خيانه الحلقه التاسعه

9

عند ابتهال:طوول الطريق وانا نرعش وزدت خفت لما عصام محكاش ولا كلمه حتا بنته تكلم فيه مردش عليها لين وصلنا الحوش تقول مدايره جريمه ..خشيت نحيت عبايتي لبست روب بيج وتغطيت بي الطرف الطويل متع الروب ومشيت لي دار شهد بدلت حوايجها وقعدت جنبها وهيا راقده تسبلت بي شهد باش منمشيش دار النوم منعرفش عصام ع شنو ناوي لانه واضح انك متكنطي مني ع خاطر مشيت للحفله قعدت نستنا فيه يرقد لين سمعت صوته ينادي من الخرف تجمدت في مكاني??
عصام:ابتهاااااال ?
ابتهال:نن ن نعم
عصام:تعالي
ابتهال:لل لحضه بس نرقد في شهد
عصام:رقديها وتعالي
ابتهال:ان شاء الله ….ياربي شن يبي هاذا بس لو ظربني كيف رح ندير ?

عند اميره:-
نزار:دلع اميره اخر دلع في دار النوم والجو مان رومنسي بكككل وجايبلها تورته مع العشي بعد متهنت دوشو وقعمزو يتعشو ولا يخلو الجو من الرومنسيه يعني ❤️

عند نورس:-
اتصلو بيهم العيله عشان يتأكدو انها تهنت وكل شي تمام بس كان رد مؤيد انه نورس خايفه ومش جاهزع وعادي براحتها …ركبت ام نزار ومؤيد

طق طق طق
نورس:منو هاذا جاي يطق في ليله زي هادي
مؤيد:اميد امي
نورس:افففف
مؤيد:ناض فتح الباب
حمديه(ام نزار ومؤيد)؛وين نورس
مؤيد:داخل
حمديه:خشت لي الشقه….ياولدي لازم تتهنى اليوم كنهاذا مفيش محضر هادا سيرنا
مؤيد:تحشم هلبا ووجها تغير واطا عيونه….معليشس امي خلاص البنت مش واتيه
نورس:طلعت وضحكة الضحكه الصفراء….هلا عمتي
حمديه:خلينا بروحنا شوي
مؤيد:خش لي الدار
حمديه:بنيتي توكلو علي ربي وخلو الليله تفوت ع خير ان شاء الله بكرا المحضر واحنى سبرنا مفيش محضر لين تتهنى العروسى
نورس:وانا شن دخلي في سبركم المتخلف يا ماما راهو نايضه بكري مزين وصاله نحس في راسي بيتفجر
حمديه:نصدددددمة من اسلوب نورس بس تغاضت عليه لان الليله بدات مش متع مشاكل وكل همها انها تنستر مع الناس بس….به توا يعجبك هكي بنت خالك اميره بكرا محضرها وانتي لا؟
نورس:قامت حاجبها….تهنت هيا؟
حمديه:اي تهنت …هيا وراس من عندك غالي
نورس:تمام ولا يهمك
حمديه:ربي يكمل عليكم بلخير …وطلعت
خشت نورس لي الدار لقت مؤيد يدخن
مؤيد:كانت عاجباته نورس لين خلاص شاف منها لقطات معجباتاش بس قعد يدورلها في اعذار يعني يمكن هيا متعرفتش عليا كويس يمكن هيا خايفه وحجات زي هكي لين قاطع تفكيره صوت نورس
نورس:مؤيد
مؤيد:طفا الدخان تلفت ونصدمم??
نورس:كانت منحيا طرف الروب الفوقي والروب اللوطي كله مكشوف طبعا وكانت زايده مكياج ومدايره هلبا حجات ع اساس اغراء وجو هاذا وراقده ع السرير بطريقه فزيعه ?
مؤيد:نوعه هادي ويتحشم هلبا قعد يشوفلها وبس
نورس:ضحكتله هي شنو نتوكلو ع ربي
مؤيد:ابتسملها وقرب منها وكانت المباذره الاكبر جايه من نورس كأنها خبره ?‍♀️?

