خيانه الحلقة الخامسة عشر
خيانه الحلقة الخامسة عشر
حلقه15
ﺟﻤﻴﻊ ﺍﻻﺣﺪﺍﺙ ﺣﻘﻴﻘﻴﻪ ﺑﺪﻭﻥ ﺍﻱ ﺯﻳﺎﺩﻩ ﺧﻴﺎﻝ
ﻣﺆﻳﺪ : ﺷﺎﺩ ﺫﺑﻠﺔ ﻧﺰﺍﺭ … ﺷﻨﻮ ﻫﺎﺩﻱ؟
ﻧﻮﺭﺱ : ﺍﻩ … ﺍﻟﺤﻤﻤﻤﻤﺪ ﺍﻟﻠﻪ ﻟﻘﻴﺘﻬﺎ ﺳﻠﻤﻚ ﻋﻮﻳﻨﻪ ﺣﺒﻴﺒﻲ
ﻣﺆﻳﺪ : ﺷﻦ ﺗﻘﻮﻟﻲ
ﻧﻮﺭﺱ : ﺩﺍﺭﺕ ﺭﻭﺣﻬﺎ ﻋﺎﺩﻳﻪ ﻭﺗﻮﺗﻲ ﻓﻲ ﺳﻔﺮﺓ ﺍﻟﻔﻄﻮﺭ … ﻫﺎﺫﺍ ﻳﺎﺣﻨﺎ ﺟﺘﻨﻲ ﺳﺎﺭﻩ ﺍﻭﻻﻣﺲ ﺗﻬﺪﺭﺯ ﻗﺘﻠﻲ ﻛﻨﺖ ﻋﻨﺪ ﻫﺪﻳﻞ ﺭﻓﻌﺘﻠﻬﺎ ﺫﺑﻠﺔ ﻧﺰﺍﺭ ﺑﺘﻮﺭﻳﻬﻮﻟﻬﺎ ﻻﻥ ﺭﺍﺟﻠﻬﺎ ﺑﻴﺎﺧﺬ ﺯﻳﻬﺎ ﺭﻭﺣﺖ ﻣﻨﻲ ﺍﺗﺼﻠﺖ ﺑﻴﺎ ﺧﺎﻳﻔﻪ ﻗﺘﻠﻲ ﺑﺎﻟﻚ ﻃﺎﺣﺖ ﻣﻨﻲ ﻓﻲ ﺣﻮﺷﻚ ﺍﻣﺲ ﻗﻠﺒﺖ ﺍﻟﺪﻧﻴﺎ ﻣﻠﻘﻴﺘﻬﺎﺵ
ﻣﺆﻳﺪ : ﻗﻌﻤﺰ ﻉ ﺍﻟﻄﺎﻭﻟﻪ … ﻭﻫﻴﺎ ﻣﻔﻴﺶ ﻏﻴﺮ ﺩﺑﻠﻪ ﻧﺰﺍﺭ ﺧﻮﻱ؟
ﻧﻮﺭﺱ : ﺣﺒﻴﺒﻲ ﻋﺎﺩ ﺍﻧﺖ ﺗﻌﺮﻑ ﺍﻟﺒﻨﺎﺕ ﻣﺘﺒﻴﺶ ﺇﻻ ﺍﻟﺤﺎﺟﻪ ﻳﻠﻲ ﻋﻨﺪ ﻏﻴﺮﻫﺎ ﻣﻬﻢ ﺍﻧﺖ ﻭﻳﻦ ﻟﻘﻴﺘﻬﺎ ؟
ﻣﺆﻳﺪ : ﻳﺎﻛﻞ …. ﺗﺢﺕ ﺍﻟﺴﺮﻳﺮ
ﻧﻮﺭﺱ : ﻫﺎﺗﻬﺎ ﺗﻮ ﻧﻌﻄﻴﻬﻮﻟﻬﺎ
ﻣﺆﻳﺪ : ﻫﺎﻙ
ﻧﻮﺭﺱ : ﺍﺣﻢ ﺣﺒﻴﺒﻲ ﺑﻨﻘﻮﻟﻚ ﺧﺒﺮ
ﻣﺆﻳﺪ : ﻧﻮﺭﺱ ﻛﺎﻥ ﺑﺘﻨﻔﺨﻴﻠﻲ ﺭﺍﺳﻲ ﺍﻣﻚ ﺍﺧﺘﻚ ﻣﺶ ﻋﺎﺭﻑ ﺷﻨﻮ ﺭﺍﻫﻮ ﺭﺍﺳﻲ ﺑﻴﺘﻔﺠﺮ
ﻧﻮﺭﺱ : ﺍﻧﺎ ﺍﻧﺎ ﺣﺎﻣﻞ
ﻣﺆﻳﺪ : ﻛﻜﻜﻴﻒ ﺟﺪﻳﺎﺕ
ﻧﻮﺭﺱ : ﺍﺑﺘﺴﻤﺖ ﺍﻱ ﺟﺪﻳﺎﺕ
ﻣﺆﻳﺪ : ﻧﺎﺽ ﻣﻦ ﺍﻟﻄﺎﻭﻟﻪ ﻭﺣﻀﻨﻬﺎ ﻭﻛﺎﻥ ﻓﺮﺣﺎﻥ ﺑﻴﻄﻴﻴﻴﻴﻴﺮ
ﻧﻮﺭﺱ : ﻫﻬﻬﻬﻪ ﻧﺤﺴﺎﺑﺶ ﺍﻟﺤﻤﻞ ﺑﻴﻔﺮﺣﻚ ﻫﻜﻲ
ﻣﺆﻳﺪ : ﻛﻴﻒ ﻣﻨﻔﺮﺣﺶ ﻭﺟﺎﻳﻪ ﻗﻄﻌﻪ ﻣﻨﻲ ﻓﻲ ﺍﻟﻄﺮﻳﻖ
ﻧﻮﺭﺱ : ﺑﻪ ﻳﻼ ﺗﺄﺧﺮﺕ ﻉ ﺍﻟﺸﻐﻞ
ﻣﺆﻳﺪ : ﺍﺍﺍﺍﺍﻩ ﻳﺎﻣﺤﻼ ﺍﻻﺧﺒﺎﺭ ﺍﻟﺤﻠﻮﻩ ﻉ ﺍﻟﺼﺒﺢ
ﻧﻮﺭﺱ : ﻗﻌﻤﺰﺕ ﺗﺸﺮﺏ ﻓﻲ ﺍﻟﻘﻬﻮﺍ ﻭﺗﺒﺘﺴﻢ …. ﺍﻧﺎ ﻣﻜﻨﺘﺶ ﺑﻨﻘﻮﻟﻪ ﺑﺲ ﺣﺴﻴﺖ ﺧﺒﺮ ﺯﻱ ﻫﺎﺩﺍ ﺭﺡ ﻳﻨﺴﻴﻪ ﻓﻲ ﻗﺼﺔ ﺍﻟﺬﺑﻠﻪ ﻭﻓﻌﻼ ﻣﻦ ﻓﺮﺣﺘﻪ ﻧﺴﻲ ﻛﻞ ﺷﻲ ﺍﻩ ﻛﻨﺖ ﺭﺡ ﻧﻨﻜﺸﻒ
ﺍﻣﻴﺮﻩ : ﻻ ﻟﻴﻠﻲ ﻟﻴﻞ ﻭﻻ ﻧﻬﺎﺭﻱ ﻧﻬﺎﺭ ﺑﻨﻤﻮﺕ ﻳﺎ ﺍﺑﺘﻬﺎﻝ
ﺍﺑﺘﻬﺎﻝ : ﺻﺮﺍﺣﻪ ﻫﺎﺫﺍ ﻛﻠﻪ ﻳﺎ ﺍﻣﻴﺮﻩ ﻣﺶ ﻭﺣﻢ ﺭﻩ ﺧﻼﺹ ﺭﻣﻴﺘﻲ ﺑﺮﻱ ﺷﻮﻓﻲ ﺭﻭﺣﻚ ﺍﻛﻴﺪ ﻓﻴﻪ ﺷﻲ
ﺍﻣﻴﺮﻩ : ﺯﻱ ﺷﻨﻮ
ﺍﺑﺘﻬﺎﻝ : ﺟﻴﺒﻲ ﺷﻴﺦ ﻭﻻ ﺍﻱ ﺷﻲ
ﺍﻣﻴﺮﻩ : ﻻﻻ ﻣﻨﺼﺪﻗﺶ ﻓﻴﻬﺎ ﺍﻟﺤﺠﺎﺕ ﻫﻴﺎ ﻣﺴﺘﺤﻴﻞ
ﺍﺑﺘﻬﺎﻝ : ﻭﺍﻟﻠﻪ ﻳﺎ ﺍﻣﻴﺮﻩ ﺟﺮﺑﻲ ﺷﻦ ﺧﺎﺳﺮﻩ
ﺍﻣﻴﺮﻩ : ﺍﻩ ﻣﺶ ﻋﺎﺭﻑ ﻣﻌﺶ ﻛﻠﻤﺎﺗﻚ ﻣﻼﻙ؟ﺷﻦ ﺻﺎﺭ ﻓﻴﻬﺎ؟ !
