• نصيحتي للبنات، اعرفوا إنكم جواهر غالية جدا، وقدروا قيمة نفسكم واحفظوها وحصنوها بالطاعات واتمسكوا بالأخلاق الحسنة، لأنكم القدوة لولادكم فيما بعد وهيكون على عاتقكم مسؤلية إنشاء جيل من البنات والشباب الواعي الصالح لمجتمعه، وأنتي أساس كل ده!
• ونصيحة للشباب، حافظ على صلاتك وطاعاتك أولًا، وكن بار بوالديك لأنه من اهم أسباب التوفيق.. ووجه طاقتك للمكان الصح وكون منتج في مجتمعك واعرف قيمة الوقت واستغل كل مقوماتك ومواهبك إنك تتميز في أي مجال تحبه، واختار القدوة اللي تعينك على رسم طريق ناجح لحياتك!

لو حابة توجهي كلمه للقراء اللي بيتابعوكي هتقوليلهم ايه؟

أحب اقولهم شكرا من قلبي على متابعتكم ودعمكم وثقتكم بقلمي المتواضع جدا..

وبجد أنتوا رزق ليا من ربنا، وبقيتوا سبب في سعادتي..

ويارب أكون سبب في رسم ضحكة على شفايفكم، أو إنكم تقضوا وقت ممتع ومفيد مع سطوري، واعرفوا إن متابعتكم وتشجيعكم هي وقودي للأستمرار..!

ماهي طموحاتك في عالم الكتابه ؟

طموحي إني أوصل لعقول كتير واقدر من خلال كتابتي اغرز قيم أتمنى تترسخ أكتر بين البنات والشباب كمان، وإن قصصي تكون مؤثرة بالأيجاب على حياتهم وتمنحهم تفاؤل وأمل وطاقة إيجابية، زي ما بعض القراء وصف رواياتي!