس مش عارفه شن بتكون ردة فعلي معاه

ابتهال:عصام شنو يلي تبيه …وقلبها يقربع
عصام:زي اي راجل يبي حقه من مرته
ابتهال:من قال اني مرتك …كلمة مرتك تقولها لي وحده تحبها وتحس معاها في شي
عصام:ومن قال منحسش معاك في شي
ابتهال:سكتت?
عصام:قرب منها يبي يبوسها
شهد:بابا????
عصام:بعد من علي ابتهال بسرعه
ابتهال:جت لي شهد حضنتها….خيرك ماما شن في
شهد:??حلمت
ابتهال:عمري اهدي اششش متخافيش
شهد:بابا يضرب فيك
ابتهال:شافت لي عصام وكانت معصبه….شوف البنت لاوين وصلتها بي الاعصاب يلي عندك ?
عصام:ساكت ويشفلها
ابتهال:خذت شهد ورفعتها لي دارها وقعدت معاها ورقدت معاها

عصام:قعد يراجع في روحه ويعاود في حساباته ويتفرج ع صور طليقته والامور ملخبطه عنده

ملاك:خشيت المربوعه بنحط حفاضت الحلاوات لقيت مهند وولد عمي ايمن قعدت واقفه معش عرفت وين نمشي
ايمن:خشي ملاك خشي اصلا طالع انا سرع روحك مهند
مهند:يلبس في التب متعه …تمام لاحقك
ملاك:خشي داخل رتبت الحفضات سمعت الباب تصكر ??تلفتت ونشوف مهند واقف
ملاك:معند ت….
مهند:بدون ميقول ولا كلمه شدها من رقبتها وباسها في فمها بوسه طووووويله
ملاك:صكرت عيوني ومعش قدرت ندير شي فمه في فمي ?
مهند:بعد فمه عليها بس وجوهم لاصقين في بعض
ملاك:فتحت عيونها وقعدت تشوفله
مهند:بصوت واطي …غير ليا مش رح تكوني لحد
ملاك:قعدت تشم في ريحته وقلبها يتقطع وقتها كانت كأنها مخدره متعلم بي شي ونست انها مخطوبه اصلا
ايمن:مهنننند
ملاك:فقت ع روحي ودفيته
مهند:ابتسملها وطلع
ملاك:قعدت حاطه يدها ع فمها كأنها تسترجع في الشي يلي صار ?

ثاني يوم:-
ناضو العرايس من الصبح دوشو وكل وحده خذت بضاعتها ومشت للمزين وبدو انسحاب الكناين عاد كل وحده ومزينها حتا هما قعدو العمات والخالات الكبار يحوسو ع الحوش

ملاك:طبعا الليل كله مرقدتش نفكر يلي صار بيني وبين معند امس حلم ولا حقه؟وكيف نتصرف كل يلي قاعد يصيرلي من ها القلب الاحرف

هديل:لوكه
ملاك:ها حبي
هديل:بنمشو انا وهبه للمزين تمشي معانا ؟
ملاك:به وين ساره؟
هديل:ساره مشت مع نورس للمزين
ملاك:به تمام تو نمشي معاكم امتا طالعين
هديل:مع العصر
ملاك:تمام خلي نجيب قفطاني وحجاتي من الحوش
هديل:تم

ابتهال:قعمزت جنب عصام بخوف…عصام
عصام:شافلها…نعم
ابتهال:اليوم الحفله نمشي؟?
عصام:لا
ابتهال:بالله عليك انا….
عصام:قلت لا يعني لاااااا كلمه هيا
ابتهال:تمام …وناضت

طق طق طق
عصام:افتحي الباب ع طريقك
ابتهال:فتحت الباب…اهلا عمتي كيف الحال
ربيعه:اهلا كيف الحال بنيتي
ابتهال:الحمد الله ياغاليه تفضلي
ربيعه:توقعتك في المزين مش حفلة بنت عمتك اليوم؟
ابتهال:اي ?بس مش ماشيه
عصام:خشي امي
ربيعه:علاش ؟
ابتهال:بصوت واطي…عصام رفض
ربيعه:عصااااام ….وخشت
عصام:ها يماا
ربيعه:خيرك ع البنت متخليهاش تمشي عينوني الرجاله
عصام:معندها لاش ماشيه امس واولامش في العرس ياسرها
ربيعه:يلا عاد بلا جو زايد البنت حطاتك ع كفوف الراحه انت وبنتك تحرمها من حفله
عصام:شاف لي ابتهال ….بري وتي روحك?
ابتهال:ضحكت لي ربيعه
ربيعه:بري بنيتي المزين وشهد تو توتيها عمتها تعالي بدلي هنايا وبرو جميع
ابتهال:باست راس ربيعه وخشت تلبس