ﺍﺑﺘﻬﺎﻝ : ﻻ ﻭﺍﻟﻠﻪ ﻣﻌﺎﺩ ﻫﺪﺭﺯﻧﺎ ﺍﻟﺤﻖ
ﺍﻣﻴﺮﻩ : ﺭﺑﻲ ﻳﺴﺨﺮﻟﻬﺎ ﺍﻟﺤﺎﻝ ﻣﻊ ﻣﻬﻨﺪ ﻭﺍﻟﻠﻪ ﺍﻣﻪ ﺟﺖ ﻣﺒﻜﺮﻱ ﻗﺎﻟﺖ ﻳﺤﻠﻒ ﻭﻳﺘﻘﻄﻊ ﻛﺎﻥ ﻣﻴﺨﺬﻫﺎﺵ ﺑﻴﻔﺘﺮﺵ ﺍﻟﻌﻴﻠﻪ ﻛﻠﻬﺎ
ﺍﺑﺘﻬﺎﻝ : ﻳﺎﺣﻠﻴﻠﻲ ﻉ ﺍﻟﺤﺐ ﺷﻦ ﺣﺎﻟﻚ ﺍﻧﺘﻲ ﻭﻧﺰﺍﺭ
ﺍﻣﻴﺮﻩ : ﺍﺍﺍﺍﺍﻩ ﺑﺎﻟﻠﻪ ﻏﻴﺮﻱ ﺍﻟﺴﻴﺮﻩ ﻳﺎ ﺑﺘﻮ ﺍﻧﺘﻲ ﺷﻦ ﺻﺎﺭ ﻣﻌﺎﻙ ﻣﻌﺶ ﺗﻼﻗﻴﺘﻲ ﻣﻊ ﻋﺼﺎﻡ؟
ﺍﺑﺘﻬﺎﻝ : ﻻﻻ ﺷﻜﻠﻲ ﺗﻮﻫﻤﺖ ﺍﻧﻪ ﺍﻫﺘﻢ ﺑﻴﺎ ﻟﻤﺎ ﺷﺎﻓﺘﻲ ﺑﺲ ﻃﻠﻌﺖ ﻏﺎﻟﻄﻪ ﻳﻤﻜﻦ ﺳﻠﻢ ﻋﻠﻴﺎ ﻭﺧﻼﺹ
ﺍﻣﻴﺮﻩ : ﺭﺑﻲ ﻳﻌﻄﻴﻚ ﻉ ﻗﻴﺲ ﻧﻴﺘﻚ ﺑﺘﻮ ﺗﺴﺘﺎﻫﻠﻲ
ﺍﺑﺘﻬﺎﻝ : ﻭﻳﺠﺒﺮ ﺑﺨﺎﻃﺮﻙ ﻳﺎﺍﺍﺍﺭﺏ
ﺭﻭﺍﻳﺎﺕ ﺑﻨﻮﻭﺗﺔ ﺍﻟﺸﻴﺦ . ﺍﺭﻭﻯ ﺍﻟﻄﺎﻫﺮ ﺍﻟﻤﺴﻼﺗﻲ
ﻃﻖ ﻃﻘﻄﻖ ﻃﻖ ﻃﻖ
ﻧﻮﺭﺱ : ﻓﺘﺤﺖ ﺍﻟﺒﺎﺏ ﻭﻗﺎﻣﺖ ﺣﺎﺟﺒﻬﺎ
ﻧﺰﺍﺭ : ﺧﺶ ﻭﺳﻜﺮ ﺍﻟﺒﺎﺏ
ﻧﻮﺭﺱ : ﻭﻳﻦ ﺭﻓﻌﺖ ﺍﻣﻴﺮﻩ ﺍﻣﺲ ،؟
ﻧﺰﺍﺭ : ﻗﺎﻟﺖ ﺧﻠﻮﻗﻬﺎ ﺿﺎﻳﻘﺎﺕ ﻗﻠﺖ ﻧﺪﻳﺮ ﺑﻴﻬﺎ ﺩﻭﺭﻩ
ﻧﻮﺭﺱ : ﻫﺎﻙ ﺫﺑﻠﺘﻚ ﻧﺴﻴﺘﻬﺎ ﺍﻣﺲ ﻭﺍﻃﻠﻊ
ﻧﺰﺍﺭ : ﻗﺮﺏ ﻣﻨﻬﺎ … ﺧﻴﺮﻙ ﻧﻮﻧﻮ
ﻧﻮﺭﺱ : ﻣﺘﻤﺴﻨﻴﺶ ﺑﺮﺍ ﻟﻲ ﺍﻣﻴﺮﻩ
ﻧﺰﺍﺭ : ﻫﺎﺫﺍ ﻛﻠﻪ ﻉ ﺧﺎﻃﺮ ﺍﻣﺲ ﻃﻠﻌﺘﻬﺎ
ﻧﻮﺭﺱ : ﺍﻱ
ﻧﺰﺍﺭ : ﺍﻓﻔﻔﻒ ﺑﻪ ﻗﻮﻟﻲ ﺷﻦ ﺗﺒﻲ ﻧﺪﻳﺮﻟﻚ ﻭﺣﺎﺿﺮ
ﻧﻮﺭﺱ : ﺭﻗﺪﺕ ﻉ ﺍﻟﺴﺮﻳﺮ ﻭﺭﻭﺑﻬﺎ ﻗﺼﻴﻴﻴﻴﺮ … ﻣﻨﺒﻲ ﺷﻲ
ﻧﺰﺍﺭ : ﻋﻴﻮﻧﻪ ﻗﻠﻮﺏ ﻗﻠﻮﺏ …. ﺭﻗﺪ ﺟﻨﺒﻬﺎ ﻧﻮﺭﺱ ﺧﻼﺹ ﻋﺎﺩ
ﻧﻮﺭﺱ : ﺣﻄﺖ ﺻﺒﻌﻬﺎ ﻉ ﻓﻤﻪ …. ﻣﻌﺶ ﺍﻃﻠﻌﻬﺎ؟
ﻧﺰﺍﺭ : ﺗﻢ
ﻧﻮﺭﺱ : ﻭﻻ ﺍﺩﻟﻌﻬﺎ
ﻧﺰﺍﺭ : ﺗﻢ
ﻧﻮﺭﺱ : ﻭﻻ ﺣﺘﺎ ﺗﻌﺎﻣﻠﻬﺎ ﻛﻮﻳﺲ
ﻧﺰﺍﺭ : ﺗﻢ ﺍﻟﺰﺡ ﻫﻴﺎ ﺍﺳﺘﺎﺣﺸﺘﻚ
ﻧﻮﺭﺱ : ﺍﺑﺘﺴﻤﺖ ﻉ ﺟﻨﺐ
ﻧﺰﺍﺭ : ﺟﻲ ﻓﻮﻗﻬﺎ ﻭ ……
ﺳﺎﻟﻤﻪ : ﻣﺎﺷﻴﻪ ﺟﺎﻳﻪ ….. ﺭﺑﻲ ﻳﺴﺘﺮ ﺑﺲ ﺩﻳﻤﻪ ﻭﺍﻧﺘﻲ ﺟﺎﻳﺒﺘﻴﻠﻲ ﺍﻟﻬﻤﻤﻢ ﻳﺎﺭﺑﻲ ﺑﺲ
ﻣﻼﻙ : ﻳﺎ ﺍﻣﻲ ﺷﻦ ﺩﺧﻠﻨﻲ ﺗﻮﺍ
ﺳﺎﻟﻤﻪ : ﻛﻠﻠﻠﻠﻠﻪ ﻣﻨﻚ ﺍﻧﺘﻲ ﺗﺠﺮﻳﻠﻲ ﻭﺭﺍ ﻫﺎ ﺍﻟﺴﻨﻜﻮﺡ ﻫﺎﺫﺍ ﻣﻬﻨﺪ ﻣﺶ ﻛﺎﻥ ﻗﻌﺪﻱ ﻣﻊ ﺧﻄﻴﺒﻚ ﺧﻴﺮﺭﺭ ﺍﻫﻮ ﻗﻄﻊ ﺑﻨﺼﻴﺒﻚ ﻭﻣﻘﻌﻤﺰ ﺗﻮﺍ ﻣﻊ ﺑﻮﻙ ﺍﺷﺒﺢ ﺷﻨﻮ ﺑﻴﻐﺒﺮ ﻋﻠﻲ ﺭﺍﺳﻲ
ﻣﻼﻙ : ﺧﺎﻳﻔﻪ ﺑﺘﻤﻮﻭﺕ ﻭﺗﺒﻜﻲ ﻭﺗﺪﻋﻲ ﻓﻲ ﺳﺮﻫﺎ …. ﻳﺎﺭﺏ ﺍﻧﺖ ﺗﻌﺮﻑ ﻗﺪﺍﺵ ﻧﺤﺒﻪ ﻭﻣﺶ ﻣﺘﺨﻴﻠﻪ ﺣﻴﺎﺗﻲ ﺑﻼﻩ ﻳﺎﺭﺏ ﺍﺟﻤﻌﻨﻲ ﺑﻴﻪ ﺑﻲ ﺣﻼﻟﻚ ﻳﺎﺭﺏ
ﺧﻴﺮﻱ : ﺧﺶ ﻭﻫﻮﺍ ﻗﺎﺭﻥ ﺣﻮﺍﺟﺒﻪ ﻭﻣﻼﻙ ﻗﺮﻳﺐ ﺍﻃﻴﺢ ﻣﻦ ﻃﻮﻟﻬﺎ ﻭﺗﺮﻋﺶ ﻣﻊ ﺑﻌﻀﻬﺎ
ﺳﺎﻟﻤﻪ : ﻫﺎ ﻳﺎﺧﻴﺮﻱ ﺍﻥ ﺷﺎﺀ ﺍﻟﻠﻪ ﺧﻴﺮ ﺷﻦ ﺻﺎﺭ
ﺧﻴﺮﻱ : ﻗﺘﻠﻪ ﻛﺎﻥ ﺗﺒﻲ ﺍﻟﺒﻨﺖ ﻋﻨﺪﻙ ﻣﻦ ﻫﻨﻲ ﻻ ﺷﻬﺮ ﺍﻟﺠﺎﻱ ﻣﺘﻜﻤﻠﺶ ﺣﻮﺵ ﻭﻣﺘﻌﺮﺳﺶ ﻣﻌﻨﺪﻧﺎﺵ ﺑﻨﺎﺕ ﻟﻠﺠﻮﺍﺯ ﻳﻜﻤﻞ ﺣﻮﺷﻪ ﻭﻳﺠﻴﺐ ﺍﻟﻌﻴﻠﻪ ﻳﺨﻄﺒﻮﻫﺎ
ﺳﺎﻟﻤﻪ : ﻳﺎﺭﺍﺟﻞ ﻛﻴﻒ ﺗﺒﻴﻪ ﻳﻜﻤﻞ ﺣﻮﺷﻪ ﻓﻲ ﺷﻬﺮ ﻭﻳﺪﻳﺮ ﻋﺮﺱ ﻣﺴﺘﺤﻴﻞ
ﺧﻴﺮﻱ : ﻣﺶ ﻳﺒﻴﻬﺎ ﺗﻮ ﻧﺸﻮﻓﻮ
ﺳﺎﻟﻤﻪ : ﺭﺑﻲ ﻳﺴﺘﺮ ﻭﺧﻼﺹ
ﺧﻴﺮﻱ : ﻧﻮﺿﻲ ﺩﻳﺮﻳﻠﻲ ﻗﻬﻮﺍ ﻳﺎﺍﺍ ….. ﻋﺮﻭﺳﻪ
ﻣﻼﻙ : ﻧﻀﺖ ﻟﻠﻜﻮﺟﻴﻨﻪ ﻧﺒﺒﺒﺒﺒﻜﻲ ﻣﺴﺘﺤﻴﻞ ﻣﻬﻨﺪ ﻳﻜﻤﻞ ﺣﻮﺷﻪ ﻓﻲ ﺷﻬﺮ ﻣﻦ ﻭﻳﻦ ﺑﻴﺠﻴﺐ ﻓﻠﻮﺱ ﻳﺎﺍﺍﺭﺑﻲ ﺑﺲ ﺣﻄﻴﺖ ﻗﻬﻮﻩ ﻉ ﺍﻟﻨﺎﺭ ﻭﻟﻘﻴﺖ ﺗﺎﻟﻔﻮﻧﻲ ﻳﺸﺮﻳﻦ
ﻣﻼﻙ : ﺍﻳﻮﺍ
ﻣﻬﻨﺪ : ﻣﺒﺮﻭﻙ ﻫﻠﻴﻨﺎ ﻳﺎ ﻣﻼﻛﻲ ﺍﻧﺘﻲ
ﻣﻼﻙ : ﺍﻣﺎ ﻣﺒﺮﻭﻙ ﻳﺎﻣﻬﻨﺪ ﻛﻴﻒ ﺑﺘﻜﻤﻞ ﺣﻮﺷﻚ ﻓﻲ ﺷﻬﺮ ﻓﻬﻤﻨﻲ ﺗﺮﺍ
ﻣﻬﻨﺪ : ﻳﺎﻋﻨﺠﺪ ﻳﻠﻲ ﻳﺒﻜﻴﻚ ﺗﻲ ﻭﺭﺣﻤﺔ ﺑﻮﻱ ﻧﻜﻤﻠﻪ ﻓﻲ ﻳﻮﻣﻴﻦ ﻣﺶ ﻓﻲ ﺷﻬﺮ ﺗﻲ ﻭﺭﺍﺱ ﻗﻠﻴﺒﻲ ﺍﻟﺸﻬﺮ ﻫﺎﺫﺍ ﺑﻨﻜﻤﻞ ﻓﻴﻪ ﺣﻮﺷﻲ ﻭﺑﻨﺪﻳﺮﻟﻚ ﻋﺮﺱ ﻣﺼﺎﺍﺍﺍﺭﺵ ﺗﻮ ﻧﻮﺭﻱ ﺑﻮﻙ ﻭﺍﻟﻌﻴﻠﻪ ﻛﻠﻬﺎ ﻗﺪﺍﺵ ﻧﺤﺒﻚ
ﻣﻼﻙ :
ﻣﻬﻨﺪ : ﺍﻳﺎﺍﺍﺍﻩ ﺧﻴﺮﻙ ﺗﺒﻜﻲ ﺗﻮﺍ
ﻣﻼﻙ : ﻧﺤﺒﺒﺒﺒﻚ ﻣﻬﻨﺪ ﻧﺤﺒﺒﺒﻚ
ﻣﻬﻨﺪ : ﺗﻲ ﻧﻤﻮﺕ ﻓﻴﻚ ﻳﺎ ﻫﻤﻲ ﺍﻟﻤﻬﻢ ﺑﻮﻙ ﻭﺍﻓﻖ ﺗﻮﺍ ﺍﻓﺮﺣﻲ ﺑﻼ ﻧﻜﺪ ﻭﺍﻓﺘﺤﻲ ﺑﺎﺏ ﺍﻟﺒﻼﻛﻮﻧﻪ ﺍﻟﻴﻮﻡ ﺟﺎﻳﻚ ﻳﺎ ﻣﺮﺗﻲ
ﻣﻼﻙ : ﻣﺴﺤﺖ ﺩﻣﻮﻋﻬﺎ ﻭﺑﺘﺴﻤﺖ …. ﺗﻤﺎﻡ
ﻣﻬﻨﺪ : ﻧﺤﺒﻚ
ﻣﻼﻙ : ﻧﻤﻮﺕ ﻓﻴﻚ
ﺭﻭﺍﻳﺎﺕ ﺑﻨﻮﻭﺗﺔ ﺍﻟﺸﻴﺦ . ﺍﺭﻭﻯ ﺍﻟﻄﺎﻫﺮ ﺍﻟﻤﺴﻼﺗﻲ