ساره:مش قادره ترقد علي قد محاولت انها تنحي الفكره هاذي من راسها بس مقدرتش مسكينه وشدتها بكي وخلاص وهبه وهديل والعيله كلها يهدو فيها يسحابوها تبكي ع خاطر نورس تزوجت وبتخلي مكانها

ملاك:روحت للحوش مبتش تبات في حوش العرس باش تتجنب مهند ومتتلاقاش معاه واول محطت راسها ع المخذه مست فمها بي يدها وكأنها تذكر شن صار معاها امس وكانت مشاعرها متلخبطه وقعدت طووول الليل تفكر وتسأل في اسئله مليهاش إجابه

ابتهال:استسلمت للواقع وطلعت من دار شهد بعد مغطيتها وخشيت دار النوم وانا نرعش مع بعضي من الخوف لين لقيت عصام قدامي وعيونه ناويه الشر ?قعدت واقف ع الباب

عصام:حركة اليوم معش نبيها تتعاود وقت نقولك ع الحاجه لااااا يعني لا معش تزيدي معاي ولا كلمه ولا ادخلي امي لا حد تاني ساااااامعه?
ابتهال:هزت براسها بمعنى تمام….ان ان انا والله مكان قصدي
عصام:اي تو نصدق ….وناض وقف قدام المريه نحا ساعته وخاتمه وحطهم ع الطاوله
ابتهال:جت فايته وراه شدها من يدها وقرب منها
عصام:وين ماشيه
ابتهال:بب ب بنغسل وجهي في الحمام ?
عصام:خليه
ابتهال:نصدمت ..كيف ؟
عصام:نحا جاكيته وجبد ابتهال في حضنه
ابتهال:منعرفش وقتها في شنو فكرت يعني هوا مهما صار في النهايه راجلي منقدرش نمنعه من حاجه زي هادي وهوا مسني من قبل بس بعد ليلة الدخول معش قرب عليا ….قعدت منزله عيوني وبس
عصام:قعد يبوس في ابتهال بي طريقة مفيهاش ذرة حب او حتا شوية حنان ?
ابتهال:مدرت شي غير اني سكرت عيوني مكنتش حاسه بي شي غير ان قلبي يوجع فيا وبس ?
عصام:قعد شاد ابتهال امتر من قبل ويمشي بيها لين طيحها ع السرير و……

عند نورس:
بعد ما خلاص تهنت باسها مؤيد ع راسها وباركلها
نورس:غطت روحها ومشت فيها نومه
مؤيد:خش دوش ولما طلع شاف نورس راقده رقد جنبها وهوا يتأمل فيها❤️✨

ثاني يوووم✨✨✨

عند اميره:-
اميره:ناضت قبل نزار حددتله حوايجه وناض فطر هوا وياها ولبس الزبون وبخراته

نزار:باسها ع راسها ….نحبك
اميره:نموت فيك ياعمري انت اقعد نزيد نبخرك
نزار:ياسر ياقلبي خلاص سادني
اميره:برا صلي الجمعه وتعال تغدا
نزار:مش بيجوك العيله؟
اميره:اي المحضر اليوم بس تعالا تغدا عادي
نزار:حبيبتي تو نتغدا لوطه انا خلي اماليك ياخذو راحتهم به
اميره:بتسمت ….ربي يخليك ليا
نزار:ولا يحرمني منك ….وطلعت معاه اميره لين سمرت الباب وراه

عند نورس:-
ناض مؤيد لقي نورس قاعده راقده والساعه1إلا 10 وقت ع صلاة الجمعه لبس الزبون وتعطر وجي ينوض في نورس

