• اولا روايه زواج لمصلحه العائله فكرته كانت عن التار زى معظم الروايات كانت اول روايه ليا طبيعى كان فيها اخطاء كتير ناس طلبت منى اعدلها وانا رفضت سايباها علشان اشوف كنت ايه وبقيت ايه
• اما الروايه التانيه لست احدى ممتلكاتك عشت معاها جدا واتكلمت فيها عن الطمع والظلم وجشع الناس وكمان عن الامهات اللى بتهمل اولادها
• اما عشق ووجع اتكلمت فيها عن الخيانه من اقرب الناس لينا وصله الرحم والعلاقه المترابطه بين العائلات
• اما الصياد كانت عن طمع الرجل فى بنت اخوه وعن النفوس الحاقده على غيرها

• اما القصص القصيره بقى تربيه يدى كانت بهدف اننا منصدقش اى حاجه نسمعها ونحكم على الناس ظلم جورى كانت عن تضحيه الاصحاب لم اكن قبيحه يوما كانت ان الجمال جمال الروح والاخلاق مش الشكل

• اما الملكه الشقيه اننا نعرف الناس الاول مش نحكم عليهم من ملابسهم وحالتهم الاجتماعيه

• واحلام ورديه كانت عن البنات اللى بتقرا الروايات وتعيش معاها ومتخيله انها هتلاقى البطل بتاعها

• نوفيلا زوجه بالايجار كانت بهدف التضحيه والحب بين الاخوات والعلاقه الحلوة بين الصحاب وان مرات الاب عمرها مهتكون فى يوم زى الام

طيب اي اكتر عمل فيهم حسيتي بعد ما خلص انه كان ممكن الاحداث تكون افضل من كده؟

روايه عشق ووجع حسيت انى عايزة اكملها وفكرت انى اعمل نوفيلا تكميليه للاحداث

ايه اكتر عمل فيهم قريب الي قلب شيمو؟

روايه الصياد بحبها جدا وكنت بتاثر بكل مشهد لو فى مشهد كوميدى كنت بضحك وانا بكتبه

طيب في مرة بكيتي من الاحداث وايه هو اسم العمل؟

عشق ووجع مبكيتش بس اتاثرت بمشهد موت خالد فى الروايه جدا وحسيت بشعور الناس اللى هتقرا المشهد

لو رجع بيكي الزمن هتكتبي نفس الروايات والقصص دي ولا هتستبعدي حاجة فيهم؟

لا مش هستبعد حاجه كل عمل فيهم كان حاله خاصه بالنسبه ليا حتى اول عمل مع انه فى خطا الا انه اول مشوارى فى الكتابه

حلو جدا طيب فكرتي تكتبي قصه حياتك؟
بصراحه فكرت بس قلت لا حياتى خاصه بيا مش لازم كل الناس تعرفها
طيب فكرتي مرة تشاركي عمل مع كاتبة اخرى؟
بصراحه اتعرض عليا وكنت موافقه بس حصل ظروف للكاتبه الاخرى ومفتحناش الموضوع مرة تانيه

طيب ايه احدث اعمالك اللي لسه مطلعتش للنور؟

روايه انتقام مجهولة النسب لسه بكتب فيها وان شاء ابعتها لدار نشر

طيب كلمه توصفي بيها شيمو الانسانه مش الكاتبة؟

شيماء رضوان شخصيه عاديه جدا زى اى بنت حياتى عاديه بروح كليتى بساعد فى شغل البيت عادى وقت الاجازة بشيل شغل البيت كله عادى وبقرا روايات حياتى عاديه جدا