ﻧﺰﺍﺭ : ﻳﻠﺒﺲ ﻓﻲ ﺳﻮﺭﻳﺘﻪ … ﺗﻮ ﻧﻀﻤﻠﻚ ﻃﻠﻌﻪ ﺻﺢ
ﻧﻮﺭﺱ : ﻧﺰﺍﺭ ﺑﻨﺼﺎﺭﺣﻚ ﺑﺸﻲ
ﻧﺰﺍﺭ : ﻗﺎﻡ ﺣﺎﺟﺒﻪ ﻭﻭﻗﻒ … ﺷﻨﻮ
ﻧﻮﺭﺱ : ﻧﺎﺿﺖ ﺗﻠﺒﺲ ﻓﻲ ﺣﻮﺍﻳﺠﻬﺎ …. ﺍﻧﺎ ﺣﺎﻣﻞ
ﻧﺰﺍﺭ : ﻣﻦ ﻣﻨﻮ
ﻧﻮﺭﺱ : ﻣﻦ ﻣﻨﻮ ﻳﻌﻨﻲ ﻣﻦ ﺧﻮﻙ ﻃﺒﻌﺎ … ﻣﺶ ﺣﻘﻴﺮﻩ ﻟﺪﺭﺟﺔ ﻧﺤﻤﻞ ﻣﻦ ﻏﻴﺮﻩ
ﻧﺰﺍﺭ : ﻣﺘﺄﻛﺪﻩ ؟
ﻧﻮﺭﺱ : ﺍﻱ ﻋﺮﻓﺖ ﺍﻧﻲ ﺣﺎﻣﻞ ﻣﻦ ﻗﺒﻞ ﻣﺘﻤﺴﻨﻲ
ﻧﺰﺍﺭ : ﻛﻴﻒ ﺑﺘﺠﻴﺒﻲ ﺑﻪ ﻭﺍﻧﺎ ﺑﻄﻠﻌﻴﻨﻲ ﻣﻦ ﺣﻴﺎﺗﻚ؟؟؟؟ﻧﻮﺭﺱ ﻣﺶ ﻗﺎﺩﺭ ﻧﻌﻴﺶ ﺑﻼﻙ ﺍﻧﺎ
ﻧﻮﺭﺱ : ﺿﺤﻜﺖ ﻉ ﺟﻨﺐ ﻭﻗﺮﺑﺖ ﻣﻨﻪ …. ﻛﻠﻬﺎ ﺷﻬﻮﺭ ﻭﻧﺠﻴﺐ ﺍﻟﺒﻴﺒﻲ ﻭﻧﺮﺟﻌﻮ ﻟﺒﻌﺾ ﺍﻧﺎ ﻫﻜﻲ ﺍﻟﻌﻼﻗﻪ ﻋﺎﺟﺒﺘﻨﻲ ﻭﺍﻧﺖ ﻭﺭﺍﺣﺘﻚ
ﻧﺰﺍﺭ : ﻳﻠﻲ ﻋﺎﺟﺒﻨﻲ ﻓﻴﻚ ﺭﺍﺿﻴﻪ ﺑﻴﻠﻲ ﺍﻧﺘﻲ ﻓﻴﻪ
ﻧﻮﺭﺱ : ﻗﺮﺑﺖ ﻉ ﻓﻤﻪ … ﺧﻠﻴﻨﻲ ﻫﺎﺩﻳﻪ ﻭﻛﻴﻮﺕ ﺯﻱ ﺗﻮﺍ ﻭﻣﺪﻳﺮﺵ ﺣﺠﺎﺕ ﻣﻨﺤﺒﻬﺎﺵ ﻻﻧﻲ ﻟﻤﺎ ﻧﺘﻌﺼﺐ ﻧﻘﻠﺐ ﺍﻟﺪﻧﻴﺎ ﺑﻴﻠﻲ ﻓﻴﻬﺎ
ﻧﺰﺍﺭ : ﺑﺎﺳﻬﺎ ﻣﻦ ﻓﻤﻬﺎ ﻭﻃﻠﻊ
ﺧﺪﻳﺠﻪ : ﺍﻟﺤﻤﺪ ﺍﻟﻠﻪ ﺍﻟﺤﻤﺪ ﺍﻟﻠﻪ ﻣﺶ ﻻﻗﻴﺎ ﻭﻳﻦ ﻧﺤﻂ ﻓﺮﺣﺘﻲ ﻭﺍﻟﻠﻪ
ﺳﺎﺭﻩ : ﻓﺮﺣﻴﻨﻲ
ﺧﺪﻳﺠﻪ : ﻧﻮﺭﺱ ﻧﻮﺭﺱ ﺣﺎﻣﻞ ﺗﻮﺍ ﻛﻠﻤﻨﻲ ﻣﺆﻳﺪ
ﺳﺎﺭ : ﺑﺪﺕ ﻋﻼﻣﺎﺕ ﺍﻟﻀﺤﻜﻪ ﺗﺨﺘﻔﻲ ﻣﻦ ﻭﺟﻬﺎ ﻭﺩﻣﻌﺘﻬﺎ ﻧﺰﻟﺖ ﺑﻌﺪﻳﻦ ﺑﺘﺴﻤﺖ …. ﺍﻟﻒ ﻣﺒﺮﻭﻙ ﺭﺑﻲ ﻳﻜﻤﻞ ﻋﻠﻴﻬﺎ
ﺧﺪﻳﺠﻪ : ﻛﻠﻤﻴﻠﻲ ﺧﻮﻙ ﻣﺤﻤﺪ ﻳﺠﻲ ﻳﺮﻓﻌﻨﻲ ﺑﺎﻟﻠﻪ ﻋﻠﻴﻚ
ﺳﺎﺭﻩ : ﺍﻥ ﺷﺎﺀ ﺍﻟﻠﻪ
ﺍﻣﻴﺮﻩ : ﻧﺤﻄﻠﻚ ﻋﺸﻲ ﺣﺒﻴﺒﻲ؟
ﻧﺰﺍﺭ : ﻣﻌﻨﺪﻳﺶ ﻧﻴﻪ
ﺍﻣﻴﺮﻩ : ﻗﻌﻤﺰﺕ ﺟﻨﺒﻪ … ﻧﺰﺍﺭ ﺧﻴﺮﻙ ﻓﻲ ﺷﻲ ﻣﻀﺎﻳﻘﻚ؟
ﻧﺰﺍﺭ : ﻣﺨﻴﺮﻧﻲ ﺷﻲ ﺑﺎﻟﻠﻪ ﻧﻮﺿﻲ ﺍﻟﺒﺴﻲ ﺣﺎﺟﻪ ﺯﻱ ﻧﺎﺱ ﻭﺳﺎﻭﻳﻠﻲ ﺷﻌﺮﻙ ﻫﺎﺩﺍ ﺗﻘﻮﻭﻭﻝ ﻣﺶ ﻋﺎﻳﺶ ﻣﻊ ﻣﺮﺍ …. ﻭﻧﺎﺽ
ﺍﻣﻴﺮﻩ : ﺧﻄﺖ ﻳﺪﻫﺎ ﻉ ﺭﺍﺳﻬﺎ ﻭﻗﻌﺪﺕ ﺗﺒﻜﻲ
ﺛﺎﻧﻲ ﻳﻮﻡ
ﺍﺑﺘﻬﺎﻝ : ﺗﺘﻤﺸﻰ ﻓﻲ ﺍﻟﺤﺪﻳﻘﻪ ﻣﺘﻊ ﺍﻟﺮﻭﺿﻪ ﻭﺗﺴﺘﻨﺎ ﻓﻲ ﺑﻮﻫﺎ
ﺗﺮﻥ ﺗﺮﻥ ﺗﺮﻥ
ﺍﺑﺘﻬﺎﻝ : ﺍﻟﻮﻭ
ﻣﻼﻙ : ﻫﻼ ﺑﺘﻮ ﻛﻴﻒ ﺍﻟﺤﺎﻝ
ﺍﺑﺘﻬﺎﻝ : ﺗﻤﺎﻡ ﻭﻳﻨﻚ ﻣﻐﻄﺴﻪ؟
ﻣﻼﻙ : ﻗﺎﻋﺪﻩ ﻭﻻ ﺯﻡ ﻧﺘﻼﺍﺍﻗﻮ ﻋﻨﺪﻱ ﺍﻟﻒ ﺣﺎﺍﺍﺟﻪ ﺑﻨﻘﻮﻟﻬﻮﻟﻜﻢ ﺍﺳﻤﻌﻲ
ﺍﺑﺘﻬﺎﻝ : ﻫﺎ ﻓﺮﺣﻴﻨﻲ
ﻣﻼﻙ : ﻣﺶ ﺗﻮﺍ ﺍﻟﻤﻬﻢ ﺍﻟﻴﻮﻡ ﺑﺘﻠﻘﻄﻮ ﻋﻤﺎﺗﻲ ﻭﺑﻨﺎﺗﻬﻢ ﻛﻠﻬﻢ ﻓﻲ ﺣﻮﺵ ﺟﺪﻱ ﻭﻧﺒﻲ ﺗﻌﺎﻟﻲ ﺍﻧﺘﻲ ﻭﺍﻳﻨﺎﺱ ﻣﻊ ﺍﻣﻚ
ﺍﺑﺘﻬﺎﻝ : ﺑﻪ ﺗﻤﺎﻡ
ﻣﻼﻙ : ﺟﻴﺒﻴﻠﻲ ﻣﻌﺎﻙ ﺍﻟﺒﻠﻮﺯﻩ ﺍﻟﻮﺭﺩﻳﻪ ﻣﺘﻌﻚ
ﺍﺑﺘﻬﺎﻝ : ﺍﻩ ﺍﺍﺍﺀﺀﺀﺀ ﺗﺖ ﺗﻤﺎﻡ ﻣﻼﻙ ﻧﺤﻜﻮ ﺑﻌﺪﻳﻦ
ﻣﻼﻙ : ﺍﻭﻛﻲ
ﺍﺑﺘﻬﺎﻝ : ﺳﻜﺮﺕ ﺍﻟﺘﺎﻟﻔﻮﻥ
ﻋﺼﺎﻡ : ﺍﺧﻴﺮﺍ ﻟﻘﻴﺘﻚ
ﺍﺑﺘﻬﺎﻝ : ﻫﻼ
ﻋﺼﺎﻡ : ﻛﻴﻒ ﺣﺎﻟﻚ
ﺍﺑﺘﻬﺎﻝ : ﺗﻤﺎﻡ ﺍﻟﺤﻤﺪ ﺍﻟﻠﻪ ﻛﻴﻒ ﺣﺎﻝ ﺷﻬﻮﺩﻩ
ﻋﺼﺎﻡ : ﺑﺨﻴﺮ ﺗﺴﻠﻢ ﻋﻠﻴﻚ
ﻋﺼﺎﻡ : ﻋﻨﺪﻙ ﻋﻠﻢ ﻟﻴﺎ ﺍﺳﺒﻮﻉ ﻧﺠﻲ ﻉ ﻧﻔﺲ ﺍﻟﻮﻗﺖ ﻳﻠﻲ ﺗﻼﻗﻴﻨﺎ ﻓﻴﻪ ﺍﻟﻤﺮﻩ ﻳﻠﻲ ﻓﺎﺗﺖ ﻭﻣﻨﻠﻘﺎﺵ ﻓﻴﻚ
ﻉ
ﺍﺑﺘﻬﺎﻝ : ﺍﻩ ﺍﻱ ﺍﻟﻤﺮﻩ ﻳﻠﻲ ﻓﺎﺗﺖ ﻃﻠﻌﺖ ﺑﻜﺮﻱ ﻫﺎﺫﺍ ﺑﺎﺵ
ﻋﺼﺎﻡ : ﺭﻗﻤﻲ ﻗﺎﻋﺪ ﻋﻨﺪﻙ؟
ﺍﺑﺘﻬﺎﻝ : ﻳﻤﻜﻦ ﻟﻴﺶ؟
ﻋﺼﺎﻡ : ﺗﺄﻛﺪﻱ ﻣﻨﻪ ﻟﻮ ﻋﻨﺪﻙ
ﺍﺑﺘﻬﺎﻝ : ﻓﺘﺤﺖ ﺗﺎﻟﻔﻮﻧﻬﺎ ﻫﻴﺎ ﻣﺘﺄﻛﺪﻩ ﺍﻥ ﺍﻟﺮﻗﻢ ﻗﺎﻋﺪ ﺑﺲ ﺍﺩﻳﺮ ﻓﻲ ﺍﻟﺠﻮ …. ﺍﻱ ﻗﺎﻋﺪ
ﻋﺼﺎﻡ : ﺍﺗﺼﻠﻲ ﺑﻴﺎ ﻧﺒﻴﻚ
ﺍﺑﺘﻬﺎﻝ : ﺍﺀﺀ ﺍﻥ ﺷﺎﺀ ﺍﻟﻠﻪ ﺧﻴﺮ؟
ﻋﺼﺎﻡ : ﺧﻴﺮ ﻣﺘﺨﺎﻓﻴﺶ ﺍﻟﻤﻬﻢ ﻧﺴﺘﻨﻰ ﻓﻲ ﻣﻜﺎﻟﻤﺘﻚ
ﺍﺑﺘﻬﺎﻝ : ﺍﻥ ﺷﺎﺀ ﺍﻟﻠﻪ
ﻋﺼﺎﻡ : ﺳﻼﻣﺎﺕ
ﺍﺑﺘﻬﺎﻝ : ﺳﻼﻣﺎﺕ
ﻋﺼﺎﻡ : ﺑﺪﻱ ﻳﺘﺒﺎﻋﺪ
ﺍﺑﺘﻬﺎﻝ : ﺗﻨﻬﺪﺕ ﻭﻗﻠﺒﻬﺎ ﻳﺪﺩﺩﺩﺩﺩﻕ …. ﺍﻩ ﺍﺧﻴﺮﺍﺍﺍ
ﺭﻭﺍﻳﺎﺕ ﺑﻨﻮﻭﺗﺔ ﺍﻟﺸﻴﺦ . ﺍﺭﻭﻯ ﺍﻟﻄﺎﻫﺮ ﺍﻟﻤﺴﻼﺗﻲ
ﺣﻤﺪﻳﻪ : ﺭﻭﺭﻭﺭﻭﺭﻭﺭﻭﻱ ﺍﻟﺤﻤﺪ ﺍﻟﻠﻪ ﻛﻨﺘﻲ ﺍﻟﻘﻨﻴﻨﻪ ﺑﺘﺠﻴﺒﻠﻲ ﺣﻔﻴﺪ ﻧﻔﺲ ﺟﻤﺎﻟﻬﺎ ﺍﻟﺤﻤﺪ ﺍﻟﻠﻪ ﻳﺎﺭﺏ
ﻧﻮﺭﺱ : ﺗﺒﺘﺴﻢ ﺣﻠﻮ ﺯﻳﻨﻲ ﻃﺒﻌﺎ
ﻣﺆﻳﺪ : ﺑﺎﺳﻠﻬﺎ ﻳﺪﻫﺎ
ﺩﻋﺎﺀ : ﺍﻟﻒ ﻣﺒﺮﻭﻙ
ﻧﻮﺭﺱ : ﻳﺒﺎﺭﻙ ﻓﻴﻚ
ﺍﻣﻴﺮﻩ : ﺧﺎﻃﺮﻫﺎ ﻣﻜﺴﻮﺭ … ﺍﻟﻒ ﻣﺒﺮﻭﻙ ﻧﻮﺭﺱ
ﻧﻮﺭﺱ : ﻳﺒﺎﺭﻙ ﻓﻴﻚ ﺍﻟﻔﺎﻝ ﻟﻴﻚ
ﺍﻣﻴﺮﻩ : ﻳﺎﺭﺏ
ﺣﻤﺪﻳﻪ : ﻗﻌﻤﺰﻱ ﻗﻌﻤﺰﻱ ﺧﻴﺮﻙ ﻭﺍﻗﻔﻪ ﺭﺩﻱ ﺑﺎﻟﻚ ﺍﺗﻌﺒﻲ ﺭﻭﺣﻚ
ﻧﻮﺭﺱ : ﺧﺎﻃﺮﻱ ﻓﻲ ﻗﻬﻮﺍ ﻣﻦ ﺗﺤﺖ ﻳﺪﻳﻦ ﺩﻋﺎﺀ
ﺣﻤﺪﻳﻪ : ﻧﻮﺿﻲ ﺩﻳﺮﻱ ﻗﻬﻮﺍ ﻟﻲ ﻣﺮﺕ ﺧﻮﻙ
ﺩﻋﺎﺀ : ﺍﻫﻮ ﺍﻣﻴﺮﻩ ﻃﻴﺒﺖ ﻗﻬﻮﺍ ﺗﺸﺮﺏ
ﻧﻮﺭﺱ : ﺧﺎﻃﺮﻱ ﻓﻴﻬﺎ ﻣﻨﻚ ﻭﺍﻟﻠﻪ
ﻣﺆﻳﺪ : ﺗﻲ ﻧﻮﺿﻲ ﻳﺎﺑﻨﺖ
ﺩﻋﺎﺀ : ﻧﺎﻳﻀﻪ
ﻧﺰﺍﺭ : ﺍﻟﺴﻼﻡ ﻋﻠﻴﻜﻢ
ﻛﻠﻬﻢ : ﻭﻋﻠﻴﻜﻢ ﺍﻟﺴﻼﻡ
ﻧﺰﺍﺭ : ﺍﻣﻲ ﺍﻧﺎ ﻃﺎﻟﻊ ﻣﺘﺒﻲ ﺷﻲ؟
ﺣﻤﺪﻳﻪ : ﺳﻼﻣﺘﻚ ﻳﺎﻏﺎﻟﻲ
ﺍﻣﻴﺮﻩ : ﻧﺰﺍﺭ ﺗﺤﻄﻨﻲ ﻓﻲ ﺣﻮﺵ ﺟﺪﻱ ﻋﻠﻲ ﻃﺮﻳﻘﻚ؟
ﻧﺰﺍﺭ : ﻣﻌﻨﺪﻳﺶ ﺑﻨﺰﻳﻨﻪ ﻳﺎﻟﻠﻪ ﺗﻮﺻﻠﻨﻲ
ﻧﻮﺭﺱ : ﺍﺻﻼ ﺍﻧﺎ ﻣﺎﺷﻴﻪ ﻏﺎﺩﻱ ﺑﺮﻱ ﻣﻌﺎﻧﺎ ﻳﺮﻓﻌﻨﺎ ﻣﺆﻳﺪ
ﺍﻣﻴﺮﻩ : ﺗﻤﺎﻡ
ﻓﻲ ﺣﻮﺵ ﺍﻟﺠﺪ
ﻛﺎﻧﺖ ﺍﻟﺪﻧﻴﺎ ﺯﺣﻤﻤﻤﻪ ﻭﻛﻠﻬﻢ ﺳﻤﻌﻮ ﺑﻴﻠﻲ ﺩﺍﺭﻩ ﻣﻬﻨﺪ ﻭﻳﺒﺎﺭﻛﻮ ﻭﻓﻲ ﻣﻨﻬﻢ ﻣﺼﺪﻭﻣﻴﻦ ﻭﻓﻲ ﻣﻨﻬﻢ ﻣﺶ ﻣﺼﺪﻗﻴﻦ ﻭﻣﺨﻠﻂ
ﻃﻮﻭﻭﻭﻝ ﺍﻟﻄﺮﻳﻖ ﻭﻧﻮﺭﺱ ﺗﺘﺸﻘﻠﻊ ﻋﻠﻲ ﻣﺆﻳﺪ ﻻﻥ ﺍﻣﻴﺮﻩ ﺭﺍﻛﺒﻪ ﻣﻌﺎﻫﻢ ﺍﻣﻴﺮﻩ ﻛﺎﻥ ﻋﻨﺪﻫﺎ ﻫﻢ ﺍﻛﺒﺮ ﻭﻃﻮﻭﻭﻝ ﺍﻟﻮﻗﺖ ﺳﺎﺭﺣﻪ ﻓﻲ ﺍﻟﺮﻭﺷﻦ ﻭﺑﺲ ﺗﻔﻜﺮ ﻓﻲ ﻳﻠﻲ ﺗﺤﺲ ﺑﻴﻪ ﻭﺍﻟﻜﻮﺍﺑﻴﺶ ﻳﻠﻲ ﺗﺠﻴﻬﺎ ﻭﻣﺨﻠﻄﻪ ﻋﻠﻴﻬﺎ ﻣﺴﻜﻴﻨﻪ
ﺧﺸﻮ ﺍﻣﻴﺮﻩ ﻭﻧﻮﺭﺱ ﻣﻊ ﺑﻌﺾ ﻭﺍﻟﻜﻞ ﻳﺴﻠﻢ ﻭﻳﺒﺎﺭﻛﻮ ﻟﻲ ﻧﻮﺭﺱ ﻭﻧﻮﺭﺱ ﻳﺎ ﺍﺭﺽ ﺗﻬﺪﻱ ﻣﺎ ﺣﺪﺍ ﺍﺩﻱ ﻭﺧﺸﻤﻬﺎ ﻓﻲ ﺍﻟﺴﻤﺎﺀ ﻭﻣﺶ ﻣﻌﺒﺮﻩ ﺣﺪ
ﺧﺸﻮ ﻫﺪﻳﻞ ﻭﻫﺒﻪ ﻋﺮﺍﻳﺲ ﺍﻟﺰﻭﺯ ﺍﻟﻠﻪ ﻳﺒﺎﺭﻙ ﻳﺠﻨﻨﻮ ﺳﻠﻤﻮ ﻉ ﺍﻟﻌﻴﻠﻪ ﻭﻗﻌﻤﺰﻭ ﻣﻊ ﺑﻌﺾ
ﻣﻼﻙ : ﺑﻪ ﺗﻮﺍ ﺷﻨﻮ ﺧﺎﻳﻔﻪ ﺍﻧﺎ
ﺳﺎﺭﻩ : ﺍﻱ ﺧﻮﻭﻭﻑ ﻳﺎﻫﻤﻲ ﺍﻧﺘﻲ ﺗﻮﻛﻠﻲ ﻉ ﺍﻟﻠﻪ ﻣﺪﺍﻡ ﻣﻬﻨﺪ ﻣﻨﻀﻢ ﺍﻣﻮﺭﻩ
ﺍﺑﺘﻬﺎﻝ : ﺍﻱ ﻳﺎﺣﻠﻴﻠﻲ ﻣﻬﻨﺪ ﻭﺍﻗﻒ ﻣﻌﺎﻙ ﻣﻔﺮﻭﺽ ﻓﺮﺣﺎﻧﻪ
ﻫﺒﻪ : ﺧﻮﻱ ﻭﻧﻌﺮﻓﻪ ﺗﻮ ﺗﺸﻮﻓﻲ ﻟﻮ ﻣﺨﺬﺍﻛﺶ
ﻣﻼﻙ : ﺣﻠﻴﻠﻲ ﻣﻦ ﺣﻤﺎﺗﻲ ﺍﻟﺤﻠﻮﻩ
ﻫﺪﻳﻞ : ﻭﺍﻧﺎ
ﻣﻼﻙ : ﻫﻬﻬﻬﻬﻪ ﺣﺘﺎ ﺍﻧﺘﻲ ﻣﺘﺰﻋﻠﻴﺶ
ﺍﺑﺘﻬﺎﻝ : ﺍﻣﻴﺮﻩ ﺧﻴﺮﻙ ﻣﺶ ﻣﻌﺎﻧﺎ ؟
ﺍﻣﻴﺮﻩ : ﺍﻩ ﻻ ﺷﻲ ﻣﺶ ﺭﺍﻗﺪﻩ ﺍﻣﺲ
ﻧﻮﺭﺱ : ﻋﻼﺵ ﺻﺎﻫﺮﻩ ﻣﻊ ﺍﻟﺤﺐ ﺍﻣﺎﻻ؟
ﺍﻣﻴﺮﻩ : ﺿﺤﻜﺖ ﺑﻬﺰﻭﻩ
ﺧﺪﻳﺠﻪ : ﻫﺎﻛﻢ ﻳﺎ ﺑﻨﺎﺕ ﺍﺷﺮﺑﻮ ﺍﻣﻴﺔ ﻗﺮﺁﻥ ﺍﻟﻠﻪ ﻭﺣﺪ ﻋﻠﻴﻜﻢ ﻋﺮﻭﺳﻪ ﻓﻲ ﺟﺮ ﺍﻟﺘﺎﻧﻴﻪ
ﺧﺬﻭ ﺍﻟﻤﻴﻪ ﻭﻗﻌﺪﻭ ﺑﻠﻮﺣﺪﻩ ﺗﺸﺮﺏ ﻟﻲ ﻭﺻﻞ ﺍﻟﺪﻭﺭ ﻓﻲ ﺍﻣﻴﺮﻩ ﺷﺮﺑﺖ ﺷﻮﻳﻪ ﻭﺑﺪﺕ ﺣﺸﺎﻛﻢ ﺗﺮﺟﻊ ﻓﻲ ﺷﻌﺮ ﻭﺣﺠﺎﺕ ﻣﺶ ﻣﻔﻬﻮﻣﻪ ﻭﻧﻘﻠﺐ ﺍﻟﺤﻮﺵ ﻋﺰﺍﺀ ﻭﺧﺸﻮ ﻋﻤﺎﻣﻬﺎ ﻭﺑﻮﻫﺎ ﻭﺟﺎﺑﻮ ﺍﻟﺸﻴﺦ ﻗﻠﻬﻢ ﻋﻨﺪﻫﺎ ﺳﺤﺮ ﻭﻳﻠﻲ ﺩﺭﺍﺗﻪ ﻗﺮﻳﺒﻪ ﺑﺲ ﻣﺒﺎﺵ ﻳﻘﻮﻝ ﺍﻻﺳﻢ
ﺍﺳﻤﺎﺀ : ﻳﺎ ﺑﻨﺘﻲ ﻣﺘﻬﻨﻴﺘﻴﺶ ﻣﻦ ﻳﻮﻣﻚ ﺣﻀﻚ ﻗﻠﻴﻞ
ﺣﻨﺎﻥ : ﻭﺣﺪﻱ ﺍﻟﻠﻪ ﻳﺎ ﺍﺳﻤﺎﺀ ﺍﻟﺸﻴﺦ ﻗﺎﻝ ﻛﻠﻬﺎ ﺟﻠﺴﺘﻴﻦ ﻭﻳﻨﻔﻚ ﻣﺶ ﻗﻮﻱ ﺍﻟﺴﺤﺮ ﻫﺎﺫﺍ
ﺧﺪﻳﺠﻪ : ﻧﻮﺿﻲ ﺍﻣﻴﺮﻩ ﺑﻨﻴﺘﻲ ﺍﻏﺴﻠﻲ ﻭﺟﻴﻬﻢ ﻭﺻﻠﻲ ﺭﻛﻌﺘﻴﻦ ﻧﻮﺿﻲ
ﺳﺎﻟﻤﻪ : ﻳﺎﺭﺏ ﺍﺣﻔﺾ ﺑﻨﻴﺎﺗﻨﺎ ﻣﻦ ﻛﻞ ﺷﺮ
ﺣﻨﺎﻥ : ﺍﻣﻴﻦ
ﺭﻭﺍﻳﺎﺕ ﺑﻨﻮﻭﺗﺔ ﺍﻟﺸﻴﺦ . ﺍﺭﻭﻯ ﺍﻟﻄﺎﻫﺮ ﺍﻟﻤﺴﻼﺗﻲ
ﺗﻤﺖ ﺍﻟﺴﻬﺮﻩ ﻭﺭﻭﺣﻮ ﺍﻟﺒﻨﺎﺕ ﻣﺼﺪﻭﻭﻭﻣﻴﻦ ﻭﻛﻞ ﺷﻮﻳﻪ ﻳﺘﺼﻠﻮ ﺑﻲ ﺍﻣﻴﺮﻩ ﻳﻄﻤﻨﻮ ﻋﻠﻴﻬﺎ ﻃﺒﻌﺎ ﺍﻻ ﻧﻮﺭﺱ
ﻧﻮﺭﺱ : ﺍﻧﺎ ﻣﻌﺶ ﻳﻬﻤﻨﻲ ﻟﻮ ﻋﺎﻟﺠﻮﻫﺎ ﻋﺎﺩﻱ ﺍﻟﻤﻬﻢ ﻳﻠﻲ ﻧﺒﻴﻪ ﺧﺬﻳﺘﻪ ﻭﺍﺻﻼ ﺍﺗﺼﻠﺖ ﺑﻲ ﺍﻟﺴﺤﺎﺭﻩ ﻗﺘﻠﻬﺎ ﺍﺑﻄﻠﻲ ﺍﻟﻌﻤﻞ ﻻﻧﻲ ﻣﻦ ﺍﻟﺒﺪﺍﻳﻪ ﻣﻜﻨﺘﺶ ﻧﺎﻭﻳﻪ ﻧﻀﺮ ﺍﻣﻴﺮﻩ ﻛﻨﺖ ﻧﺒﻲ ﻧﺰﺍﺭ ﻭﺑﺲ
ﺍﺑﺘﻬﺎﻝ : ﺭﻭﺣﺖ ﺑﺪﻟﺖ ﺣﻮﺍﻳﺠﻲ ﻭﺍﻧﺎ ﻣﺘﺮﺩﺩﻩ ﻧﺘﺼﻞ ﺍﻭﻻ ﻧﺘﺼﻞ ﺍﻭﻻ ﻟﻴﻦ ﺩﺭﺕ ﺗﺸﺮﻳﻨﻪ ﻭﺳﻜﺮﺕ ﻋﺎﻭﺩﻟﻲ ﺑﻌﺪﻫﺎ ﻭﺑﺪﻳﻨﺎ ﻧﻬﺪﺭﺯﻭ
ﻋﺼﺎﻡ : ﻻ ﻭﺍﻟﻠﻪ ﻣﺮﺟﻌﺘﺶ ﻟﻲ ﻃﻠﻴﻘﺘﻲ ﺳﻤﺎﻫﺮ
ﺍﺑﺘﻬﺎﻝ : ﻟﻴﺶ
ﻋﺼﺎﻡ : ﺍﺧﺘﻠﻔﺖ ﻣﻊ ﺑﻮﻫﺎ ﻓﻲ ﻫﻠﺒﺎ ﺣﺠﺎﺕ ﻭﻫﻴﺎ ﻭﻗﻔﺖ ﻣﻊ ﺑﻮﻫﺎ ﻭﻓﺎﺗﺘﻨﻲ ﺍﻧﺎ
ﺍﺑﺘﻬﺎﻝ : ﺍﻩ ﺧﺴﺎﺭﻩ ﺿﻴﻌﺖ ﺍﻟﻔﺮﺻﻪ ﺍﻧﻬﺎ ﺗﻜﻮﻥ ﻣﻊ ﺑﻨﺘﻬﺎ ﻭﺭﺍﺟﻠﻬﺎ
ﻋﺼﺎﻡ : ﺍﺻﻼ ﺑﻌﺪ ﺍﻟﻤﺪﻩ ﻫﺎﺩﻱ ﻛﻠﻬﺎ ﻗﻠﺒﻲ ﺑﺮﺩ ﻣﻦ ﺟﻴﻬﺘﻬﺎ ﻭﻣﻌﺶ ﻋﻨﺪﻱ ﺍﻱ ﺩﺍﻓﻊ ﻧﺮﺩﻫﺎ
ﺍﺑﺘﻬﺎﻝ : ﺍﻫﺎﺍﺍ
ﻋﺼﺎﻡ : ﺍﻛﻴﺪ ﺍﻧﺘﻲ ﺗﺴﺄﻟﻲ ﻓﻲ ﺭﻭﺣﻚ ﻟﻴﺶ ﻛﻠﻤﺘﻚ ﺷﻮﻓﻲ ﺍﺑﺘﻬﺎﻝ ﺍﻧﺎ ﻣﺴﺘﺤﻴﻞ ﻧﻠﻘﻰ ﻭﺣﺪﻩ ﺯﻳﻚ ﺗﺘﺤﻤﻠﻲ ﻭﺗﺤﺐ ﺑﻨﺘﻲ ﺍﺻﻼ ﺣﺘﺎ ﺷﻬﺪ ﻣﻦ ﻳﻮﻡ ﻣﺸﻴﺘﻲ ﺗﺒﻜﻲ ﻭﺗﺒﻴﻚ
ﺍﺑﺘﻬﺎﻝ : ﺣﺴﺖ ﻗﻠﺒﻬﺎ ﻳﺮﻋﺶ ﻣﻦ ﺩﺍﺧﻞ … ﻋﺼﺎﻡ ﻣﻨﺒﻴﺶ ﻧﺴﺘﻌﺠﻞ ﻭﻧﺮﺩﻟﻚ ﺍﻧﺎ ﺧﻠﻴﻬﺎ ﻣﻊ ﺍﻻﻳﺎﻡ
ﻋﺼﺎﻡ : ﻋﻨﺪﻙ ﺣﻖ ﻭﺍﻧﺎ ﺟﺎﻫﺰ ﻧﺴﺘﻨﺎﻙ
ﺑﻌﺪ ﻣﺮﻭﺭ ﺷﻬﺮ -:
ﺍﻣﻴﺮﻩ : ﺍﻟﺤﻤﺪ ﺍﻟﻠﻪ ﺗﻌﺎﻓﺖ ﻣﻦ ﺍﻟﺴﺤﺮ ﻭﺭﺟﻌﺖ ﺧﻴﺮ ﻣﻦ ﺍﻻﻭﻝ ﺑﺲ ﻣﻌﺎﻣﻠﺔ ﻧﺰﺍﺭ ﺍﻳﻬﺎ ﻣﺘﻐﻴﺮﺗﺶ ﻗﺎﻋﺪﻩ ﺯﻓﺘﻪ ﻭﺗﺘﻌﺬﺏ ﻣﺴﻜﻴﻨﻪ
ﺳﺎﺭﻩ : ﺣﺎﻭﻟﺖ ﺗﺘﻌﺮﻑ ﻭﺗﺤﺐ ﻭﻣﻔﻴﺶ ﻓﺎﻳﺪﻩ ﻗﺎﺑﻬﺎ ﻣﺘﻌﻠﻖ ﺑﻲ ﻣﺆﻳﺪ ﻭﻛﻞ ﻳﻮﻡ ﺗﺼﻠﻲ ﻭﺗﺪﻋﻲ ﺭﺑﻲ ﻳﻨﺴﻴﻬﺎ ﻓﻴﻪ ﻭﺩﻣﻮﻋﻬﺎ ﻣﺠﻔﻮﺵ ﻋﻠﻴﻪ
ﺍﺑﺘﻬﺎﻝ : ﻗﻌﺪﺕ ﺗﺤﻜﻲ ﻣﻊ ﻋﺼﺎﻡ ﻭﻛﺎﻧﺖ ﻣﺘﻔﺎﺍﺍﺍﺟﺄﻩ ﻟﻤﺎ ﺗﺤﻜﻲ ﻣﻌﺎﻩ ﻛﺄﻧﻪ ﺷﺨﺺ ﺗﺎﻧﻲ ﻣﺶ ﻳﻠﻲ ﺗﺰﻭﺟﺎﺗﻪ ﻭﻫﻮﺍ ﺑﺪﻱ ﻳﺤﺒﻬﺎ ﻟﻤﺎ ﺗﻌﺮﻑ ﻋﻠﻴﻬﺎ ﺍﻛﺘﺮ ﺑﺲ ﻗﺎﻋﺪﻩ ﺍﺑﺘﻬﺎﻝ ﺧﺎﻳﻔﻪ ﻣﻦ ﺍﻧﻬﺎ ﺗﺮﺩﻟﻪ
ﻣﻼﻙ .. ﻳﺎﺣﻠﻴﻠﻲ ﻋﻠﻲ ﻣﻼﻙ ﺑﻨﺨﺘﺼﺮﻟﻜﻢ ﻛﻞ ﺷﻲ ﻓﻲ ﻣﺸﻬﺪ ﺻﻐﻴﺮ ﺗﻌﺎﻟﻮ ﺷﻮﻓﻮ
ﻣﻼﻙ : ﻻﺑﺴﻪ ﻓﻴﻠﻮ ﺍﺑﻴﺾ ﻣﻠﻜﻲ ﻭﺗﺴﺮﻳﺤﻪ ﻭﻛﻴﺎﺝ ﻗﻮﻱ ﺷﻮﻳﻪ ﻃﺎﻟﻌﻪ ﺗﻬﺒﺒﺒﻞ ﻭﺧﺎﺷﻪ ﻟﻠﻘﺎﻋﻪ ﻣﻊ ﺑﻮﻫﺎ ﻭﻣﻬﻨﺪ ﻭﺍﻗﻒ ﺟﻨﺐ ﺍﻟﻜﻮﺷﻪ ﺷﺎﺩ ﺩﻣﻌﺘﻪ ﺑﺲ ﻟﻤﺎ ﺷﺎﻓﻬﺎ ﺑﻲ ﺍﻻﺑﻴﺾ ﻗﺪﺍﻣﻪ ﻣﻘﺪﺭﺵ ﻭﻗﻌﺪ ﻳﺒﻜﻲ ﻗﺪﺍﻡ ﺍﻟﻨﺎﺱ ﻭﺍﻟﻤﻌﺎﺯﻳﻢ ﻛﻠﻬﻤﻤﻤﻢ ﺣﻂ ﻳﺪﻩ ﻋﻠﻲ ﻋﻴﻮﻧﻪ ﻭﻗﻌﺪ ﻳﺒﻜﻲ ﻟﻴﻦ ﻭﺻﻞ ﺧﻴﺮﻱ ﻭﻣﻼﻙ ﻟﻌﻨﺪﻩ ﻭﺣﻀﻨﻪ ﺧﻴﺮﻱ
ﺧﻴﺮﻱ : ﺍﻟﻒ ﻣﺒﺮﻭﻙ ﻳﺎ ﺑﻄﻞ ﻣﺘﺤﺸﻤﻨﺎﺵ ﻋﺎﺩ ﻭﺗﺒﻜﻲ ﻗﺪﺍﻡ ﺍﻟﻨﺴﺎﻭﻳﻦ
ﻣﻬﻨﺪ؛ﻣﺴﺢ ﺩﻣﻮﻋﻪ ﻭﺑﺘﺴﻢ …. ﺍﻟﻠﻪ ﻳﺒﺎﺭﻙ ﻓﻴﻚ
ﻗﻌﺪﻭ ﻳﺎﺧﺬﻭ ﻓﻲ ﻛﻢ ﺻﻮﺭﻩ ﻣﻊ ﺑﻌﺾ ﻭﻃﻠﻊ ﺧﻴﺮﻱ ﻭﻗﻌﺪ ﻣﻬﻨﺪ ﻭﻣﻼﻙ ﻓﻲ ﺍﻟﻜﻮﺷﻪ
ﻣﻬﻨﺪ : ﺷﺎﻑ ﻟﻲ ﻣﻼﻙ ﺑﺎﺳﻬﺎ ﻉ ﺭﺍﺳﻬﺎ ﻭﻗﻌﺪ ﻳﻌﻴﻂ ﻉ ﻃﻮﻭﻭﻝ ﺻﻮﺗﻪ …. ﺧﺬﺫﺫﺫﻳﺖﻫﺎﺍﺍﺍﺍ ﺧﺪﻳﺘﻬﺎﺍﺍﺍ ﻳﺎﻧﺎﺱ ﺧﺪﺩﺩﺩﺩﻳﺘﻬﺎ
ﻣﻼﻙ : ﻣﺼﺪﻭﻣﻪ ﺗﺒﻜﻲ ﻭﺗﻀﺤﻚ ﻓﻲ ﻧﻔﺲ ﺍﻟﻮﻗﺖ ﻭﺍﻟﻨﺎﺱ ﻛﻠﻬﻢ ﻳﺼﻮﺭﻭ …. ﻳﺘﺒﻊ