مؤيد:نورس نووورس حبيبتي
نورس:فتحت عيونها …اممم صباح الخير
مؤيد:صباح النور يلا نوضي ياسرك نوم
نورس:من بدايتها ياسرك نوم?
مؤيد:هههههه خيرك انتي تبي مشكله نوضي الفطور واتي ركباته اختي مبكري بعدين اليوم المحضر ولا نسيتي
نورس:لا مش ناسيه
مؤيد:به يلا نوضي باش توتي روحك
نورس:اوكي ….وناضت للحمام
مؤيد:مفهمتش علاش قالبه وجها من الصبح واسلوبها هكي يمكن مش متعوده حد يفيقها الصبح ويقطع نومتها مرات

سالمه:ملااااك ملاااك
ملاك:تغسل في اماعين الفطور…ها يما
سالمه:وقفت في المطبخ….شنو بتمشي المحضر اليوم
ملاك:والله مخاطري ومعنديش شنو نلبس جي عرس ابتهال ونورس واميره في جرت بعض ياسر شافوني فيهم قفاطيني
سالمه:تو ع خاطر قفطان متبيش تمشي ?تبوديع البنات
ملاك:اقسم بالله راسي زي الدربوكه من حفلة امس ياسرني بنرتاح
سالمه:اقعدي معناها تو نكلم اختك تجيبلك حازم يقعد عندك
ملاك:قلها راجلها بري!؟؟
سالمه:اي ولا وهداه ربي
ملاك:به مليح

ساره:صلت الصبح ولبست سروال جينز وبلوزه موڤ هاااادي وفيها ورد ع الابيض وشوية مكياج يخفي ارهاق عيونها

ساره:شنو يا بنات بتمشو معانا
هديل:لالا بنروحو قبل بندوش وهبه بتستشور شعرها تو يجيبنا مهند مع امي
ساره:به تمام …وطلعت من الدار

هبه:خيرها ساره؟
هديل:وين نعلم كلهم يقولو ع خاطر اختها تزوجت
هبه:والله انتي كان تزوجتي بنوزح خبزه ع الفقراء بي كل فرح معندي علاش معيطه صبح وليل??
هديل:حدفت توكه ع هبه….حيوانه?

خديجه:ساااااره
ساره:وصلت لي السياره وجايه بتركب
خديجه:فتحت باب السياره….وراس بنيتي جيبي الشنبير تلقيه في صندوق احمر علي سريري قريب نسيناه
ساره:تنهدت ….به وخشت جاباته وركبت السياره

ابتهال:نضت الصبح غسلت وصليت دعيت ربي يحسن الاوضاع قد ميقدر وخشيت الكوجينه درت الفطور وانا نسأل في روحي زعما لما بينوض عصام كيف رح يعاملني؟كيف رح يشوفلي؟؟قاطع تفكيري صوت عصام

عصام:صباح الخير
ابتهال:قلبها يدق..صباح النور
عصام:ترا قهوا مابين بدلت عندي خدمه اليوم
ابتهال:تمام
عصام:خش للحمام
ابتهال:يتصرف عادي زي قبل امتا بيحن عليا بسس
شهد:عروسه زيديني حليب
ابتهال:ابتسمت …عيون العروسه انتي هاك
شهد:خذت الطاسه وقعدت تشرب
ابتهال:خشيت دار النوم بناخذ كنينكس معطر جيت فايته جنب تالفون عصام سمعت رساله وصلت شفتها انا مفتحت شي بس هوا مان تالفونه ايفون والايفون وقت توصل الرساله نقدر نشوفها ع الشاشه ونعرف من باعتها المهم.
لقيت الرساله مكتوب فيها….صباح الخير عصام انا اليوم خذيت ورقة طلاقي ومن لما حكينا انا وياك قبل وعرضت عليك فكرة ان نرجعو ونربو بنتنا مرفضتش وحسيتك تبي الشي هاذا المهم وقت تبي نحكو في الموضوع كلمني❤️
ابتهال:واضح من كلام الرساله انها من طليقته ?وواضح من تصرفات عصام انه قاعد يحبها به انا شن موقعي في القصه؟؟؟؟واضح ان قصتي مش رح تكمل زي في الروايات في النهايه البطل يحب البطله ويعيشو قصة حب واضح ان هاذا الواقع المر يلي لازم نتقبله بدون منحس طاحت دمعه من عيني مسحتها ورجعت للمطبخ ولا كأن فيه شي

خديجه:اول مخشت لي شقة نورس…روروروروي روروروروروي
نورس:به خلاص ?
خديجه:الف الف مبروك …وتحضن فيها
نورس:يبارك فيك ☺️
ساره:مبروك حبيبتي
نورس:العقبه ليك
خديجه:متصكريش الباب عمتك سميره جايه
سميره:السلام عليكم مبروووك مبروووك
مورس:يبارك فيكم تفضلو تفضلو
خديجه:خشينا سلمنا ع اميره قاعد مجاها حد
نورس:اي مسمعتش صوت حد
ساره:شنو كلمتي المزينه؟
نورس:اي قالت في الطريق جيتو الحجات الناقصه؟
ساره:كله تمام
خديجه:نوضي سريوه ديريلنا قهوا
ساره:ان شاء الله

منيره:الله يبارك الله يبارك
اميره:فرحااانه☺️☺️… ع سلامتكم
ابرار(اختها المتزوجه)مبروك مبروووك مشاء الله طالعه عليك العرسه
اميره:سلمك ياربي …وتحضن فيهم وتسلم

ساره:قعدت نتفرج ع حوش مؤيد ونسأل في روحي انا يلي مفروض نكون هنايا مش هيا ?بس والله مش حاسدتها انا ربي يهنيها

عصام:لبس حوايجه وقعمز ع طاولة المطبخ فتح تالفونه وقعد يقرا في الرساله وابتهال اطيب في الغدي
ابتهال:كنت نراقب في تعالير وجه عصام وكانت الفرحه وااضحه عليه وكان متلهف لما يقرا ?

✨روايات بنووتة الشيخ.اروى الطاهر المسلاتي✨

كل عروسه جتها المزينه متاعها ولبسو العربي والزوز طلعو قنينات بس نورس بزيااااااده رغم حقدها وحسدها وسمها بس ملكة جمال وكانت ام نزار ومؤيد تتباها بي نورس وجمالها قدام المعازيم شوفو مرت ولدي كيف قنينه

بدي المحضر وكان كبير هلبااا في البدايه لبسو قفاطين كبار الزوز بعدين لبسو عربي والبنات مجي حد غير هبه وهديل

ملاك:قعدت بروحي في الحوش نقلب في موضوع الفسخ في راسي زعما نفسخ؟ع الاقل نرتاح من ها العذاب مستعده نقعد طووووول عمري عانس بس مناخذش واحد قلبي مع غيره رح نفتح الموضوع مع امي اليوم ونشوف ردها

ابتهال:مهمنيش المحضر اصلا معندي نيه في شي بكل?اتصلت بي ملاك عرفت انها ممشتش قعدت نهدرز عليها شوي وسكرت وتيت العشي وقعدت نستنا في عصام اليوم رح نحسم قصتي ?

كمل المحضر وروحو المعازيم وكل وحده ركبت شقتهااا

نورس:غيرت الحلوه ليست روب احمر قصير بكل وقعدت بمكياجي وكثرت عطر وقعدت نشوف من الروشن كان مؤيد واقف يهدرز مع بوه ونزار شفته راكب مشيت نجري للباب قعدت واقفه ورا الباب لين سمعت خطوات نزار قربت وشفت من عين الباب وصل قدام الشقه فتحت الباب

نورس:مؤيد ت….اه هوا انت نسحابه خوك
نزار:??..يتبع