ملاك:رمبت مع هبه وهديل ورفعنا مهند للمزين طووول الطريق عينه عليا وهبه تحاول تخلي يلها معاها بي الدوا بس هوا ولا ع باله لين وصلنا

الساعه8في الليل:-
ساره:ساعدت نورس تلبس الفيلو وكانت مغرووره شايفه روحها وطوول الوقت ع المرايه وتمدح في روحها وبس كانت نضرتي ليها نضرت بنت فرحانه بي اختها لغيت نضرة بنت تشوف لي اختها بي حقد لانها خذت حبيبها فرحتلها ودعيتلها ربي يهنينا وانا ربي يشفي قلبي من جروحه

اميره:كملتلي المزينه ولبست الفيلو وطول الوقت انا ونزار مسجات حب وغرام ❤️

ملاك:كملنا انا والبنات وروح بينا مهند مكنتش شايفه شي لان مغطيه وجهي ع خاطر المكياج

ابتهال:روحت من المزين لبست قفطاني وزدت ساويت شهد وطلعنا لي الصاله

لبست ابتهال قفطان منفوخ لونه عنابي داكن وشعرها تسريحه وخصلتين نازلات مكياج غامق

ساره:لبست قفطان يجنن ماشي مع الجسم من فوق ومن لوطه منفوخ ارضيته سحابيه ومورد كله وفيه فتحه في الصدر وشعرها مفتوح مكياج بسيط

ملاك قفطان وردي من قدام قصير ولتالي طوويل لونه وردي ومنفوخ شوي وشعرها تسريحة فير ومكياج غامق شويه

هديل :قفطان عنابي قصير منفوخ وفيه لولي شعرها كوده فوق وقصه

هبه:لبسة قونه منفوخه مع صدريه وشعرها مفتوح ومش مكثره مكياج

كانو كل بنات العيله حلوين بدون اي استثناء بدي جو الحفله وكل وحده عقلها في جيها

ابتهال:تفكر بعد تروح عصام شنو ممكن يديرلها بعد متروح لان رفعها بسيف ع خاطر امه

ملاك:تحب مهند وزادت حباته اكتر والمشكله عزوزتها ام خطيبها جت للحفله وقتلها ممكن نجوكم الاسبوع الجاي نحددو العرس

ساره:موقفتش بكي الناس تسحابه ع خاطر بتفقد اختها وهيا يعلم ربي بحالها

خشو العرايس الزوز وكانو نفس مستوى الجمال رغم ان في الطبيعه نورس احلا بس نصيب طلعو الزوز حلوات طبعا بحكم انهم زوز عرايس مقدرش اي عريس يخش

مؤيد:كانت فرحته لاتوصف لابس ومتأنق هوا ونزار وصورو مع بعض ❤️

كملت الحفله وخلاص جي وقت العرايس يروحو كل وحده طلعت ركبت مع راجلها ودموع البنات ع خدهم وبدات ساره

ابتهال:شدو فيها كللل البنات تروح تبات معاهم بس مسكينه متقدرش وجاها عصام روح بسها هيا وشهد

نورس واميره… وصلو لي الدخول يلي في حوش العريس ومان نضام حياشهم عباره علي حوش عيله كبييييير هلبا وفوق زوز شقق قدام بعض شقة مؤيد وشقة نزار

قعدو العرايس مقعمزين في خيمة الدخول شويه قدام الناس وزادو صورو وكل وحده ركبها راجلها لي شقتها

نزار:مبروك علينا غزالتي ?
اميره:يبارك في حبنا ياقلبي انت?
نزار:دار بي اميره لفه ع الشقه بعدها نحالها الفيلو وصلو مع بعض وتعشو وقعد شوي شوي يسخن في الجو لين خشت بعضها?

مؤيد:قاملها الطرحه وكان يرعش لان مؤيد بطبعه حشومي هلباااا ….الف مبروك ?
نورس:يبارك فيك?
مؤيد:متوتر اءءء ت ت تعالي نصلو وبعدين ساهل
نورس:نحت الطرحه ….تعالا ساعدني في الفيلو
مؤيد:تحشم ووجها احمممر قرب منها وبدي يساعد فيها خشت للحمام ولبست روبها وطلعت
مؤيد:الله يبارك ? قمر
نورس:?
مؤيد:تبي نتعشو قبل؟
نورس:خلينا نتعشو ونرقدو مؤيد والله مقادره ندير حاجه اليوم مش جاهزه لي شي
مؤيد:نصدم …ع راحتك عادي❤️

عند ابتهال:طوول الطريق وانا نرعش وزدت خفت لما عصام محكاش ولا كلمه حتا بنته تكلم فيه مردش عليها لين وصلنا الحوش….يتبع

error: